Лидерот на бугарската партија „Има таков народ“ Слави Трифонов, по професија музичар и шоумен, во објава на Фејсбук ги критикуваше македонскиот премиер Христијан Мицкоски и Македонците воопшто.

Ви ја пренесуваме неговата објава во целост:

„Денеска, премиерот на Владата на Република Северна Македонија, Христијан Мицкоски, пред Собранието во Скопје изјави дека не гледа причина за внесување на Бугарите во Уставот на Северна Македонија. Праша зошто Албанија го нема истото барање, со оглед на тоа што 8.000 луѓе во земјата ја прогласиле својата бугарска самосвест. Мицкоски порача и дека во Република Северна Македонија, според него, живеат околу 700-800 Бугари кои бугарски го прогласуваат за мајчин јазик. Сега ќе ви кажам што мислам за тоа. Толку сум уморен од овие луѓе. Не можам да кажам дали станувам лут или тажен. Овој Мицкоски беше демократски избран. Прекрасно се сеќавам како за време на изборите целата негова предизборна кампања се базираше на омраза. Затоа го избраа него. И сега така зборува за оние што го избраа. Бугарија ги призна прво како држава, и покрај целата наша историја, и покрај целата фикција што ја претставуваат, и покрај сите глупости кои со години ги зборуваат против нас, и повеќе, и така натаму. И покрај сето ова, претседателот Желев, неговиот мал прст, ги препозна како први во целиот свет како независна држава. И покрај тоа, и покрај сите компромиси направени од сите бугарски влади, сите бугарски премиери, сите Бугари воопшто. Не грам благодарност, грам почит, грам логика. Нема ништо. Само омраза. Сепак, таму има луѓе кои се чувствуваат како Бугари. Кои се Бугари! А Бугарија е секаде, каде живее и еден Бугарин. А има многу повеќе од еден. Многу, многу, многу повеќе. Тие се оние за кои треба да се грижиме, тие се оние на кои треба да мислиме и треба да се грижиме за нив. И дотичниот Мицкоски, оние што го избраа и оние што уживаат во тоа што го кажува, што се однесува до мене, сите оние, предводени од Мицкоски, преку криви макарони ќе ја видат Европската Унија. Преку многу криви макарони“, напиша Трифонов на Фејсбук.

Инаку, премиерот Христијан Мицкоски денеска нагласи дека суштинското прашање е зошто во земјава, каде има околу 700-800 Бугари, коишто декларираат дека мајчин јазик им е бугарскиот, треба бидат ставени во Устав, додека Албанија со осум илјади Бугари според бројките од пописот го нема тој услов.

– На пописот во 2011 година во Албанија има декларирано 5,5 илјади Македонци. Сега има околу 2.300. Вие рековте 2.000, еве јас ќе ве исправам отприлика се 2.300 и некаде 8.000 Бугари. А во пописот во 2011 година во Албанија има нула Бугари. Прашањето е следно: Ако сега на овој попис во 2023 година има повеќе од 8.000 Бугари, а во 2011 година 5.500 Македонци а сега има 2.300, теоретски останатите 3.000 да потпаднале под асимилаторската бугарска политика, како што вие велите, овие што ја сочинуваат преостанатата разлика до 8.000, што се, Албанци? Ние се грижиме за македонското малцинство насекаде. Вистинското прашање е зошто во Македонија околу 700-800 Бугари кои што декларираат дека мајчин јазик им е бугарскиот треба да ги ставиме во Устав, а зошто Албанија го нема тој услов овие 8.000 да ги стави во Уставот? Тоа е суштинското прашање. Јас би сакал ние да разговараме како граѓани Македонци и останати, не само Македонци, туку и Албанци, Турци, Бошњаци, Срби, Роми и Власи. Ајде да видиме зошто дозволивме ова да се случи. Тоа е суштинското прашање – рече Мицкоски.

The post НЕМАТЕ ГРАМ ПОЧИТ И БЛАГОДАРНОСТ ЗА БУГАРИЈА! Слави Трифонов многу се изнервирал од говорот на Христијан Мицкоски appeared first on plusinfo.mk.

