На државното првенство ќе учествуваат повеќе од 50 натпреварувачи од повеќе земји, меѓу кои се: Македонија, Србија, Бугарија, Грција и Романија. Натпреварувачите ќе се натпреваруваат во дисциплините Велеслалом и Слоупстајл (олимписки дисциплини), во машка и во женска конкуренција. Натпреварот во дисциплината Велеслалом ќе се одржи на 07.02, додека пак во дисциплината Слоупстајл на 08.02.2023 година.

Поради значителниот ангажман на техничкиот организатор, клубот XMKD, тренерот по сноуборд фрирајд Бојан Андонов и помошта од ски центарот Попова Шапка и Кодра freeriders, натпреварувачите ќе имаат шанса да ги покажат своите вештини на исклучително спремен терен, по највисоки стандарди, во погодни временски услови.

Ваквите меѓународни натпревари и купови се одлична прилика за промоција и афирмација на овој наш зимски туристички центар, кој со големите инвестиции, дури и во време на економска криза, успеа да ги врати македонските љубители на зимските спортови да зимуваат во Македонија.

– Попова Шапка нуди одлични климатски и географски услови за уживање во зимските спортови, а со континуираните инвестиции во скијачките капацитети, соработката со Скијачката Федерација на Македонија, Меѓународната скијачка федерација (ФИС) и клубовите како XMKD, скијачките центри како Попова Шапка добиваат на популарност, се шири интересот кај младите за зимските спортови и пред се, тие да спортуваат во Македонија. Овогодинешните натпревари во сноуборд на Попова Шапка, во две дисциплини само дополнително придонесуваат за афирмација на зимските спортови во Република Македонија – изјави Дејан Пановски, претседател на Скијачката федерација на Македонија.

Организаторите им посакаа успешен настап на сите натпреварувачи и ги повикуваа сите љубители на зимски спортови да го посетат скијачкиот центар Попова Шапка и да уживаат во одличната атмосфера и организација на овогодишното државно првенство во сноуборд и ФИС Сноуборд Куп 2023.

The post ШАПКА – ДОМАЌИН НА ПРВЕНСТВО ВО СНОУБОРД Теренот е спремен по највисоки стандарди appeared first on plusinfo.mk.

Клубот се огласи по повод последните случувања во Скијачката федерација на Македонија и демантот објавен од страна на Огњан Циговски, во кој вели дека во Ресортот Маврово сите клубови имаат можност да тренираат.

„Би сакале Циговски јавно да го прашаме следново: Дали сите клубови плаќаат за тренинг на деца во Ресорт Маврово и тоа 12.000 денари за 2,5 часа и 24.000 денари за 5 часа тренинг, или тоа важи само за Ски клуб ‘Меденица’? Зошто за Ски клуб ‘Меденица’, и покрај тоа што фактурите за тренинг ги плаќаше редовно и авансно (како што Вие баравте) нема можност за тренинг на капии во Ресорт Маврово?“, велат од ски клубот.

Од Ски клубот „Меденица“ велат дека своите тренинзи на капии ги одржуваат и на Попова Шапка, Копаоник, Крањска Гора, Хинтертукс Австрија итн. и тврдат дека никаде и на ниту еден клуб не им биле побарани пари за тренинг.

Оттаму ја прашуваат Федерацијата дали се почитува правилникот за регистрација на натпреварувачи и кој дозволил натпреварувачи без лекарско уверение да настапат на трка во организација на СФМ?

– Дали чувствувате лична одговорност за 20 пати помалите ваучери што СФМ и клубовите ги добија оваа година? По кои критериуми ги поделивте средствата од игри на среќа што Ви беа дадени од АМС? По кои критериуми ги финансирате ФИС натпреварувачите? Дали Вашите критериуми се подобни и неподобни. И за крај сакам да ви порачам дека можеби можете да нѐ избркате од „вашето“ Маврово, но насмевката и желбата за скијање на нашите деца нема никогаш да ни ја одземете – порачува Бранислав Лазаревски од ски клубот „Меденица“.

The post „МЕДЕНИЦА“ ДО ЦИГОВСКИ Можеби ќе нѐ избркате од „вашето“ Маврово, ама нема да ни ја одземете желбата за скијање appeared first on plusinfo.mk.