Службата за општи и заеднички работи (СОЗР) веќе легализирала и добила имотни листови за државните вили на Водно (две претседателски и една премиерска), како и за 4 вели во Охрид (претседателска и премиерска, и двете сместени во Свети Стефан), соопшти денеска директорот на Службата за општи и заеднички работи Ивица Томовски коментртирајќи го ревизорскиот извештај за ланската година кој го оцени како делумно точен.

Тој додаде дека е почната легализација и на останатиот имот со кој располага Службата.

– Ќе се формира и работна група која ќе работи на оваа проблематика и се надевам дека за брзо време ќе го решиме и тој проблем. Она што го имаме ќе знаеме дека го имаме, а она што го нема, ќе го нема – вели Томовски.

Тој не коментираше за големите залихи на стоки бидејќи Бирото за јавна безбедност во МВР води постапка за тоа по што заедно ќе излезат со соопштение.

Томовски тврди дека сите бифиња со кои управува Службата поседуваат фискални каси и дневно го регистрираат прометот.

– Затекнавме бифиња без фискални каси и прво што направивме беше да набавиме вакви каси. Сега регистрацијата на прометот е 300% повисока од порано – рече Томовски.

Во однос на забелешката на ревизорите за стариот возен парк и лизингот на возила во Службата, Томоски рече дека Службата располага со 45 нови возила на лизинг и 220 стари возила од кои над 104 веќе се расходувани, но поголем број и од другите се за расходување. Дел од нив се користат за организирање настани.

Томовски смета дека треба да се размисли за набавка на нов блиндиран „мерцедес“ кој ќе ги задоволува критериумите за превоз на високи функционери, бидејќи, како што рече, оној што го поседува Службата е стар иако го користела претходната влада, а дел од функционерите од претходната влада на ВМРО-ДПМНЕ за тоа судски одговарале.

Томовски рече дека овој „мерцедес“ не ги исполнува современите критериуми за безбедност и можеби треба да се набави ново блиндирано возило.

– На пример, при посетата на унгарскиот премиер Виктор Орбан на Охрид тој донесе сопствено блиндирано возило бидејќи ние немаме такво кое ги задоволува безбедносните протоколи – рече Томовски.

Томовски смета дека државата треба да набави и нов авион.

– Имаме премал авион кој често е на поправки. Размислуваме за набавка на поголем авион кој ќе може да се користи и за медицински превоз односно ќе биде со вградена медицинска опрема – рече Томовски.

Томовски тврди и дека сега во Службата има само двајца или тројца вработени преку агенција за привремени вработувања и најави нивно вработување на определно време.

Ревизорите во последниот извештај регистрираа повеќе пропусти во финансиското работење на Службата за општи и заеднички работи за 2024 година.

БИФЕТО ВО ВЛАДАТА НЕРЕДОВНО ИЗДАВАЛО ФИСКАЛНИ СМЕТКИ ВО 2024 ГОДИНА Ревизорите утврдиле дека владината служба била неажурна околу државниот имот

The post ДРЖАВАТА ДОБИ ИМОТНИ ЛИСТОВИ ЗА 7 ВИЛИ ВО СКОПЈЕ И ВО ОХРИД Томовски смета дека е време Владата да купи нов блиндиран „мерцедес“ и нов авион appeared first on plusinfo.mk.

Директорот на владината Служба за општи и заеднички работи, Ивица Томовски, најави дека е во план заедно со Град Скопје да се реализира проект за обновување и за модернизација на жичницата на Водно.

Томовски информираше дека наместо претходно планираната траса од црквата „Свети Јован“ кон Средно Водно, се предлага поврзување од болницата Козле до Средно Водно.

Како што посочи, оваа локација нуди поширок простор каде што може да се обезбеди монтажен паркинг, што би им овозможило на граѓаните безбедно да ги остават своите возила и да продолжат понатаму.

– Доколку сакате да го паркирате возилото и да бидете сигурни дека има паркинг, за разлика од претходната локација, каде реално нема каде да паркирате возило, и треба да одите пеш – вели Томовски во гостување на ТВ Алфа.

Тој најави дека во текот на утрешниот ден треба да се одржи состанок со градоначалникот на Скопје, Орце Ѓорѓиевски, на кој ќе се разговара за двете теми, трасата и начинот на финансирање на проектот.

The post ЌЕ СЕ ДОГРАДУВА ЖИЧНИЦАТА ОД ДЕТСКАТА БОЛНИЦА КОЗЛЕ ДО СРЕДНО ВОДНО Ќе се гради и монтажен паркинг appeared first on plusinfo.mk.

