ски лифт Archives - plusinfo.mk

📽️ ДРАМА ВО СКИ-ЦЕНТАР ВО ШПАНИЈА Десетици се повредени откако се урна ски-лифт

МИА — Sat, 18 Jan 2025 17:21:28 +0000

Ски-лифт се урна денеска во шпанскиот регион Арагон, при што се повредени најмалку 30 луѓе, соопшти регионалната влада. Околу 80 луѓе остануваат заробени да висат од лифтот во ски-центарот Астун, во провинцијата Хуеска.

Причината за штетата останува непозната.

Раководството на ски-центарот одбива да коментира и засега не се знае дали меѓу повредените има и странци.

Oso istripu larria #Astun eski-estazioan telesilla bat erortzean, momentuz 9 zauritu oso larri eta 8 larri aipatzen dira, kanpaina ospitale bat muntatu da inguruan eta estazioa itxi egin da.

Irudiak whatsappez jasoak. pic.twitter.com/YKaD4UKuCo

— Mikel Arreseigor Astibia (@MikelArreseigor) January 18, 2025

Ojo, que parece que se ha caído al menos una silla en #Astún. Suben muchas ambulancias. pic.twitter.com/oB9hrI4i4J

— Saúl Esclarín (@saulesclarin) January 18, 2025

Неколку хеликоптери работеа во областа за да ги спасат скијачите кои се уште беа заробени на лифтот и да ги пренесат повредените во блиските болници.

Скијачкиот центар Астун, кој е популарен претежно меѓу шпанските скијачи, се наоѓа во близина на границата на Шпанија со Франција, во планинскиот венец Пиринеите.

The post 📽️ ДРАМА ВО СКИ-ЦЕНТАР ВО ШПАНИЈА Десетици се повредени откако се урна ски-лифт appeared first on plusinfo.mk.

КАВАДАРЦИ ЌЕ ГИ ПРЕЧЕКА ПРВИТЕ СКИЈАЧИ ВО ДЕКЕМВРИ Ќе се прави ски лифт и вештачки снег

МИА — Thu, 22 Aug 2024 11:15:02 +0000

Почнуваме со развој на зимски спортови во општина Кавадарци, информираше денеска кавадаречкиот градоначалник Митко Јанчев на Фејсбук.

„Од оваа зима кавадарчани ќе уживаат и во зимските спортови. Општина Кавадарци денес доби голема донација која означува почеток на развој на зимските спортови во кои ќе уживаат сите генерации. Со одлука на Совет на Општина, нашиот убав град прими донација од 231.660 евра, од кои 115.000 евра се средства донација од Комерцијална Банка и 115.000 евра се средства донација од Кожувчанка ДОО“, напиша Јанчев.

Тој појасни дека донацијата е во материјални добра и услуги.

„Се работи за ски лифт во должина од 370 метри со капацитет од 600 лица на 1 час, скијачки појас со капацитет од 800 лица, четири сезонски вртелешки, мобилна пумпа, црево со висок притисок 5броја x 20 метри мах 20 бар., филтри 4 броја, хидрант 4 броја, снежни топови 2 броја и заштитна мрежа 20 броја“, додаде градоначалникот.

Тој напиша дека ветувањето во предизборната програма, од денес, со овој проект, станува реалност.

Во претстојниот период започнува изградбата на овој скијачки центар, а веќе во декември истиот ќе биде во функција, соопшти тој на Фејсбук.

The post КАВАДАРЦИ ЌЕ ГИ ПРЕЧЕКА ПРВИТЕ СКИЈАЧИ ВО ДЕКЕМВРИ Ќе се прави ски лифт и вештачки снег appeared first on plusinfo.mk.

Редари ќе стојат пред ски лифтовите

плусинфо — Tue, 01 Dec 2020 17:18:10 +0000

Владата го прифати мислењето на Комисијата за заразни болести дека скијачките центри може да работат согласно соодветен протокол со пропишани превентивни мерки во услови на пандемија од ковид-19, имајќи предвид дека скијачките центри не располагаат со затворени гондоли на жичарите.

Владата ги прифати и препораките на Комисијата во однос на Протоколот за безбедносни мерки ковид-19 за ски центри во С. Македонија за измени во однос на обезбедување на редарска служба пред билетарниците и ски лифтовите, задолжително обезбедување на физичко растојание од 1,5 – 2 метри и пред билетарниците (како пред жичарниците и ски лифтовите), ограничување на работа на угостителските објекти на терените само на отворен простор и со шалтерска продажба со прибор за еднократна употреба.

The post Редари ќе стојат пред ски лифтовите appeared first on plusinfo.mk.