Ве информираме дека во рамките на Интернационалниот фестивал „Share” во Братислава, Словачка, вечерва ќе настапат студентите на Катедрата за современ танц при Универзитетот „Гоце Делчев” со продукции на Скопје танцовиот театар 2, во рамки на програмата на театарот за 2026та под наслов „Современи кореографи”.

Претставата ќе се одржи во рамки на изведувачката програма на фестивалот, на сцената „Театар – ЛАБ” на Академијата за изведувачки уметности во Братислава, а ќе бидат изведени две кореографии, продукции на Скопје танцов театар 2: „Трендинг апокалипса” (фрагмент), на кореографката Адријана Данчевска Ровчанин, и кореографијата „Сè уште гледам” на италијанската кореографка Џилда Цесарио, која беше гостин кореограф на Скопје танцовиот театар.

Ќе настапат: Надја Луканова, Нина Петрушевска, Ивона Маневска, Елена Терзиева, Теона Ѓуровска, Михалеа Колцунова, Миа Петровиќ и Марија Андовска, дипломци на УГД.

Во рамки на фестивалот проф. д-р Рисима Рисимкин вчера го презентираше трудот „Современиот танц и нови технологии”, а денеска своја презенатција под наслов „Ритамот како кореографски генератор: Композиција на движење преку енергијата на рејв културата” ќе има доцент Адријана Данчевска Ровчанин, актуелна деканка на Катедрата за современ танц при УГД.

Интернационалниот фестивалот на танцови универзитети „Share” се оддржува од 9-13 јуни 2026, по шести пат во Братислава, Словачка, како платформа  на повеќе европски танцови академии и универзитети, и тоа: „Академијата за изведувачки уметности” во Братислава, Словачка; „Антон Брукнер” универзитетот од Линц и „Универзитетот за музика и уметност на Градот Виена” од Австрија; Литванската „Академија за музика и театар”; Конзерваториумскиот центар „Данкан” од Прага, Чешка; „Колеџот за циркуска уметност и современ танц” од Будимпешта, Унгарија; „Академијата за изведувачки уметности” од Прага, Република Чешка и Катедрата за современ танц при Универзитетот „Гоце Делчев” од Штип, Македонија.

Огромен број млади уметници, студенти и професори деновиве ги споделуваат своите искуства низ работилници и вечерни програми. Фестивалот „Share” се формираше во 2017 година, кога за прв пат се одржа во Братислава, Словачка, со цел да се постави платформа за соработка на млади европски современи танчери.

Во Братислава фестивалот се одржува секоја втора година, а во 2018 година, второто издание на „Share” се одржа во рамки на „Танц Фест” во Скопје и Штип, со учество на преку сто млади уметници и професори.

Од фестивалот произлегуваат голем број на соработки, меѓу кои е и проектот „Споделување танцови практики” на Ceepus програмата, кој се одржува во 2025-26, а ќе продолжи и во сезоната 2026-27 и кој овозможува поголема мобилност на студенти на повеќе европски танцови академии и универзитети, меѓу кои партнер во програмата е и Катедрата за современ танц при УГД.

The post МАКЕДОНСКИ ТАНЧЕРИ ВЕЧЕРВА ИЗЛЕГУВААТ ПРЕД ЕВРОПСКАТА ЕЛИТА Братислава е домаќин на престижниот фестивал „Шер“ appeared first on plusinfo.mk.

Планираната бугарска комеморативна монета од 2 евра, посветена на „бугарската азбука“, е блокирана по приговор од неименувана земја членка на еврозоната.

Бугарија го поднела дизајнот за формално одобрување во Советот на ЕУ на 19 мај 2026 година. Според документите што се појавија во европските регистри, монетата не може да биде издадена во сегашната форма без целосно одобрение од институциите на ЕУ.

Монетата требаше да биде првата бугарска комеморативна монета од 2 евра по влезот на земјата во еврозоната. Според првичните најави, таа требало да биде издадена во втората половина на 2026 година, во тираж од еден милион парчиња.

Дизајнот е посветен на кирилицата, но спорниот дел е формулацијата „бугарската азбука“, која отвори политички и историски чувствително прашање во европски контекст.

Идентитетот на земјата што го поднела приговорот не е официјално објавен. Во јавноста и на социјалните мрежи се појавија шпекулации дека станува збор за Словачка, но за тоа засега нема официјална потврда.

Бугарија сè уште може да предложи изменет дизајн или нова комеморативна монета, но сегашната верзија не може да продолжи без согласност од Советот на ЕУ.

Засега нема официјално објаснување кои биле точните причини за приговорот, ниту дали Софија ќе го менува дизајнот или ќе се обиде повторно да ја протурка монетата во друга форма.

Interesting: an unknown EU member state has raised an objection against a design submitted by #Bulgaria for a special euro coin ‘commemorating the Bulgarian alphabet’.