Трифонов во својата објава на Фејсбук смета дека треба да се истакне дека посетата на претседателката Сиљановска-Давкова кај Радев била неформална и дека во тој случај од никого не се бара да постави знамиња.

„И при официјалната посета на македонскиот премиер на Република Хрватска исто така немало македонски знамиња, туку само хрватски. Но, за ова ниту еден Македонец не кажа ништо. И сега да го цитирам дотичниот Николоски, кој, ословувајќи нè домаќини, го кажува следното: Домаќинот очигледно не е цивилизиран, ако сакаат, нека испратат протестна нота на тоа што го кажувам. Домаќинот не е ниту цивилизиран, ниту пристоен, ниту има почит, па ситуацијата е таква каква што е. Помизерни од нив се само оние слуги кај нас што потпишаа дека македонскиот и бугарскиот народ имаат заедничка историја, а немаат. Истите луѓе што потпишаа дека македонскиот јазик е дијалект на бугарскиот и дека никогаш нема да влеземе во Европската Унија ако не признаеме дека сме Бугари и имаме бугарски корени, сега зборуваат за патриотизам. Крај на цитатот“, пишува Трифонов на својот фејсбук-профил.

Трифонов на Николовски му порача дека може да биде груб, па дури им како што вели, да биде голем гад, прво затоа што може, а второ и затоа што има причина.

Сепак, вели дека одлучил на љубезен начин да му порача дека:

„Вие постоите затоа што Бугарија постои 1.300 години. Зборувате зашто бугарскиот јазик постои 1.162 години. И некој како тебе може да биде вицепремиер, зашто таквите како мене наместо да го прават тоа што го чувствуваат и сакаат, се воспитани, релативно кротки и ги почитуваат правилата и законите на Европската Унија. Ние не сме мизерни, мизерен си ти“, вели тој.

Според него, единствен правилен начин на дејствување во оваа ситуација е што поскоро да се отповика амбасадорот на Северна Македонија во Република Бугарија.

„А Бугарите во Северна Македонија не се слуги. Слуга си ти, претпоставувам, на Србите“, напиша Трифонов.

Вицепремиерот и министер за транспорт Александар Николоски во вторникот во гостување на ТВ Алфа, зборувајќи за отсуството на македонското знаме на заедничката фотографија на Сиљановска-Давкова и Радев, рече дека очигледно домаќинот не е цивилизиран и дека помизерни од нив се само домашните слуги.

На изјавата на Николоски претходно реагираа и кабинетот на бугарскиот претседател и бугарското МНР кои рекоа дека македонската влада манипулира и провоцира.

Со реакција излезе и поранешниот бугарски премиер Бојко Борисов кој побара оставка од Николоски.

The post „НИКОЛОСКИ, ТИ СИ СЛУГА НА СРБИТЕ“ И Слави Трифонов во хајката против македонскиот вицепремиер appeared first on plusinfo.mk.

Оваа одлука беше очекувана откако стана јасно дека ГЕРБ-СДС и ПП-ДБ нема да поддржат ваква влада.

Трифонов на Фејсбук посочи дека Бојко Борисов го исполнил барањето на лидерот на Движењето за права и слободи на Делјан Пеевски и ја испратил земјата на нови предвремени избори.

„Се сретнавме со сите политички партии и независни пратеници во 50-от Народно Собрание. Од разговорите стана јасно дека има целосно совпаѓање на приоритетите, задачите и целите меѓу нас и пет политички субјекти – независните пратеници околу Николај Марков, независните пратеници од ДПС околу Џевдет Чакаров, БСП, ПП-ДБ и ГЕРБ“, напиша Трифонов на Фејсбук.

„ПП-ДБ се скрија зад своите раководни органи и одбија да дадат јасен одговор. Веројатно поради политичкото кусогледство на еден партнер во нивната коалиција, кој продолжува да се смета за самодоволен. ГЕРБ, и покрај разумот и практицизмот на експертите во оваа партија, не успеа да избега од зависностите на Бојко Борисов. Да ве потсетам дека единствената парламентарна група која веднаш сакаше избори беше групата на ДПС предводена од Делјан Пеевски. Е па, Бојко Борисов го исполни барањето на Делјан Пеевски и ја испрати земјата на нови предвремени избори. Сигурен сум дека ќе си ја понесе целата политичка одговорност за тоа“, додаде Трифонов.

