Се чини дека славата денес е подостапна од кога било досега. Со помош на Тик-Ток и социјалните мрежи, еден вирален момент е доволен за да направи некого ѕвезда преку ноќ.

Сепак, некои познати луѓе користат разни креативни, па и сомнителни начини за да се пробијат во јавност.

Оваа недела, Пријанка Чопра беше обвинета за регрутирање лажни обожаватели откако се појавила снимка од 2017 година на која истиот пар луѓе двапати ѝ приоѓаат за автограми на аеродром во Лос Анџелес. Ова ги поттикна шпекулациите дека станува збор за однапред смислен ПР потег.

Но, таа не е единствената. Многу ѕвезди користеле разни трикови низ годините, од лажни врски и повикување на папараците, до измислување идентитети.

Ким Кардашијан е еден од најпознатите примери. Пред да стане милијардерка, таа користеше разни начини за да се најде во центарот на вниманието. Самата призна дека славата е нејзина цел, а во еден момент дури и исценираше ситуација за да изгледа како да се дружи со Бритни Спирс, сето тоа пред папараците.

Актерката Али Лартер стана позната благодарение на необична измама. Таа се претстави како измислениот лик Алегра Колман за насловната страница на едно списание, а приказната за таа „нова ѕвезда“ беше целосно измислена. Експериментот функционираше и ѝ ги отвори вратите кон Холивуд.

Хоакин Феникс ја шокираше јавноста кога објави дека ја напушта глумата за да се занимава со хип-хоп. Подоцна се покажа дека сето тоа било дел од промоција на филм.

Саша Барон Коен предизвика сличен шок кога „слета“ на Еминем за време на доделувањето на наградите на MTV, што подоцна се покажа како договорен скеч.

Лажните љубовни приказни се уште една вообичаена алатка. Ким Кардашијан наводно ги поканила папараците на состанок со Ник Лачи за да привлече медиумско внимание.

Диџејот Халед дури и ѝ предложи брак на Ники Минаж пред камера, но таа подоцна призна дека сето тоа било ПР трик за промоција на песна.

Јутјуберот Џејк Пол отиде чекор понатаму, двапати „лажно венчавајќи“ ги своите партнерки поради публицитет.

Постојат и случаи каде што врските се целосно измислени, како онаа помеѓу Броди Џенер и Лорен Конрад во реалното шоу „The Hills“, за кое подоцна се откри дека е инсценирано.

Дури и Ријана е вмешана во лажен скандал. Нејзиниот поранешен ПР агент призна дека измислил афера со Џеј-Зи за да го промовира нејзиниот прв хит.

Во ерата на социјалните медиуми, некои луѓе одат чекор понатаму – купуваат следбеници. Истрагите открија дека бројни познати личности ги користеле услугите на компании кои продаваат лажни профили за да изгледаат попопуларни. Ваквите практики вклучуваат илјадници, па дури и милиони лажни профили, а по големото разоткривање една од најпознатите такви компании беше затворена.

Сето ова покажува дека патот до славата честопати не е онаков како што изгледа. Зад сјајот и рефлекторите, понекогаш има внимателно осмислени потези кои остануваат скриени од јавноста.

The post ОД ЛАЖНИ ВРСКИ ДО ШОКАНТНИ ПР ТРИКОВИ Ова се бизарните начини на кои ѕвездите граделе слава appeared first on plusinfo.mk.

Имено, Карлеуша го поддржува српскиот претседател Александар Вучиќ и актуелната власт. Во врска со ова, противниците на Владата прво повикуваа да се пријавува нејзиниот профил за говор на омраза, но тоа не им успеа. Следеше официјално барање до „Мета“ – за да го затвори Инстаграм-профилот. По покренувањето на петицијата, за помалку од 24 часа се собрани 270.000 потписи.

„Од ‘Мета’ бараме суспензија на профилот на Јелена Карлеуша на Инстаграм, поради говор на омраза, расизам, ксенофобија, таргетирање поединци и генерално штетно однесување. Тоа се повеќекратни прекршувања на упатствата на заедницата на Инстаграм, особено во однос на говорот на омраза, вознемирување и дезинформации“, велат поднесувачите на петицијата.

