Посебна и емотивна прослава, прв роденден на малиот гибон Мики во скопската Зоолошка градина – најавија денеска од установата на „Фејсбук“. Зоо Скопје на 19 март ќе го прослави неговиот роденден.

„Приказна што почна тешко, но заврши со надеж, љубов и среќен крај. Мики како бебе, на возраст од неколку месеци, беше отфрлен од мајката и се соочи со сериозни повреди на главата и епилептични напади. Во овие најкритични моменти неговиот живот зависеше од човечка грижа, посветеност и борба. Нашата зоонегувателка Зера 24 часа дневно беше покрај него, со мала помош од колешките дадилки, без ниту еден момент да остане сам. Со многу љубов, трпение и стручна грижа, Мики денес е здраво, активно и разиграно младо гибонче“, пишува во објавата.

Преку прославата, како што посочуваат, сакаат да ја споделат неговата инспиративна приказна со јавноста, но и да потсетат оти гибоните се загрозен вид, кој има потреба од заштита.

„Истовремено, сакаме јасно да укажеме дека мајмуните не се домашни миленици, а човечката грижа во случајот на Мики беше единствена шанса за негов опстанок. Овој настан е и можност да им оддадеме искрено признание и благодарност на сите што беа дел од неговото спасување, но најмногу на нашата колешка Зера за нејзината неверојатна пожртвуваност, како и на целиот тим, кој учествуваше во неговото лекување, рехабилитација, социјализација и секојдневна грижа“, се додава во објавата.

Зоолошката градина ги повикува заинтересираните да го запознаат Мики, кој сега бил успешно ресоцијализиран и живее заедно со својата сестра Делфина.

„Се гледаме кај летниковецот пред мајмунарницата в четврток во 12 часот“, порачаа од Зоолошката.

The post ОД БОРБА ЗА ЖИВОТ ДО ПРВ РОДЕНДЕН Малиот гибон Мики слави во скопската Зоолошка appeared first on plusinfo.mk.

Скопската зоолошка градина објави убава вест за принова. Еден од паровите џуџести мармозети доби близначиња.

„Џуџестите мармозети се сметаат за најмали мајмуни на светот и тежат најмногу до 100 грама. Токму затоа и двете бебиња се уште се тешко видливи со голо око. Тие постојано се не на грбот на својата мајка, а за нив се грижи целата група“, објавија од Скопје ЗОО на Фејсбук.

The post 📷 РЕТКА ПРИНОВА ВО СКОПСКАТА ЗООЛОШКА ГРАДИНА Џуџестите мармозети се сметаат за најмали мајмуни во светот appeared first on plusinfo.mk.

Советникот од ВМРО-ДПМНЕ во Град Скопје Стефан Кирков вели дека вработени во Скопската зоолошка градина му се обратиле со молба да им помогне во врска со надовно неисплаќање на плати од страна на градот. Кирков во објава на Фејсбук ја прозва градоначалничката Данела Арсовска за, како што вели, неодговорност, велејќи дека цели фамилии страдаат од нечија непрофесионалност.

„До мене како член на Советот на Град Скопје, но и како човек кој е ЗОО активист и ја следи, сака Скопската Зоолошка градина денес пристигна молба од вработените во оваа установа и барање за реакција и помош.

Истите известуваат дека последна плата која ја земале е февруарската плата и одтогаш немаат никакво примање, веќе сме мај, а овие вработени се оставени без примања и навистина сум запрепастен до каде ќе се оди со непрофесионалноста во ова раководство на Градот и кадрите кој ги поставува?! Вработените од утре ќе бидат и без здравствено осигурување!!!

Поминаа празници како 8ми Март, Рамазан Бајрам , Велигден на праг е и 1ви Мај а вработените се оставени и заборавени замислете да им се исплати плата!!! Цели фамилии страдаат од нечија непрофесионалност!

Често барам одговорност но овој пат изгледа ќе треба да побарам и протести пред оваа установа која го допре дното во секоја смисла! Град Скопје , Данела Арсовска , Зоран Попов…?!“, реагира Кирков во објава на социјалните мрежи.

The post ВРАБОТЕНИТЕ ВО СКОПСКАТА ЗООЛОШКА НЕ ЗЕЛЕ ПЛАТА ОД ФЕВРУАРИ? Кирков од ВМРО-ДПМНЕ го впери прстот кон градоначалничката Арсовска appeared first on plusinfo.mk.

