Словенечкиот ски-скокач Домен Превц беше дисквалификуван веднаш по победата на натпреварот од Светскиот куп во Лахти, откако контролата на опремата утврди неправилност со неговите скии.

Превц триумфираше со скок од 129 метри и убедливо го остави зад себе Германецот Филип Рајмунд, со речиси десет бода предност. Сепак, радоста за победата траеше кратко, бидејќи по официјалната проверка беше донесена одлука неговиот резултат да биде поништен.

Причината за дисквалификацијата биле скиите на словенечкиот натпреварувач, кои биле за еден сантиметар подолги од дозволеното. Според правилата во ски-скоковите, должината на скиите е строго поврзана со телесната тежина на натпреварувачот.

Контролата утврдила дека Превц бил премногу лесен за скиите што ги користел, поради што автоматски бил дисквалификуван, и покрај најдобриот резултат на натпреварот.

Иако словенечкиот ас веќе го има обезбедено Големиот кристален глобус за вкупна победа во сезоната, оваа дисквалификација го лиши од можноста да постави нов рекорд.

Доколку победата во Лахти беше потврдена, тоа ќе беше седма последователна победа за Превц во Светскиот куп. Со тоа ќе станеше единствен рекордер, но поради дисквалификацијата останува на шест победи по ред, со што го дели рекордот со други ски-скокачи.

The post ЕДЕН САНТИМЕТАР МУ ГО ПОНИШТИ РЕКОРДОТ Превц остана без победа во Лахти appeared first on plusinfo.mk.

Германскиот ски-скокач Филип Рајмунд ја забележа најголемата победа во својата кариера, освојувајќи го златото во дисциплината ски-скокови на нормална скокалница. За Рајмунд ова е прва победа на големо меѓународно натпреварување, но успехот добива уште поголема тежина поради еден неверојатен детал, тој со години се бори со страв од висина.

Парадоксално, човекот кој лета десетици метри над земја отворено призна дека токму висината му претставува најголем психолошки предизвик. Рајмунд и претходно зборуваше за својата состојба, објаснувајќи дека научил да го контролира стравот, но не секогаш успева да го надмине.

Минатата година, токму поради психолошкиот притисок, германскиот ски-скокач се повлече од натпреварување и не настапи, што тогаш предизвика бројни реакции во спортската јавност.

– Многумина ме прашуваат зошто не скокам, но некои веќе знаат, имам страв од висина. Тоа е причината – изјави тогаш Рајмунд.

Овојпат, на Зимските олимписки игри, сè изгледаше поинаку. Рајмунд пристигна целосно фокусиран и психолошки стабилен, што се одрази и на неговите скокови. Со мирна глава и сигурни обиди, тој успеа да ги надмине фаворитите и да се искачи на највисокото место на пиедесталот.

Неговата победа веќе се опишува како една од најинспиративните спортски приказни на Игрите, доказ дека и најголемите стравови можат да се победат кога волјата е посилна од сомнежот.

The post 📽️ СЕ ПЛАШИ ОД ВИСИНА, А СЛЕТА ДО ЗЛАТО Ски-скокачот Филип Рајмунд и покрај стравот стана олимписки шампион appeared first on plusinfo.mk.

Само неколку недели пред почетокот на Зимските олимписки игри Милано–Кортина 2026, скијачките скокови се најдоа во центарот на еден од најнеобичните скандали во историјата на зимските спортови.

Според пишувањето на британскиот „Дејли мејл“, дел од елитните ски-скокачи наводно прибегнале кон естетски интервенции на гениталиите, со цел да добијат предност при официјалните мерења на опремата. Случајот веќе го доби прекарот „Пенисгејт“ и предизвика шок, но и сериозна загриженост во спортската јавност.

Наводно, спортистите користеле инјекции со хијалуронска киселина за вештачко зголемување на одредени телесни димензии кои се земаат предвид при 3Д-скенирањето. Во ски-скоковите, секој милиметар може да биде пресуден – поголемата телесна мерка овозможува носење поголемо одело, кое во лет создава посилен подигнувачки ефект и потенцијално подолг скок.

Според сомнежите, одредени натпреварувачи се обиделе да искористат „дупка“ во правилникот, менувајќи ја формата на мекото ткиво за да добијат поповолни параметри при мерењето, без директно да ги прекршат постојните прописи.

Ова не е првпат ски-скоковите да се соочат со контроверзии поврзани со опремата. Во минатото, поединечни натпреварувачи беа осомничени за користење влошки, силиконски додатоци или специјално модифицирани шавови на оделата за подобрување на аеродинамиката.

Меѓународната скијачка федерација (ФИС) веќе реагираше и најави ревизија на мерните протоколи. Во игра се нови мерки, меѓу кои користење скелетни референтни точки, дополнителни рачни проверки и построги медицински контроли, со цел да се спречи каква било форма на манипулација.

