Американскиот министер за финансии Скот Бесент ги посочи украинските напади врз руската енергетска инфраструктура како една од причините за ценовните шокови на глобалните енергетски пазари.

Бесент во интервју за „Фокс њуз“ изјави дека војната во Украина придонесува за енергетскиот шок преку нападите врз руските енергетски постројки, што, според него, влијае врз цените на глобалниот пазар.

– Исто така, доживуваме енергетски шок поради војната во Украина – бидејќи Украина одлучи дека сака да дигне во воздух руски енергетски постројки, а тоа води до пораст на цените на глобално ниво. Конфликтот во Иран, исто така, игра улога. Но, конфликтот во Иран ќе заврши – рече Бесент.

Изјавата доаѓа во период на зголемено внимание кон влијанието на војната во Украина врз глобалните енергетски пазари, особено по украинските напади врз објекти поврзани со руското производство и преработка на енергенси.

Украина во повеќе наврати изведуваше напади врз руската енергетска инфраструктура, при што Киев ги оправдува таквите операции како дел од воените напори за ограничување на руските приходи и логистичките капацитети што ја поддржуваат војната.

Изјавата на Бесент има и поширок политички контекст. Американскиот министер за финансии неодамна ги иритираше дел од најголемите поддржувачи на Украина меѓу сојузниците на САД со одлуката да го покани рускиот министер за финансии Антон Силуанов на состанокот на земјите од Групата 20 (Г-20).

Поканата до рускиот претставник беше протолкувана како сигнал за обид на Вашингтон да ги одржува отворени каналите за комуникација со Москва, и покрај продолжувањето на руско-украинскиот конфликт.

Бесент, пак, во интервјуто ги поврза случувањата во Украина и на Блискиот Исток со состојбите на енергетските пазари, посочувајќи дека конфликтите создаваат дополнителни притисоци врз цените.

Неговата оценка дека конфликтот во Иран ќе заврши остава отворено прашање како евентуалното намалување на геополитичките ризици би се одразило врз цените на енергенсите и глобалната економија.

The post ВАШИНГТОН СО НОВА ОЦЕНКА ЗА ЕНЕРГЕТСКАТА КРИЗА Украинските напади врз руската енергетика ги креваат цените appeared first on plusinfo.mk.

Канадскиот премиер Марк Карни синоќа му порача на американскиот претседател Доналд Трамп „да престане со мемињата, провокациите и обидот да изгледа цврст“, со што одговори на новиот бран напади од Вашингтон.

Карни рече дека трговските разговори меѓу САД и Канада можат да продолжат ако Вашингтон заземе сериозен пристап кон преговорите и ги обвини САД дека бараат услови што би довеле до „постепено уривање и исчезнување на канадската индустрија“.

– Кога Американците ќе престанат со мемињата и со провокациите, ќе престанат да се преправаат дека се цврсти и ќе почнат сериозно да зборуваат, можеме да преговараме – рече Карни.

BREAKING: Trump just posted an AI slop video of armed ducks marching and firing in unison on “Lake America.”

He’s gone completely insane. pic.twitter.com/XTGZQvWEri

— Trump Lie Tracker (Commentary Account) (@MAGALieTracker) August 29, 2026

Тој додаде дека таквото однесување не е конструктивно, но дека тоа е „нивната демократија“.

Остри пораки од Вашингтон

Неговите коментари доаѓаат по серијата остри пораки од Вашингтон, кои продолжија од прекинот на преговорите на 21 август. Трамп, во меѓувреме, одлучи да го преименува езерото Онтарио во Езеро Америка и се потсмеваше на Канада на социјалните мрежи.

Trump just posted this AI video of himself replacing the Lake Ontario sign with a “Lake America” sign.

I’ll never understand how 77 million people voted for this buffoon. pic.twitter.com/HSUpqMa0oP

— Republicans against Trump (@RpsAgainstTrump) August 29, 2026

Американскиот министер за финансии Скот Бесент изјави дека Канада не може да возврати на економија 13 пати поголема од неа.