ИТН утре ќе го врати третиот мандат на претседателот, заклучи Трифонов.

The post НОВИ ПРЕДВРЕМЕНИ ИЗБОРИ ВО БУГАРИЈА? Трифонов ќе го врати третиот мандат за формирање влада appeared first on plusinfo.mk.

Мандатот што ѝ беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претседателот Радев сега мора да одреди датум за предвремени парламентарни избори, откако три мандати за формирање влада му беа вратени.

The post СЛАВИ ТРИФОНОВ ГО ВРАТИ МАНДАТОТ Бугарија оди на избори appeared first on plusinfo.mk.

The post МАНДАТОТ ОДИ ВО РАЦЕТЕ НА СЛАВИ ТРИФОНОВ Трета (не)среќа за формирање влада во Бугарија appeared first on plusinfo.mk.

Во интервју за БНР за претстојните парламентарни избори во Бугарија тој коментираше и за, како што беше најавено, прашањето „Македонија“.

– Луѓето се убедија дека таканаречените Македонци дејствуваат само кога се притиснати до ѕид. Инаку, гледате што прават. Тоа е многу тажно – изјави Трифонов.

На прашањето дали Бугарија има механизам да ги притисне до ѕид, тој вели дека ако зависи од него, ќе направи сѐ што е можно да ги притисне и додаде дека треба „задолжително вето… задолжително за нивниот влез во ЕУ“.

Инаку, Трифонов и неговата партија на последните избори не успеаја да го преминат изборниот праг и не влегоа во бугарското Народно собрание.

The post МАКЕДОНЦИТЕ ДЕЈСТВУВААТ САМО КОГА СЕ ПРИТИСНАТИ ДО ЅИД Слави Трифонов пак би ни ставил вето, ама никој во Бугарија не го есапи appeared first on plusinfo.mk.

Лидерот на партијата Има Таков народ, Слави Трифонов вели дека почетокот на собирањето потписи за одржување на референдумот за воведување претседателска република (претседателски систем) во земјата и тоа сега на крајот од функционирањето на сегашниот парламентарен состав, е целосна коинциденција.

Претседателот на Бугарија, Румен Радев закажа нови парламентарни избори на 2 април, бидејќи земјата сѐ уште не може да состави влада.

– Ова е случајно и двата политички процеси немаат врска – уверува Трифонов, кој за првпат по речиси две години застана пред медиумите да го најави почетокот на својата нова иницијатива.

Доколку таков референдум се одржи, граѓаните ќе треба да одговорат дали сакаат претседатски систем во земјата или да остане сегашната парламентарна демократија.

Трифонов вели вели дека не се сретнал со претседателот Радев.

– Откако е претседател, се видов можеби еднаш. Не сме имале никакви дискусии за нашата идеја за референдум. Тоа е наша долгогодишна идеја кое произлегува од нашето сфаќање на мнозински избори. Радев не знае за оваа наша цел, нема никаков ангажман, тој го води претседателството, ние го правиме она што ќе одлучиме дека е правилно – додаде Трифонов.

The post БУГАРИЈА ГО МЕНУВА ДРЖАВНОТО УРЕДУВАЊЕ? Трифонов иницира референдум земјата да стане претседателска република appeared first on plusinfo.mk.

