Времето утре ќе биде променливо облачно со сончеви периоди. Попладне на повеќе места ќе биде нестабилно со пороен дожд, грмежи и засилен ветер. Локално процесите ќе бидат поинтензивни во форма на невреме со пообилен пороен дожд, грмежи, силен ветер (над 60 km/h) и услови за изолирана појава на град. Минималната температура ќе биде во интервал од 9 до 18, а максималната ќе достигне од 23 до 32 степена.

Во Скопје, променливо облачно со сончеви периоди. Попладне ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 15, а максималната ќе достигне до 30 степени.

Во петок и во сабота времето ќе биде стабилно со пониски температури. Од недела температурите повторно ќе бидат во пораст, а во попладневните часови ќе има локална појава на нестабилност со пороен дожд, грмежи и засилен ветер.

The post НЕСТАБИЛНО ВРЕМЕ СО РИЗИК ОД НЕВРЕМЕ Пороен дожд, грмежи и силен ветер на повеќе места appeared first on plusinfo.mk.

Времето в четврток, 7 мај, ќе биде променливо облачно со повремен локален дожд, а во југоисточните делови ќе има услови за појава на ретки грмежи. Ќе дува слаб до умерен ветер од јужен правец.

Во Скопје, променливо облачно, претпладне во делови од котлината ќе има услови за повремен дожд. Ќе дува слаб до умерен ветер од јужен правец.

Температурите ќе бидат во интервал од 8 до 26 степени.

Следува период на променливо облачно време со повремени врнежи од дожд. Наместа ќе биде нестабилно со пороен дожд и грмежи. Во петок и во сабота на повеќе места се очекуваат поинтензивни процеси со пообилен пороен дожд, грмежи и засилен ветер. Утринските температури ќе бидат во пораст, а дневните до сабота ќе се задржат пониски.

The post ВРЕМЕТО ЌЕ СЕ РАСИПУВА Во петок и сабота се можни пороен дожд и грмежи appeared first on plusinfo.mk.

Променливо облачно време со сончеви периоди ќе преовладува денеска во земјава, а попладне на повеќе места ќе има услови за слаб локален дожд, информира Управата за хидрометеоролошки работи.

Ќе дува слаб до умерен ветер од северен правец, а температурите ќе се движат во широк интервал – од утрински минусни вредности до пријатни пролетни максимуми. Минималната температура ќе се спушти меѓу -3 и 4 степени, додека дневната ќе достигне од 10 до 17 степени Целзиусови.

Во Скопје, времето ќе биде слично – променливо облачно со сончеви периоди и слаб до умерен северен ветер. Утринската температура ќе биде околу нула степени, а максималната ќе достигне до 15 степени.

На почетокот на новата седмица времето ќе остане нестабилно, со повремени локални врнежи од дожд. Според прогнозите, кон средината на неделата ќе следува стабилизирање и пораст на температурите, додека во четврток ќе дува засилен ветер од јужен правец.

Нов влажен бран се очекува во текот на ноќта кон петок и во петок, кога на повеќе места повторно ќе има врнежи од дожд.

Утрово најстудено било во Берово и на Попова Шапка, каде се измерени -4 степени. Минусни температури се регистрирани и во Лазарополе, додека најтопло било во Велес со 7 степени. На Попова Шапка има и најголема снежна покривка од 53 сантиметри.

The post ВРЕМЕТО СЕ МЕНУВА ОД ЧАС ВО ЧАС Сонце, облаци и дожд попладне, еве што нè чека appeared first on plusinfo.mk.

Времето во вторник, 10 февруари, ќе биде променливо облачно со услови за повремени слаби врнежи од дожд. Претпладне, врнежите од дожд ќе преминуваат во врнежи од снег и во некои од повисоките места. Ќе дува слаб до умерен, а попладне наместа долж Повардарието повремено засилен ветер од југоисточен правец.
Температурите ќе бидат во интервал од 0 до 10 степени.

Во Скопје времето ќе биде претежно облачно со услови за слаб дожд. Ќе дува слаб до умерен ветер од југоисточен правец.

До крајот на оваа седмица следува период на претежно облачно време со повремени врнежи од дожд, кои на повисоките планини, ќе преминуваат во врнежи од снег. Повремено наместа врнежите ќе бидат пообилни. До сабота ќе дува југоисточен и југозападен ветер, а во недела ветерот ќе го смени правецот и ќе дува засилен северен ветер.

The post ЌЕ ДУВА ЈУГОИСТОЧЕН ВЕТЕР Дождот ќе преминува во снег на планините appeared first on plusinfo.mk.

Денешниот ден носи претежно сончево време низ целата земја, со мала до умерена облачност и тивка атмосфера. Во утринските часови, особено по котлините, можно е појавување на магла, па се препорачува внимателност во сообраќајот.

Ќе дува слаб ветер од променлив правец, а утринските температури ќе бидат ниски, со минимални вредности од -6 до 1 степен. Во текот на денот ќе биде посвежо, но пријатно за зимски услови, со максимални температури од 6 до 13 степени.

Во Скопје времето ќе биде сончево и мирно, со мала до умерена облачност. Утринската температура ќе се спушти до -4 степени, додека дневната ќе достигне околу 9 степени.

Според најавите од Управата за хидрометеоролошки работи, за време на викендот следува промена на времето. Се очекува променливо облачно и постудено време, со услови за слаби врнежи од дожд и снег во пониските места, додека на повисоките предели и на планините ќе има снег. Дневните температури ќе бидат во опаѓање.

По викендот, од почетокот до средината на следната седмица, времето повторно ќе се стабилизира, со суви и мирни денови.

Сибирска експлозија ни следува по 20 Јануари, дали ќе имаме под -25°C?!