Министерот за одбрана на САД, Пит Хегсет, исто така, се потсмеваше на канадската војска на интернет. Во понеделникот, тој објави фотографија од две кадетки од центар за обука во Британска Колумбија со натпис „ова е реалност“ и со канадско знаме. Карни ја нарече ова објава „недостојна за нивната позиција“. Пентагон го поддржа Хегсет во вторник, велејќи дека „објавата на платформата икс зборува сама за себе“.

(this is real) pic.twitter.com/Ucx2FNdi1q

— Pete Hegseth (@PeteHegseth) September 1, 2026

Бесент изјави на Фокс њуз дека тој и Хегсет го „претепале“ Карни со зборови. На повикот на Карни до администрацијата да ги прекине провокациите и да се врати на преговорите, Бесент одговори: „Па, тој беше оној што рече дека сме во војна“.

Спорни барања од САД

Карни верува дека американскиот пристап кон преговорите практично би ги претворил канадските компании во подружници на американски компании. Според него, САД сакаат да наметнат услови под кои индустријата во Канада „постепено би се уривала сè додека не биде целосно збришана“.

– Секако дека нема да прифатиме такви услови – рече Карни.

Премиерот истакна дека Вашингтон бара „неконкурентен“ договор за клучните сектори, вклучително и за автомобилската индустрија, додека истовремено се залага за промени што би ја загрозиле заштитата на францускиот јазик и култура. Тој нагласи дека секое од овие прашања само по себе е доволно за да го блокира договорот.

Карни додаде дека Вашингтон се обидел да ги ограничи и идните трговски договори на Канада.

– Канада е суверена земја. Ќе склучиме договори за слободна трговија со земјите што ги сакаме – рече тој.

Зајакнување на позицијата на домашен терен

Претседателката на Канадскиот конгрес на работничките партии, Беа Бруске, рече дека Карни им рекол на синдикалните лидери во вторникот да не очекуваат брзо враќање на нормалноста со САД. Таа ја опиша ситуацијата како „нова нормалност на која сите мора да се навикнеме“.

Позицијата на Карни беше зајакната со успехот на либералите на три дополнителни избори одржани во понеделникот. Убедливата победа во Квебек, каде што конзервативците паднаа на третото место, беше особено значајна. Со овие победи, либералите обезбедија 173 од 343 места во Долниот дом на Парламентот, што дополнително го зајакна премиерот кој е во конфликт со Трамп околу трговијата и канадскиот суверенитет.

Нелсон Вајзман, професор по политички науки на Универзитетот во Торонто, вели дека заканите за анексија на Трамп имаат посебна тежина во Квебек.

– Жителите на Квебек најверојатно ќе изгубат најмногу во мрачното сценарио во кое САД ќе ја апсорбираат Канада, бидејќи тогаш посебниот статус на францускиот јазик би исчезнал – изјави тој.

Трговските разговори пропаднаа откако страните не успеаја да постигнат договор, по што Трамп воведе тарифи од 50 проценти на канадска стока во вредност од околу 20 милијарди долари. Канадските одмазднички тарифи за американска стока со слична вредност треба да стапат на сила на 8 септември и ќе се движат од 15 до 50 проценти. Трамп постојано ја споменува можноста Канада да стане 51-ва држава на САД.

The post 🎥 ПРЕСТАНЕТЕ СО ПРОВОКАЦИИТЕ И СО МЕМИЊАТА Канадскиот премиер Карни упати остра порака до американскиот претседател Трамп appeared first on plusinfo.mk.

Министрите за финансии на Русија и Соединетите Американски Држави, Антон Силуанов и Скот Бесент, се сретнаа на маргините на состанокот на министрите за финансии и гувернерите на централните банки на Г20, кој се одржува во американскиот град Ешевил, во Северна Каролина.