Нејзините противници истакнуваат дека, според упатствата на Инстаграм, говорот на омраза и вознемирувањето се строго забранети.

„Сепак, и покрај бројните известувања од корисниците, нејзиниот профил останува активен и продолжува да служи како мегафон за екстремизам и политичка манипулација, дозволувајќи таквата содржина да опстојува, поткопувајќи ја посветеноста на Инстаграм за безбеден и инклузивен дигитален простор. Ќе бараме да собереме 250.000 потписи пред да се обратиме до ‘Мета’. Потребна ни е вашата помош за тоа“, се додава во соопштението.

Летото 2023 година, кусо пред објавувањето на албумите „Алфа“ и „Омега“, Карлеуша на сличен начин го загуби својот официјален Јутјуб-канал, но успеа да си го врати.

The post 270.000 ПОТПИСИ ЗА ЗАТВОРАЊЕ НА ИНСТАГРАМ ПРОФИЛОТ НА КАРЛЕУША Акција на граѓаните откако пејачката беше против протестите appeared first on plusinfo.mk.

Кошаркарската легенда на НБА, Скоти Пипен верува дека Мајкл Џордан во 90-тите години од минатиот век ќе имаше двојно повеќе следбеници на социјалните мрежи отколку што има сега Кристијано Роналдо, доколку во тоа време постоеја мрежите.

– Како играч кој играше во 90-тите, дефинитивно не знам од каде доаѓаат тие бројки и што всушност значат, бидејќи ние немавме социјални медиуми кога растевме. Но, дефинитивно Роналдо е еден од најголемите играчи и најголемите спортисти во светот и 647 милиони зборуваат за тоа. Ќе бидам искрен, мислам дека Мајкл Џордан би имал двојно повеќе следбеници доколку социјалните мрежи постоеја тогаш – рече шесткратниот шампион во НБА, Пипен .

Џордан шест пати ја има освоено НБА-лигата, исто толку пати беше прогласен за МВП во финалето на најсилната кошаркарска лига на светот.

The post МАЈКЛ ЏОРДАН ЌЕ ИМАШЕ ДВОЈНО ПОВЕЌЕ СЛЕДБЕНИЦИ ОД КРИСТИЈАНО РОНАЛДО АКО ВО 90-ТЕ ПОСТОЕЈА СОЦИЈАЛНИТЕ МРЕЖИ Скоти Пипен со кометар за 647-те милиони следбеници на славниот фудбалер appeared first on plusinfo.mk.

Славниот португалски фудбалер во средата го лансираше својот официјален канал на Јутјуб и за само 90 минути доби над милион следбеници, поставувајќи нов рекорд на оваа платформа за најбрзо зголемување до милион!

Роналдо, кој моментално игра за Ал-Наср во Саудиска Арабија, на својот Инстаграм профил ја објави веста за лансирање на канал на Јутјуб, кој го следат дури 636 милиони луѓе, па не е чудно за хистеријата што следеше по таа најава.

Идолот на момчињата ширум светот ја овековечи радоста на своето семејство, особено на своите наследници, откако им ја покажа златната плакета што ја доби поради извонредниот успех.

Верувале или не, само 24 часа по лансирањето, каналот на Роналдо имаше над 12 милиони претплатници! Кристијано ја демонстрираше силата, докажувајќи дека со право го носи епитетот на фудбалска икона.

Крстијано моментално има околу 21 милиони претплатници и нема сомнеж дека трендот на раст ќе продолжи.

Секако, милиони прегледи ќе му донесат огромни пари!

Португалецот има за цел да добие 400 милиони прегледи на своите видеа, со што само од Јутјуб може да заработи од три до пет милиони долари месечно.

Неговата прва епизода со неговата избраничка Џорџина веќе надмина 15 милиони прегледи и собра над 120 илјади коментари.

Кристијано на својот канал ќе објавува детали од приватниот живот, ќе носи специјални гости и ќе прави интервјуа со нив, а чести актери ќе бидат членови на неговото семејство – неговата избраничка Џорџина и децата.