„Дали знаете што значи ‘Калојан’? Едно од најубавите имиња, еден од најхрабрите мажи, толку важен за бугарската историја – Цар Калојан. ‘Калојан’ доаѓа од грчки и значи ‘убавиот Иван’. ‘Кало’ – убав и ‘јан’ – Иван. Затоа што царот Калојан бил висок, крупен маж, убав и оттаму – Калојан. Сигурен сум дека многу Бугари гордо го носат ова име – Иван Убавиот. Цар Калојан… Многу улици во Бугарија, училишта и други згради и институции се именувани по Цар Калојан. А дали знаете што значи ‘Скилојан’? Тоа значи ‘Иван Ѕверот’ или ‘Кучето Иван’, затоа што така го нарекувале Грците, поточно Византијците. Оти ​​ги колел, дерел и обескостувал во буквална смисла и многу се плашеле од него. Дали знаете што значи ‘Василиј Втори Вулгароктонос’? Можеби некои од вас се сетија – тоа значи ‘Василиј Втори бугароубиец’. Тој ги ослепил војниците на Цар Самуил. Илјадници. На секои 100, по еден со едно око за да ги води. Можете ли воопшто да ја замислите оваа неопислива, монструозна и нечовечка сцена според својата жестина? Како некои луѓе со загреани железни прачки ослепуваат човек по човек. Не можам да замислам. Затоа што ми се чини нечовечно. Поради ова пеколно ‘херојство’ Василиј Втори го нарекувале ‘Бугароубиец’. И зошто ви го кажувам сето ова? Затоа што 8 улици во Атина и 10 улици во Северна Грција се нарекуваат ‘Василиј Втори Бугароубиец’. ‘Каде живееш, бе, малака?’ ‘На ‘Василиј Втори Бугароубиец 35’. Колку апсурдно, апстрактно и лудо звучи, но тоа е факт“, напиша Трифонов на Фејсбук, пренесе Експрес.

Толку многу Бугари одат во Грција. Дојде ли празник или лето, бугарско-грчката граница не може да се помине. Десетици илјади Бугари одат во Грција, затоа што е кул во Грција, додава тој.

„И јас сум бил многу пати во Грција, но денес дознав за овие улици. 18 улици. 10 во Северна Грција и 8 во Атина се наречени ‘Василиј Втори Бугароубиец’. Значи, Грците се гордеат. Нема проблем да ни ги земат парите како туристи и нема проблем да си ги именуваат улиците по личноста со прекар ‘Бугароубиец’. И што сега, да почнеме да си ги именуваме улиците ‘Цар Скилојан’, бугарскиот цар кој ги колел и дерел Грците во буквална смисла? ‘Каде живееш, бе, Пешо?’ ‘Ами на улица ‘Цар Скилојан’ 35′. Даа… големи патриоти сме. Оваа информација тешко дека ќе ја смени мешаницата од луѓе на бугарско-грчката граница, кои ќе одат да јадат ѕаѕики во Грција. И нема апсолутно никакво значење како се викаат улиците. Така што, ако ги погледнеме фактите, има разлика меѓу нас и Грците. Тие ги натераа Македонците да си ја прекрстат својата држава од Македонија во Северна Македонија, а ние ги пуштивме да се кандидираат во Европската Унија, иако секојдневно нè пцујат, навредуваат и злоставуваат на секаков начин. Затоа што сме патриоти. Посебно на маса кога јадеме ѕаѕики. ‘Ти ли, бе, Слави Трифонов, ти ли си најголемиот патриот? Не ми зборувај за историјата, туку кажи ми зошто ја урна Владата’. Упс, се збркав, тоа треба да е првиот коментар под она што го напишав“, стои во објавата на Фејсбук на еден од најгласните антимакедонци во Бугарија.

The post ТИЕ ГИ НАТЕРАА МАКЕДОНЦИТЕ ДА СЕ ПРЕКРСТАТ Слави Трифонов гледа огромна разлика помеѓу Грците и Бугарите appeared first on plusinfo.mk.

Трифонов бара Софија да го врати ветото затоа што во Македонија се носи нов закон за здруженија на граѓани, со кој најверојатно ќе бидат дерегистрирани бугарските здруженија „Цар Борис Трети“ во Охрид и „Иван Михајлов“ во Битола, затоа што законот предвидува да не може за имиња на здруженија да се користат личности кои биле фашисти или соработувале со фашизмот. За Трифонов, ова е доказ дека во Македонија „се води војна против сè што е бугарско“ и дека прва работа што треба да го стори новиот состав на бугарското Собрание е „веднаш да ја замрзне кандидатурата на Северна Македонија за членство во Унијата“.

