Собранието ја изгласа потребата законот со кој се овозможува ново задолжување на државата од 260 милиони евра да се гласа по скратена постапка.

Заменик министерот за финансии Николче Јанкулоски, презентирајќи ја потребата пред пратениците, истакна дека постапката е целосно транспарентна и дека не се работи за неочекуван потег, туку за однапред предвидена финансиска мерка и дека целта на задолжувањето е да се обезбеди стабилност и ликвидност на државниот Буџет.

СДСМ побара точката да се симне од дневен ред и да се оди по редовна постапка за гласање.

Опозициските пратеници изразија загриженост за состојбата на државниот Буџет, за континуираниот раст на јавниот долг, како и за брзината со која се носат вакви значајни финансиски одлуки без подетална и поширока парламентарна расправа.

Во текот на седницата беа разгледани и други актуелни теми од различни области. Во спортот, ракометарите беа наградени со 1,5 милиони денари за пласманот на Светското првенство. Во културата беше најавено дека на 2 и 3 јуни во Македонскиот народен театар ќе се одржи премиерата на новиот мјузикл „Као Какао“.

Собранието донесе одлука министрите да можат да ги задржат двојните државјанства. Во општествениот сегмент, Првата детска амбасада „Меѓаши“ алармираше за зголемен број повици од деца кои се соочуваат со ментални здравствени проблеми.

The post МАКЕДОНИЈА ЌЕ СЕ ЗАДОЛЖИ ЗА НОВИ 260 МИЛИОНИ ЕВРА Законот ќе се носи по скратена постапка appeared first on plusinfo.mk.

Собранието ќе ја одржи 98. седница, на чиј дневен ред се повеќе точки, меѓу кои и предлог законските измени на Законот за Владата на Република Македонија, по скратена постапка, со кои се се создаваат услови за елиминирање на објективните причини поради кои беше воспоставен моделот на преодна, односно техничката влада.

Предложеното законско решение, со одложената примена, како што се вели во образложението од предлагачот – Владата, има за цел да обезбеди стабилност, правна сигурност и заштита на јавниот интерес на граѓаните преку целосно и доследно заокружување на започнатите реформи.

– Заради потребата од рационално и одговорно користење на јавните финансии, зајакнување на институционалната стабилност и обезбедување целосен демократски легитимитет на Владата како носител на извршната власт избрана од Собранието, со овој предлог закон се воспоставува јасна и применлива правна рамка која ќе ги гарантира фер и транспарентните избори преку институциите основани со Уставот и законите и ќе ги елиминира привремените решенија воспоставени со политички договори во минатото – се вели во образложението на предлог законот.

На дневен ред пред пратениците, е и предлог одлуката за испраќање припадници на Армијата на Република Северна Македонија за учество во меѓународната операција на Европската Унија „АЛТЕА“, во Босна и Херцеговина.

Пред пратениците се и стратешкиот и финансискиот план на Државната комисија за жалби по јавни набавки за 2026 година и годишната програма за работа на комисијата за 2026 година.

На дневен ред е и предлог одлуката за објавување јавен оглас за избор на член на Комисијата за спречување и заштита од дискриминација.

Како 7 точка, на дневен ред пред пратениците е и Предлог на закон за изменување на Законот за гранична контрола, во второ читање, со кој, како што се вели во образложението „ќе се изврши подобрување на системот за гранична безбедност, подобрување на функционалноста на националниот систем за гранично управување и натамошно усогласување со Европската Унија и стандардите во рамки на процесот на исполнување на критериумите за придружување во Европската Унија (Поглавје 24).“

Пратениците во рамки на 98. седница, како што е најавено, ќе ги разгледаат и Предлогот на законот за изменување на Законот за здравственото осигурување – во второ читање; Предлог на закон за изменување и дополнување на Законот за минерални суровини, по скратена постапка; Предлог на закон за изменување и дополнување на Законот за концесии и јавно приватно партнерство, по скратена постапка; Предлог на закон за изменување и дополнување на Законот за јавните претпријатија, по скратена постапка; Предлог на закон за изменување на Законот за внатрешната пловидба, по скратена постапка; Предлог на закон за изменување и дополнување на Законот за данокот на додадена вредност, по скратена постапка; и Предлог на закон за изменување на Законот за придонеси од задолжително социјално осигурување, по скратена постапка.