The Council also refuses to share the letter, ‘not to undermine the very delicate decision-making process’. pic.twitter.com/GXxYvjpsvl

— Rainier Jaarsma (@RJaarsma) June 9, 2026

The post БУГАРСКА МОНЕТА ОД ДВE ЕВРА БЛОКИРАНА ПОРАДИ НАТПИСОТ „БУГАРСКА АЗБУКА“ Не се знае која земја поднела приговор appeared first on plusinfo.mk.

Планираната бугарска комеморативна монета од 2 евра на која стои натпис „Бугарската азбука“ се соочила со неочекувана пречка во институциите на ЕУ, објави Новините. Една земја од еврозоната поднела формален приговор на предложениот дизајн. Поради тоа, постапката е запрена.

Монетата требало да биде издадена во втората половина на 2026 година. Бил планиран тираж од 1 милион примероци. Сепак, без целосна согласност од земјите членки, проектот не може да продолжи во сегашната форма.

Бугарија го доставила дизајнот на 19 мај годинава. Според документите што циркулираат во Советот на ЕУ, неколку дена подоцна била доставена и официјална забелешка од една држава членка на еврозоната.

„Избришана“ држава ја блокирала постапката

Во јавно достапните документи не е наведено името на земјата што го поднела приговорот. Нејзиниот идентитет е редактиран и се појавува како „избришана“.

Поради тоа почнаа шпекулации во медиумите и на социјалните мрежи. Дел од аналитичарите претпоставуваат дека станува збор за Словачка. Засега нема официјална потврда за таквите тврдења.

Според објавените информации, претпоставките се поврзуваат со фактот што Словачка претходно издаде евромонети со Светите Кирил и Методиј.

Азбука, историја, толкувања

Според дел од набљудувачите, спорот може да биде поврзан со различните толкувања на словенското културно и историско наследство. Токму затоа случајот предизвика внимание и надвор од нумизматичките кругови.

Бугарските власти засега не соопштија дали ќе предложат изменет дизајн или ќе се обидат да го решат спорот по дипломатски пат. Постапката останува отворена.

The post БУГАРИЈА ДОБИ ВЕТО ЗА МОНЕТАТА ОД 2 ЕВРА Брисел не открива кој ја блокираше „бугарската азбука“ appeared first on plusinfo.mk.

Еден од најпознатите симболи на словачката престолнина беше осветлен во црвено и жолто за посетата на претседателката на Македонија Гордана Сиљановска Давкова.

„Забележавте ли…? Како што е обичај при официјални посети на шефови на држави, и вчера навечер на Братиславскиот замок беше осветлено македонското знаме по повод посетата на претседателката Гордана Сиљановска Давкова“, објавија од кабинетот на словачкиот претседател.

Палатата соопшти дека замокот ќе остане осветлен и во текот на втората вечер од посетата.

 

View this post on Instagram

 

A post shared by Prezidentský palác (@prezidentskypalac.official)

The post 📽️ МАКЕДОНСКОТО ЗНАМЕ БЛЕСНА НА ЗАМОКОТ ВО БРАТИСЛАВА Словачка ја пречека Сиљановска Давкова со високи државни почести appeared first on plusinfo.mk.

Со тотална доминација на теренот и уште една уверлива победа над Словачка ракометарите на Македонија се пласираа на ракометниот Мундијал. Избраниците на Кирил Лазаров ќе играат на СП 2027 во Германија во јануари, откако во неделата навечер во исполнетата сала „Борис Трајковски“ во реваншот ја совладаа Словачка со 38-23. На првиот меч Македонија триумфираше со 31-24.

Македонија имаше водство од почетокот до крајот на мечот, не дозволувајќи им на Словаците ниту да помислат на пресврт и изненадување.

Откако во првиот дел Македонија поведе во еден момент и со 8 гола разлика (12-4), се знаеше дека пласманот за следниот Мундијал е на дофат.

Во вториот дел македонските ракометари само ја зголемуваа предноста, и на крајот дојдоа до најголемо водство од 15 голови.

Филип Кузмановски беше најефикасен со 11 голови, а Велковски постигна шест.

Селекторот Кирил Лазаров им честиташе на своите избраници на постигнатиот успех.

–  Сакам да им честитам на момците за денешните 15 гола разлика, таа разлика не се постигнува туку-така. Мора да бидеме задоволни без разлика на нивото на ривалот Словачка. Презадоволен сум од пристапот на двата натпревара од сите играчи. Во претходните 1,5 година успеавме да составиме тим на играчи кои се борат еден за друг, дисциплинирани се, не е важно кој е најдобар важно е да победуваме. Се мачевме многу да дојдеме до ова, и сега мора да го задржиме тоа. Мислам дека играчите растат со нашата лига, во нивните клубови, со квалитетни натпревари добиваат на искуство.