„Споредните“ не се нималку споредни

Македонски аналитичари и политичари велат дека изјавите на Трифонов не треба да се игнорираат поради тоа што тој сега е маргинален политичар – не успеа ниту да влезе во парламентот на последните избори.

– Токму преку такви т.н. споредни ликови секогаш доаѓа „ехото“ на она што набргу потоа се проширува на сите битни фактори како општоприфатена позиција на бугарската политика кон Македонија – вели Илија Димовски, политичар и аналитичар, поранешен пратеник од ВМРО-ДПМНЕ.

Според него, не треба воопшто да нѐ изненадува секаква блокада или опструкција од бугарска страна.

– Македонија треба со внимание да следи што сѐ се случува во Софија во однос на нас, посебно заради тоа што со потпишаните два протокола кои произлегуваат од член 12 од Договорот, Македонија презеде премногу обврски кои немаат никаква врска со европската перспектива, туку се само во насока на задоволување на тесни државни интереси на Бугарија кон Македонија. Речиси сум сигурен дека на оваа тема, или на други теми кои се опфатени со протоколите, ние континуирано ќе ги имаме истите закани, уцени, а веројатно некогаш ќе имаме и блокади од страна на Бугарија – дециден е Димовски.

Тој смета дека е добро тоа што нашето Собранието едногласно, со поддршка на сите партии, ја донесе одлуката за Законот за здруженија на граѓани.

– Така демонстрираме единство и јасна национална позиција и парламентарна волја во однос на ова прашање. Лично сметам дека и со постојната регулатива државата можеше да ја оспори регистрација на овие здруженија, но како и да е, сега владата нема да има простор да биде толерантна и да мери политички околности, туку ќе мора да постапува – вели Димовски.

Нема дилеми кои се Борис Трети и Иван Михајлов

Според Ивица Боцевски, нема дилеми дека здруженијата „Борис Трети“ и „Иван Михајлов“ нема да можат да го минат законскиот филтер на изменетиот Закон за здруженија на граѓани, зашто во него, покрај другите основи за забрана, внесени се конкретно и принципите на антифашизмот.

– Неспорно е, Борис Трети е сојузник на Адолф Хитлер, Иван Михајлов целата Втора светска војна ја поминува кај Анте Павелиќ, а документите, кои се пронајдени и објавени, говорат дека со Михајлов е направен последниот обид на фашистичка Германија за формирање некаква Независна држава Македонија на самиот крај на војната, кој не се реализира. Значи, неспорно е дека тие се соработници на Хитлер и фашизмот. Може да разговараме за нијанси, како тоа се дефинира во историската наука или политокологијата, меѓутоа, јасно е за светската демократска и глобална јавност дека тие се вон границата на прифатливото и на добриот вкус – вели Боцевски.

Затоа, смета тој, културните клубови со нивните имиња треба да бидат затоврени, односно дерегистрирани.

– Ако Бугарија на ова реагира со вето, тогаш ќе ни даде најдобар можен подарок пред европската и пред  глобалната јавност. Јас ги охрабрувам да стават вето и да кажат дека го ставаат ветото затоа што во Македонија е забрането здружение со името Борис Трети или со името Иван Михајлов. Баш ме интерсира како кој било политичар или општественик од Бугарија ќе објасни пред „Њујорк тајмс“, пред „Гардијан“, „Ди Велт“ или „Фигаро“ дека става вето поради забрана на здруженија со имиња на соработници на Адолф Хитлер. Тоа ќе биде интересно да се види. Тоа само може да ја објасни и да ја засили позицијата на Македонија во светот – вели Боцевски.

Тој вели дека за овие теми секогаш се добродојдени германските искуства, имајќи предвид дека во справувањето со темните петна од историјата Германците се појдени најдлабоко и најдалеку.

– Во Германија токму ширењето омраза и меѓуетничка нетрпеливост е црвена линија која ја ограничува дури и слободата на изразувањето. Дури и тие што сакаат да отпечатат маици со симболот свастика, како се фрла во корпа, во смисла, да го исфрлиме фашизмот, значи во негативна конотација, исто така мора да бараат и да добијат дозвола за да го употребат тој симбол, зашто тој е забранет – илустрира Боцевски.