омплексот „Македонско село“ повторно ќе стане центар на културата, автентичната архитектура и македонска традиција и наскоро ќе се врати на туристичката и културната мапа на Македонија, соопшти Службата за општи и заеднички работи (СОЗР).

Директорот на Службата, Ивица Томовски, денеска ја потпишал одлуката за избор на концесионер на комплексот, кој се избрал по пат на електронско јавно наддавање преку системот со кој управува и оперира Министерството за финансии.

Концесионерот има обврска да ги преземе сите потребни активности за оспособување на Комплексот за почеток со работа од 01.06.2025 година.

– Комплексот „Македонско село“ не функционира речиси седум години, откако претходните концесионери се повлекоа поради финансиски загуби, а во меѓувреме, СОЗР редовно ги исплаќаше трошоците за осигурување и обезбедување и практично имаше финансиски загуби од над 300.000 евра. Со изборот на концесионер, правиме сериозен чекор кон враќање во живот на еден уникатен простор кој ќе биде отворен за сите граѓани, туристи и љубители на традицијата – велат од СОЗР.

Комплексот „Македонско село“, кој се наоѓа на падините на Водно, блиску до селото Нерези, се состои од 12 автентични куќи, со простории каде се претставени македонските занаети, делови се користат како хотелски соби, а некои имаат и ресторански дел.

Со реотворањето на комплексот, ќе бидат создадени услови за поттикнување на развојот на туризмот со што ќе се создадат услови и за зајакнување на локалната економија, отворање нови работни места, а ќе биде унапреден и туристичкиот капацитет во Скопје што ќе влијае на зголемен број туристи не само во Скопје, туку воопшто и во земјава, додаваат од СОЗР.

The post „МАКЕДОНСКО СЕЛО“ ЌЕ ЗАЖИВЕЕ ПО 7 ГОДИНИ ЗАПУШТЕНОСТ Досега направило загуба од повеќе од 300.000 евра appeared first on plusinfo.mk.

„Службата за општи и заеднички работи (СОЗР), во изминативе 6 месеци, откако со неа раководи Ивица Томовски, успеа да преземе бројни активности во насока на надминување на затекната состојба од претходното раководство. Уште од првиот ден, Службата се фокусираше на мерки со кои беше неопходно да се надминат многу од затекнатите проблеми и неефикасности, се интензивираше процесот на ревизија и оптимизација, генерално во насока на одговорно, отчетно и транспарентно управување со државните ресурси“.

Ова се наведува во соопштението на СОЗР, во контекст на успесите на службата во изминатите 6 месеци.

„За кусо време, СОЗР стави крај на недомаќинското работење, ги оптимизираше трошоците за набавка на пијалаци и апетисани за потребите на државните органи, ги покачи цените на угостителските услуги во владините објекти, со што минато станаа привилегиите за избраните функционери, а во завршна фаза е и постапката за ставање крај на лошите практики за злоупотреба на службените возила, преку изготвување посебен регистар и унифицирање на службените возила. СОЗР примени механизам за строга контрола на сите службени трошоци, со цел да се намалат непродуктивните патувања, кои биле пракса во минатото, а во насока на одговорно трошење и планирање на јавните средства“, се наведува во соопштението на СОЗР.

– Големо безредие и тотален хаос наследивме со државниот имот, од кој 80% од имотно-правни односи беа нерешени, се додава во соопштението, затекнавме запуштени вили – сопственост на државата, заборавени репрезентативни објекти. По извршена анализа на состојбите, конкретни чекори презедовме и во таа насока – вели Томовски.

„Поради недостатоци во проектот во владината Палата АСНОМ, склучен и наследен од претходната власт, СОЗР направи анекс на проектот за реконструкција која е во тек, а се преземаат и мерки за заживување на комплексот „Македонско село“ кое во изминативе 5 години е затворено и заборавено поради негрижа. Во моментов се врши и реконструкција на Клуб на пратеници, со цел да са вратат функционалноста на објектот и неговиот имиџ“, се додава во соопштението.

СОЗР во моментов врши анализи на условите за изградба на втора фаза од Жичницата, од црквата „Св.Јован“ во Капиштец до Средно Водно, како и за доградба на зградите на Факултетот за физичка култура (ФФК) и Факултетот за информатички технологии (ФИНКИ) во рамките на кампусот на Универзитетот „Свети Кирил и Методиј“ во Скопје, објекти кои 6 години се во фаза на карабина.

