Под слоганот „За плата се бориме – не се молиме“ денеска во Скопје се одржа протест во организација на Сојузот на синдикатите на Македонија (ССМ), на кој беа побарарани повисоки плати и подобри услови за работа.

Протестот стартуваше од Работничкиот дом на Сојузот на синдикатите на Македонија, продолжи пред републичкото Собранието, до Стопанската комора и заврши пред Владата.

Претседателот на ССМ, Слободан Трендафилов рече дека многу работници денеска и покрај тоа што не се задоволни од нивните плати, се плашат да се придружат на протестите, затоа што сметаат дека протестите се насочени кон некој.

– Денес, за жал, 260 илјади работници живеат со плата под 600 евра, а само неколку илјади луѓе излегоа на протест за 1 Мај, рече Трендафилов.

Тој посочи дека „за жал, голем број работници денес гинат на своите работни места. Наутро заминуваат на работа, а навечер не се враќаат. И никој не презема ништо за нивна заштита“.

– Денеска е 1 Мај, денот кога работниците уште во далечната 1886 година излегле на улица и по цена на своите животи, за да ги заштитат своите работнички права, за да го скратат работниот ден од 12 часа на 8 и за да протесираат – потсети Трендафилов, повикувајќи да се почитуваат работничките права во државата.

Самостојниот синдикат за образование, наука и култура (СОНК) денеска не учествуваше на протестот, со образложение дека решенијата треба да се бараат преку дијалог, а не на улица.

The post „ЗА ПЛАТА СЕ БОРИМЕ – НЕ СЕ МОЛИМЕ“ Првомајски протест на синдикатите appeared first on plusinfo.mk.

Одлуката на Граѓанскиот суд донесена во февруари годинава, со која се потврдува дека Живко Митрески во 2017 година е нелегитимно сменет од функцијата претседател на Сојузот на синдикати на Македонија, актуелното раководство на ССМ ја гледа како обид да бидат институционално замолчени.

Претседателот на ССМ Слободан Трендафилов денеска на прес-конференција посочи дека оваа пресуда е втора иако Апелациониот суд минатата година ја укинал првичната пресуда со цел да се утврди дали има правен основ за водење на постапка против починато лице.

– Сметаме дека жалбата којашто е поднесена во текот на вчерашниот ден повторно ќе биде прифатена од страна на Апелациониот суд кој уште еднаш ќе утврди дека Основниот суд не постапил по неговите напаствија. Тоа што е клучно е дека согласно меѓународните конвенции на МОТ, синдикатите имаат целосна слобода да ги креираат статутите, актите и документи и да вршат избор на луѓето кои ќе бидат нивни претставници – истакна Трендафилов.

Трендафилов посочи дека од 2017 година одржани се конгреси и во 2020 и 2023 година и дека доколку сакал Митрески можел да се кандидира.

– За жал, не го сторил тоа. Ако некој смета дека во Македонија може да се поставуваат членови односно претседатели по желба на неколкумина. Жалосно е што сега се обидуваат и по институционален пат да го замолчат ССМ затоа што протестираме и бараме зголемување на платите – рече Трендафилов.

На денешната прес-конференција, Трендафилов информираше дека согласно одлуките донесени на највисоките тела на синдикатот, годинава Меѓународниот ден на трудот ќе биде одбележан со протест под мотото „Се бориме за зголемување на платите, а не се молиме“. Протестот ќе почне во 11 часот пред Работничкиот дом, а со него повторно ќе се бара зголемување на минималната плата и на сите останати плати.

The post „ГО ВРАЌААТ ЖИВКО МИТРЕСКИ ЗА ДА НЀ ЗАМОЛКНАТ“ Синдикатот ја обжалил пресудата во корист на поранешниот претседател на ССМ appeared first on plusinfo.mk.