Повредени се чувствата на Македонците

Професорот и дипломат Ѓорѓи Спасов, поранешен амбасадор во Бугарија, вели дека со носењето измени во овој закон малку се доцни, тоа требало и претходно да биде направено, но во секој случај неопходно е да се спречи користење имиња кои ги повредуваат чувствата на граѓаните.

– Македонија има право со барање за пререгистрација на невладините организации и со овластување на Министерството за правда или судовите да не дозволи користење имиња на тие организации кои од пошироката јавност можат да се доживеат како политичка провокација. А под политичка провокација може да се сметаат имиња или симболи, програми и активности насочени кон величење на фашизмот, нацизмот, окупацијата во време на Втората светска војна, оспорување на националниот идентитет и на националната историја или омаловажување на жртвите и борците за слободна и независна Македонија – вели Спасов.

Не треба да нѐ загрижува, вели Спасов, ако Бугарија или некои бугарски политичари тој чин го оценат како „антибугарска кампања“ или „непочитување на Договорот за добрососедство“.

– Треба да ги игнорираме сите такви реакции од нивна страна. Нека ѝ објаснуваат на ЕУ што е тоа што тие го сметаат за почитување на Договорот за добрососедство и другите членки на ЕУ нека сфатат кој создава атмосфера за влошување на односите меѓу двете земји и како го користат малцинството Бугари во Македонија, не како мост за зближување меѓу двете земји, туку за чепкање по раните од историјата и оживување на големобугарските идеи – вели Спасов.

The post САМО НАПРЕД СЛАВИ, ВРАТЕТЕ ГО ВЕТОТО! Аналитичари сметаат дека тоа би било дипломатски подарок за Македонија appeared first on plusinfo.mk.

Пратениците во македонското Собрание дадоа поддршка по скратена постапка за носење на Предлог-законот предложен од опозициската ВМРО-ДПМНЕ за изменување и дополнување на

„Собранието во Северна Македонија едногласно изгласа нов закон за фондации и здруженија. Со овој закон е исполнета целта, а тоа е да се забранат сите бугарски здруженија именувани по херои од нашата историја. Што е Иван Михаилов за Македонија, освен херој?“ – пишува Трифонов.

Законот за здруженија и фондации, според кој, меѓудругото, здуженија на граѓани нема да можат да користат имиња и називи на личности кои се сметаат за фашисти, или соработници на фашистите и нацистите во Втората светска војна. Со усвојувањето на овој закон постоечките здуженија ќе добијат рок во кој треба да се усогласат со неговите нови одредби. Со новиот закон во земјава најверојатно нема да може да се користат имињата како „Цар Борис Трети“ „Цар Фердинанд“ или „Иван Михајлов“.

„Прогонот против сè што е бугарско во Северна Македонија продолжува со полна сила. И по падот на бугарското вето, тоа доби уште поголеми и грди размери, што не е изненадување. Доколку Европската Унија сè уште се држи до човечките вредности што ги прокламира, веднаш треба да ја замрзне кандидатурата на Северна Македонија за членство во Унијата. Северна Македонија уште еднаш покажа дека не е земја достојна за Унијата каде што човековите права и правото на самоопределување се основни. На Бугарија ѝ е јасно што мора да направи – прво МНР да го повика на разговор новиот амбасадор на Северна Македонија во нашата земја. Второ, и најважно – откако ќе почне со работа, новото Народно собрание е должно да го врати ветото на Бугарија против Северна Македонија. Бугарија е таму каде што има и само еден Бугарин. Но, прашањето е дали во нашиот нов парламент има Бугари кои го разбираат ова и на кои им е грижа? Ќе видиме“, напиша Трифонов на Фејсбук.

Партијата на Трифонов беше главен противник на укинувањето на ветото во претходниот парламент, но не успеа да влезе во новото Народно собрание.

The post ТРИФОНОВ БАРА БУГАРИЈА ДА ГО ВРАТИ ВЕТОТО Тоа би било одговор на новиот Закон за здруженија appeared first on plusinfo.mk.