The post УКИНУВАЊЕТО НА ТЕХНИЧКАТА ВЛАДА НА СЕДНИЦА ВО СОБРАНИЕ Измените се поднесени по скратена постапка appeared first on plusinfo.mk.

Собранието денеска во рамки на 52. седница го усвои Предлог-законот за изменување и дополнување на Законот за задолжително капитално финансирано пензиско осигурување, по скратена постапка. Меѓудругото, со овие измени се доуредува изборот на членови во Советот на експерти во Агенцијата за супервизија на капитално финансирано пензиско осигурување – МАПАС.

– Претседателот и четворицата членови на Советот на експерти на Агенцијата ги именува и разрешува Собранието на Република Северна Македонија на предлог на Владата на Република Северна Македонија. Со оглед дека мандатот на членовите на Советот на експерти е пет години, со можност за реизбор, се јави потребата од допрецизирање на оваа одредба во смисла дека мандатот на претседателот и членовите на Советот на експерти изнесува пет години и ниту еден член не може да биде на таа функција повеќе од два последователни мандати – се наведува во образложението на законот.

На донесувањето на овие измени реагираше пратеничката од СДСМ Јованка Тренчевска, која истакна дека на ваков начин се овозможува ретроактивно дејствување и се нарушува правната сигурност.

– Со член 1 од овие измени се менува членот 50 ставот 4, односно се ограничува мандатот на претседателот и на членовите на Советот на ексеперти на Агенцијата кој изнесува пет години, на два последователни избори и тоа е во ред, мислам дека 10 години мандат е доволно за еден функционер да биде на одредена функција. Но, она што е спорно е тоа што овој член 1 е поврзан со член 4 од предлог измените на законот, кој вели дека со денот на влегување во сила на овој закон им престанува мандатот на членовите на Советот на експерти на Агенцијата кои го исполнуваат условот од член 1 од овој закон – рече Тренчевска.

Таа додаде дека со ова грубо се крши Уставот, односно неговиот член 52 став 4, во кој се вели дека законите и други прописи не можат да имаат повратно дејство, доколку тоа не е поповолно. Со ова, истакна Тренчевска, се создава повратно важење со неповолно дејство и тоа создава правна несигурност.

На ова реплицираше пратеникот од ВМРО-ДПМНЕ Бојан Стојановски кој истакна дека членовите кои ги цитира Тренчевска, или не ги разбрала, или ѝ е подметнато законско решение кое не е исто со она што денеска е на дневен ред на седницата, или пак, како што рече, во најлош случај сака да инсинуира.

– Во членот 1 кој вие го кажавте и го поздравивте се кажува дека едно лице може да биде избрано во Советот на експерти максимум два мандата и вие рековте дека тоа е коректно. Член 4 кој го кажавте и пробавте да направите некои инсинуации се носи бидејќи во Советот на експерти во Агенцијата постои лице кое е избрано четврт мандат по ред. Сега пред некое време повторно доби реизбор. За да се задржи професионалниот интегритет на институцијата го поднесуваме ова законско решение. Не е вистинита информацијата, да не речам е лажна, дека со ова законско решение ќе им престане мандатот на сите членови на Советот на експерти, туку само на дотичниот господин кој малку се има подзаборавено – рече Стојановски.

По прекинот на 52. седница Собранието ја продолжи 41. седница, во чии рамки ги ратификуваа Протоколот за изменување и дополнување на Конвенцијата за кривичните дела и некои други акти извршени во воздухоплови, Протоколот за дополнување на Конвенцијата за сузбивање на незаконито грабнување на воздухоплови, како и Предлог на закон за ратификација на Конвенција за спречување на незаконски дејствија поврзани со меѓународното цивилно воздухопловство.

И на оваа седница има уште неколку точки на дневен ред, а нејзиното продолжение ќе биде дополнително закажано.

The post СОБРАНИЕТО ГО ОГРАНИЧИ МАНДАТОТ НА ЕКСПЕРТИТЕ ВО МАПАС НА 10 ГОДИНИ Ниеден член не ќе може да биде на функција повеќе од 2 мандата appeared first on plusinfo.mk.

Собранието денеска не ја прифати потребата да се донесе законот за денови на жалост во скратена постапка, на предлог од Левица. За предлогот ова законско решение да се усвои по скратена постапка гласаа 19 пратеници.

