Скопјанец ќе биде кривично гонет за насилство врз сопругата.

„Ќе биде поведена постапка против 33-годишен скопјанец, кој при вршење семејно насилство телесно ја повредил сопругата. На 20 јуни, во возило ја влечел и се заканувал на жената, а во еден момент сакал да ја удри со стаклено шише. Оштетената во возење ја отворила вратата и скокнала од возилото, а осомничениот застанал и се обидел на сила пак да ја внесе внатре. На жената ѝ нанел телесна повреда, што е казниво според член 130  од Кривичниот законик“, соопшти Јавното обвинителство.

Јавниот обвинител до судијата на претходна постапка достави предлог за определување повеќе мерки на претпазливост кои вклучуваат: забрана на осомничениот да го напушти живеалиштето, обврска да се јавува во судот, привремено одземање на патната исправа, забрана за приближување или воспоставување контакти или врски со оштетената и забрана за посетување на локациите каде таа се движи.

The post СКОКНАЛА ОД ВОЗИЛО ВО ДВИЖЕЊЕ, ПО НАПАД ОД СОПРУГОТ Сакал да ја удри со стаклено шише, со сила ја враќал во автомобилот appeared first on plusinfo.mk.