Земјотрес со интензитет од III степени според Европската макросеизмичка скала (ЕМС) е почувствуван во Битола, Охрид и околните места синоќа во 23.10 часот, соопшти Сеизмолошката опсерваторија при Природно-математичкиот факултет во Скопје.

Епицентарот потекнува од соседна Република Албанија, на околу 150 километри југозападно од Скопје, со Рихтерова локална магнитуда, ML3.7 степени.

Претходно, во 19.50 часот беше почувствуван уште еден земјотрес во Охрид и околината со интензитет од III степени според Европската макросеизмичка скала. Епицентарот на овој земјотрес бил во Грција, на околу 100 километри југоисточно од Скопје.

The post ПОЧУВСТВУВАНИ ДВА ЗЕМЈОТРЕСА ВО ОХРИД И ВО БИТОЛА Епицентрите биле во Албанија и во Грција appeared first on plusinfo.mk.

„Народот на Техеран наскоро ќе ја плати цената“, изјави министерот за одбрана на Израел за смртоносните напади кои ги изврши Иран во текот на ноќта во неделата, 15 јуни. Министерот Израел Кац на социјалните мрежи го нарече ајатолахот Али Хамнеи „кукавички убиец кој намерно гаѓа цивили“.

Најмалку 4 лица, две жени и двајца мажи (сите во седумдесеттите години) беа убиени во најновите ракетни напади врз централен Израел, потврдија службите за итни случаи Маген Дејвид Адом (МДА).

Нападите погодија четири различни локации.

На социјалните мрежи се појавија снимки од нападот. Се вели дека израелските противракетни системи потфрлиле одбивајќи ги ракетите. Сирени се огласиле во Тел Авив. Погодена е рафинерија за нафта во Хаифа. Уништени се згради во Херцлија и во Пета Тиква.

WATCH. What’s happening now is insane. The iron dome is failing and Israeli cities are being pounded with devastating missiles. Tel Aviv, Haifa, Bnei Brak … all hit including Haifa’s oil refinery. Buildings in Herzliya and Petah Tikva destroyed and northern military bases hit pic.twitter.com/UAjmcm5YLI

— Hadi (@HadiNasrallah) June 16, 2025

Еден од проектилите паднал близу американската амбасада во Тел Авив. Поранешниот амбасадор на САД во Израел, Мајк Хакаби, изјави дека амбасадата на САД во Тел Авив ќе остане затворена откако во нејзина близина е предизвикана „мала штета“ за време на ноќен напад. Тој рече дека нема повредени американски лица.

Израелската војска тврди дека целите биле објекти што Силите Кудс ги користи за „планирање терористички напади врз Израел преку иранските сојузници во регионот“. Силите Кудс се дел од Револуционерната гарда задолжена за шпионажа и воени операции надвор од границите на Иран и имаат силно влијание врз сојузниците на Иран во регионот, вклучувајќи го и Хезболах во Либан.

The post 📽 ИРАН ГО РАКЕТИРАШЕ ИЗРАЕЛ, ПРОЕКТИЛ ПАДНА БЛИЗУ АМБАСАДА „Народот на Техеран ќе ја плати цената“ appeared first on plusinfo.mk.