Покрај споменатата популарност на Инстаграм, Португалецот на Фејсбук го следат 170 милиони луѓе, а на социјалната мрежа Х (порано позната како Твитер) 112,6 милиони.

ЈУТJУБ ПРЕД БАНКРОТ, РОНАЛДО СТАНА ЈУТJУБЕР За само неколку часа Португалецот доби над 5 милиони следбеници

The post 📽️ ОВОЈ ЧОВЕК Е МАШИНА ЗА ПРАВАЊЕ ПАРИ! Роналдо отвори канал на Јутјуб и собори рекорд за 90 минути! Го очекува огромна заработка appeared first on plusinfo.mk.

54-годишната ѕвезда стана заштитно лице на новата колекција долна облека на италијански бренд.

„Жешката“ Латиноамериканка позираше во долна облека од новата колекција, објавувајќи фотографии на својот Инстаграм.

Сепак, иако пејачката покажа беспрекорна линија, дел од обожавателите ја критикуваа Џенифер поради објавата.

The post 📷 ЏЕЈ ЛО ВО ЖЕШКА ДОЛНА ОБЛЕКА Време е да се откажеш, порачуваат следбениците appeared first on plusinfo.mk.

„Социјалните медиумски платформи како што е Фејсбук станаа едни од основните канали за секојдневно информирање на граѓаните. Влогот во градењето отворен однос на Владата кон граѓаните денес резултира со значајно заокружување – 100.000 следбеници кои се приклучија да ги добиваат информациите за услугите и за работата на институциите директно од Фејсбук страницата на Владата. Владата им благодари на сите граѓани кои ги следат јавните информации од институциите и кои на овој начин изразуваат доверба кон владините комуникации“, се наведува во објавата на Владата на Фејсбук.

Оттаму наведуваат дека продолжуваат, во партнерство со граѓаните, да градат отворени институции „кои се отчетни, достапни и респонзивни и кои работат исклучиво за интересот на граѓаните“.

„Владата на Северна Македонија од 2017 година наваму постојано и темелно ја зголемува транспарентноста и отвореноста, создава и одржува современи канали за комуникација со граѓаните и работи на зголемување на довербата од јавноста кон институциите. Доближувањето на јавните сервиси и информации до најзасегнатите, значи и создавање современи канали за комуникација преку сите платформи кои граѓаните ги користат“, се додава во објавата на Владата.

The post ВИ БЛАГОДАРИМЕ ШТО НЀ КЛИКАТЕ! Владата се пофали дека има 100.000 следбеници на Фејсбук appeared first on plusinfo.mk.

Хаби Лејм, еден од најпрепознатливите лица на ТикТок во светот, 21-годишното момче кое ја освои публиката со своите видеа каде што ги исмева луѓето кои продаваат „пуфки“, само што загуби илјадници следбеници поради една реченица. Хаби(21) реши да постира нешто други овојпат и објави слика со мотото „Кажи му не на расизмот“, а потоа доби бројни пораки од луѓе кои му рекле дека престанале да го следат, пишува Индекс.

„Можете да престанете да ме следите бидејќи не ме интересираат бројките. Се грижам за вашите срца!“, напиша тој.

Хаби е следен од 115 милиони луѓе, а тој првпат го спомна расизмот во септември, кога објави пост со хаштагот #notoracism.

„Тоа не ми пречи. Ние сме скоро во 2022 година, а луѓето сè уште користат расизам затоа што немаат што да прават во животот. Бидете среќни, следете го својот сон и обидете се да ја спасите планетата“, се вели во неговата реакција на ТикТок.

Еве како Хаби Лејм стана познат и како ги исмеваше останатите инфлуенсери на ТикТок кои покажуваат разни „животни трикови“ кои всушност се апсурдни. На пример, во неговите видеа тој покажува како бананата едноставно може да се излупи наместо да се исече со нож.

 

View this post on Instagram

 

A post shared by Khaby Lame (@khaby00)

The post ИЗГУБИ ИЛЈАДА СЛЕДБЕНИЦИ ПОРАДИ РЕЧЕНИЦА Најпознатиот ТикТокер ќе се бори со расизмот appeared first on plusinfo.mk.