Според американскиот телевизиски канал CNBC, главна тема на разговорот била можноста за изнаоѓање решение за конфликтот во Украина.

„Бесент штотуку се сретна со рускиот министер за финансии за да разговараат за мировниот план за Украина“, објави на социјалната мрежа „Х“ новинарката на „CNBC“, Меган Касела, повикувајќи се на претставник на американското Министерство за финансии.

Касела објави и заедничка фотографија од Бесент и Силуанов од средбата во Ешевил.

Засега не се објавени детали за разговорот. Ниту американското, ниту руското Министерство за финансии досега немаат објавено официјално соопштение за средбата.

Според „Fox“, Бесент за време на разговорот го застапувал мировниот план на американскиот претседател Доналд Трамп, кој, според медиумот, содржи 28 точки.

Американскиот „NBC“, пак, објави дека двајцата функционери разговарале и за прашања поврзани со економскиот раст, но не наведе конкретно кои теми биле разгледувани.

Средбата меѓу Бесент и Силуанов е особено значајна бидејќи станува збор за директен контакт меѓу високи претставници на САД и Русија во период кога Вашингтон и Москва разговараат за можностите за прекин на војната во Украина.

Американското Министерство за финансии, според изјава на негов претставник за „CNBC“, очекува Бесент во текот на оваа недела во Ешевил да одржи најмалку 11 билатерални состаноци со претставници на други земји.

На неговата агенда, меѓу другите, се претставници на Кина, Јапонија, Јужна Кореја и Канада, земји со кои администрацијата на Доналд Трамп во последниот период имаше трговски спорови.

Засега останува непознато дали разговорот меѓу Бесент и Силуанов ќе биде проследен со конкретни договори или дополнителни контакти. Двете страни официјално не ги соопштија деталите од средбата.

The post ВАШИНГТОН И МОСКВА ПОВТОРНО ВО РАЗГОВОРИ Бесент и Силуанов се сретнаа на состанокот на Г20 appeared first on plusinfo.mk.

Американскиот министер за финансии Скот Бесент денеска на состанокот на финансиските лидери на Г20 во Ешвил порача дека светот се соочува со огромен проблем со долговите и дека единствениот начин да се намали тој товар е забрзување на економскиот раст.

– Светот е преплавен со долгови, а единствениот начин да излеземе од ова е да растеме – рече Бесент на почетокот на дводневниот состанок на министрите за финансии и гувернерите на централните банки на Групата 20 (Г20).

Бесент истовремено најави продолжување на американскиот економски притисок врз Иран, пренесуваат американските медиуми.

Тој оцени дека иранската економија, доколку блокадата и санкциите продолжат, би можела да се соочи со колапс во следните неколку недели или месеци. Сепак, според него, целосен економски колапс не е неопходен за Техеран да се согласи на преговори.

Во врска со притисокот на Вашингтон врз Кина поради купувањето иранска нафта, Бесент рече дека американските санкции можат да бидат ефикасни и без соработка со Пекинг.

Истовремено, тој порача дека САД и Кина имаат повеќе заеднички интереси отколку што можеби изгледа.

На состанокот зборуваше и претседателот на американските Федерални резерви, Кевин Ворш, кој оцени дека светската економија влегува во период на подолготраен раст.

Како еден од главните двигатели на растот тој го издвои силниот бран на глобални инвестиции, особено под влијание на развојот на вештачката интелигенција.

The post АМЕРИКА ПРЕДУПРЕДУВА ЗА ГЛОБАЛНИОТ ДОЛГ Бесент бара побрз економски раст appeared first on plusinfo.mk.

Кина ќе ги преземе „сите потребни мерки“ за да ги заштити своите интереси откако САД најавија проширување на санкциите против Иран и неговите трговски партнери.

Пекинг остро се спротивстави на американските мерки пишува Би-Би-Си. Кина е најголемиот купувач на иранска нафта, иако трговијата се намали по американската блокада на иранските пристаништа.