Откако јас сум селектор, ова е шесто големо натпреварување во низа, со 99% променета генерација од претходно. Тој процес треба да се истрпи, а ние успеавме во тој период со стручниот штаб, со РФМ, со медиумите, да опстанеме на големата сцена и да создадеме производ кој ќе ја прави горда Македонија во следната деценија –  рече Лазаров.

The post МАКЕДОНИЈА СЕ ПЛАСИРАШЕ НА СВЕТСКОТО РАКОМЕТНО ПРВЕНСТВО! Словачка беше надиграна и во реваншот appeared first on plusinfo.mk.

Дигитализацијата, е-фактурите и борбата против сивата економија беа во фокусот на средбата меѓу македонската и словачката делегација во Братислава предводена од министерката за економија Гордана Димитриеска-Кочоска. Министерката порача дека словачките искуства се важни за македонските реформи.

– Македонија веќе е во фаза на воведување на системот за е-фактура, при што до крајот на годината очекуваме негова целосна имплементација – изјави Димитриеска-Кочоска.

На средбата се разговарало и за QR плаќања, е-фискализација и дигитални алатки во даночниот систем. Министерката оцени дека технологијата може да помогне во борбата против даночното затајување и сивата економија, информира Министерството за економија.

Димитриеска-Кочоска  посочи дека Македонија во 2025 година остварила економски раст од 3,5 проценти.

– Нашиот фокус останува јасен – стабилни јавни финансии, поддршка на инвестициите, дигитализација на услугите, борба против сивата економија и подобрување на деловното окружување – нагласи министерката.

Словачкиот министер Ладислав Каменицки изразил подготвеност за размена на искуства и експертиза во делот на јавните финансии и реформите.
Во фокусот биле и европските интеграции и управувањето со јавните инвестиции.

The post ДОАЃААТ Е-ФАКТУРИ И СИЛНА БОРБА ПРОТИВ СИВАТА ЕКОНОМИЈА Искуствата од Словачка се важни за Македонија appeared first on plusinfo.mk.

Шефот на словачката дипломатија Јурај Бланар изјави дека Словачка ќе ги блокира новите санкции на Европската Унија против Русија доколку не добие гаранции за испорака на нафта преку нафтоводот „Дружба“, што беше оштетен во руските напади врз Украина на 27 јануари.

Словачка и Унгарија, кои се во голема мера зависни од руската нафта, ја обвинија Украина дека се обидува да ја одложи поправката на нафтоводот.

– Доколку нафтоводот „Дружба“ не биде оперативен до одобрувањето на 20-тиот пакет санкции ние нема да го одобрим. Немаме друг начин да ги принудиме украинскиот претседател Володимир Зеленски и Европската комисија да ја поправат „Дружба“ – рече Бланар.

Нафтоводот „Дружба“ испорачува нафта за Словачка и Унгарија, две земји без излез на море, кои некогаш беа членки на Варшавскиот пакт.

Словачкиот премиер Роберт Фицо изјави дека Европската Унија останува силен и вреден проект, но дека нејзиното сегашно управување е во лоша состојба и не ги одразува интересите на земјите-членки.

– Европската Унија е прекрасен проект, тоа е прекрасна организација, но проблемот е што денес е во многу лоши раце. Раководството на Европската Унија воопшто не им служи на интересите на земјите-членки – рече Фицо.

Тој оцени дека сегашните европски лидери немаат никакво меѓународно влијание, издвојувајќи ја шефицата на европската дипломатија Каја Калас, претседателката на Европската комисија Урсула фон дер Лајен и претседателот на Европскиот совет Антонио Кошта.

Роберт Фицо и Виктор Орбан, кој во неделата претрпе пораз на унгарските избори, се сметаат за најблиските сојузници на рускиот претседател Владимир Путин во рамките на Европската Унија.

The post СЛОВАЧКА ЌЕ СТАВИ ВЕТО НА НОВИОТ ПАКЕТ САНКЦИИ ЗА РУСИЈА Услов е да се поправи нафтоводот „Дружба“ appeared first on plusinfo.mk.

Премиерот на Словачка, Роберт Фицо, побара Европската комисија да ја принуди Украина да го овозможи протокот на руска нафта преку нафтоводот Дружба, оценувајќи дека тоа е клучно за стабилизирање на енергетскиот пазар.

Фицо изјавата ја даде по заедничката седница на владите на Словачка и Чешка во Нова Хорка. Според него, обновувањето на протокот е единственото решение по кризата предизвикана од војната на Блискиот Исток и тензиите во Ормускиот теснец.

Тој ги критикуваше Брисел и украинскиот претседател Володимир Зеленски за, како што рече, политички игри, нагласувајќи дека Словачка и Унгарија имаат легално право да увезуваат руска нафта и гас до 2027 година. Фицо додаде дека сателитските снимки не покажуваат надворешни оштетувања на нафтоводот.