Пратеникот Амар Мециновиќ од Левица, образложувајќи го предлогот, истакна дека „тагата не смее да биде дел од политички наратив“ и дека со законот се бараат јасни и унифицирани критериуми за прогласување денови на жалост, кои не би зависеле исклучиво од одлуката на Владата.

Тој посочи дека предлог-законот се залага за регулирана медиумска програма без забавни и политички содржини за време на деновите на жалост, како и за воведување едноминутно молчење и санкции за недолично однесување.

– Овој закон никако не навлегува во правото на слобода за изразување и во регулирањето на приватните субјекти, туку ги подразбира измените кои ќе дозволат како нација да ја доживееме тагата во која што сме се нашле и да се дозволи на вистински начин да закрепнеме од колективните трагедии – рече Мециновиќ.

Потенцираше дека предлогот се однесува на јавниот и на институционалниот домен, со фокус на одбележување трагични настани на национално и локално ниво.

Во предлогот стои дека целта на законот е обезбедување на правна основа за правилно одбележување на деновите на жалост на национално и локално ниво, преку организирано, унифицирано и достоинствено одбележување на трагични настани кои влијаат на националната и колективна меморија на државата, преку достоинствено оддавање почит кон настраданите и нивните блиски, како и поттикнување на човечноста, солидарноста и на националното единство.

The post ПРАТЕНИЦИТЕ ГО ОДБИЈА ЗАКОНОТ ЗА ДЕНОВИ НА ЖАЛОСТ Од Левица побараа предлогот да се усвои во скратена постапка appeared first on plusinfo.mk.

Според она што е наведено во предлог законот за задолжувањето,  земјава се обврзува кредитот да го подигне во една транша, а ќе се отплаќа за 15 години, со вклучен грејс период од 3 години. Заемот ќе се отплаќа на 24 полугодишни рати, на 15 февруари и 15 август секоја година. Каматната стапка е фиксна и изнесува 3,25%.

Доколку не се повлечат парите земјава ќе треба да плати провизија за неповлечени средства во висина од 0,5% од заемот на годишно ниво.

„Провизијата за неповлечени средства ќе се пресметува на дневна основа на неповлечениот дел од заемот, пресметано од датумот на достапност на средствата и ќе се плати првиот работен ден по завршување на периодот на достапност“, стои во предлог- законот.

Во образложението на законот за задолжување се посочува дека дополнително, земјава пред да го подигне кредитот  ќе ѝ плати провизија за извршени правни услуги на независна фирма избрана од страна на Унгарската експорт – импорт банка приватно друштво со ограничена одговорност. Притоа не се наведува колкав ќе биде износот на оваа провизија.

„Дополнително, Република Северна Македонија ќе ѝ плати провизија за извршени правни услуги на независна фирма избрана од страна на Унгарската експорт – импорт банка приватно друштво со ограничена одговорност. Провизијата за извршени правни услуги ќе се плати пред повлекување на траншата“, се наведува во образложението.

Ваков услов досега немало при земањето на кредити на државава од странски банки.

По усвојување на Законот за задолжување и неговото објавување во „Службен весник“,  ќе може да се потпише  и Договорот за заем со унгарската приватна банка, кој во име на владата ќе го потпише министерката за финансии.

Владата смета дека со обезбедувањето на овој заем ќе се унапреди постојната и ќе се воспостави посебна економска соработка со Унгарија.

Средствата од заемот ќе се користат за буџетско финансирање и финансирање на општи цели согласно одредбите од Договорот за заем и важечките закони.

При најавата на овој кредит Владата соопшти дека парите ќе се користат за финансиски проекти на општините вкупно 250 милиони евра, а другата половина од парите ќе се дадат како поволни кредити на компаниите.

The post ВЛАДАТА СЕ БРЗА ДА ГО ЗЕМЕ УНГАРСКИОТ КРЕДИТ Законот за задолжување ќе се носи по скратена постапка appeared first on plusinfo.mk.

Во рамки на 129 седница беше усвоен Законот за изменување и дополнување на Законот за аудио и аудиовизуелни медиумски услуги, по скратена постапка со 64 гласа „за“, без ниту еден против и воздржани, како и со гласовите на 25 пратеници од немнозинските заедници. Со тоа беа исцрпени сите точки на дневен ред на оваа седница.

