Рокот за завршување на автопатот Кичево-Охрид во мај следната година ќе биде запазен, во втората половина на август треба да почне изградбата на автопатот Скопје-Блаце, а во септември и на делницата Кичево-Букојчани, најавува директорот на Јавното претпријатие за државни патишта (ЈПДП), Коце Трајановски.

– На автопатот Кичево-Охрид, од 2024 година, откако дојде новата Влада, македонската јавност и сите што патуваат видоа дека има голем напредок. Од вкупно 57 километри, 37-38 километри се пуштени во употреба, а на преостанатите делови интензивно се работи. Очекуваме на крајот на октомври да го пуштиме делот од Извор, да се качиме на автопатот и преку тунелот да стигнеме до Врбјани (од Врбјани до Ботун веќе има автопатско решение), а следната година, во мај, очекуваме рокот да биде запазен. Има динамика за тоа со третиот кредит што го зеде ЈПДП. Има добар динамички план. Веќе се гледа дека работите се при крај, се реализираат и активностите што не беа предвидени, како новите технички решенија за галериите. И денеска сите инволвирани – изведувачи, проектанти и надзор – имавме состанок кај вицепремиерот, така што тој рок останува – рече Трајановски во гостувањето во емисијата „Тема на денот“ на ТВ Сител.

За изградбата на автопатот Кичево-Охрид досега се земени три заеми и, како што рече, вкупната вредност на проектот ќе изнесува околу 800 милиони евра.

Според Трајановски, со добра динамика се одвива изградбата на автопатските делници што ги гради „Бехтел и Енка“ – Прилеп-Битола, Тетово-Гостивар и Гостивар-Букојчани. Многу важен проект, посочи тој, е и делницата Кичево-Букојчани, за која е во тек избор на изведувач и се очекува во септември да почне изградбата.

– За изградбата на автопатот Скопје-Блаце веќе е избран изведувач – конзорциум предводен од „Гранит“, со кој месецов ќе потпишеме договор. Во меѓувреме, „Гранит“ се мобилизира на терен и очекуваме во втората половина на август да почне изградбата на патот, кој долго се најавуваше и е од големо значење за Македонија и Косово. Во текот на август ќе го воведеме изведувачот во работа, а во тек е изборот на надзорот од страна на Европската банка за обнова и развој (ЕБОР) и ЈПДП. По воведувањето во работа ќе започнат теренските активности, испитувањата на теренот и расчистувањето на трасата – рече Трајановски.

Цената од околу 20 милиони евра по километар, појасни тој, се должи на тоа што трасата се наоѓа во планинскиот предел на Скопска Црна Гора. Ќе се градат пет тунели, девет мостови, бројни косини, потпорни ѕидови и потпатници.

Директорот на ЈПДП соопшти дека за потегот од Романовце до Страцин се подготвува тендерската документација за експресен пат и дека следната година се очекува да биде објавен тендер за изработка на физибилити студија, по што треба да се обезбедат средства за изградбата.

The post ОД КИЧЕВО ДО ОХРИД, ОД СКОПЈЕ ДО БЛАЦЕ Трајановски најави кога ќе се отворат клучните делници appeared first on plusinfo.mk.

Првите 10 до 11 километри од автопатот Прилеп-Битола треба да бидат пуштени во употреба во првата половина на следната година. Ова го најави вицепремиерот и министер за транспорт Александар Николоски во поткастот „Радар“.

Тој истакна дека во Македонија во моментов истовремено се градат 6 автопати. Според него, ваков обем на изградба досега не бил забележан ниту во државата ниту во регионот.

17 километри веќе се пробиени кај Гостивар-Букојчани

Осврнувајќи се на автопатот Гостивар-Букојчани, Николоски рече дека работите се одвиваат подобро од очекуваното.

– Иако се работи за ултракомплициран терен, немаме проблеми со експропријација ниту со пристап до градилиштето. Од 31 километар, колку што ќе биде долг автопатот, веќе се пробиени 17 километри. Ова е првиот автопат во Македонија што се гради истовремено од двата краја, од правец на Гостивар и од правец на Букојчани и ќе го скрати патувањето за околу 15 километри – изјави Николоски.

Тој очекува делницата да биде завршена во втората половина на 2029 година. Автопатот Тетово-Гостивар, според него, ќе биде готов и порано.

