Натпреварот во селото Слупчане, општина Липково, заврши со хаос и полициска интервенција. Во неделата околу 18:30 часот, двајца играчи на локалниот клуб „Беса“ – 32-годишниот О.Д. и 18-годишниот Е.А. од Куманово – биле уапсени откако физички нападнале фудбалери од гостинскиот тим „Аеродром“ од Скопје.

Според очевидци, расправијата на теренот брзо се претворила во тепачка, а натпреварот бил прекинат. Полицијата веднаш интервенирала и ги привела осомничените. Од СВР Куманово велат дека се работи на откривање на сите инволвирани во инцидентот, а против насилниците ќе бидат поднесени пријави.

The post ХАОС НА ФУДБАЛСКИ МЕЧ ВО СЛУПЧАНЕ Играчи на Беса ги истепаа фудбалерите на Аеродром appeared first on plusinfo.mk.

Полицијата поднесе кривична пријава против 65-годишниот И.З. од село Слупчане, општина Липково, кој е осомничен дека злоупотребил службена положба и овластување. Според информациите од СВР Куманово, осомничениот во текот на 2023 година незаконски извршил упис на непостоечки брак во книгата за венчани, прикажувајќи дека се венчале лице од Албанија и лице од Унгарија.

Од полициската истрага било утврдено дека во книгата на пописни акти за 2023 година нема заведено никакво барање за издавање на извод од матична книга на венчани за овие лица, што укажува дека уписот бил извршен без законска основа.

„СВР Куманово поднесе кривична пријава против И.З. (65) поради постоење основи на сомнение дека сторил кривично дело ‘злоупотреба на службена положба и овластување’. Случајот е целосно документиран и доставен до надлежното обвинителство за понатамошна постапка“, соопштија од Министерството за внатрешни работи.

Според МВР, ваквите злоупотреби го поткопуваат интегритетот на институциите и можат да се користат за нелегално стекнување на документи и државјанства.

The post УПИШАЛ ЛАЖЕН БРАК МЕЃУ АЛБАНЕЦ И УНГАРКА Матичар во книгата запишал венчавка што никогаш не се случила appeared first on plusinfo.mk.

На територијата на Општина Липково, во селата Липково, Отља, Оризаре и Слупчане во 18.15 часот почна да врне дожд, проследен со ветар и има паднато многу град.

ЦУК известува дека има оштетено земјоделски садници и дека има оштетено автомобили од паднатиот град.

Зголемено е нивото на водостојот на реката во Слупчане и постои ризик за излевање.

The post 📽️ РЕКАТА ВЕЧЕРВА НАДОЈДЕ ВО СЛУПЧАНЕ Жителите стравуваат дека ќе се излее од коритото appeared first on plusinfo.mk.

„Имено, околу 02.20 часот на автопатот „Пријателство“, делница Табановце – Куманово, полициските службеници дале знак за запирање на возилото, но возачот не застанал и продолжил со движење, се исклучил од автопатот на регионалниот пат Куманово – Свети Николе и откако влегол во село Орашец навлегол во нива, по што излегол од возилото и се обидел да побегне. Набргу бил фатен, а во возилото биле пронајдени мигрантите. Лицето било задржано во полициска станица и по целосно документирање на случајот против него ќе биде поднесена соодветна пријава“ – се вели во информацијата од МВР.

The post САКАЛ ДА БЕГА СОСЕ МИГРАНТИТЕ ПРЕКУ НИВИ! Уапсен 19-годишен слупчанец кој во комбе криел 12 Непалци appeared first on plusinfo.mk.

З.И. е приведен во полициска станица и по документирање на случајот ќе биде поднесена кривична пријава до ОЈО Куманово.

По добиена судска наредба од Основен суд Куманово, во акцијата учествувале полициски службеници од Одделот за криминалистичка полиција- Сектор за недозволена трговија со дрога, оружје и опасни материи и СВР Куманово- Одделение за недозволена трговија со дрога и оружје.

The post ПРЕТРЕС ВО СЛУПЧАНЕ, САМО ВО ЕДНА КУЌА ПРОНАЈДЕНИ 6 ПИШТОЛИ! Слупчанецот имал и 2.500 парчиња муниција appeared first on plusinfo.mk.

