Четириесет и шестото издание на фестивалот Скопско лето свечено ќе се затвори со концерт на Камерниот оркестар на Музичка младина на Македонија „Саша Николовски – Ѓумар“, вечерва во 20:30 часот во „Сули ан“.

– Камерниот оркестар на Музичката младина на Македонија „Саша Николовски – Ѓумар“ е основан пред повеќе од 35 години, како прв сегмент на Летниот музички камп на Музичката младина на Македонија во 1986 година. Составен е од студенти на Факултетот за музичка уметност од Скопје, но во него често може да се сретнат и млади музичари од други земји. Камерниот оркестар на Музичка младина на Македонија со своето музицирање во сиот овој период се наметна како изведувачки состав со високо професионални квалитети. Диригенти и уметнички раководители на оркестарот биле значајни имиња од македонската музичка сцена: Фимчо Муратовски, Горјан Коруновски, Саша Николовски – Ѓумар, Вања Николовски – Ѓумар, Мирослав Спасов, Борјан Цанев, Бисера Чадловска, Олег Кондратенко, но и познати странски диригенти како: Арилд Ремерајт, Миша Кац, Џанлука Мартиненги и други. Оркестарот е и добитник на национални награди и признанија – се наведува во соопштението од Скопско лето.

The post СКОПСКО ЛЕТО СЕ ЗАТВОРА СО КОНЦЕРТ НА МУЗИЧКА МЛАДИНА Камерниот оркестар „Саша Николовски – Ѓумар“ ќе настапи во „Сули ан“ appeared first on plusinfo.mk.

Во присуство на спортски работници, тренери, поранешни боксери и поддржувачи на спортот, денеска во Скопје беше промовирана книгата „Боксерски асови на Македонија“ од Ставре Џиков.

Авторот на книгата се осврна на успесите, но и на предизвиците со кои се соочуваше овој спорт во изминатите две-три децении.

– Секој спорт ги гради сопствениот народ и сопствената држава. За мене лично, боксот преставува една од темелните морални идеи да се покажеме во и надвор од Македонија. Во книгата се пишува за актери кои цел живот го дале за унапредување на боксот во Македонија и кои не смеат да бидат заборавени. Благодарност до сите кои изминатите 2-3 децении несебично го помагаа боксот, одвојувајќи лични средства – истакна Џиков.

За книгата зборуваше и македонскиот спортски новинар Зоран Михајлов.

– Големо признание за Ставре Џиков, затоа што, сето ова што ќе се напише практично е нашата спортска историја. Ваквите трудови докажуваат кои сме ние Македонците. Ова е начинот на кој, ние што сме постигнале нешто во животот оставаме белег и така ја создаваме историјата. Ваквите книги говорат за врвните остварувања на македонските спортисти, во случајов боксери. Идните генерации ќе имаат можност да се присетуваат на македонските врвни асови во боксот, а самите боксери преку овој труд ќе можат да се навратат во младоста и убавите боксерски денови – рече Михајлов.

Книгата содржи 136 страни, во неа се пишува за тренерите Миле Смилевски и Љупчо Павловски, за боксерите Тони Насковски и Тони Јаневски, за клубот Водно, за „Златниот гонг“ и за многу други личности и случки кои ќе останат дел од историјата на македонскиот бокс.

The post ЛЕГЕНДИТЕ НА РИНГОТ ДОБИЈА СВОЕ МЕСТО ВО ИСТОРИЈАТА Промовирана книгата „Боксерски асови на Македонија“ од Ставре Џиков appeared first on plusinfo.mk.

Со изложбата „Зона фобија“ на реномираниот уметник Томе Аџиевски ќе биде отворено годинешното 46. издание на фестивалот „“Скопско лето“. Фестивалот започнува во сабота, 21 јуни, воедно и прв ден на летото и Светски ден на музиката.

Овогодинешната програма на „Скопско лето 2025“ е распоредена во 40 фестивалски денови, а публиката ќе има можност да види повеќе од 35 културни настани – концерти, театарски претстави, изложби, книжевни вечери и танцови перформанси на различни културни сцени низ Скопје.

