Костадиновска Стојчевска во вечерашното гостување на ТВ 24 истакна дека е асимтпоматска, дека за да присуствува во законодавниот дом добила одобрение од лекари и дека притоа ги испочитувала сите протоколи. Пристигнала, повтори, со приватно амбулантно возило кое сама го платила, а заедно со колегата пратеник кој исто така дојде во скафандер, се движеле низ посебни ходници и воопшто не влегле во собраниската сала, туку гласале од посебни кабини.

Пратеничката најави дека ќе одговори на секоја кривична пријава, и од ВМРО-ДПМНЕ и од Левица, но и дека ќе поднесе кривични пријави во однос на нивното работење. Ќе им ги испрати, дополни, и сите скринови од лажните профили од кои, како што рече, добивала закани по нејзиниот и животот на нејзиното семејство.

– Сакав да присуствувам на седницата зашто не се работи за мене или за Мицевски, туку за граѓаните кои го чекаат петтиот пакет мерки повеќе од два месеца. Нема кршење на ниту еден закон, не се движевме сами, бевме придружувани и одевме по сосема поинаков пат од другите пратеници. Не влеговме во собраниската сала,  бевме во посебни кабини. Не излегов во полициски час како Стоилковски да си купам бурек, туку во време кога ми беше дозволено од лекарски надзор. Не облеков скафандер за да се прошетам на корзо во Битола, туку за да гласам и веднаш се вратив назад. Дојдовме по свое убедување, не бевме приморани. Избрани сме од народот и кога ќе почувствуваме дека сме во можност да присуствуваме во Собранието, ќе бидеме таму макар и под посебни протколи – објасни Костадиновска Стојчевска и додаде дека уште 24 часа е во самоизолација.

Според неа, колегите од опозицијата не го цитирале делот од Кривичниот законик кој вели дека ниту еден прекршок не е казнив со закон ако се работи за јавен интерес.

– Ќе одговорам на секоја кривична пријава, но и ќе возвратам со кривична пријава до колегите од ВМРО-ДПМНЕ зашто доаѓаат на работа, а седат по канцеларии наместо да ја извршуваат работата, додека пратениците од Левица се појавуваат десет минути неделно на едно процедурално од кое прават театар и си одат – напомена Костадиновска Стојчевска.

Вицепремиерот за економски прашања Фатмир Битиќи, кој исто така гостува на ТВ 24, максимално го поддржа вчерашното доаѓање на Костадиновска Стојчевска во Собранието со кус коментар – „И јас сум Бисера“.

– Два месеца бараме одговор и разумност од тие кои вчера рекоа дека ќе направат кворум. Каде беа два месеца? Знаете што значи на 60.000 семејства да им ускратите нешто елементарно, да им ги скратите парите што ги заработуваат? – рече Битиќи.

Мора да покажеме, подвлече тој, што значи владеење на правото, да креираме еднакви закони за сите, но ако некој своето самоволие го искажува кон 60.000 семејства, ние сме избрани од народот и мора да го преземеме ризикот во свои раце. Тоа е разликата меѓу разумни и неразумни, потенцира Битиќи.

The post Костадиновска-Стојчевска: Не облеков скафандер за да одам на корзо, туку за да гласам – ќе поднесам кривични против ВМРО-ДПМНЕ и Левица appeared first on plusinfo.mk.

– Денешното кршење на законите во државата од страна на власта и носењето заболени пратеници на парламентарната седница, покажува колку Зоран Заев и СДСМ не ги почитуваат законите во државата. Додека граѓаните на Република Македонија почитуваат мерки и седат дома доколку имале контакт со заболено лице или пак самите се позитивни на вирусот, СДСМ ги носи пратениците во Собранието за да ги гласаат точките кои ќе му ги откочат бизнисите на Заев. Очигледно Зоран Заев смета дека извршната власт е над законодавната, па затоа не го интересира што пишува во законите. За него најважно е да се изгласа законот за марихуана, па макар и по цена на животите на пратениците. За лудоста да нема крај, пратеничката узурпирала цел ден болничко возило да ја развозува до Собранието и назад, а истовремено луѓе молат за болничко возило и за медицинска интервенција – рече Стоилковски.