– Кина цврсто се спротивставува на нелегалните еднострани санкции и ќе ги преземе сите потребни мерки за да ги заштити своите легитимни права и интереси – изјави портпаролот на кинеското Министерство за надворешни работи Лин Џиан.

Тој нагласи дека економските врски меѓу Пекинг и Техеран се во согласност со меѓународното право.

Судир пред средбата Трамп-Си

Новото економско затегнување доаѓа пред планираните разговори меѓу Трамп и претседателот на Кина Си Џинпинг следниот месец.

Пекинг има силна карта во евентуален економски одговор. Кина преработува најголем дел од светските ретки земјени елементи и други критични минерали, неопходни за бројни високотехнолошки производи.

Кинеските власти веќе ги заоструваа ограничувањата за нивниот извоз во претходните трговски спорови со САД.

Иран, пак, тврди дека е подготвен за новиот американски притисок. Министерот за економија Али Маданизаде изјави дека Техеран има двегодишен план за справување со санкциите.

– И ние имаме свои алатки и знаеме како да ја играме играта – рече Маданизаде.

„Никој не е надвор од дофат“

Американскиот министер за финансии Скот Бесент ги опиша новите мерки како „најголемата финансиска офанзива досега“ против Иран.

Вашингтон сака да ги принуди банките, компаниите и државите да ги прекинат финансиските врски со Техеран.

Бесент не посочи конкретни држави како главни цели. Но, на прашање за кинеските банки испрати директно предупредување.

– Никој не е надвор од дофатот на американските санкции – рече Бесент.

Тој најави дека претседателот на САД Доналд Трамп ќе разговара со светските лидери и ќе побара од нив да ги прекинат економските врски со Иран.

The post ПЕКИНГ НЕ ПОПУШТА ПРЕД САНКЦИИТЕ НА ВАШИНГТОН ЗА ИРАН Кина ги најави „сите потребни мерки“ за заштита appeared first on plusinfo.mk.

Иран тврди дека е подготвен за новата американска кампања за економска изолација. Владата во Техеран подготвила двегодишен план за справување со притисокот.

Иранскиот министер за економија Али Маданизадех изјави дека земјата располага и со сопствени механизми за одговор.

– Владата е подготвена и има двегодишен план за справување со овие случувања. Ги имаме и сопствените алатки и знаеме како да ја играме оваа игра – рече Маданизадех.

Техеран очекува новиот американски обид за економски притисок да заврши неуспешно. Според Маданизадех, Иран подолго време се подготвува за вакви мерки.

Техеран смета на Москва и на Пекинг

Маданизадех изјави дека Кина и Русија не ги прифатиле новите американски мерки. Тој очекува и други земји да им се спротивстават.

Кина е особено важна за ефектот на американската кампања. Аналитичари оценуваат дека Вашингтон ќе мора да ги погоди и кинеските компании и банки што работат со Иран за санкциите да имаат посилен ефект.

Министерот за финансии на САД Скот Бесент не постави единствен јавен рок за прекинување на врските со Иран. Тој рече дека Вашингтон прво им дава можност на засегнатите субјекти да го променат однесувањето, но предупреди дека последиците може да следуваат брзо.

Вашингтон сака Иран да остане сам

Американското Министерство за финансии ја почна операцијата „Економски отпадник“. Кампањата треба дополнително да ги пресече финансиските врски на Иран со светот.

Санкцискиот притисок се проширува врз дигиталните средства, технологијата, златото, воздухопловството и поморскиот транспорт. Вашингтон предупреди и на секундарни санкции за субјектите што му овозможуваат финансиски приливи на Иран.

The post ИРАН ИМА ДВЕГОДИШЕН ПЛАН ПРОТИВ САНКЦИИТЕ ОД САД Знаеме како се игра оваа игра appeared first on plusinfo.mk.

САД почнаа нова, многу поагресивна фаза на економскиот притисок врз Иран, која американскиот министер за финансии Скот Бесент ја нарече „економски Ден Д“.

