Авиокомпанијата го закажа својот последен лет меѓу двата града за 1 ноември. Продажбата на билетите потоа е запрена и е нејасно дали ќе се обноват операциите кон Скопје во текот на летото 2025 година, иако тоа е малку веројатно откако ќе заврши продажбата на билети на линијата и за следната година. Сепак, промените остануваат можни.

Минатото лето (од јуни до октомври) авиокомпанијата имаше 4 летови од Скопје за Женева, додека, пак, во остатокот од годината имаше  2 лета неделно.

За годинашниот летен период (јуни – октомври) компанијата ги сведе летовите на 2 пати неделно, по што, како што е најавено, се планира укинување на линијата.

Авиокомпанијата е единствениот оператор меѓу Женева и Скопје.

„Изи Џет“ влезе на македонскиот пазар во ноември 2021 година поттикнат од брзото закрепнување на секторот „Посетете пријатели и роднини“ за време на пандемијата на коронавирус. Тогаш од авиокомпанијата изјавија дека ќе ја одржуваат линијата доколку имаат патници, што е во рамки на нивната политика на одржување линии кои се популарни за патниците.

Во рамки на земјите од поранешна Југославија „Изи Џет“ ја опслужува Женева од Приштина 2 пати дневно ова лето, достигнувајќи го својот врв на 17 летови неделно во јули и во август. Таа, исто така, лета до швајцарскиот град од Белград 3 пати неделно. И двете линии се активни преку целата година. Оваа авиокомпанија има и сезонски летни летови од Женева до Дубровник, Пула, Сплит и до Тиват.

The post СЕ УКИНУВА ЕДИНСТВНИОТ ЛЕТ ОД СКОПЈЕ ЗА ЖЕНЕВА „Изи Џет“ го закажа својот последен лет за 1 ноември appeared first on plusinfo.mk.

Авионите на компанијата ќе сообраќаат меѓу двата града 3 пати неделно (понеделник, четврток и петок), од 1 ноември 2021 до 25 март 2022 година.

Цената на билетот од Скопје за Женева доколку букирате лет за понеделник ќе ве чини 7.679 денари, а обратно 3.400 денари. Додека доколку букирате лет за 6 декември цената на билет од Скопје до Женева чини 1.316 денари.

Според анализите на ОАГ, во предпандемската 2019 година на релација Скопје – Женева индиректно патувале 3.923 патници, додека лани само нешто над 600 патници, пишува exyuaviation.com.

Женева ќе биде третата дестинација од Швајцарија со која од Меѓународниот Аеродром Скопје ќе има воздушна конекција, по Цирих и Базел.

The post СЕЗОНСКА АВИОЛИНИЈА СКОПЈЕ – ЖЕНЕВА ОД ПОНЕДЕЛНИК Авионите на Изиџет ќе летаат во понеделник, четврток и во петок appeared first on plusinfo.mk.