Фотографиите на украинскиот претседател Володимир Зеленски од 2025 година покрај патоказот за градот Купјанск за рускиот лидер Владимир Путин не се доказ за контрола на теренот, туку обична „фотосесија пред градски патоказ“.

Путин во интервју објавено од Кремљ тврди дека руските сили се на само 2,5 до 5 километри од градот кој се наоѓа во областа на Харков.

„На 10,5 километри од Суми“

Рускиот лидер изјави дека целта на операциите во насока на Суми и Вовчанск е создавање безбедносна зона долж руската граница. Тој тврдеше дека руските сили се оддалечени околу 10,5 километри од градот Суми.

Во исто време нагласи дека Москва, според неговите зборови, нема политички планови за анексија на градот или на регионот.

– Ќе се водиме од предлозите на Министерството за одбрана и Генералштабот – рече Путин.

Купјанск останува симболична точка

Купјанск беше заземен од руските сили во првите месеци од инвазијата, но украинската армија го врати под своја контрола во септември 2022 година.

На крајот на 2025 година украинскиот претседател Зеленски го посети правецот на Купјанск и сними видео покрај оштетениот патоказ за градот.

Токму таа снимка Путин сега ја искористи за критика на украинското раководство.

Во интервјуто тој ги спомена и Лиман, Славјанск и Краматорск, тврдејќи дека руските сили напредуваат и на тие правци.

Москва добила и нови мировни предлози

Покрај состојбата на фронтот, Путин откри дека до Кремљ пристигнале и нови иницијативи за ограничување на воените дејства.

– Исто така, има и нови предлози. Подготвен сум да набројам некои од нив. На пример, прекин на нападите длабоко на териториите на двете страни – рече Путин.

Рускиот лидер откри и уште една идеја што, според него, била доставена до Москва.

– Друг предлог е да се ограничат борбените операции само на четири области, односно да се спроведуваат борбени операции само во Херсонската област, Запорошката област, Доњецката Народна Република и Луганската Народна Република, а да престанат на сите други територии – изјави Путин.

Тој додаде дека внимателно ги разгледува предлозите што пристигнуваат од другата страна, но не откри дали Москва е подготвена да прифати некој од нив.

The post ЗА ПУТИН СЕЛФИТО НА ЗЕЛЕНСКИ OД КУПЈАНСК Е САМО ФОТОСЕСИЈА Рускиот лидер добил и нов мировен предлог appeared first on plusinfo.mk.

Киев тврди дека руски ракети и проектили гаѓале украински градови во последните денови, а во нападите се убиени десетици луѓе.

– Тоа не беа само ракетни напади од воздух и од море. Гледаме гранатирање по целата линија на фронтот. Има активна употреба на тактичка авијација и напаѓачки хеликоптери. Јасно е дека сега се во тек подготовките за следната фаза од офанзивата – изјави Вадим Скибицки, портпарол на украинската воена разузнавачка служба.

Украинската армија соопшти дека Русија ги прегрупирала единиците за офанзива кон Славјанск, симболично важен град во Доњецк во источна Украина

The post РУСИЈА СЕ ПОДГОТВУВА ЗА СЛЕДНАТА ФАЗА ОД ВОЈНАТА Офанзива на сите оперативни области? appeared first on plusinfo.mk.

„На 14 јули, високопрецизни ракети од море „Калибр“ ја погодија зградата на офицерскиот дом на гарнизонот во градот Виница. Во моментот на нападот, во овој воен објект се одржуваше состанок на командата на украинските воздухопловни сили со претставници на странски добавувачи на оружје за пренесување на следната серија авиони и оружје на вооружените сили на Украина. Тие беа убиени“, објави Русија.

Најмалку 23 лица загинаа во нападот на градот Виница во централна Украина, информира началникот на украинската национална полиција Ихору Клименко.

Единаесет тела, меѓу кои и две деца, сè уште се неидентификувани. Ихор Зовква, заменик-шеф на кабинетот на претседателот на Украина, изјави дека повеќе од 70 лица сè уште се во болница, 18 лица се водат како исчезнати, а во тек е спасувачка операција.

