„Новите податоци кои беа презентирани покажуваат дека монструозниот скандал на Онкологија траел и во текот на 2023 година, со месеци и години после алармирањето во јавноста. После два месеци од отворената предистрага, институциите не покренаа ниту обвинителен.

Презентираните документи посочуваат дека и покрај скапите договори, не била доставувана навремено терапија  за болните кои се третирале на клиниката, никој не ги предупредувал оние кои треба да испорачаат и никој за тоа не одговарал. А, да потсетиме се работи за терапија која ја примаат најтешко болни и од која терапија зависи нивниот живот“ – стои во партиската реакција

Од ВМРО-ДПМНЕ укажуваат дека никој не водел евиденција каде и како завршувал вишокот од секоја отворена вијала, која чини огромни средства, изразувајќи сомнежи дека „истиот вишок бил даван во торбичка на пациенти за наводно да биде аплициран во други услови надвор од клиниката и истото било фактурирано како да е направено на клиника“.

„Се набавувало на ангро од омилената веледрогерија на СДС, се плаќале баснословни суми, не се водело евиденција каде завршува вишокот од секоја отворена вијала и повторно се создавал недостиг на терапија.

Овде се работи за канцер мафија, диво месо кое го уништува здравствениот систем на сметка на животите на пациентите. СДС може да излегува и да го брани овој криминал. Институциите кои ги контролираат може да го прикриваат скандалот, но одговорност ќе има. Анкетната комисија во Собранието извади многу работи на виделина и овие нови моменти кои беа презентирани се причина плус зошто Анкетната комисија треба да продолжи да работи и да го истражи во целиот. СДС не треба да ја опструираат вистината и правдата. Таа ќе ги стигне сите оние кои преку вакви монструозни бизниси се богателе на сметка на животите на пациенти“ – реагираат од ВМРО-ДПМНЕ.

The post ВЛАСТА ЗАСТАНУВА ВО ОДБРАНА НА КАНЦЕР МАФИЈАТА Реакција од ВМРО-ДПМНЕ за скандалот на клиниката за Онкологија appeared first on plusinfo.mk.

Мизархи посочи дека како политичка партија побарале дури 44 сведоци кои ќе треба да сведочат во врска со случајот со Онкологија.

– Ние изготвивме листи на сведоци и до секоја пратеничка група и пратеник беше доставено писмено барање за листа на сведоци и листа на материјали кои би ги побарале институциите. Рокот беше до денеска до 10 часот и доставија ВМРО-ДПМНЕ, Левица и СДСМ. Сублиматот е кој ќе бидат сведоци, а комисијата го задржува правото да доставува дополнителни сведоци кои ќе произлезат од сведочењата. На барање на ВМРО-ДПМНЕ има 44 сведоци, а од Левица, само еден, тоа е Даријан Петров кој е дел од граѓанската иницијатива и организатор на протестите, а СДСМ има 27 сведоци. Во овој список има и бивши министри и оние кои биле директорски позиции на други институции, не само на Онкологија. Од ФЗО се бараат Миле Гугарев, Фатон Ахмети, Ден Дончев, Ефтим Насков, Орхан Рамадани, Стево Крстевски, Магдалена Грашковска, Цвете Серафимовски од списокот на ВМРО-ДПМНЕ – рече Мизрахи.

На прашање дали има информации за притисок или можно влијание, Мизрахи посочи дека сега за сега нема информација, но доколку се случи такво нешто ќе се известат медиумите и јавноста, бидејќи како што рече, нема да дозволи никој да попречува работата на Анкетната комисија.

– Доколку било што такво се случи, веднаш ќе ги известам медиумите и јавноста, како одбранбен механизам на пратениците на Анкетната комисија. Нема да дозволам никој на ниту еден начин, од ниту една партија да прави притисок на Анкетната комисија, бидејќи целта е една и единствена, да покажеме пред се дека Собранието има поголемо значение од оној 1 процент доверба и да покажеме дека можеме да си ја завршиме работата – рече Мизрахи.

The post БЕКИМ САЛИ И ОЛИВЕР СПАСОВСКИ ПРВИ ЌЕ СВЕДОЧАТ ЗА ОНКОЛОГИЈА Анкетната комисија на Рашела Мизрахи ќе повика дури 44 сведоци appeared first on plusinfo.mk.