Во вторникот, на 11 февруари, при редовната утринска контрола, вработените во скопската Зоолошка градина начекале шокантна глетка – повеќе угинати берберски овци во нивното живеалиште.

Животните немале никакви видливи знаци на повреди, ниту пак претходно покажале симптоми на болест, што ја прави ситуацијата уште позагадочна.

Веднаш по откритието, биле повикани инспектори од Агенцијата за храна и ветеринарство (АХВ) и стручни лица од Факултетот за ветеринарна медицина. Тие извршиле детален увид на лице место и започнале обдукција за да ја утврдат точната причина за угинувањето.

„Иако официјалните резултати сè уште се очекуваат, првичните сомнежи упатуваат на можноста за труење. Според прелиминарните проценки, животните можеби консумирале гранки од растението тиса (Taxus baccata), познато по својата токсичност за добитокот“, соопшти скопската Зоолошка градина на Фејсбук.

Од Зоолошката градина уверуваат дека редовно и транспарентно известуваат за сите настани и со најголема сериозност ги третираат ваквите инциденти.

„Надлежните институции се информирани веднаш по откритието, а целта е што побрзо да се утврди што точно се случило и да се преземат соодветни мерки. Се очекува резултатите од анализите да дадат одговори на оваа неочекувана трагедија“, се вели во објавата.

The post ПОВЕЌЕ БЕРБЕРСКИ ОВЦИ УГИНАА ВО СКОПСКАТА ЗООЛОШКА ГРАДИНА Јаделе гранки од отровно растение? appeared first on plusinfo.mk.

Слоницата Дуња од скопската Зоолошка градина не угинала, туку била легално евтаназирана, поради старост, дознава Плусинфо од добро информирани извори.

Не е вистина дека било што било сторено во тајност, наводно со цел да се прикрие смртта на Дуња, како што објавија некои медиуми.

Дуња била донесена од Белгија на чување во Зоолошката градина во поодмината возраст. Тоа е вообичаена практика кај нас, бидејќи скопската Зоолошка градина нема пари да купува животни, а ниту да тргува.

Тројца белгиски ветеринари, заедно со локални експерти, во Скопје ја прегледале Дуња и одлучиле дека животното треба да се евтаназира.

Постапката била завршена вчера. Телото на слоницата било дадено на обдукција, а потоа било однесено на депонијата Дрисла, како што наложуваат прописите.

Наскоро од скопската Зоолошка градина се очекува информација во врска со судбината на слоницата Дуња.

The post 🎥 СЛОНИЦАТА ОД СКОПСКАТА ЗООЛОШКА ГРАДИНА НЕ УГИНАЛА, ТУКУ БИЛА ЕВТАНАЗИРАНА Лажна вест е дека некој се обидел да ја скрие смртта на Дуња appeared first on plusinfo.mk.

„Тој 27 ноември беше за нас трагичен ден, прво со веста за починувањето на нашиот сакан колега Ристе, а неколку часа подоцна за жал нè напушти и жирафата Флопи, и покрај сите напори, грижа и максимална ангажираност на сите вработени во ЗОО Скопје кои деноноќно се грижеа за неа. Врз основа на патохистолошки наод, и микробиолошкиот и молекуларен наод од Факултетот за ветеринарна медицина добивме заклучок во кој се констатира дека Флопи угинал како резултат на Малиген тумор во црниот дроб и метастази во белите дробови. Оваа подмолна болест е една од најфаталните во 21 век, од која како и луѓето, страдаат и голем број животни. Ракот на црниот дроб се смета за тивок убиец, а кај Флопи агресивен карцином веќе метастазирал и во белите дробови, кој тешко се дијагностицира во рана фаза“, информираат од ЗОО-Скопје.

Оттаму додаваат:

„Сè уште сме тажни поради оваа голема загуба, бидејќи во ЗОО-Скопје вработените и животните, сите заедно, сме едно големо семејство. Флопи ќе го паметиме по неговата грациозност, специфичните шари на телото, неговата голема љубов кон зоонегувателите импосетителите, како и по мирниот карактер. Еден дел од нашите срца засекогаш ќе остане празен после неговото заминување“, се вели во соопштението.

The post ЖИРАФАТА ФЛОПИ ИМАЛА МАЛИГЕН ТУМОР ВО ЦРНИОТ ДРОБ Скопската ЗОО ги објави резултатите од обдукцијата appeared first on plusinfo.mk.