За автопатот Кичево-Охрид рече дека се изградени 37 километри. Во сообраќај веќе се пуштени 34 километри, а летово се очекуваат и нови делници.

Скопје-Блаце доби грант од 31 милион евра

Николоски потсети дека за автопатот Скопје-Блаце е потпишан договор за грант вреден околу 31 милион евра.

Тој посочи дека е избран „Гранит“ како изведувач. Оцени дека тоа е добра вест за домашната градежна оператива.

Во следните денови се очекува и избор на изведувач за делницата Букојчани-Кичево, долга 12 километри.

– Проектот ќе се реализира со поддршка од Европската банка за обнова и развој и очекувам во следните десетина дена да биде избран изведувачот, по што ќе започне изградбата – рече Николоски.

Паралелно се реализираат и 1.200 локални проекти

Николоски соопшти дека низ општините во моментов се реализираат околу 1.200 инфраструктурни проекти со поддршка од Владата.

– Убаво е да зборуваме за брза пруга, автопати, експресни патишта и аеродроми, но прво луѓето кога ќе излезат од дома гледаат дали газат во кал, дали имаат атмосферска канализација, водовод, фекална канализација и уредени тротоари. Тоа е она што им е најважно на граѓаните – изјави Николоски.

Тој додаде дека паралелно се инвестира и во градинки, училишта, амбуланти и болници.

The post 6 АВТОПАТИ СЕ ГРАДАТ, 1.200 ПРОЕКТИ СЕ РЕАЛИЗИРААТ Првите 10 километри од автопатот Прилеп-Битола ќе бидат пуштени догодина appeared first on plusinfo.mk.

Автопатот Скопје-Блаце за кој се зборува со децении конечно ќе продолжи да се гради. Премиерот Христијан Мицкоски денеска изјави дека в понеделник ќе биде потпишан договор со изведувачот по што ќе почнат и конкретните активности на трасата.

-Таа тема се говореше во јавноста до децении. Успешно е завршена целокупната постапка. И во понеделник ќе биде потпишан официјално договорот – изјави Мицкоски.

Тој информира дека веќе е избран е изведувачот и се очекува овој месец да се започне со работа на делницата.

-И ова негативно наследство од минатото се решава. Илјадници проблеми затекнавме, но еден по еден ги решаваме. Еден од тие приоритет конечно ги решивме, овие 8 километри конечно ќе бидат направи – рече Мицкоски.

Компанијата Гранит која е избрана за изведувач на работите за три ипол години ќе треба да изгради 5 тунели, 2 галерии и 12 мостови. Заедно со помалите инфраструктурни објекти вкупно 40 објекти ќе се изведат на терен.

The post МЕСЕЦОВ ГРАДЕЖНАТА МЕХАНИЗАЦИЈА СЕ ВРАЌА НА АВТОПАТОТ СКОПЈЕ – БЛАЦЕ Договорот со изведувачот ќе се потпише в понеделник appeared first on plusinfo.mk.

„Македонија за првпат во својата историја истовремено гради повеќе автопатски делници, колку што во моментов не гради никоја од земјите во регионот. Еден од клучните инфраструктурни проекти што започнува е автопатот Скопје-Блаце, со кој државата ќе добие современа автопатска врска со Косово, а индиректно и со Црна Гора и пристаништето Бар“.

Вака изјави заменик претседателот на Владата и министер за транспорт Александар Николоски во интервју во вестите на ТВ Сител. Николоски истакна дека станува збор за комплексен патен проект, чија вредност е проценета на околу 200 милиони евра.

– Прво ми е драго што ќе го почнеме овој проект. Се работи за еден од најфреквентните патишта, затоа што ова е спојка со Косово и со Црна Гора од една страна, а од друга страна во однос на бизнисот се отвораме уште кон едно пристаниште, а тоа е пристаништето во Бар, така што го кратиме многу патот.

Според вицепремиерот, изградбата на автопатот Скопје-Блаце претставува сериозен инженерски зафат поради конфигурацијата на теренот и бројните инфраструктурни објекти што треба да се изградат.

– Проценетата вредност е некаде околу 200 милиони евра. Се работи за исклучително комплициран проект, со пет тунели, две галерии и 12 големи мостови. Драго што успеавме да го избереме ГРАНИТ како изведувач, за на тој начин да покажеме дека македонската оператива може да работи – нагласи Николоски.