– Во Арачиново броилата се надвор на улица. Арачиново има загуби од 10 проценти, тоа е на ниво на технички загуби и се едни од најниските на ниво на цела Македонија. Во Слупчане проектот оди глатко и веќе се привршува, така што општина Липково ќе биде првата општина во Македонија целосно покриена со смарт броила и цела општина со загуби под 10 проценти – објасни Салтировски, во одговор на новинарско прашање, при денешната посета на министерот за економија Крешник Бектеши на подружницата на ЕВН Македонија во Бутел, заедно со директорот на Бирото за метрологија, Абдуљ Сељам Селами.

ЕВН во Липково работи на загубите на енергија повеќе од десеттина години, а работи и на многу други места, како што се  Грчец, Батинци, но почнува проекти и во Драчево и во Лисиче.

– Загубите се проблем на ниво скоро на цела територија на Македонија, а за Скопје особено. Скопје е регион со највисок процент на загуба. Тетово има помали загуби од Битола. Така што, тоа не е секогаш поврзано етнички, туку зависи од многу други фактори, дали се политички, економски и други. На пример, Кичево и Струга имаат мали загуби, а 20 проценти се во цело Скопје. И каде и да одите во Скопје, дали сте во Лисиче, дали сте во Драчево, особено во руралниот дел каде што нема колективни згради, секаде има загуби. Тоа е вистината – категоричен е Салтировски.

The post ЛИПКОВО И АРАЧИНОВО ИМААТ ПОМАЛКУ ЗАГУБИ НА СТРУЈА ОД СКОПЈЕ Етничкиот фактор не е пресуден, тврди ЕСМ appeared first on plusinfo.mk.

Со Слупчанци се договориле ЕВН непречено да работи на мрежата, а тие отсега ќе си ја плаќаат потрошената електрична енергија. Како ќе го прават тоа? Али Ахмети би рекол – како и до сега!

Најважно од сѐ е што државата воспостави суверенитет и врз овој дел од својата територија. Дали и трајно, ќе покаже времето. Добро е што симнавме еден голем срам -и за државните институции и за Слупчанци. И што по често медиумски го третираме овој проблем, срамот ќе биде уште поголем.

Прво, владата си дозволи проблемот да го третира како „однос меѓу приватна компанија и граѓаните како потрошувачи”, заборавајќи при тоа дека токму таа е надлежна да обезбеди услови за непречено функционирање на било која компанија на македонскиот пазар. И уште повеќе што станува збор за странска, австриска компанија, а Австрија е важна и влијателна членка на ЕУ. Се надевам,нашата влада не мисли дека проблемите на ЕВН на македонскиот пазар треба да ги решава австриската влада.

Дистанцирањето на нашата влада од проблемот може да значи лоша препорака за потенцијални нови странски инвестиции.

Дополнително, со судни маки се обидуваме да ги почнеме преговорите со ЕУ за полноправно членство, а владата отворено признава дека на еден дел од државната територија не функционира правната држава.

Од друга страна, пак, неказнетото анархично и спротивно на законот, однесување на граѓаните од Слупчане им дава за право и на други населени места да го следат нивниот пример.

И конечно, доколку се точни информациите дека трошоците за раскошното осветлување на грандиозниот споменик на УЧК во истото село никој не ги плаќа, некој ќе треба да сноси одговорност.

(ФБ статус на авторот, насловот и поднасловот се редакциски)

The post ЕВН влезе во Слупчане – а камо одговорност? appeared first on plusinfo.mk.

Во однос на договорот со жителите од Слупчане од ЕВН велат дека законите кои важат за сите корисници ќе продолжат да важат и понатаму.

Претседателот на советот на Општина Липково, Зекрија Шаини, вели дека активностите на терен течат согласно договорот.

– Состојбата беше бурна и луѓето од селото сакаа да знаат што ќе работи ЕВН. Тие се приватна компанија и сакавме да знаеме што конкретно ќе работат како и за сите приватни компании. Половина од селото користат социјална помош и имавме барање долговите да се плаќаат на рати, што важи за сите граѓани во Македонија. ЕВН ќе треба да постави бандери до планот до каде што е селото – изјави Шаини.

Во однос на барањето да се плаќа по 3.000 без разлика на потрошувачката, тој кажа дека во тоа препукување преку медиумите со некои луѓе од ЕВН, дел од барањата на слупчанци биле нелогични.