Вашингтон објави нов пакет санкции против околу 60 лица, компании и бродови поврзани со Иран, но планот на операцијата е поамбициозен: под закана од американски санкции се ставаат и странски компании и финансиски институции што ќе продолжат да соработуваат со Техеран.

Бесент најави „економска офанзива“ чија цел е да се пресечат изворите од кои Иран добива приходи и да му се отежни пристапот до меѓународниот финансиски систем. Посебно се таргетираат пет области – дигиталните средства и криптовалутите, трговијата со злато, технологијата, авијацијата и поморскиот транспорт. Американската администрација тврди дека токму преку ваквите канали Техеран со години успева да ги заобиколува санкциите, користејќи посредници, фиктивни компании и таканаречена „флота во сенка“.

Најсилното оружје на Вашингтон, сепак, се секундарните санкции. Тие овозможуваат САД да казнат и компании и банки од трети земји ако продолжат да работат со санкционирани ирански субјекти. Практично, странските компании можат да бидат ставени пред избор – бизнис со Иран или пристап до американскиот пазар и финансискиот систем базиран на доларот. Бесент ги повика и американските сојузници да се приклучат кон притисокот врз Техеран.

Најголемото прашање е Кина. Таа е најважниот купувач на иранската нафта и без ограничување на економските врски меѓу Пекинг и Техеран, ефектот на американската операција би бил значително помал. Според податоците што ги наведува „Ал Џезира“, официјалната кинеско-иранска трговија во 2025 година изнесувала 9,96 милијарди долари, без околу 31,2 милијарди долари ирански нафтени испораки. Вашингтон засега избегна директен удар врз големите кинески финансиски институции, што покажува колку е чувствително прашањето на примената на санкциите кон Пекинг.

Иран веќе е под огромен економски притисок. Ријалот падна на ново рекордно ниско ниво од околу 1,99 милиони ријали за еден американски долар, а инфлацијата драматично се забрза во текот на шестмесечниот конфликт. Техеран со децении живее под различни американски санкции и изгради механизми за нивно заобиколување, но Вашингтон сега се обидува да ги затвори токму тие алтернативни канали преку кои во земјата влегуваат пари.

Техеран возврати со закани дека ќе преземе мерки против државите што ќе се приклучат кон американската кампања. Дополнителна опасност за светската економија е Ормускиот теснец, една од клучните артерии за глобалната трговија со нафта и гас. Иран предупредува дека бродовите што нема да ги почитуваат неговите правила за премин можат да бидат казнети, задржани или конфискувани, додека секое дополнително нарушување на транспортот низ теснецот може повторно да предизвика силни потреси на енергетските пазари.

Новата американска офанзива затоа е ризична и за Вашингтон. Ако секундарните санкции навистина бидат применети во полн обем, тие можат да отворат економски судир и со големи трговски партнери на Иран. Ако, пак, бидат направени големи исклучоци – особено за Кина – способноста на САД целосно да го изолираат Техеран ќе биде ограничена. Првите реакции на пазарот покажаа колку ситуацијата е нестабилна: по објавувањето на мерките цената на Брент падна за околу 2,4 отсто на 92,17 долари за барел, но заканата од нова ескалација околу Ормус останува еден од најголемите ризици за светската економија.

The post САД ПОЧНАА ЕКОНОМСКА ВОЈНА СО ИРАН Вашингтон го прогласи „економскиот Ден Д“, на удар се и земјите што тргуваат со Техеран appeared first on plusinfo.mk.

Претседателот на САД Доналд Трамп денеска соопшти дека „Иран доживува целосен колапс“. Пораката стигна само неколку часа пред најавеното објавување на новите американски економски мерки против Техеран.

Трамп оценката ја објави на „Трут соушл“. Американскиот министер за финансии Скот Бесент претходно најави почеток на „економски Д-ден“ против Иран.

Вашингтон подготвува проширување на секундарните санкции. Тие треба да опфатат компании, финансиски институции и други субјекти што продолжуваат да соработуваат со Иран.

