Од Левица хронолошки ги наведуваат настаните и постапките укажувајќи на систематските пропусти што доведуваат до уништување на здравствениот систем во Македонија.„Во 2012 година, МВР поднесува пријава за сторено кривично дело „Злоупотреба на службената положба и овластување”, врз основа на утврдени неправилности, констатирани од извршената контрола на Клиниката за Онкологија од страна на овластени лица од ФЗОМ, како и по извршениот надзор од страна на одделението за внатрешна ревизија при Министерството.

Понатаму, делото кое ѝ се ставало на товар на поранешната директорка се преиначува во „Несовесно работење во службата”.

Иако согласно закон, двете кривични дела се водат по службена должност, сепак обвинителот до истражниот судија, после четиригодишна истрага, доставува допис дека се откажува од гонење со образложение дека делото не се гонело по службена должност, кој допис пак, судот го прифаќа и ја запира истрагата!

И покрај релевантните докази против неа, потпомогната од правосудните органи, поранешната директорка, која уште работи на Клиниката, не се соочува со правдата и на тој начин се дозволува криминалот во постапката за набавка на лекови на Клиниката за онкологија да се продолжи до ден денес.

Зад уништувањето на здравствениот систем во Македонија стојат лица, имиња и презимиња, почнувајќи од поранешниот министер Венко Филипче – кои треба да ѝ се познати на јавноста и кои треба да одговараат за нивното соучесништво и профитирање на грбот на оние кои се борат за живот“ – стои во реакцијата од Левица.

The post ЛЕВИЦА УКАЖУВА НА ПРОПУСТИ ВО ПОСТАПКАТА Запрената истрага за екс-директорката на Онкологија е доказ за непостапување на правосудните органи appeared first on plusinfo.mk.

– Ние ја преземавме иницијативата уште пред еден месец, пред да излезе во јавност случајот и го испративме таму ДСЗИ за да направи една контрола. Не случајно, јас како министер заедно со кабинетот за прв пат инициравме и полицијата и обвинителството да влезат на клиниката, за да евидентираат точно – има или нема грешки во минатото. Според мои информации, тогашниот директор, специјалист става дијагноза, бара терапија и тој самиот потпишувал и ја делел терапијата – истакна Меџити.

Министерот за здравство апелира до Обвинителството што побрзо да го реши случајот.

– Многу ми е жал за случајот со Клиниката за онкологија. Ние сме во секојдневна комуникација и со полицијата и со обвинителството. Нормално апелираме до обвинителството овој случај што побрзо да се разреши до крај како никогаш досега – рече Меџити.

Министерот за здравство информираше дека од ноември 2022 кога е разрешен директорот, дојдена е друга медицинска директорка, која применува други методи во делењето терапија.

– Клиниката има два оддели кои имаат свои управувачи. Секоја среда, сите се собираат и одлучуваат точно за дијагнозата, терапијата и дозата што треба да се аплицира кај пациентите. И јас претходната недела учествував на колегиумот каде фактички тие одлучуваат за терапијата и увидов дека потранспарентно и поодговорно од ова не може да биде. Исто така по овој состанок комуницирав и со пациентите по ходниците, јас сум 23 години лекар, сум хуманист и сум го дал заветот на Хипократ и не се плашам да зборувам со пациентите, затоа што тие се мои блиски и на сите мои колеги и ве уверувам дека тие имаа многу добри мислења за своите лекари кои ги водат –  потенцира Меџити.

Тој потсети дека како министер и како лекар секогаш апелира сите случаи каде има индикации за злоупотреби во здравството со аргументи да се пријават во Министерството или во останатите институции.

The post МЕЏИТИ ИЗРАЗИ ЖАЛЕЊЕ ЗА СЛУЧАЈОТ НА ОНКОЛОГИЈА Министерот ја посочи вината кај екс-раководството на Клиниката appeared first on plusinfo.mk.

-Некој внатре во институцијата многу нечовечки, морбидно крател дози, јас сега шпекулирам од тоа што читам, луѓе сведочат за чување ампули во џеб. Јас читам изјави од засегнати, како им се барале пари, услуги за да може некој да се лекува. Тоа е под секое ниво, тоа е дно. Ние не треба да ги бараме виновниците, има државни институции кои ги плаќаме за тоа, за да утврдат што се случувало и да не информираат кои се тие и истите да одговараат – вели Чибишев.

Докторот додаде дека кај нас има низа случаи, низа на починати и никаква казна.
Чибишев се соврна на и на тоа што като системот не е ставен во функција, а го има.

-Тој систем можел да врши контрола и ќе се знаело како влегуваат во Клиниката, како се трошат, што останува. Зошто е исклучен? Веројатно само тие кои го направиле тоа можат да го објаснат. Државата набавила таков систем, а не го употребувале. Сите држави го имаат и го користат, а ние го исклучуваме за сами да си мериме. Тоа што го направиле тие било со умисла, имале намера што ќе прават, па го исклучиле – кажа Чибишев.

Според докторот мора да има разрешница и транспарентност за случајот на Клиниката за онкологија.
-Овој случај има има име и презиме, тоа мора да се каже за да се смират граѓаните и да се врати довербата во здравството – истакна Чибишев.