„Трагајќи по топосите на источноевропската авангарда, авторот се потсетува на филмот Сталкер од режисерот Андреј Тарковски. Во ‘забранетата зона’ од филмот тој препознава многу сличност со „менталната зона” денес во Македонија. Уметникот ќе раскаже 5 визуелни приказни за первентираната перцепција кон вистината што перманентно ни се случува од бившата држава па сè до денес“, велат од организацијата на фестивалот.

Публиката ќе биде вовлечена во „Зона фобија” рушевина од старата железничка станица сместена меѓу модерни облакодери.

„Утопија среде антиутопија, вистинска метафора за нашиот постземјотресен менталитет“, се вели во соопштението.

На изложбата симболично ќе бидат раздавани каталози од разни изложби на авторот по симболична цена, а собраните средства ќе бидат донирани на Здружението за заштита на животните „Anima Mundi”.

Потоа, во 20:30 часот во Салата на Македонската Филхармонија ќе се одржи концерт насловен „Мостови на музиката: Софија – Скопје”. На сцената ќе настапат Академскиот оркестар „Панчо Владигеров“ од Националната музичка академија – Софија, како и млади диригенти и музички уметници од Македонија и Бугарија.

Диригенти: Ана Спасовска и Николаи Хилендаров

Солисти: Јана Каевска – флејта, Марија Магдалена Желјазгова – флејта, Санја Јович Джорджевич – виолина, Тодор Иванов – виолончело, Искра Атанасова – Митуш – пијано и Николај Маринов – пијано.

На концертот ќе бидат изведени дела од А. Вивалди, В.А. Моцарт, Ф. Лист и од П.И. Чајковски.

„Една сцена. два града, еден заеднички јазик – музиката. Концерт што го слави музичкото пријателство и креативната соработка меѓу млади уметници од регионот. Очекувајте вечер исполнета со енергија, инспирација и уметност без граници!“, велат од „Скопско лето“.

Влезот е слободен.

Следниот ден, 22 јуни, недела, фестивалот продолжува со концерт на „Вечер на шлагери” – 20 години СПОНА, со почеток во 20:30 часот на Платото пред Македонскиот народен театар.

Диригент: Иван Еминовиќ
Водител: Вера Јанковиќ

На сцената ќе настапат Оркестарот на „Полифонија”, а изведувачи се Денис Димоски, Оливер Њего, Васко Здравков, Андријана Јаневска, Вера Јанковиќ, Теа Пејиќ, Ана Петановска, Маја Г. Панчева и Александар Тарабунов.

„Една ноќ. Една сцена. Вечер што се памети“, порачуваат организаторите на фестивалот.

The post „СКОПСКО ЛЕТО“ ЗАПОЧНУВА ОВОЈ ВИКЕНД СО „ЗОНА ФОБИЈА“ Скопјани ќе уживаат во концерт на Филхармонија и во „Вечер на шлагери“ appeared first on plusinfo.mk.

Во групата се: Михаил Парушев – тапани, Петар Христов – кларинет и саксофон, Ѓоко Грујовски – гитара, Јован Цветковиќ – пијано и Дионис Стратров – бас гитара.

„Парусион“ груп ансамбл е оформен 2003 година во Скопје. Го предводи Михаил Мишко Парушев – композитор и свирач на ударни инструменти. Роден е во Скопје во 1976 година, во семејство на музичари. На четиригодишна возраст покажал интерес за ударни инструменти. Почнал да свири на тапани на шестгодишна возраст. Михаил Парушев дипломирал на ФМУ Скопје. Член е на меѓународно признатиот музички бенд „Леб и сол“. Во 1992 година е прогласен за најдобар тапанар на Скопскиот рок фестивал. Почнувајќи од 1989 година па сѐ досега, тој настапува низ целиот свет со врвни музичари.

Парушев е автор на солистички албум „Агол“ издаден 2022 година. По 20 години концертна соработка со музичарите од ансамблот, создаваат композиции во ставови, од акустична до електрична продукција, полиритмија и модерна музика. Во соработка со Зоран Костадиновски, експериментираат со звук на сцена. Парушев е во подготовка на нов авторски материјал и обработки на традиционални македонски песни.

Билетите се во продажба на karti.com.mk.

The post КОНЦЕРТ НА ГРУПАТА „ПАРУСИОН“ Парушев подготвува обработки на традиционални македонски песни appeared first on plusinfo.mk.