The post ВО ВИНИЦА ГАЃАВМЕ ВОЕН СОСТАНОК Русите спречиле голем трансфер на западно оружје во Украина appeared first on plusinfo.mk.

Нагласувајќи дека извештаите не се потврдени, британското Министерство објави дека руските сили полека напредуваат кон запад и планираат напади кон Северск од Лисичанск за да го отворат патот кон Славјанск и Краматорск.

– Бахмут најверојатно ќе биде следната цел откако ќе биде обезбеден Сиверск – се вели во извештајот.

Институтот за проучување на војната, исто така, соопшти дека Русија најверојатно подготвува офанзива од големи размери долж линијата Славјанск-Северск-Бахмут.

Руските медиуми вчера јавија дека украинскиот град Северск е под контрола на сојузничките сили на Русија и на самопрогласената Доњецка Народна Република (ДНР).

– Нашите трупи го контролираат Северск, така што непријателот сега може да биде погоден со прецизен оган на целата територија на градот – изјави првиот заменик-министер за информации на ДНР Даниил Безсонов за телевизискиот канал „Соловјев во живо“.

Тој претпостави дека украинските сили ќе се повлечат од Северск побрзо „отколку што се повлекле од Лисичанск“.

The post СЛЕДНАТА ЦЕЛ НА РУСИТЕ ЌЕ БИДЕ БАХМУТ Се готви офанзива на линија Славјанск-Северск-Бахмут appeared first on plusinfo.mk.

Во соопштението се вели дека руските сили бомбардираат неколку украински градови со тешко вооружување, за да и овозможат на пешадијата да напредува кон југ и да се приближи до Славјанск, пишува Гардијан.

Гранатирање долж Доњецк

Министерството за одбрана на Велика Британија го објави својот дневен брифинг за разузнавањето за ситуацијата во Украина.

„Силното гранатирање продолжи долж линијата на фронтот во Доњецк, но со слаб руски напредок. Руските единици кои беа вклучени во минатонеделните придобивки сега веројатно ќе бидат реконструирани“, се вели во извештајот.

Тие посочуваат дека на почетокот на неделава претседателот Владимир Путин им честитал на оние кои го зазеле Лисичанск, наведувајќи дека треба да се одморат.

Значајни удари со западно оружје

Украинските ловци извршија неколку „значајни удари“ врз руските логистички цели благодарение на новото западно оружје, изјави украинскиот претседател Володимир Зеленски. Во своето ноќно видео обраќање, Зеленски рече дека овие напади „влијаат на офанзивниот потенцијал на руските сили“.

– Артилеријата што ни ја испрати Западот конечно почна силно да удира. Нивната прецизност е токму она што ни треба – рече тој.

Зеленски истовремено го осуди уништувањето на факултетот во украинскиот град Харков. Со гранати беа погодени главната зграда, аудиториумите и музејот.

Русите ги гранатираа Змискиот остров и Одеса

Утринава руските сили истрелаа ракети врз Змискиот остров во северозападниот дел на Црното Море, од кој се повлекоа претходно неделава и  од блискиот град Одеса, изјави портпаролот на воената управа на Одеса, Серхиј Братчук.

Тој на својот канал на Телеграм изјави дека две ракети предизвикале „значителна штета“ на пристаништето на островот, пренесува Гардијан. Тој додаде дека Одеса била нападната пред зори и дека биле погодени два комбајни и уништени се 35 тони жито.

Убивме војници кои сакаа да постават знаме на островот

Руското Министерство за одбрана соопшти дека убило украински војници кои се обидувале да го подигнат украинското знаме на неодамна преземениот Змиски остров. Во дневниот оперативен брифинг од руската војска се наведува:

„Наспроти позадината на воените неуспеси и масовното повлекување на украинските трупи во Донбас, ноќта на 7 јули, режимот во Киев се обиде симболично да го предаде знамето на Змискиот остров.Околу 5 часот наутро неколку украински војници слетале на островот од моторен чамец и се фотографирале со знамето. Авионот на руските воздушни сили веднаш изврши напад со високопрецизни ракети на Змискиот остров, како резултат на што беше уништен дел од украинскиот воен персонал. Преживеаните побегнале во правец на селото Приморскоје, регионот Одеса“.