The post ЗА СКАНДАЛОТ НА ОНКОЛОГИЈА ИМА КОНКРЕТНО СТОРИТЕЛИ ВМРО-ДПМНЕ бара одговорност и транспарентност appeared first on plusinfo.mk.

Даријан Петров, активист и театарски актер од Скопје рече дека неговата мајка ја изгубиле од канцер во 2020, а една годината пред тоа се лекувала на Клиниката за онкологија.

– Не би одел во детали за тоа што се случуваше таму, бидејќи би сакал говорот да го фокусирам на нешто друго. Иако низ годините како семејство и лично јас имав многу голема можност да ги замразам институции, нашата земја и едноставно да станам огорчен од нашиот систем, јас одбирам да ја искористам мојата болка во борба и креативност. Наоѓам смисла во активизмот и волонтирањето и тоа е нешто што ме спаси од самодеструкција. Ве охрабрувам сите, да ја искористиме нашата болка која ја создадоа монструозните умови во нашата земја Македонија и да ја трансформираме во достоинствена борба за подобро утре, во критика на системот на секој можен начин, во градење здрава заедница, здрави вредности, соживот. На секоја неправда како оваа на Онкологија и на секоја неправда во иднина, мирно и достоинствено да кажеме жестоко НЕ. Во земја која е на фрагилни нозе и на Планета која е во уште пофрагилна состојба, да изградиме вредност на почит на секој еден живот, без оглед на етничка позадина, социјален статус или каква било различност, рече Петров.

А тоа, додаде тој, ќе го „започнеме со критика на системот, храброст, активирање и делување“.

– Секој еден од нас е одговорен какво ќе биде општеството утре. Верувам дека со мотивација на нашите деца, внуци да размислуваат на овој начин, многу брзо ќе дојдеме до подобар квалитет на животот. Животот е некогаш страшен и тежок и да не дозволиме некои монструозни умови да ни го направат уште потежок. Не за неправдите на Онкологија, не за корумпираноста, не за сите идни неправди. Им го должиме ова на нашите предци, на нас и на следните генерации. Затоа ве повикувам масовните протести да станат норма за неправди како оваа. И овој говор го посветувам на мајка ми и сите ваши сакани, кои ја загубиле битката со ракот – додаде Петров.

Случајот со наводите за оваа клиника предизвика низа реакции во јавноста, по што следуваа протести. Надлежните најавија дека ќе бидат санкционирани сите оние за кои ќе се утврди дека го прекршиле законот. На случајот работат МВР и Обвинителството.

Јавното обвинителство соопшти дека ги презема сите дејства за обезбедување докази со цел проверка на наводите во овој предмет. Во таа насока, од самиот почеток е вклучен лекарски и друг медицински персонал, а најавено е вклучување и на онколошки пациенти кои ќе имаат директен увид во целата постапка за случајот „Онкологија“.

„Надлежниот јавен обвинител денеска бил телефонски контактиран од 10-тина граѓани кои сакаат со свои сознанија да и помогнат на постапката за случајот „Онкологија“ – соопшти Јавното обвинителство.

Обвинителството ќе побара од неформалната организација преку која пациентите ги изнесуваат своите барања да избере тројца онколошки пациенти кои во текот на целата постапка ќе имаат директен увид во прибраните докази и во преземените дејства.

The post „ПРАВДА ЗА ЖРТВИТЕ“ Протест пред Влада за случајот на Клиниката за онкологија appeared first on plusinfo.mk.

– Фрапантни и згрозувачки се јавно достапните информации за сомнежите за злоупотреба на терапијата за лицата болни од рак. Наместо на тие лица соочени со најтешката дијагноза да им пружи целосна поддршка и заштита, здравствениот систем очигледно потфрлил, со што е изгубена довербата не само кај тие болни, туку е доведен во прашање и квалитетот на лекување на секој иден пациент. Во насока на целосно расчистување на оваа огромна афера, ги поздравувам досега преземените дејствија од страна на Јавното Обвинителство и Министерството за внатрешни работи.

Пендаровски повикува на брзо и ефикасно комплетирање на истрагата и на судско-обвинителско процесуирање без селективност и соодветна казна за сите за кои ќе биде докажано дека сториле тешки дела против здравјето на луѓето.

– Крајно време е системот да потврди дека сме способни во практика, а не само со зборови да се справуваме со тешките облици на организиран криминал и корупција и конечно да ја прекинеме културата на неказнивост за сериозни прекршувања на законите. Никогаш нема да бидеме вистинско европско општество со одолговлекување на судските постапки и отсуство на лична одговорност. За здраво општество ни треба правна држава во пракса, не на хартија – вели претседателот во изјавата.

Пендаровски, како што вели во изјавата, го разбира гневот на граѓаните кои повикуваат на мирни протести, барајќи одговорност од оние кои заработувале на маките на најтешко болните наши граѓани.

The post КРАЈНО ВРЕМЕ Е ДА СЕ СПРАВИМЕ СО ТЕШКИТЕ ОБЛИЦИ НА КРИМИНАЛ Пендаровски бара неселективно да се казнат сите кои го загрозиле здравјето на луѓето appeared first on plusinfo.mk.