Во затворот КПУ Затвор Идризово доцна по полноќ избувнал пожар на кровот од објектот на затвореното одделение – амбуланта, потврдија од полицијата.

Како што информираа од Министерство за внатрешни работи на Северна Македонија, настанот бил пријавен во СВР Скопје во 00:21 часот.

На местото веднаш интервенирала Бригада за противпожарна заштита Скопје, чии екипи успеале брзо да го локализираат и изгаснат пожарот.

Според првичните информации, во инцидентот нема повредени лица.

По гаснењето бил извршен увид, а надлежните служби преземаат мерки за утврдување на причините за избувнувањето на пожарот.

The post ПОЖАР ВО ИДРИЗОВО СРЕДЕ НОЌ Гореше кровот на затворската амбуланта, нема повредени appeared first on plusinfo.mk.