Премиерот на Чешка, Андреј Бабиш, го поддржа барањето за обнова на јужниот крак на „Дружба“, истакнувајќи дека преку него би можела да се испорачува и нафта од Казахстан. Тој додаде дека енергетската криза треба да се решава регионално, со вклучување на земјите од Вишеградската група, како и Германија и Австрија.

Двете влади ја обновија практиката на заеднички седници по тригодишна пауза, што Фицо го оцени како враќање на блиските односи меѓу Братислава и Прага.

The post ФИЦО ГИ КРИТИКУВА БРИСЕЛ И КИЕВ Словачка бара проток на руска нафта, решение гледа во „Дружба“ appeared first on plusinfo.mk.

Словачкиот премиер Роберт Фицо се закани дека ќе ги блокира новите санкции на ЕУ кон Русија поради блокадата на нафтоводот „Дружба“, преку кој Украина ја прекина испораката на нафта пред два месецa.

„Ако Европската комисија ѝ даде предност на Украина во однос на Словачка, може да заборави на поддршката за 20-тиот пакет санкции кон Русија или на нашата подготвеност да соработуваме во (спроведувањето на плановите) за брз пристап на Украина во ЕУ“, порача Фицо во видеопорака на Фејсбук.

Фицо наведе дека Европската комисија не направила ништо за да го принуди украинскиот претседател Володимир Зеленски да се нормализираат испораките преку нафтоводот „Дружба“.

„Ги регистрираме изјавите на украинскиот претседател дека тој апсолутно нема интерес за обновување на транзитот на руска нафта. По прекинот на транзитот на руски гас, ова го означува вториот отворено непријателски и економски штетен потег на Володимир Зеленски против Словачка“, истакна Фицо.

Според него, доколку испораките на нафта преку нафтоводот „Дружба“ продолжеле, Словачка и регионот на Централна Европа немало да се соочат со тешка ситуација поради зголемените цени на горивото.

Украинските власти тврдат дека нафтоводот „Дружба“ претрпел штета во руски напад во јануари, но одбиваат да им дозволат на европските експерти да го прегледаат.

The post ФИЦО СЕ ЗАКАНИ ДЕКА НЕМА ДА ГИ ПОДДРЖИ САНКЦИИТЕ КОН РУСИЈА Европа не прави ништо за да го принуди Зеленски да го пушти нафтоводот „Дружба“ appeared first on plusinfo.mk.

На бензинските станици на МОЛ во Словенија, физичките лица ќе можат да точат до 30 литри гориво по полнење, додека за правните субјекти и товарните возила лимитот е поставен на 200 литри, објавија словенечките медиуми. Слични мерки воведува и Шел.

Од МОЛ Словенија за агенцијата СТА појаснија дека во изминатите 2 недели е регистрирана значително зголемена потрошувачка, делумно поради создавање залихи, но и поради зголемен број возачи од соседните земји кои точат гориво на граничните бензински станици.

„Со цел да спречиме преоптоварување и притисок врз бензинските станици, а истовремено да обезбедиме рамномерно снабдување за сите корисници, привремено воведовме ограничувања“, соопштија од компанијата.

Мерката е привремена и се применува на територијата на целата земја, а лимитите се утврдени врз основа на просечната дневна потрошувачка.

Шел првично воведе ограничување до 200 литри по полнење, а подоцна во текот на денот лимитот биеше намален на 100 литри.

Компанијата Петрол засега не донела одлука за воведување вакви мерки.

Во Словачка, пак, владата усвои резолуција со која се овозможува повисока цена на дизел горивото за возила со странски регистарски таблички, со цел да се ограничи „бензинскиот туризам“.

Рафинеријата Словнафт претходно соопшти дека во северните региони на земјата, особено во близина на границата со Полска, пониските цени на дизелот довеле до нагло зголемување на побарувачката.

Премиерот Роберт Фицо изјави дека возачите масовно ги полнат резервоарите и канистрите, што доведува до недостиг на гориво на одделни бензински станици.

Со резолуцијата, која не утврдува горна граница на цените, бензинските станици ќе можат и да ја ограничат продажбата на дизел на едно полнење и дополнителни 10 литри за возила со странски таблички.

Во регионот, Унгарија веќе воведе ограничувања на цените на горивата, додека полската рафинерија Орлен ги намали маржите со цел да го ублажи притисокот врз потрошувачите.

The post МЕРКИ ЗА ОГРАНИЧУВАЊЕ НА „БЕНЗИНСКИОТ ТУРИЗАМ“ Во Словенија може да се наточат најмногу 30 литри, Словачка најави повисоки цени за странците appeared first on plusinfo.mk.