– Предавањата, не случајно се одржуваат на денот кога се случи катастрофалниот скопски земјотрес на 26 јули во 1963 година, преку програма посветена на визионерските пристапи во архитектурата и урбаните студии, токму во Музејот на современата уметност – Скопје, кој е резултат и симбол на солидарноста – велат од МСУ.

Програмата ќе се заокружи со промоција на каталогот за „Скопје, одново“, кој вклучува текстови на Мира Гаќина, Кејт Мери Брнс, Кумјана Новакова, Ана Кац, Ана Ивановска Дескова, Јован Ивановски, Владимир Десков и Љубица Спасковска.

– Оваа програма е практично заокружување на проектот „Скопје, одново“, кој во 2019 година со изложба, која во фокусот го стави процесот на основањето на музејот и неговата исклучителна меѓународна колекција, со посебен акцент на американските уметници, беше реализирана во организација на Музеј на современата уметност – Скопје и Амбасадата на САД во Северна Македонија. Кураторки на изложбата беа Ана Кац од Музејот за модерна уметност во Њујорк – МоМА и Кумјана Новакова од МСУ – Скопје – соопштија од МСУ.

Презентaцијата на проф. Саскија Сасен ќе се фокусира на концептите на утопистичкиот урбанизам и глобалниот град, додека предавањето на проф. Ана Ивановска Дескова ќе се однесува на проектот на солидарноста и неговото значење за Скопје.

– Саскија Сасен преку своите истражувачки и авторски проекти се фокусира на глобализацијата (вклучувајќи ги социјалните, економските и политичките димензии), имиграцијата, глобалните градови (вклучувајќи ги градовите и тероризмот), новите мрежни технологии и промените во рамките на либералната држава, кои произлегуваат од сегашните транснационални услови. Во своето истражување таа се фокусира на неочекуваното и контраинтуитивното како начин за дисрупција на утврдените „вистини“. Нејзините три значајни книги се обидуваат да ја уништат клучната утврдена „вистина“ – информираа од МСУ.

Од Музејот посочуваат дека истражувачкиот интерес на Ана Ивановска Дескова е насочен кон модерната архитектура во Скопје, особено неговата постземјотресна обнова.

– Во рамките на неформалната архитектонска група СКАРС (Студио за современа архитектура – Скопје) таа учествува на бројни локални и меѓународни архитектонски конкурси. Автор е на бројни истражувачки проекти и архитектонски изложби (Навраќање на постземјотресната обнова на Скопје, Биографија на едно архитектонско дело – Телекомуникациски центар во Скопје, Скопските вертикали, Загрозени видови, Иднината како проект: Доксијадис во Скопје итн.). Во 2008 и 2014 година е дел од авторските тимови кои ја претставуваат Република Македонија на Венециското биенале на архитектура. Во периодот 2015-2018 учествува во подготовката на изложбата „Кон вистинската утопија: Архитектурата во Југославија 1948-80“ како член на кураторското советодавно тело. Во моментов работи како вонреден професор на Архитектонскиот факултет во Скопје, каде предава Историја на модерната архитектура и Заштита на градителско наследство – информираа од МСУ.

The post Проектот „Скопје одново“ во Музејот на современата уметност appeared first on plusinfo.mk.

Новата поставка на изложбата „Скопје, одново”, обработи нови аспекти и автори од колекцијата, вклучувајќи дела на некои од најзначајните автори, чии дела се дел од колекцијата на музејот, како Ники де Сен Фал, Дејвид Хокни, Ана Ева Бергман, Карлос Круз–Диез, Јон Григореску…

Со замената на дела, уметничкото наследство се заштитува од надворешни влијанија за идните генерации. Дополнително, овој вид интервенција овозможува самата инсталација да живее и продолжи да се развива.

Изложбата „Скопје, одново“ е резултат на соработката меѓу МСУ – Скопје и Амбасадата на САД во Скопје, а кураторки на изложбата се Ана Кац и Кумјана Новакова.

The post Изложбата „Скопје, одново“ со нова поставка appeared first on plusinfo.mk.