На прашањето дали избраниот конзорциум ќе може да ги исполни роковите за изградба, Николоски изрази целосна увереност, нагласувајќи дека постапката била спроведена според строгите правила на Европската банка за обнова и развој (ЕБОР).

– Апсолутно, затоа што ние одевме според правилата на ЕБОР, кои што се многу строги на овој избор. Така што, ако ЕБОР од Лондон рече дека ова е во ред, значи е во ред – изјави Николоски.

Осврнувајќи се на критиките од ДУИ дека проектот бил непотребно одложуван, министерот оцени дека причините за таквите реакции се поврзани со очекувањата за бизнис зделките на ДУИ за трасата на идниот автопат.

„Очигледно е дека се нашле како погодени, затоа што купуваа ниви на онаа траса која што тие мислеа дека ќе биде траса и мислеа дека експропријацијата ќе помине токму по тие ниви. За жал тоа нема да се случи, затоа што финалната траса не е баш таа која што ја замислуваа”, рече Николоски.

The post ПРЕКУ БЛАЦЕ ДО ПРИСТАНИШТЕТО ВО БАР Автопатот Скопје-Блаце ќе се гради со 5 тунели и 12 мостови appeared first on plusinfo.mk.

Вториот дел од изградбата на автопатот Скопје – Блаце ќе почне да се гради многу брзо бидејќи се врши еваулација на понудите на тендерот, изјави министерот за транспорт и врски Александар Николоски.

Тој појасни дека тендерот го објави и ги евалуира понудите Европската банка за обнова и развој и од неа зависи кога ќе почне изградбата.

-Имаме 11 понуди за Скопје – Блаце од реномирани компании. Евалуацијата ја право Европската банка за обнова и развој, а најавите се дека многу брзо ќе излезат со конечна одлука – рече Николоски.

The post НАСКОРО ЌЕ ПОЧНЕ ИЗГРАДБАТА НА ВТОРИОТ ДЕЛ НА АВТОПАТОТ СКОПЈЕ – БЛАЦЕ На тендерот се јавиле 11 компании appeared first on plusinfo.mk.

Патниот сообраќај до граничниот премин Блаце ноќеска е нормализиран и е укината забраната за товарните моторни возила и за автобусите, соопшти МВР.

Синоќа поради пожар кај тунелот сообраќајот на оваа делница на магистралниот пат Скопје – Блаце  беше пренасочен за патнички возила, а беше воведена забрана за товарни моторни возила.

МВР воспостави посебен режим на движење на возила од Граничен премин Блаце кон Скопје и во правец од Скопје кон Граничен премин Блаце.

The post НОРМАЛИЗИРАН Е СООБРАЌАЈОТ КОН ГРАНИЧКИОТ ПРЕМИН БЛАЦЕ Укината е и забраната за камиони и за автобуси appeared first on plusinfo.mk.

Оттаму додаваат дека ќе има светлосна сигнализација со наизменично пропуштање на возилата.

АМСМ информира и дека сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.

The post СЕ РЕНОВИРА ТУНЕЛОТ СКОПЈЕ – БЛАЦЕ Од денеска има времен режим на сообраќај appeared first on plusinfo.mk.

-Во однос на автопатот Блаце јас веќе информирав дека првата делница веќе се гради, за втората делница веќе привршуваат првите постапки и очекуваме во текот на наредниот период да се распише тендерската постапка. Таму сумата на проектантската вредност е некаде над 190 милиони евра. Тоа е голема сериозна инвестиција на доста тежок терен и очекувам дека во текот на наредната година, доколку биде успешна постапката за избор на изведувач, веќе ќе имаме активности и на втората делница, а ќе очекуваме и завршување на првата делница со што тие над 12 километри до Обиколница Скопје ќе влезат во комплетна реорганизација на теренот. Веќе имаме избрано изведувач и за рехабилитација на постоечкиот пат Скопје – Блаце којшто е во една полоша состојба – изјави Бочварски за време на посетата на Пробиштип.

Целта на активностите, како што посочи, е патната инфраструктура да се доведе до ниво какво што заслужуваат граѓаните.

-Оние чекори коишто биле изгубени во минатото денеска ние еве чекор по чекор и во најголемата криза ги враќаме. И не само со овој патен правец, туку и со патниот правец на Коридорот 10Д од Градско кон Дреново – Фариш, Фаришката Клисура, Плетвар и сите останати патни правци со цел да се подобри сликата на инфраструктурата – рече Бочварски.