„Работиме на заострување на правилата. Станува збор за комплексен проблем кој мора да се реши пред Олимписките игри“, соопштија од ФИС.

Дел од спортистите остро ги отфрлија обвинувањата. Норвешката ѕвезда Халвор Егнер Гранеруд изјави дека тврдењата се апсурдни и дека сите негови медицински прегледи се извршени под строг стручен надзор.

Се очекува ФИС во наредните недели да донесе дополнителни измени на правилата, со цел да се зачува интегритетот на натпреварувањето пред почетокот на Олимписките игри во Италија.

The post ГИ ЗГОЛЕМУВАЛЕ ПЕНИСИТЕ ЗА ПОДОБАР ЛЕТ Скандал со мерењата го потресе зимскиот спорт appeared first on plusinfo.mk.

Во емотивен миг на актуелната скијачка сезона, 26-годишниот Домен Превц ја испиша најновата страница на словенечката спортска бајка, освојувајќи го престижниот „Златен орел“ на турнејата „Четири скокалници“.

Во големото финале во Бишофсхофен, Австрија, Превц ја потврди својата доминација иако дневната победа му припадна на домашниот херој Даниел Чофениг, кој со скок од 140,5 метри ги воодушеви навивачите и освои 303,9 поени. Словенецот заврши втор со 299,8, што беше доволно за вкупна победа на турнејата со 1.195,6 поени – убедливо пред Јан Херл и Стефан Ембахер.

– Пред десет години гледав како брат ми го крева трофејот. Сега тој е во мои раце. Ова е исполнување на детскиот сон – рече видливо возбудениот Домен.

Оваа победа го прави Превц третиот Словенец што го освоил „Златниот орел“, по легендарниот Примож Петерка (1997) и неговиот брат Петер Превц (2016). Со тоа, династијата Превц уште еднаш покажа дека словенечките скокови не се само спорт, туку традиција, гордост и семејна приказна што трае три децении.

The post 📽️ СЛОВЕНЕЧКАТА „ДИНАСТИЈА“ ПРЕВЦ ПОВТОРНО ГО КРЕНА ЗЛАТНИОТ ОРЕЛ „Четири скокалници“ му припаднаа на помалиот брат appeared first on plusinfo.mk.

My thoughts exactly. The very best of our beautiful planet is everywhere in winter sports, and this is where they host the Olympics? Not watched anything so far that made me wish I was out on a mountain, and that ain’t right. https://t.co/STqxZVPoEs

— Paul O’Brien (@PaulOBrien) February 8, 2022

„Искрено, што правиме ние овде?“, на Твитер напиша еден навивач.

Сноубордерот Пол О’Брајан се согласи, велејќи дека поради овој пејзаж ниту еднаш не посакал „да си оди од планина“.

Друг навивач сугерираше дека навидум чудното позиционирање на скокалницата има врска со „парите и корупцијата“.

„Настрана парите и корупцијата… како Олимпискиот комитет ѝ дозволува на Кина да се извлече со поставувањето на големиот настан среде пустош на нуклеарна централа?“, напиша тој.

Новинарот на Си-Би-Ес, Ник Старлинг, ја повтори сличната мисла кога ја ретвитна фотографијата од скокалницата во преден план на бетонските кули, пишувајќи: „Не можеш, а да не ја видиш позадината со нуклеарната централа“.

Сепак, не беа сите толку груби со коментарите. Еден новинар рече дека луѓето што се расправаат со конкретната позадина биле „губитници“. Друг американски гледач се пошегува дека на нуклеарката треба да ѝ се завидува, а не да се презира.

„Оваа фотографија ме прави толку лут. (И ние) треба да имаме нуклеарни реактори до нашите скијачки терени“, напиша тој покрај сликата од скокалницата.

The post КИНЕЗИТЕ ЈА СТАВИЛЕ СКОКАЛНИЦАТА ДО „НУКЛЕАРКА“ Луѓето играат мајтап со Игрите во Пекинг (ФОТО) appeared first on plusinfo.mk.

По триумфот во Оберстфорд остварен пред три дена, Кобајаши денеска победи и во Гармиш-Партенкирхен на вториот натпревар од турнејата.

До победата, јапонскиот натпреварувач стигна со скокови од 143 метри во првата и 135,5 метри во втората серија, односно 291,2 освоени бода.

Второто место му припадна на Германецот Маркус Ајзенбихлер со 141 и 143,5 метри или 291 бод.
Трет беше Ловро Кос од Словенија со прескокнати 135,5 метри и 138 метри, 286 бодови.

Следен натпревар за најдобрите ски-скокачи во светот е на 4 јануари во австриски Инсбрук.

The post ТРИУМФ НА КОБАЈАШИ ВО ГАРМИШ-ПАРТЕНКИРХЕН „Четири скокалници“ продолжува во Инсбрук appeared first on plusinfo.mk.