Веќе многу добро знаеме сите дека од овој викенд Македонија влегува во нов ладен период кога повторно очекувам пад на температурите и појава на мразеви особено во ноќните и во утринските часови. Овој ладен бран кој ќе продре од исток и од североисток повремено ќе условува да имаме слаби локални врнежи кои полека ќе преминат во снег и во градовите. Но сепак како што кажав се работи за слаби и локални снежни врнежи без најава за формирање на голема снежна покривка.

Повеќе за прогнозата на Славчо Попоски на следниот ЛИНК.

The post УТРИНСКА МАГЛА И СОНЦЕ ПРЕКУ ДЕН Викендот носи заладување и слаби врнежи appeared first on plusinfo.mk.

Метеоролозите за утре нѐ информираат дека наутро ќе биде постудено со услови за појава на магла по одделни котлини. Во текот на денот сончево со мала до умерена локална облачност. Ќе дува слаб ветер претежно од југозападен правец.

Минималните утрински температури ќе се движат од -3 во Берово до 2 во Гевгелија, а максималните дневни од 15 во Маврово и 19 Целзиусови степени во Гевгелија.

Во Скопје, наутро во делови од котлината со услови за појава на слаба магла. Во текот на денот сончево со мала до умерена облачност и претежно тивко. Температурата ќе се движи од 1 до 17 степени.

В недела наутро по одделни котлини ќе има услови за појава на магла. Во текот на денот времето ќе биде сончево со мала до умерена облачност. Ќе дува слаб до умерен ветер од јужен правец.

Минималните утрински температури ќе се движат од -2 степени до 7 степени, а максималните дневни ќе бидат во интервалот од 14 степени до 19 степени.

Метеоролозите за во понеделник најавуваат дека ќе биде променливо облачно. Кон крајот на денот и во текот на ноќта во северозападните делови ќе има услови за слаб локален дожд. Ќе дува умерен до засилен ветер од јужен правец.

Минималните утрински температури ќе се движат од 1 степени до 8 степени, а максималните дневни ќе бидат во интервалот од 13 степени до 18 степени.

The post МАГЛА НАУТРО, СОНЦЕ ВО ТЕКОТ НА ДЕНОТ Слаб југозападен ветер и стабилно време низ државата appeared first on plusinfo.mk.

Утре (петок) и в сабота граѓаните низ целата држава ќе се соочат со вистински топлотен бран, со екстремно високи температури кои на некои места ќе достигнат и до 43 степени Целзиусови, предупредуваат од Управата за хидрометеоролошки работи (УХМР).

Највисоки температури се очекуваат во Гевгелија и во Скопје, каде жештината ќе го достигне својот врв. Во главниот град времето ќе биде сончево и многу топло, со слаб до умерен северозападен ветер. Утринските температури во Скопје ќе изнесуваат околу 21 степен, а дневната максимална ќе се искачи до 43°C.

Во петок минималните утрински температури ќе се движат од 14°C во Берово до 23°C во Гевгелија, додека максималните дневни ќе варираат од 35°C во Маврово до 43°C во Гевгелија и во Скопје.

Во сабота, времето останува сончево и пеколно, со мала до умерена локална облачност и слаб до умерен ветер од јужен правец. Температурите и понатаму ќе се движат меѓу 36°C и 43°C.

Од недела, според најавите на УХМР, следува променливо време со пад на температурите и зголемени услови за локална нестабилност, пороен дожд и грмежи. Ветерот ќе го смени правецот и ќе дува умерен до повремено засилен северен ветер кој ќе донесе освежување по пеколните денови.

The post ДО 43 СТЕПЕНИ В ПЕТОК И В САБОТА Пред нас се најтоплите денови ова лето, заладување од недела appeared first on plusinfo.mk.

Сончево и екстремно топло време со високи температури ќе ја зафати цела држава утре (среда), предупредува Управата за хидрометеоролошки работи (УХМР).

Според метеоролозите, ќе дува слаб до умерен ветер од северен правец, но тоа нема да биде доволно за да ја ублажи жештината. Иако ќе има мала до умерена локална облачност, на одредени места се очекуваат и поинтензивни атмосферски процеси, особено во попладневните часови, поради што се апелира до граѓаните да бидат особено внимателни и да избегнуваат подолг престој на сонце.

Температурите остануваат екстремно високи, и покрај можна локална нестабилност. Минималната температура утре ќе се движи од 11 степени во Берово до 21 степен во Гевгелија, додека максималната ќе достигне од 29 степени во Маврово до дури 39 степени Целзиусови во Гевгелија, што ќе ја зголеми метеочувствителноста и ризикот од топлотни удари.

Во главниот град, Скопје, времето ќе биде сончево и многу топло, со мала облачност и слаб до умерен северен ветер. Минималната температура ќе биде 18, а максималната исто така ќе достигне 39 степени, што ја прави престолнината една од најтоплите точки утре.

Според најавите, жештината ќе продолжи и во четврток, кога се очекува сончево и многу топло време со максимални температури кои повторно ќе достигнат до 39 степени. И тогаш ќе има мала до умерена локална облачност, а според УХМР, постои зголемен ризик од топлотен бран.

Во петок се очекува мало освежување. Времето ќе биде променливо облачно со сончеви периоди и малку пониски температури. Претпладне се очекуваат услови за локална нестабилност проследена со пороен дожд и грмежи. Ќе дува умерен ветер од северен правец, што ќе придонесе за чувствително олеснување од екстремните температури.

The post ПЕКОЛНА СРЕДА ВО МАКЕДОНИЈА Утре до 39 степени, Скопје и Гевгелија ќе зовријат appeared first on plusinfo.mk.