„И во наредната година ќе продолжиме со подобрување на системот за управување со цел да овозможиме транспарентност, отчетност и поголема ефикасност во работењето на сите нивоа, со што ќе се подигне нивото на доверба во оваа важна служба и ќе придонесе за понатамошен развој и напредок“, се вели со соопштението на СОЗР.

The post НЕМА ВЕЌЕ ЗЛОУПОТРЕБА НА СЛУЖБЕНИ ВОЗИЛА Ќе се воспостави целосна контрола на патните трошоци appeared first on plusinfo.mk.

Новата власт го затекнала државен имот во многу лоши услови и без имотни листови, рече директорот на Служба за општи и заеднички работи при Влада и член на Централен комитет на ВМРО-ДПМНЕ, Ивица Томовски, во гостување на телевизија Алфа во емисијата „Заспиј ако можеш“.

Тој покажа фотографии на кои се гледа во каква состојба се во вилата Лазарополе и вилата Свети Стефан во Охрид.

– Имаме во сопственост наши објекти, имаме вила во Лазарополе, имаме вили во Охрид кои што се во доста лоша состојба. Ова е сето она што сме го направиле во овој краток период без финансиски импликации брз буџетот, со сопствени средства и без пари. Практично, немало никаков пристап до вилата и ние овозможивме пристап и планираме во текот на 2025-2026 година комплетно целиот државен имот да го ставиме во функција и да нема никаков проблем – рече Томовски.

Тој нагласи дека државните објекти се оставени седум години без да се закова ниту една шајка, а претходната влада не обезбедила ниту имотни листови.

– Не им се работело и не сакале да работат. Она што е уште пофрапантно е тоа што овие вили немаат имотен лист. Со години не потегнале да го средат имотот на државата. Доколку сакате со овие вили да отпочнете некаква реставрација, реновирање и било каков градежен зафат мора да објавите тендер за проектирање со фирма со А лиценца и изведувач со А лиценца, но пред да го почнете тоа мора да имате имотен лист. На овие не им се работело претходно, не почнале никаква постапка – рече Томовски.

The post ДРЖАВНИТЕ ВИЛИ СО ГОДИНИ СЕ ЗАПУШТЕНИ И БЕЗ ИМОТНИ ЛИСТОВИ Без тапија не можат ни да се реновираат appeared first on plusinfo.mk.

ВМРО-ДПМНЕ со манипулации, неосновани конструкции и шпекулации, сака да ја доведе јавноста во заблуда. Неточни се наводите дека набавките се однесуваат само на Владата, истите се однесуваат на сите институции: Собрание, Влада и Претседател, реагира Службата за општи и заеднички работи (СОЗР) откако портпаролот на ВМРО-ДПМНЕ денеска ја обвини дека троши на луксузи во време на криза.

„Што се однесува до самите договори, станува збор за рамковни договори кои се однесуваат на потребите на сите овие институции. Потоа, преку тековните набавки кои се реализираат во рамки на тие рамковни договори се нарачуваат потребните количини. Исто така, треба да се има предвид дека проценетите вредности на рамковните договори се исти со години наназад, иако малопродажните цени се далеку повисоки, што говори за определбата за домаќинско економско работење“, се наведува во одговорот од СОЗР.

Оттаму потсетуваат дека Владата во време на криза им наложила на сите институции да ги рационализираат ресурсите и потребите, и да се придржуваат кон насоката за максимално елиминирање на непродуктивните трошоци.

„Една од основните определби на Владата е за време на тековната криза сите ресори на извршната власт да се сообразат со условите и одговорно, заеднички и солидарно да учествуваат во напорите за надминување на влијанијата на кризата. Имајќи го тоа предвид, напоменуваме дека и Службата за општи и заеднички работи (СОЗР) во своето работење се прилагодува на овие препораки и задолженија за штедење, и тоа се рефлектира во финално потрошените средства за потребите на институциите кои се далеку пониски од предвидените и планирани средства“, се додава во реакцијата на Службата за општи и заеднички работи.

The post КУПУВАМЕ КОЛКУ ШТО ТРЕБА, А ЦЕНИТЕ СЕ ПОКАЧЕНИ Службата за општи работи побара ВМРО-ДПМНЕ да не манипулира со набавките appeared first on plusinfo.mk.

Преполовени средства за изгардба на владини објекти, за спортски сали и училишта, намалени пари за гасификација и за локални патишта, повеќе за рурален развој и за НАТО.