Тој соопшти дека за втората делница од експресниот пат Штип-Кочани денеска е завршена постапката за експропријација која што  одзела доста време.

– Овој експресен пат е со над 92 проценти прогрес на работите и нашите очекувања се дека во декември ќе можеме да го пушптиме во сообраќај под времен режим, таму се вршат сите градежни работи, тоа го гледаат граѓаните –  изјави Бочварски

The post НАСКОРО ТЕНДЕР И ЗА ВТОРАТА ДЕЛНИЦА ОД АВТОПАТОТ КОН БЛАЦЕ Целата инвестиција за 12 километри пат е 190 милиони евра appeared first on plusinfo.mk.

Собранието вчера даде „зелено светло“ за двата закона за државна гаранција, кои беа изготвени од Министерството за финансии. Парите, како што наведува МФ, ќе станат достапни по потпишување на договорите од страна на ЕБОР, ЈП за државни патишта, ЕСМ и Министерството за финансии.

– Со изградбата на втората подделница од автопатот Скопје – Блаце во должина од околу 10.5 километри значително ќе се подобри мобилноста и трговската размена, безбедноста на патот, ќе се скрати времето на патување и ќе се зголемат можностите за социо–економски развој, како на национално, така и на регионално ниво.Проектот ќе го имплементира ЈПДП и ќе се финансира со средства од ЕБОР во износ од 167,6 милиони евра, инвестициски грант од ВБИФ во износ од 20,82 милиони евра и грант за техничка помош од ВБИФ (техничка поддршка за имплементација на проектот и надзор) во износ од 5,68 милиони евра. Дополнително, ЕБОР доделува грант во износ од 0,35 милиони евра за изработка на е-мобилити национална стратегија и акциски план за патна инфраструктура – информира МФ.

Според МФ, во услови на енергетска криза од исклучително значење е реализацијата на проектот на ЕСМ за транзиција кон соларни фотоволтаици кој опфаќа изградба на ФЕ Осломеј 2 со инсталирана моќност од 10 MW и ФЕ Битола со 20 MW, чиј имплементатор ќе биде ЕСМ.

Вкупната инвестициска вредност на проектот изнесува 25,5 милиони евра и истиот го финансира АД ЕСМ – Скопје со заем од ЕБОР во износ од 19,8 милиони евра, обезбеден со државна гаранција, со грантот од ВБИФ во износ од 5 милиони евра и со сопствени средства во износ од 0,7 милиони евра. 

The post НОВ КРЕДИТ ОД 190 МИЛИОНИ ЕВРА Ќе се троши за автопатот до Блаце и две фотонапонски електрани appeared first on plusinfo.mk.

Предлог законите за обезбедување на средствата од ЕБОР беа прифатени на вчерашната владина седница, а пред потпишување треба да бидат изгласни на собранието.

Според предлог законот за гаранција на државава на кредитот од ЕБОР  за автопатот од Скопје до границата со Косово, се предвидува да се обезбедат 167,6 милиони евра,  кои се со рок на отплата од 16 години, со грејс период од 4 години и каматна стапка која е варијабилна и се состои од шестмесечен ЕУРИБОР зголемен за маргина од 1 отсто.

-Со ова се комплетира финансиската конструкција за реализација на овој проект. Покрај средствата обезбедени од ЕБОР, ќе се финансира со грант средства од ВБИФ во износ од 26,5 милиони евра – информираат од МФ.

Со Предлог-законот за кеедитот за финансирање на Регионалниот проект за цврст отпад се обезбедуваат 55 милиони евра со рок на отплата од 15 години, грејс период од 4 години и каматна стапка  која се состои од шестмесечен ЕУРИБОР зголемен за маргина од 1 отсто.

-Целта е да помогне на земјата во развојот на регионални системи за управување со отпад во одредени региони на Република Северна Македонија, односно воспоставување регионален систем за управување со отпад во Југоисточен, Вардарски, Пелагониски, Југозападен и Полошки регион – велат од Финансии.

ЕБОР во изминативе 30 години има инвестирано над 2,2 милијарди евра во 159 проекти во земјата.

The post ЕБОР ОДОБРИ КРЕДИТ ОД 200 МИЛИОНИ ЕВРА Парите ќе се трошат за автопатот Скопје – Блаце и регионални депонии appeared first on plusinfo.mk.