Новите мерки се очекува да бидат насочени и кон каналите преку кои Иран ги заобиколува постојните санкции. Деталите за пакетот треба да ги соопшти Бесент.

ЕКОНОМСКИ Д-ДЕН ЗА ИРАН Американскиот секретар за финансии ќе ја најави завршната фаза од војната

The post ТРАМП ПРОГЛАСИ ЦЕЛОСЕН КОЛАПС НА ИРАН Новите санкции ќе важат и за компании кои соработуваат со Техеран appeared first on plusinfo.mk.

Соединетите Американски Држави влегуваат во завршната фаза од војната со Иран, изјави секретарот за финансии Скот Бесент додека се подготвува да ги објави, како што ги нарече, најстрогите санкции во историјата против Техеран.

„В зори почнува економскиот Д-ден – најголемата поединечна финансиска офанзива воспоставена против некој противник“, напиша Бесент на мрежата Икс.

Денеска тој ќе ги презентира новите мерки на прес-конференција.

Бесент изјави дека американскиот претседател Доналд Трамп ги демонтира воените капацитети на Иран и ја закопа неговата нуклеарна програма.

– Сега влегуваме во завршната фаза – рече тој.

Трамп во средата најави економски Д-ден за Иран и им се закани на поддржувачите на Техеран со драстични мерки.

„Оние што се плашат од опасноста да му се спротивстават на Техеран не треба да ја занемарат цената на тестирањето на Вашингтон. Нашата цел е да ја пресечеме секоја економска линија што го одржува тиранскиот режим сè додека Техеран не остане целосно изолиран“, напиша Бесент на Икс.

The post ЕКОНОМСКИ Д-ДЕН ЗА ИРАН Американскиот секретар за финансии ќе ја најави завршната фаза од војната appeared first on plusinfo.mk.

Само неколкумина од најблискиот круг на претседателот на САД Доналд Трамп биле со него кога тајно го напуштил „Ер форс 1“ по самитот на НАТО во Турција. Испливаа нови детали за веќе познатата операција во време кога шефот на САД бил во опасност од можен атентат.

Со Трамп биле неговата извршна асистентка Натали Харп и директорот за операции на Овалната канцеларија Волт Наута. Според еден од извештаите, со нив бил и заменик-шефот на кабинетот Ден Скавино.

Тесниот круг заминал со Трамп, другите останале во авионот

Натали Харп важи за една од соработничките со постојан пристап до претседателот. Таа редовно му доставува печатени текстови и објави од социјалните мрежи.

Истовремено, дел од највисоките американски функционери останале во „Ер форс 1“. Меѓу нив биле државниот секретар Марко Рубио и министерот за финансии Скот Бесент.

Некои од луѓето во авионот знаеле дека Трамп веќе не е со нив. Друг дел од персоналот, според објавените информации, не бил свесен што се случува.

„Само ги следев инструкциите“

Според претходно објавените детали, Трамп пред камерите се качил во „Ер форс 1“. Потоа тајно бил префрлен со непрепознатливо возило за достава на храна до воениот авион Ц-32А.

Целата операција била подготвена по проценета безбедносна закана. Трамп подоцна потврди дека го сменил авионот и дека ги следел инструкциите на Тајната служба и на војската.

– Сакаа да одам со друг лет, со друг авион… Јас правам како што ми велат – изјави Трамп.

Интересно е дека планот предвидувал Трамп најпрво пред камерите да се качи во „Ер форс 1“. Потоа шефот на САД незабележливо бил префрлен со возило за достава на храна до воениот авион Ц-32А, додека новинарите и голем дел од персоналот не знаеле што се случува.

The post OTКРИЕНО КОЈ БИЛ СО ТРАМП КОГА ТАЈНО ГО СМЕНИЛ АВИОНОТ„Не знаеја дека го нема претседателот“ appeared first on plusinfo.mk.