Младиот пијанист од Црна Гора Симо Шишевиќ ќе настапи на Јубилејното 45. издание на фестивалот Скопско лето на 25 јули 2024 година, од 20.30 часот во Музејот на револуционерната борба.

Овој настап е негово прво претставување пред македонската публика.

– Ги поканувам сите заинтересирани љубители на музиката да присуствуваат на концертот и да ја слушнат мојата изведба на магичните дела од Брамс, Метнер и Рахманинов. Верувам дека овој мој настап ќе биде само прв во низата на следни концерти во Македонија, со желба дека волшебноста на оваа уметност во Скопје ќе продолжи со мојот настап и следната, 2025 година, во Охрид. Сакам да изразам благодарност за поканата до Дирекцијата за култура и уметност на град Скопје, која годинава слави 45 години работа, како и до директорот на фестивалот „Скопско лето“, г-дин Никола Глигоров – рече Шишевиќ.

Тој се заблагодари на Почесниот конзул на Црна Гора, Милорад Андијашевиќ кој обезбеди средства за престојот во Скопје, како и на Амбасадата на Црна Гора и Веселин Шљиванчанин за нивната поддршка во организацијата на овој концерт.

– Би сакал од сѐ срце да им се заблагодарам на Зоран и Лилјана Трајковски, на Душанка Марсениќ и  Оливера Николова, кои со своето бесценето залагање придонесоа овој настан да се претвори во реалност. Нестрпливо ја очекувам можноста лично да Ви се заблагодарам на сите Вас на 25 јуни, кога со мојата изведба и програма ќе се обидам да разубавам една од летните вечери на градот Скопје – рече Шишевиќ.

За него, проф. Гордон Фергус Томпсон од RCM-Royal College of Music, London, напиша: „Тој е еден талентиран пијанист чија дисциплина и посветеност се втемелени. Тој веќе ги поседува корените на силен виртуозо, неговата техника, интелектуална љубопитност и музикалност инспирираат софистицирани интерпретации“.

Шишевиќ дипломирал на студиската програма BMus (Hons) на Кралскиот Колеџ за Музика во Лондон со Диплома од прва класа, најпрво во класата на пијанистот Гордон Фергус-Томпсон, а потоа продолжил кај познатиот британски професор Џон Бирн. Студирал две години чембало и фортепијано со Џејн Чепмен и Џефри Говиер, како и диригирање со Питер Старк.

The post ПИЈАНИСТОТ СИМО ШИШЕВИЌ НА СКОПСКО ЛЕТО НА 25 ЈУЛИ Ќе настапи со магичните дела од Брамс, Метнер и Рахманинов appeared first on plusinfo.mk.

Претставата е авторски проект на режисерката Милена Миланова од Бугарија, а истата раскажува приказна за четворица чудни специјалисти вработени во компанијата ,,Kрени-носи”. Тие ја имаат способноста да раскажуваат спомени, скриени во кутии. Нивното мото е „Крени-носи, секогаш подготвени да помогнеме. Тие имаат задача да ги пренесат кутиите од детската соба на едно мало дете-Саша. Кутиите не се обични, туку волшебни,
магични. Во секоја од нив се крие по една приказна, еден детски спомен за пријателството.

Со помош на мачката Ѕвездана, со песни, кукли и бои, нашите храбри крено-носачи ќе ни ја раскажат приказната за детството на малиот Саша. За неговата средба со малото глувче, со големата риба, за подароците, за патувањата со родителите, за соништата, мечтите, борбите и пријателствата на малиот Саша. „Во детската соба“ е претстава за едно дете кое учи да се поврзува и да другарува со останатите.

Станува збор за куклена претстава работена по различни современи методи. Еден од нив е и методот за создавање визуелен театар и визуелна драматургија на Филип Женти и Мери Андервуд, француски режисери, кореографи, куклари со кои Миланова има соработувано во претходните години. Авторката исто така во претставата го користи и методот на театарот на материјалот.

Во претставата играат: Ангела Димитрова, Ана Левајковиќ Бошков, Никола Наковски, Петар Стојанов, Катарина Илиевска Силјановска и Ненад Митевски.

The post УТРЕ ПРЕТСТАВА „ВО ДЕТСКАТА СОБА“ Приказна за малиот Саша и неговите пријатели appeared first on plusinfo.mk.