Во рамки на 138 седница денеска помина во прво читање Предлог законот за правда на децата, а во рамки на 131 седница беа изгласани измените на Законот за авторско право и сродни права.

На продолжението на 125-та седница беа донесени измените на Законот за хартии од вредност, по скратена постапка по што претседателот на Собранието Јован Митрески ја прекина работата, а продолжението најави дека ќе биде дополнително закажано.

Претходно, попладнево во рамки на 145. седница Собранието го изгласа Абдуш Демири за член на Државната изборна комисија со што се комплетираше составот на Државната изборна комисија. ДИК повеќе месеци беше без седмиот член, откако Кренар Лога стана министер за правда.

Во рамки на 143 седница помина Предлог законот за конфискација на имот во граѓанска постапка, по скратена постапка, кој беше подготвен на иницијатива на заменичката на претседателот на Владата задолжена за политики за добро владеење Славица Грковска.

„Со изгласувањето на овој закон се дава зелено светло за воведување на дополнителен антикорупциски механизам во нашето законодавство, со цел да се постигнат поголеми резултати во борбата со корупцијата и организираниот криминал, односно поефикасно справување со неказнивоста и нелегалното стекнување имот.
Законот за конфискација на имот во граѓанска постапка има за цел заштита на јавниот интерес на Република Северна Македонија на начин што се оневозможува каква било корист од имот, за кој, во постапката согласно овој закон, ќе се утврди дека не бил стекнат од законски извори. Со овој закон се ограничува правото на сопственост во согласност со Уставот, законот и меѓународните стандарди и праксата на ЕСЧП за овој вид на конфискација.
Овој закон не претставува замена за конфискацијата во кривична постапка, туку е дополнителен помошен инструмент и механизам. Особено е важно што со законот се предвидува можност конфискуваниот имот во граѓанска постапка да биде даден на користење за остварување на социјалните потреби и цели во општеството“ – соопшти Владата.

The post ИЗГЛАСАН И ЗАКОНОТ ЗА КОНФИСКАЦИЈА НА ИМОТ Пратениците „штанцаат“ закони по скратена постапка appeared first on plusinfo.mk.

По скратена постапка ќе се носат законите за изградба на когенеративна централа, односно централа која ќе произведува и гас и електрична енергија, во скопска Железара. Договор кој го добива грчки „Митилинеос“ и кој предвидува државата да ѝ даде помош на компанијата од 50 милиони евра.

Вториот проект е на Грин Тек која ќе треба да гради централи во Штип и во Свети Николе. Оваа компанија 10 години ќе биде ослободена од данок на добивка.

Останатите два проекта се Стипион соларниот парк, како и нова централа во Пехчево.

Собранието ги задолжи Комисијата за економски прашања како матичната и Законодавно-правна комисија да закажат седници на кои ќе може да се достават и амандмани.

Пратеници од опозициските партии побараа дел од овие законски решенија, посебно на законот за реализација на гасната централа на грчката компанија „Митилинеос“, да се симнат од дневен ред на седницата, но беа надгласани.

Борис Крмов од Левица се повика на писмото на Асоцијацијата на инженери во кое, како што рече, детално се образложува во 11 точки зошто овие проекти треба да ги гради државата. Тој рече дека на овој начин пред избори се распродава државата.

Пратеникот Тони Јаревски побара од дневен ред да се симне и законот за новата централа во Пехчево кој како што рече е коруптивен и ја нарушува конкуренцијата во областа за што побара да се произнесе и соодветната комисија.

Според деловникот за работа, бидејќи овие закони се носат по скратена постапка по дискусијата во комисиите, собранието на пленарна седница ќе ги помине второто и третото читање, по што овие закони, доколку бидат изгласани ќе одат кај претседателот на државата кој треба да го потпише указот за нивно спроведување.

Собранието денеска одлучи по скратена постапка да донесе и голем број други закони.

The post ПО СКРАТЕНА ПОСТАПКА ЌЕ СЕ ДОНЕСЕ ГРЧКИ „МИТИЛИНЕОС“ Компанијата „Грин тек“ 10 години нема да плаќа данок на добивка appeared first on plusinfo.mk.

