Работната група за преименување на улиците во Општина Тетово ја утврди листата на предложени имиња, со која треба да се промени дел од постојната улична номенклатура во градот.

На втората седница, одржана во вторникот, 14 јули, групата определила 74 предлози за нови имиња на улици, информира „Тетовоинфо“.

Претседателот на Работната група, Алби Ќамили, изјави дека меѓу предложените имиња се личности од различни области – историја, култура, образование и спорт.

– Од Скендербег, Мајка Тереза и Браќата Фрашери, до Кадаре и Миѓени, тоа се новите имиња што ќе бидат поставени на улиците на Тетово. Вклучени се и личности кои оставија неизбришлива трага во културниот, образовниот и спортскиот живот на Тетово, како писателите Мурат Исаку и Абдулазис Ислами, диригентот Гани Јахја и фудбалерот Хаќим Мемеди – изјави Ќамили.

Тој додаде дека улиците каде што живеат македонски граѓани нема да ги задржат досегашните југословенски имиња, туку ќе добијат називи поврзани со личности од македонската историја и култура, меѓу кои го посочи и Крсте Петков Мисирков.

Предлогот за промена на имињата на улиците доаѓа откако предлог-одлука за преименување беше поднесена и од советниците на ДУИ на седницата на Советот на Општина Тетово.

Предлогот беше прифатен за разгледување, но седницата доби политичка тензија откако советниците на ДУИ ја напуштија поради незадоволство што точката не била ставена како прва на дневен ред. Подоцна, мнозинството советници ја отфрлија точката.

Темата за имињата на улиците во Тетово повторно се актуализираше откако пред еден месец Уставниот суд, постапувајќи по иницијатива на Сојузот на борците, ја укина одлуката на Општина Тетово за преименување на повеќе улици, донесена во 2007 година од тогашната локална власт предводена од ДУИ.

Конечната одлука за новите имиња треба да ја донесе Советот на Општина Тетово.

The post КРАЈ ЗА ЈУГОСЛОВЕНСКИТЕ ИМИЊА НА УЛИЦИТЕ ВО ТЕТОВО Предложени се 74 називи од македонската и албанската историја appeared first on plusinfo.mk.

Лидерот на ДУИ Али Ахмети потврди дека, по Приштина и Тирана, сега и во Скопје ќе се организира протест на кој ќе се бара „вистина и правда за водачите на ОВК“ на кои им се суди за воени злосторства во Хаг.

„Плоштадот Скендербег во Скопје ќе биде моќниот глас на граѓаните кои бараат правда за нашите ослободители“ – напиша Ахмети во пост на Фејсбук на англиски јазик.

„Војната на Ослободителната војска на Косово беше и останува праведна, ослободителна и поддржана од демократскиот свет. Правдата за борците за слобода не може да се гради врз политички обвинувања, измислици и измислени докази од страна на Србија и Русија.

Како што стоевме рамо до рамо со борците на ОВК во Приштина и Тирана, така ќе стоиме и во Скопје, горди, решителни и непоколебливи во одбрана на нашата вистина, објективната вистина“, се наведува во најавата на Ахмети.

Намерите на Ахмети да организира протест во Скопје за поддршка на обвинетите за воени злосторства од УЧК ги критикуваше премиерот Христијан Мицкоски на брифинг со нивнарите.

Мицкоски го повика Ахмети да се откаже од протестот и оцени дека ваквиот чекор ќе го изолира лидерот на ДУИ на политичката сцена. Тој тврдеше дека протестот е мотивиран од внатрепартиски пресметки пред конгресот на ДУИ и предупреди дека ваквите потези можат да создадат дополнителни тензии.

Мицкоски изјави дека, според информациите што ги добива, на протестот би можеле да се приклучат групи од Косово и Албанија, како и неколку помали радикални структури од земјата. Тој додаде дека не очекува поддршка за протестот од коалициската групација „Вреди“, ниту пак позитивен сигнал од меѓународната заедница.