Тврдењата не се независно потврдени, иако претходните власти во Одеса соопштија дека островот бил погоден.

Следна цел се терористите кои избегаа

Шефот на Чеченија, Рамзан Кадиров, на Телеграм напиша дека следната задача во Украина е „да ги уништи остатоците од терористите кои избегаа од Чеченската Република“.

„Оваа недела, како што знаете, целосно ја ослободивме целата територија на ЛНР од националистичките копилиња. Очајно се надеваме дека тоа ќе ни даде можност да стигнеме до Киев и да ги завршиме терористите кои некогаш избегаа од Чеченската Република“, напиша Кадиров.

Над 2 милиони Украинци евакуирани во Русија

Повеќе од 24.000 луѓе, меѓу кои најмалку 3.700 деца, се евакуирани во Русија од опасните области во Украина и самопрогласените ЛНР и ДНР во изминатите 24 часа.

– Во изминатите 24 часа, 24.068 лица, меѓу кои 3.726 деца, беа евакуирани од опасните области на Украина и републиките Донбас во Руската Федерација без учество на украинските власти, додека од почетокот на специјалната воена операција, 2.359.135 лица, од кои 371.925 деца се евакуирани – изјави синоќа тој.началникот на Оперативниот центар на националната одбрана на Русија, генерал-полковник Михаил Мизинцев.

Украина тврди дека Русија насилно ги носи своите граѓани во Русија.

The post СЛАВЈАНСК ПОД ГРАНАТИ, УКРАИНЦИТЕ ГО БРАНАТ Притисокот расте, погодени се и Одеса и Змискиот остров appeared first on plusinfo.mk.

Се верува дека руските сили сега се на околу 16 километри северно од Славјанск, според најновиот извештај на британското разузнавање.

Украинскиот гувернер на Луганск, Сергеј Гаидај, утринава изјави дека продолжуваат борбите и во селата околу Лисичанск, градот за кој се смета дека е под руска контрола. Но, не и неговата околина. Како што Гаидај изјави на Телеграм, некои населби „веќе двапати биле под една или друга контрола“.

Тој повтори дека до 15.000 цивили останале во Лисичанск и 8.000 во Северодонецк, додавајќи дека „денешните видеа од Лисичанск се болни за гледање“.

Претседателот на Украина, Володимир Зеленски, размислува за контрофанзива на Украина на југ и одбрана на Донбас. Тој го повтори повикот за понатамошна испорака на оружје од Западот, особено модерни системи за противракетна одбрана, со цел да се одбранат украинските градови.

– Да може да се одбрани земјата од руски ракетни напади пред крајот на годината е клучна задача на украинското раководство – рече Зеленски во видео-обраќањето во вторникот.

The post СЛАВЈАНСК ЌЕ БИДЕ СЛЕДНИОТ КЛУЧЕН ГРАД Русите се приближиле на 16 километри appeared first on plusinfo.mk.

Гувернерот на Доњецк, Павло Кириленко повика 350.000 цивили да се евакуираат од источниот украински регион поради претстојните руски офанзиви.

Повикот следува еден ден откако рускиот претседател Владимир Путин прогласи победа во соседниот регион, Луганск. Се верува дека токму Доњецк е следната цел на Русите.

Извлекувањето на 350.000 цивили е „нужно за да се спасат животи“, смета Кириленко, како и да се „овозможи украинската војска полесно да ги брани градовите од руските офанзиви“.

– Судбината на целата земја ќе биде одлучена во Доњецк. Кога од регионот ќе се евакуираат цивили, војската ќе може да се сконцентрира на непријателот, -истакна Кириленко.

Руските сили жестоко го бомбардираа Словјанск, град во Доњецк што се смета за клучна цел на воените стратези од Москва, заедно со градот Краматорск.

Градоначалникот на Словјанск, Вадим Лика преку Фејсбук ги повика жителите на евакуација.

The post СУДБИНАТА НА УКРАИНА СЕ РЕШАВА ВО ДОЊЕЦК Апел за евакуација на цивилното население appeared first on plusinfo.mk.