– Барањето не е логично, ќе се плаќа колку се троши и не сакаме да бидеме црна точка како што нѐ претставуваа. Оние кои се социјални случаи ќе плаќаат на рати. Останатите плаќаат како и сите во државата, ќе користат поволности што важат за сите – вели Шаини, додавајќи дека во Слупчане има над 60 проценти жители кои плаќаат сметки.

Мрежата во Слупчане не е реконструирана повеќе од 20 години од конфликтот во 2001 година.

The post ЕВН ПОЧНА СО РАБОТА ВО СЛУПЧАНЕ Претседателот на Советот на Липково призна дека барањата на слупчанци се нелогични – секој ќе си плати колку што ќе потроши! appeared first on plusinfo.mk.

На терен се две противпожарни возила и седум пожарникари.

И Центарот за управување со кризи (ЦУК) соопшти за пожарот над Слупчане кој избувнал попладнево.

-Пожарот во Липковско е на линија Слупчане – Ваксинце во насока кон Алашевце. Линијата на огнот е подолга од 300 метеи. Во близина има  борова шума. Се прават напори да се спречи ширење во таа насока. Гори трева и грмушки, информкра ЦУК.

The post ПОЖАР КАЈ СЛУПЧАНЕ Линијата на огнот долга над 300 метри appeared first on plusinfo.mk.

– Најверојатно некои опозициски партии кои пренесуваат лажни вести кон граѓаните и кои прават споредби со одредени села и региони во државата, отвараат теми за кои тие треба да дадат одговори, а уште нема одговори од општините раководени од нивни кадри во делот на злоупотреба на Законот за енергетика, изјави Бектеши.

Бектеши додаде дека Владата се залага за тоа да се намалат загубите на електричната енергија и за тоа  обврските да бидат подмирени од страна на сите граѓани за услугите што ги добиваат, но и дека ако треба ќе им излезат во пресрет на жителите на Слупчане и на другите населени места.

– Конкретни информации за тоа што е договорено меѓу жителите на Слупчане и ЕВН, како Министерство немаме. Но, би ги замолил политичките партии и медиумите да не даваме лажни информации дека одредени места крадат или злоупотребуваат електрична енергија, туку да ја нагласaт потребата за намалување на загубите на електрична енергија бидејќи тоа е во интерес на државата – рече Бектеши.

Бектеши застана во одбрана на слупчанци кои, како што вели, се поголеми патриоти од ВМРО-ДПМНЕ. Министерот истакна дека политиките на ВМРО-ДПМНЕ во насока на нетрпливост и нееднаквост не поминуваат и ја „префрли топката“ кај опозициската партија да провери како се плаќа струјата во општините раководени од нивни кадри.

– Намерата за да се оцрнат Слупчанци, преку споделување на лажни вести со цел да се добијат политички поени на национална карта, се демантираат и во минатото и во сегашноста. Секој жител на село Слупчане е повеќекратно поголем патриот од ВМРО-ДПМНЕ, со поголем придонес за еднаквоста и иднината на државата. Пред да ги оцрнат другите нека објаснат пред граѓаните за начинот како плаќат електрична енергија општините и ЈКП раководени од нивните кадри, загуби коишто се многу поголеми од загубите на ниво на државата за електрична енергија – вели министерот за економија.

Вели дека завршило времето кога некој од институција или политичка партија може да интервенира бидејќи, како што посочува, во оваа држава има закони.

– Затоа ние не интервенираме за да се решаваат вакви проблеми. Ние можеме само да придонесеме во решавање на проблемите, а не да интервенираме да се реши проблемот во некоја насока или пак на начин како што бара едната страна. Тоа време заврши. Ние сме да се почитуваат целосно законите во државата, да не справиме поделби и да ја тераме проблематиката во насока на етнички или регионални поделби бидејќи тие жители се чесни домаќини и како секој граѓанин живеат во оваа држава и ги преземаат и обврските и даваат придонес – рече Бектеши.

Претходно, на прес-конференција ВМРО-ДПМНЕ ја повика Владата и министерот за економија да одговорат што е договорено на средбата во Слупчане и дали Владата е гарант за жителите од ова село.

The post БЕКТЕШИ ГИ ПОФАЛИ НЕПЛАЌАЧИТЕ НА СТРУЈА Слупчанци се чесни домаќини и многу поголеми патриоти од ВМРО-ДПМНЕ appeared first on plusinfo.mk.