Овој концерт, како што информираа организаторите, е по повод затворањето на француското претстедателство на Советот на Европа.

Настанот е во соработка со Амбасада на Франција, Француски Институт во Скопје и проектот ФАМЕ’С.

Годинава, како што најавија организаторите, ќе има 30 настани, а како и секоја година, најзастепана ќе биде музиката, но ќе има и театарски претстави, изложби, фото изложби, програми за деца. И оваа година основата на програмата ја претставуваат нашите домашни уметници, но годинава има и богат избор на меѓународни програми.

Ќе има гости уметници од Јапонија се до САД и Канада, но и гости од регионот, од соседните држави, од Бугарија, Грција, Црна Гора, Србија, но и од европските држави.

Во рамки на фестивалот меѓудругото ќе се одржат театарските претстави „Нема да е крај на светот“, „Торонто Експрес“, „Последната лента на Крап“, театарска претстава за деца „Во детска соба“, концерт на „Танец“, изложба на Пол Ванд од САД „Природа на математиката“ и концерт на „Џим Политис Квартет“.

The post ВРЕМЕ Е ЗА МУЗИКА, ТЕАТАРСКИ ПРЕТСТАВИ И ИЗЛОЖБИ Почнува „Скопско лето“ appeared first on plusinfo.mk.

„Модерниот дух на староградската песна“ е концерт на кој Лаура Крлиу придружена од нејзината група ќе ги изведат најубавите староградски албански песни во нови модерни аранжмани како и неколку авторски песни.

Лаура Крлиу како долгогодишен уметник – пејач, ќе ги испее најубавите староградски песни на начин на којшто досега не се изработени. Покрај тоа Лаура за прв пат ќе изведе свои песни на концертот во истиот стил. Оркестарот ќе го сочинуваат музичари од повеќе етнички заедници како и танчарска група, за што ќе придонесат овој концерт да биде фузија од уметности и култури на кој публиката нема да остане рамнодушна. „Модерниот дух на староградската песна“ е проект со цел да се оживеат најубавите староградски албански песни со нови модерни аранжмани.

The post Концерт „Модерниот дух на староградската песна“ на Лаура Крлиу appeared first on plusinfo.mk.

Видеотеатарскиот проект е во 11 кратки епизоди. Креатор, продуцент и визуелен драматург е Иванка Апостолова Баскар, режијата е на Теа Беговска, видео камера/монтажа на Михаило Апостолов и фотографии на Весна А. Бришкоска. Играат: Емилија Мицевска Трајковиќ и Томе Станковски.

Настанот е во продукција на Македонски центар ИТИ Продукција и ќе се одржи согласно со здравствените протоколи за одржување настани.

Во Сули ан утревечер од 20.30 часот вокално-инструментален концерт ќе одржи Ансамблот за народни песни и игри на Македонија „Танец“. На концертот насловен „Мелем песна“ ќе настапат оркестарот, хорот и солистите на „Танец“.

The post „Сирота мала богата драма во Кратово“ вечер на „Скопско лето“ appeared first on plusinfo.mk.

– Скопско лето е синоним за масовна посетеност и исполнетост со активна публика. Убеден сум дека и оваа година ќе биде така, затоа што програмата којашто ја нуди, доминира со квалитет и содржини коишто немаме прилика да ги видиме другпат. Чест ми е што оваа година Град Скопје е главен покровител на „Скопско лето“. Ова е само мал доказ дека Градот умее да ги препознае вистинските вредности. На самиот крај, на организаторите им посакувам да имаат уште едно успешно издание на „Скопско лето“, а вам, драги скопјани, да имате многу неверојатни мигови во текот на претстојниве 40 фестивалски денови – рече градоначалникот Шилегов, во своето обраќање.

И оваа година, најголемиот дел од програмата на „Скопско лето 2021“ ќе биде посветен на домашните изведувачи, но фестивалот ги отвора вратите и за меѓународна соработка, па се најавуваат гости од Србија, Хрватска, Црна Гора, Австрија, Германија и Канада.

Фестивалот „Скопско лето“ е во организација на Дирекцијата за култура и уметност на Скопје, а под генерално покровителство на Град Скопје.

The post Стартуваше „Скопско лето“ appeared first on plusinfo.mk.