Некогаш славниот фудбалер, сега актуелен селектор на фудбалската репрезентација на Србија, Драган Стојковиќ Пикси, во дел од српската спортска јавност е цел на критики поради поради играта и резултатите на националниот тим.

Еден од најжестоките критичари на легендарниот Пикси и на тоа како игра Србија под негово водство е поранешниот српски репрезентативец и познат спортски коментатор Раде Богдановиќ. Тој неодамна изјави дека бил зачуден кога дознал дека Пикси има месечна плата од дури 120 илјади евра и покрај тоа што Србија под негово водство доживе дебакл на Светското првенство, а едвај се пласира на ЕП, само со победи над Црна Гора и Летонија. . Новинарите побараа од Стојковиќ да ги коментира тврдењата на Богдановиќ, а селекторот прашал – „Кој е тој?“

Богдановиќ на српската телевизија Уна рече дека со Пикси дека добро се познаваат и го потсети дека биле заедно кога полагал за профи лиценца во Македонија.

– Бидејќи не ме познава, ќе му кажам како ме познава. Еден месец пред да побегне од Србија, тој дојде во Македонија, на Дојранското Езеро, да полага за профи-лиценца за да замине во Јапонија да биде тренер. Полагаше по скратена и привилегирана постапка, а јас случајно бев студент на тренерската струка. Има еден детал што можам да го поврзам во тоа време за тоа како функционира Српскиот фудбалски сојуз и како се добиваат лиценците. Ова е прв пат да го кажам ова откако Пикси рече дека не ме познава. Еве, сега ќе се сети на мене“ – изјави Богдановиќ.

Српскиот коментатор потоа го потсети Драган Стојкиќ Пикси и на некои „непознати детали“ од нивниот престој на Дојранското Езеро.

– Србија е голема, но премала за да организира тренерска школа во Србија, па отидовме во Македонија. Ние 6-7 тренери и 3-4 љубовници. Бевме долу кај тоа езеро и тогаш во хотелот дојде Драган Стојковиќ Пикси. Беше сместен на вториот кат, спроти мојата соба. Тој ден кога дојде отиде да се истушира. Никој не му кажа дека немаме вода преку ден поради рестрикцијата. Потоа Пикси излегува од собата, пешкир околу половината, пена од шампон на главата, едното око затворено, со другото на криво гледа во мене и ме прашува: „Богдан, има ли топла вода?“ Му велам: „Пикси, немаме топла вода, има рестрикција од 8 до 6 навечер, ќе мора да се тушираш со ладна“. Многу добро знам дека тој мене ме познава – раскажува Богдановиќ за случувањата во Дојран.

Тој исто така откри и дека легендарниот фудбалер во Дојран добил тренерска лиценца по скратена постапка.

– Тогаш тој доби лиценца по скратена постапка. Менторот сам го избра, тој беше од Франција. Не дозволи ментор да му биде човекот што го викаа Свиња. Затоа мислам дека добро ме познава – вели српскиот спортски коментатор за односите со Драган Стојковиќ Пикси.

The post 🎥 „НЕКА СЕ СЕТИ НА ЕЗЕРОТО ВО МАКЕДОНИЈА, НИЕ НЕКОЛКУ ТРЕНЕРИ И ЉУБОВНИЦИТЕ“ Пикси го потсетија како полагал за тренерска лиценца по скратена постапка appeared first on plusinfo.mk.

На предлог на Владата, вчера на 115. собраниска седница беше изгласана потребата по скратена постапка да се донесат законите за изменување и дополнување на законите за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп– Битола), за урбанистичко планирање, за градење, за експропријација и за работните односи, сите по скратена постапка. Овие закони претходно беа предложени од група пратеници, а по блокадата во комисиите од опозициски пратеници, повторно беа предложени минатата недела овојпат на предлог на Владата и со европско знаменце.

Координаторот на пратеничката група на ВМРО-ДПМНЕ Никола Мицевски во текот на собраниската расправа рече дека владејачкото мнозинство го крши највисокиот акт во државата и Деловникот на Собранието.

Тој рече дека се злоупотребува европското знаменце, што според него ќе значи дека ќе има опструирана дебата како и ограничена амандманска расправа по овие закони.

Постапката за законите, како што се изјаснија во текот на собраниската дебата, е неприфатлива и за пратениците Борислав Крмов од Левица, Павле Трајанов од Демократскиот сојуз и Маја Морачанин од ДОМ, кои исто така укажаа дека со нив не се врши усогласување на законската регулатива со европското законодавство.