Во меѓувреме претставници на ОВК-УЧК од Косово го потврди своето учество во протестот во Скопје.

Настанот е закажан за 13 декември во 13 часот, со најавен марш кон плоштадот „Скендербег“.

The post ПОДДРЖУВАЧИ И ВЕТЕРАНИ НА УЧК ЌЕ МАРШИРААТ СРЕДЕ СКОПЈЕ Ахмети се оглуши на повиците на Мицкоски да размисли што прави appeared first on plusinfo.mk.

Цела Европа ќе дојде во Тирана пред нозете на Скендербег, вели албанскиот премиер Еди Рама.

Тој додаде дека земјата мора да ги заврши преговорите со Европската Унија(ЕУ) до 2027 година, објави Клан Косово. Рама дополни дека на 16 мај цела Европа ќе дојде во албанската престолнина Тирана, додавајќи дека тоа не е случајно.

– Албанија треба да ги заврши преговорите со ЕУ. Цела Европа ќе дојде тука на 16 мај, пред нозете на Скендербег. Ова не е случајност – рече Рама.

Кон средината на минатиот месец, тој изјави дека веќе се почнати подготовките за големиот самит на НАТО во Албанија на 16 мај и дека лидерите на ЕУ ќе присуствуваат на вечерата еден ден претходно.

Албанија ги почна преговорите со ЕУ и според најавите на европските лидери, има шанси за брзо да влезе во ЕУ, односно до 2027 година. Истите шанси ги има и Црна Гора.

The post ЦЕЛА ЕВРОПА ЌЕ ДОЈДЕ ВО ТИРАНА Ќе биде пред нозете на Скендербег, вели Рама appeared first on plusinfo.mk.

Првиот вицепремиер, Изет Меџити, присуствуваше на комеморацијата организирана на плоштадот „Скендербег“, каде што беше положено цвеќе во чест на жртвите од тешката трагедија во Кочани.

„Вечерва, на плоштадот ‘Скендербег’, положивме цвеќе во чест на изгубените животи во трагедијата во Кочани. Заедно ја споделуваме болката и се солидаризираме едни со други. Вечерва зборуваме на различни јазици, но исто тагуваме и жалиме за нашите млади момчиња и девојки што неправедно ги изгубивме. Нашите молитви и мисли се со семејствата на жртвите и повредените. Тие не се сами во оваа болка! Ние сме заедно!”, напиша Меџити.

За време на комеморацијата, меѓу жртвите беше оддаден почит и на фудбалерот на ФК Шкупи, Андреј Лазаров, кој трагично го загуби животот во оваа несреќа. Во негова чест беше поставен дрес од неговиот клуб, како симбол на болка и почит кон млад талент кој прерано замина.

Овој симболичен чин на оддавање почит ја изразува солидарноста со семејствата на жртвите и повредените, додека државните институции ветија максимална посветеност за целосно расветлување на настанот и изведување на одговорните пред лицето на правдата.

The post 📷 ЗБОРУВАМЕ НА РАЗЛИЧНИ ЈАЗИЦИ, НО ИСТО ТАГУВАМЕ Меџити положи цвеќе во чест на жртвите во Кочани appeared first on plusinfo.mk.

Возач од Скопје почина откако му се слошило додека управувал со своето возило во близина на трговскиот центар „Мавровка“.

Полицијата соопшти дека инцидентот се случил денеска околу 16 часот, кога на возачот му се слошило, по што возилото застанало во близина на споменикот „Скендер Бег“.

На местото на настанот се присутни увидни екипи од Министерството за внатрешни работи и Итната медицинска помош, кои работат на утврдување на околностите на трагичниот случај.

The post ВОЗАЧ ПОЧИНА ЗАД ВОЛАНОТ, ВОЗЕЛ ВО БЛИЗИНА НА „МАВРОВКА“ Несреќа се случи попладнево во центарот на Скопје appeared first on plusinfo.mk.