Граѓаните се крајно револтирани поради денешниот чин, вели портпаролот, а по однос на ова мора да се произнесе и Јавното обвинителство, кое доколку не е под канџите на Заев, ќе мора да бара од пратеничката кривична одговорност.

The post Портпаролот на ВМРО-ДПМНЕ Наум Стоилковски се прошета во скафандер во полициски час appeared first on plusinfo.mk.

Целата сатирична вест прочитајте ја на следниот ЛИНК.

The post ПО ОБВИНУВАЊАТА ЗА ТЕРОРИЗАМ: ДУИ предлага амнестија за Бисера appeared first on plusinfo.mk.

„Кога законите и правилата не важат за власта. Медиумите пишуваа дека човек почина затоа што немало брза помош, а денес за аздисот на власта и пратеничката има. Крајот брзо ќе им се случи, а ќе има и кривични пријави и одговорност за кршењето на протоколите, законите и Уставот!“, напиша Мицкоски.

Тој најави дека нивната пратеничка група ќе поднесе кривични пријави.

„Пратеничката група на коалицијата за Обнова на Македонија предводена од ВМРО-ДПМНЕ ќе поднесе кривични пријави за сите оние кои денес го прекршија законот поради инаетот и фрустрацијата на еден човек, а обвинителството има можност првпат да покаже дека не се робови на Зоран Заев и владиното мнозинство. Правда ќе има со ова или некое друго ослободено обвинителство. Сторителите ќе одговараат, Ви ветувам лично дека тие ќе одговараат од прв до последен“, напиша Мицкоски на „Фејсбук“.

Тој го повика претседателот на државата Стево Пендаровски да застане зад правото и Уставот.

„Претседателе Пендаровски, доста се криеш, бекни нешто. Застани зад правото, законите и Уставот. Тоа што Заев дозволил да биде заложник на Талат Џафери, тоа што пратениците од СДСМ одлучија да бидат слуги на инаетот и фрустрацијата на еден човек, нека биде нивен срам, ти имаш можност барем еднаш да покажеш дека си достоен за функцијата која ја извршуваш и не ги потпишувај законите кои се резултат на оваа седница“, напиша Мицкоски.

The post Мицкоски: Ова е тероризам, а не 27 април, Пендаровски да не ги потпишува законите! appeared first on plusinfo.mk.

„Зоран Заев е лицемерен и манипулативен. Талат Џафери и владеачкото мнозинство намерно не ја ставија седницата за петтиот пакет на мерки на дневен ред во четвртокот, затоа што истата ќе беше изгласана со кворум на ВМРО-ДПМНЕ, а тие ќе немаа можност за театар. Сѐ што прави Зоран Заев денеска е само театар, а за неговата претстава да биде целосна ги тера пратениците да прават кривично дело, да го загрозуваат јавното здравје и да кршат здравствени прописи за време на пандемија. Главното прашање е зошто пратениците може да ја кршат изолацијата, а граѓаните се затворени дома?“, реагира ВМРО-ДПМНЕ.

Опозицијата нагласува дека со ова СДСМ и Заев прават кривично дело.

„Заев свесно го прави ова и за истото ќе има одговорност, доколку беше чесен и искрен мерките ќе беа изгласани во четвртокот, но Заев го интересира само ситна политичка корист, а не граѓаните и државата“, се додава во реакцијата од ВМРО-ДПМНЕ.

The post ВМРО-ДПМНЕ: Заев прави кривично дело и ги тера пратениците да кршат изолација appeared first on plusinfo.mk.

„Позитивна сум на ковид-19, но добро се чувствувам, со силна одлучност денес да победи народот. Нема да дозволиме уцени! Мојата должност како пратеничка е постојана и благородна. И здрава и болна, имам обврска да направам сѐ граѓаните да ја добијат помошта која Владата ја обезбеди за нив. А, ВМРО-ДПМНЕ и опозицијата можат и понатаму да прават сѐ што намериле против народот – но џабе им е, денес ќе ја завршиме работата. Граѓаните ќе победат и уште еднаш ќе видат колкава разлика има меѓу СДСМ и ВМРО-ДПМНЕ, односно меѓу тоа да правиш сѐ за народот и да правиш сѐ против народот“, напиша таа на Фејсбук објавувајќи фотографија од себе во скафандер.

The post Пратеничка од СДСМ позитивна на корона дојде во Собрание во скафандер appeared first on plusinfo.mk.