ВМРО-ДПМНЕ денеска во соопштение оцени дека Ковачевски, Груби и Маричиќ ја загрозуваат евроинтеграцијата на Македонија. Партијата потсети дека и евроамбасадорот Дејвид Гир потврди дека се злоупотребува европското знаменце.

– Системот на европско знаменце се користи кога ја усогласувате вашата легислатива со легислативата и стандардите на ЕУ. Не загрижува означувањето на законите поврзани со коридорите 8 и 10д со европско знаменце, со оглед на тоа што тука нема усогласување со стандардите на ЕУ – изјави евроамбасадорот Гир.

„Ковачевски, Груби и Маричиќ свесно го злоупотребуваат европското знаменце за да прават криминал и гласаат закони кои се и противуставни. Владата на ДУИ поддржана од СДС само декларативно се залага за ЕУ, а всушност, ја злоупотребува евроинтеграцијата за да прави криминал, со што ја загрозува репутацијата на ЕУ во Македонија и влијае негативно кај граѓаните. Ги повикуваме амбасадите на земјите членки на ЕУ, Делегацијата на ЕУ во Македонија и Европската Комисија да ја повикаат владата да ги повлече законските измени со европско знаменце и да не го оцрнува процесот кој има за цел хармонизација на нашето законодавство со тоа на Е“ – се вели во соопштението на ВМРО-ДПМНЕ.

Според СДСМ Коридорите 8 и 10Д се од национален интерес, а со измените во законите, кои се во собраниска процедура, ќе се заштедат 150 милиони евра.

„Со измените на предвидените закони се обезбедува побрза, поевтина и квалитетна изградба не само на коридорите, туку и за сите идни национални и стратешки инфраструктурни проекти, меѓу кои спаѓаат и проекти финансирани од ЕУ, од меѓународни финансиски институции. Сите предложени законски измени се во согласност со Уставот и со нивното донесување ќе се заштедат 150 милиони евра и две години изградба за коридорите 8 и 10Д. Оттаму, важно е сите пратеници да ги поддржат измените и дополнувањата, тие да бидат донесени побрзо за делниците да бидат изградени побрзо и поевтино“ – се вели во соопштението на СДСМ.

The post ПОМИНА ПРЕДЛОГОТ ЗАКОНИТЕ ЗА БЕХТЕЛ ДА СЕ НОСАТ ПО СКРАТЕНА ПОСТАПКА Опозицијата ја повикува ЕУ да ја спречи злоупотребата на европското знаменце appeared first on plusinfo.mk.

„Криењето на договорот од јавноста, експертите и од пратениците, само ги засилува сомнежите и веќе изнесените информации, дека тој овозможува коруптивни активности и претставува своевиден грабеж на столетието.

Демократскиот сојуз ги повикува сите пратеници да отфрлат продолжение на расправата по законите во скратена постапка и да инсистираат за нив да се расправа во редовна и јавна дискусија, откако зад законите ќе застане Владата, а не група пратеници.

Доколку продолжи мајоризацијата на ДУИ и СДСМ, тогаш ќе предложиме имплементацијата на договорот да се одложи преку измена на Законот за утврдување на јавен интерес и номинирање на стратешки партнер за изградба на автопатите на коридорите 8 и 10 д.

Доколку и натаму главна улога има Артан Груби, претходно како координатор на Комитетот за преговори при склучување на договорот со „Бехтел и Енка”, а сега како Координатор за спроведување на договорот, кој тврди дека договорот е „тајна и никогаш нема да се објави”, можно е да останеме и без пари и без автопати.

Инаку, досега проценетата вредност на овој проект е една милијарда и шестотини милиони евра (1,6 милијарди евра), но според проценките на експертите и поради лабавите клаузули во Договорот, можно е сумата да достигне и до 2 милијарди евра“ – предупредува Демократски сојуз.

The post ДОГОВОРОТ ЗА КОРИДОРИТЕ ДА СЕ ОБЈАВИ ЗА ДА СЕ СПРЕЧИ ГРАБЕЖ НА СТОЛЕТИЕТО! Демократски сојуз инсистира на редовна, а не скратена постапка во Собранието appeared first on plusinfo.mk.