Силно невреме со поројни дождови, силен ветер и гра денеска ја погоди Словенија. Погодени се повеќе региони, а најсериозни проблеми се пријавени во Велење, каде обилните врнежи предизвикаа локални поплави.

Станува збор за изразен атмосферски фронт кој во текот на вечерта ќе доносе нестабилно време и во регионот. Во Загреб веќе се почувствувани првите знаци на влошување на времето, регистрирани се поројни врнежи и засилен ветер.

Словенечкиот хидрометеоролошки завод издаде жолт метеоаларм за делови од земјата, предупредувајќи на нестабилни услови и можни грмежи. Граѓаните се повикуваат на зголемена внимателност.

The post НЕВРЕМЕ ВО СЛОВЕНИЈА Нестабилното време се движи кон регионот appeared first on plusinfo.mk.

Силна бура, проследена со налети на ветер што надминуваат 100 километри на час, синоќа го погоди поголемиот дел од Словенија, соборувајќи дрвја, оштетувајќи покриви и оставајќи илјадници домаќинства без електрична енергија, додека надлежните служби апелираа до граѓаните да останат во своите домови.

Според Радио-телевизија на Словенија (РТВ СЛО), најтешко погодени беа Приморските и Горењските региони, а поради исклучително неповолните временски услови, во неколку општини беше донесена одлука за затворање на училиштата и градинките за денеска.

Силната бура, која првично беше најавена во текот на ноќта, ги зафати областите Горишка и Ајдовшчина, а бурните ветрови однесоа делови од покривите на неколку училишта низ целата земја.

Илјадници корисници низ целата земја повремено останаа без електрична енергија, вклучително и во областите Марибор и Љубљана, додека прекините на далноводите предизвикаа прекини во другите делови од земјата.

Според Словенечката агенција за животна средина, најсилните налети на ветер достигнаа 103 километри на час.

Поради опасноста, надлежните служби апелираа до граѓаните да останат во затворен простор и да не излегуваат освен ако не е апсолутно неопходно.

Метеоролозите предупредуваат дека ветерот ќе продолжи и денеска, со постепено слабеење само во текот на утрешниот ден.

The post СИЛНА БУРА ЈА ПОГОДИ СЛОВЕНИЈА Ветер над 100 км/ч, илјадници без струја appeared first on plusinfo.mk.