Били Ајлиш (19)

Лично богатство: 30 милиони долари

Инстаграм-следбеници: 19 милиони

Американската пејачка и текстописец, која има 19 години, загуби дел од своите обожаватели кога ненадејно го промени својот имиџ во бујна русокоса по повод објавувањето на албумот „Посреќно од кога било“ на почетокот на летото.

Со години, таа го негуваше имиџот на девојка од соседството во широка спортска облека, па поради сексуализацијата на нејзиниот имиџ, таа остана без сто илјади следбеници на Инстаграм. Иако тој број звучи страшно, тоа е само еден промил од нејзините обожаватели.

Лана Дел Реј (36)

Лично богатство: 30 милиони долари

Твитер-следбеници: 10 милиони

Лана Дел Реј изгуби 75.000 следбеници на Твитер поради позитивните постови за претседателот Доналд Трамп, а за негативните за движењето „Black Lives Matter“. Taa зборуваше и за колешките Бијонсе, Ники Минаж и Карди Б. Во септември годинава, 36-годишната американската кантавторка целосно се исклучи од социјалните мрежи бидејќи сакаше поголема приватност и концентрација за да работи на нов албум. Ја следеа 20 милиони луѓе на Инстаграм и 10 милиони на Твитер.

Ник Кенон (40)

Лично богатство: 30 милиони долари

Инстаграм-следбеници: 5,1 милиони

И покрај бројните објави за неговиот приватен живот, 40-годишниот американски комичар го затвори својот профил на Инстаграм во 2017 година, бидејќи не заработуваше на таа социјална мрежа. Во меѓувреме, тој очигледно успеа да се договори за подобри хонорари и сега секоја објава му носи пристоен приход.

Евангелин Лили (42)

Лично богатство: 15 милиони долари

Инстаграм-следбеници: 2,1 милиони

Откако минатата пролет загуби стотици илјади следбеници затоа што нејќеше да оди во самоизолација откатко била во контакт со лице заразено со коронавирус, канадската актерка беше многу повнимателна во своите изјави и статуси на социјалните мрежи.

Таа сепак успеа да си го спаси образот со извинување.

Елен Деџенерис (63)

Лично богатство: 370 милиони долари

Инсгаграм-следбеници: 107 милиони

Американската комичара и ТВ-водителка лани загуби повеќе од половина милион следбеници на Инстаграм поради обвинувањата дека ги злоупотребувала своите вработени и дека создала токсична средина на работното место. Меѓутоа, таа загубата многу пати ја надомести со гледаноста на шоуто.

Тајра Бенкс (47)

Лично богатство: 90 милиони долари

Твитер-следбеници: 13,9 милиони

Поранешната американска супермоделка Тајра Бенкс загуби 240.000 следбеници на Твитер откако беа објавени нејзините изјави во кои ги понижи кандидатите во шоуто „Американски топ-модел“, каде што беше член на жирито.

Кајне Вест (44)

Лично богатство: 1,8 милијарди долари

Твитер-следбеници: 30,6 милиони

Американскиот рапер, кој е во процес на развод со реалити-ѕвездата Ким Кардашијан, скапо ги плаќа контроверзните изјави што ги објавува на Твитер. За една година, тој загуби повеќе од милион и пол следбеници.

Лиа Мичел (35)

Лично богатство: 14 милиони долари

Инстаграм-следбеници: 6,7 милиони

Американската актерка и пејачка се повлече од социјалните мрежи извесно време минатата година кога во јавноста стигнаа изјави од нејзините колеги од сетот на серијата „Glee“ дека таа го претвори нивното снимање во пекол. Покрај стотиците илјади следбеници на Инстаграм, таа загуби и неколку спонзори и на крајот мораше јавно да се извини.