„Порталб“ објавува детали од Развојниот дел на ребаланс на буџетот – кај кои министерства и агенции колку се крати, а кои ќе добијат повеќе со ребалансираната каса.

Кое министерство колку добива или губи …

Преку Служба за општи и заеднички работи на Владата, парите за изградба и реконструкција на објекти на Владата се речиси преполовени, сведени на ниво од само 70. 000 евра а за  изградба и реконструкција на административни згради на државни органи средствата се намалени на 2,8 милиони евра.

Министерството за одбрана не претрпе значајни кратења. Намалување има кај парите за модернизација на МО, но зголемување има кај ставката интеграција во НАТО.

Значајно намалување на средствата за реформи во полицијата има во рамките на Министерството за внатрешни работи – на ниво од скоро 5,3 милиони евра, за реконструкција и опремување на згради се планирани  780. 500 евра а преполовени се и средствата за изградба, реконструкција и опремување на казнено-поправните установи и за реформи на казнено-поправните установи во рамките на Управата за извршување санкции.

Кај Министерството за економија позначајно намалување има на средствата за гасификација, предвидени на ниво од само 163. 000 евра. Намалени се и средствата за поддршка на развојот на мали и средни претпријатија на 334. 000 евра. Со ист буџет како сегашниот ќе раполага Дирекција за технолошки индустриски развојни зони – 6,4 милиони евра.

Министерството за животна средина добива повеќе пари со ребаланс на буџетот – парите за Дојранско езеро се зголемуваат на 1 000 000 евра, повеќе средства ќе има и за колекторски систем Охрид и Струга – 5,6 милиони евра додека за уредување на Порој на речно корито на река Пена – Шипковица не се предвидени средства со ребаланс на Буџетот.

Преку Министерството за транспорт, финансиите за надградба и реконструкција на управна зграда и за изградба на социјални станови остануваат непроменети во однос на сегашниот Буџет, зголемување има кај парите за изградба на водовод и канализација во општините  додека намалување има кај Проектот за олеснување на трговијата и транспортот а  финанасиите за локални патишта се намалуваат  на само 870 000 евра. За мега – проектот гасификација средствата се намалени на ниво од 9,5 милиони евра. Значајно се намалени и парите за инвестиции во железничката инфраструктура на 15,7 милиони евра.

Од позначајните капитални проекти, под “нож“ кај Министерството за земјоделство одат хидросистемот Злетовица со намалени средства на 2,9 милиони евра додека благо зголемување има кај финансиите за хидросистемот Лисиче. Преку Агенција за финансиска поддршка во земјоделството и руралниот развој значајно се зголемуваат парите за финансиска поддршка на рурален развој на 28,1 милион евра.

Кај Министерството за труд и социјална политика, кое располага со еден од најголемите буџети, повеќе пари ќе има за изградба, опремување и одржување на објекти за детска заштита – 1,3 милиони евра додека за изградба, опремување и одржување на објекти за социјална заштита и домови за стари лица средствата се намалуваат на 111. 000 евра. Финансиите за поттикнување на вработувањето остануваат на исто ниво како и сега.

Со ребаланс на Буџетот помалку пари преку Министерството за образование ќе има изградба и реконструкција на основни и средни училишта, па така за изградба и реконструкација на основни улишта парите се намалени на 1,5 милиони евра а за изградба на училишни спортски сали во основни училишта на 5,8 милиони евра. За  изградба и реконструкација на средни училишта средствата се намалени на 102. 000  евра а за изградба на училишни спортски сали во средните  училишта на 1,4 милиони евра. Значајно се намалуваат средстват за изградба на ученички домови и за реконструкација и изградба на студентски домови – на 44. 000 евра.

Кај развојната компонента на Буџетот, преку Министерството за здравство кое е стратешко во сегашата Ковид19 криза, средствата за реконструкција и доградба на објектите на јавните здравствени установи остануваат на исто ниво од 3,1 милион евра, за изградба на амбуланти во рурални места не се планирани воопшто, намалување на 3,9 милиони евра има кај парите за медицинска опрема за потребите на ЈЗУ. Во ребаланс на Буџетот се укинуаат парите за општа болница Кичево а големо намалување има и кај средствата за изградба на нов клинички центар во Скопје и Штип – сведени на само 2,8 милиони евра.

Со Ребаланс на Буџетот се предвидува досега најголемиот буџетски дефици од 921. 000 000 евра. Годинава според владината проекција БПД  ќе биде во минус со 4,4%.

The post АНАЛИЗА: Кои проекти одат под „нож“ со ребаланс на буџетот? appeared first on plusinfo.mk.