Според некои извештаи, на славјето на Денот на албанското знаме, 28 ноември, кај плоштадот Скендербег се слушнале и рафални пукотници.

Бројни полициски сили го одржуваат редот во центарот на Скопје и засега нема вердостојни извештаи за насилства и слични инциденти.

Денот на албанското знаме денеска беше одбележан и во други градови каде мнозинството граѓани се етнички Албанци.

The post КОЛОНИ ВОЗИЛА НАПРАВИЈА МЕТЕЖ ВО ЦЕНТАРОТ НА СКОПЈЕ Се славеше Денот на албанското знаме appeared first on plusinfo.mk.

Како што забележа камерата на „360 степени“ поддржувачи на ДУИ се движат од Бит Пазар кон плоштадот „Скендербег“ извикувајќи го името на „Артан Груби“.

Тие ја слават победата на нивниот претседателски кандидат Бујар Османи со огномет.

Изборниот штаб на албанската опозиција „Вреди“ е преместен на друга локација.

The post 🎥 „АРТАН ГРУБИ, АРТАН ГРУБИ!“ Полицајци со штитови на плоштадот Скендербег, поддржувачи на ДУИ слават пред штабот на „Вреди“ appeared first on plusinfo.mk.

Како што изјави сопственикот за МИА, возилото марка „форд” се запалило додека тој бил внатре во возилото.

– Не знам како се запали, почна од хаубата да гори, јас излегов брзо од возилото – рече сопственикот.

По избувнувањето на пожарот, службениците од Градски паркинзи го контролираа сообраќајот за да не се доближат други возила до возилото што гореше се додека стигнаа полициска екипа и противпожарна екипа.

Противпожарната екипа со четири пожарникари стигна за неколку минути по избувнување на пожарот по што за кратко време беше ставен под контрола.

The post 📷 СЕ ЗАПАЛИ„ФОРД“ ПРЕД ПЛОШТАДОТ „СКЕНДЕРБЕГ“ Пожарникарите брзо реагираа и го ставија огнот под контрола appeared first on plusinfo.mk.

The post СЕ СУДРИЈА АВТОБУС И ГОЛФ 4 КАЈ „СКЕНДЕРБЕГ“ Полицијата врши увид, нема пријавени повредени appeared first on plusinfo.mk.

Организаторите на протестот порачаа дека денеска протестираат против насилството што се случува, и порачаа до институциите да преземат мерки со цел спречување на слични дела во иднина. Тие истакнаа дека секој од нас е потенцијална жртва и токму затоа треба преку солидарност, едукација и поддршка сите да се едуцираат и информираат.

Во врска со овој случај, уапсени се пет машки лица, од кои на четворица им е изречена едномесечен притвор, додека, на петтиот се очекува денеска да му биде изречена казна. Меѓу уапсените има и тројца малолетници.

Илјадници луѓе се собраа денеска и во Приштина на протест што го организираше невладината организација Колектив за феминистичка мисла и дејствување.

По маршот низ центарот на Приштина, учесниците на протестот застанаа пред зградата на косовската Влада, каде фрлија црвена боја на влезната врата. Потоа седнаа пред влезот извикувајќи слогани против насилството врз жените.

Црвена боја беше фрлена и на влезната врата на Министерството за правда на Косово и на зградата на Судскиот и обвинителскиот совет на Косово.

Во меѓувреме, како што соопшти министерот за внатрешни работи на Приштина, Џелал Светла, директорот на тамошната полиција, Самедин Мехмети,  поднел оставка од функцијата поради случај на силување.

The post ПРОТЕСТ ПРЕД СКЕНДЕРБЕГ ПРОТИВ СИЛУВАЊЕТО НА ДЕВОЈЧЕТО ВО ПРИШТИНА За да не ги браните ќерките, едуцирајте си ги синовите appeared first on plusinfo.mk.