Ј.К. Роулинг (56)

Лично богатство: 820 милиони фунти

Твитер-следбеници: 13,9 милиони

Британската писателка на познатата новела за деца „Хари Потер“ повеќе верува во моќта на зборовите отколку сликите, а бројот на нејзините следбеници на социјалните мрежи тоа јасно го потврдува. Речиси 14 милиони луѓе ги следат нејзините објави на Твитер, а само 121 илјади на Инстаграм. Минатата година, таа доживеа значителен пад од 350.000 следбеници на Твитер поради непријателските објави за трансродовите луѓе.

Ванеса Хаџенс (32)

Лично богатство: 16 милиони долари

Инстаграм-следбеници: 42,5 милиони

Со непромислено коментирање за ковид-мерките и бројот на починатите од ковид-19 лани во март, американската актерка и пејачка загуби повеќе од половина милион следбеници на социјалните мрежи и го разниша својот имиџ на фината девојка од соседството.

The post ЗАГУБИЈА ФАНОВИ ПОРАДИ НЕУМЕСНИ ИЗЈАВИ Кои се топ 10 ѕвездите кои потфрлија на социјалните мрежи appeared first on plusinfo.mk.

Редоследот се менува секоја година, но повеќе или помалку, истите имиња секогаш се вртат на врвот за профили со најмногу следбеници. На сите овие профили следбениците се бројат во стотици милиони, без разлика дали луѓето ги следат затоа што ги сакаат или само ги интересира што се случува во нивните животи.

Социјалната мрежа Инстаграм е една од најпопуларните апликации денес, а Кристијано Роналдо е на прво место по бројот на следбеници од целиот свет.  Имено, Роналдо има речиси 346 милиони следбеници, од кои повеќето се од Индија.

Зад славниот фудбалер стои Кајли Џенер, позната по учеството во ријалити-шоуто за своето семејство – Кардашијан и нејзината колекција на шминка. Кајли, која е на оваа социјална мрежа во категориите „мода“, „моделирање“ и „убавина“, има 269,4 милиони следбеници, а најголемиот број доаѓа од САД.

На третото место повторно е фудбалер, Лео Меси, со 266,8 милиони луѓе кои ја следат содржината што ја споделува, а претежно живеат во Аргентина.

Зад Меси, на четврто место е Ким Кардашијан, сестра на Кајли Џенер, позната и по учеството во нејзиното ријалити-шоу. Нејзиниот профил на Инстаграм има 254,9 милиони следбеници, претежно од Америка.

На петтото место е младата пејачка и актерка Селена Гомез со 263,5 милиони луѓе што ја следат, а на шестото место е Кендал Џенер, модел и сестра на Ким и Кајли.

Зад неа е пејачката Аријана Гранде со 267,1 милиони следбеници и актерката Зендаја која има 109,2 следбеници.

Пејачите Били Ајлиш и Бијонсе се на деветтото и десеттото место, пренесува Данас.

The post РОНАЛДО НА ПРВО МЕСТО, МЕСИ НА ТРЕТО Кои се личностите со најмногу следбеници на Инстаграм? appeared first on plusinfo.mk.

„Нема седење бесплатно“, гласи во описот на објавата, која доби над 2.500 лајкови и беше споделена преку 150 пати. Наскоро започна дискусија меѓу следбениците дали треба да наплатат за услугата на некој што само седи во угостителски објект.

– Законот за заштита на потрошувачите вели дека на клиентот не може да му се наплати услуга или производ што не го користел или купил. „Не сакам ништо“ е 0,00 евра. Подобро е да се преформулира во „Седам некое време и го задевам келнерот“ – напишал еден следбеник.

– Мислам дека основната култура не е да седите во бар и на некого да му заземеш место на некого и да не нарачувате ништо, сепак некој живее од она што го прават сопственикот и работниците – стои во еден од одговорите, а другите се согласија со него.

– Се согласувам. Некои барови во Франција, на пример, наплатуваат „на час“. Може да пиете или да јадете, но се плаќа за следниот час … Легитимно – посочи еден придружник.

The post НЕМА СЕДЕЊЕ ЗА ЏАБЕ! Сметката од Будва предизвика лавина коментари! Еве колку чини „не сакам ништо“ (ФОТО) appeared first on plusinfo.mk.