Живко Митрески, кој ја извршуваше функцијата претседател на Сојузот на синдикати на Македонија до 2017 година, денеска на прес-конференција соопшти дека Граѓанскиот суд во Скопје донел пресуда со која се потврдува дека бил незаконски сменет и дека сите одлуки што од тогаш до денес се донесени од страна на ССМ, се ништовни.

Во пресудата стои дека за ништовна се смета одлуката за избор на претседател на ССМ од 6.12.2017 година донесена на вонредниот конгрес на ССМ одржан на 6.12.2017 година и дека ништовни се и сите дејствија и донесени акти превземени од сега починатиот Дарко Димовски.

– Кога вие ќе утврдите ништовност на неговата промена, се враќаме во поранешната состојба. Претседателот доаѓа на својата функција и врши ревизија на сето што е понатаму направено, а тоа по став 2 јасно го кажува судот, велејќи дека се утврдува ништовност и на сите дејствија и донесени акти после 2017.

Значи кога нешто се носи како ништавност, е од моментот на неговото донесување – 2017 година. Се после него по начелото на акцисорност отпаѓа. Нормално после тоа синдикатот работи, носел одлуки. Затоа ќе се повика Државната ревизија, ќе направат длабинска стручна ревизија, да се утврдат недоследности, а сите донесени одлуки од нелегитимно избраните раководства, ќе подлежат на верификација на легално избраниот синдикат, појасни адвокатот Сашко Станинов на прес-конференцијата.

Митрески вели дека следен негов чекор ќе биде да се врати во синдикатот и да изврши консолидација. За актуелниот претседател на ССМ Слободан Трендафилов вели дека има тотално непознавање и не знае да води синдикална организација.

– Жалам што во тој момент не направивме приправнички испит да видиме колку знае бидејќи покажа тотално непознавање за водење на една ваква историска организација – рече Митрески.

Митрески посочува дека пресудата не се однесува на лично на Дарко Димовски, туку на функцијата.

Митрески беше претседател на ССМ до 2017 година кога го наследи Дарко Димовски, а по неговата смрт, за нов претседател на ССМ беше избран Слободан Трендафилов кој сега ја извршува функцијата претседател на ССМ.

The post ЖИВКО МИТРЕСКИ СО СУДСКА ОДЛУКА СЕ ВРАЌА НА ЧЕЛО НА СОЈУЗОТ НА СИНДИКАТИТЕ Граѓанскиот суд пресуди дека е противзаконски сменет appeared first on plusinfo.mk.

СДСМ и ССМ сѐ повеќе ја губат и онаа мала поддршка од граѓаните, обидите за манипулација на работниците не им поминуваат. Наместо на протестот да бидат вистинските работници, протестот на ССМ беше предводен од раководствата на локалните ограноци на СДСМ, кои со партиски маички беа во првите редови – рече денес на прес-конференција Бране Петрушевски, пратеник на ВМРО-ДПМНЕ.

– Автобусите во организација на лица од СДСМ, кои патуваа празни за Скопје се доказ дека протестот на ССМ беше неуспешен. Со ова, се докажа дека работникот не го поддржува овој политички театар на СДСМ и ССМ, и довербата ја губат се повеќе.

ССМ предводено од Трендафилов, свесно оди во заштита на интересите на СДСМ, а не на заштита на правата на работникот. Трендафилов и оние неколкумина од врвот на ССМ, работат директно во интерес на СДСМ и на нивните политики, а со тоа имаат за цел да ѝ наштетат на Владата, која дава сѐ од себе и ги зголемува платите и правата на работниците.

Вистинските работници членови на ССМ, сѐ повеќе се прашуваат дали се дел од вистински синдикално здружување или се дел од политичката партија СДСМ. Но, и во двата случаи, ни едните ни другите не работат во нивен интерес. ВМРО-ДПМНЕ останува вистински партнер на работникот – рече Петрушевски.

The post ПОЛИТИЧКИОТ ТЕАТАР НА ССМ И СДСМ СЕ ПОКАЖА НЕУСПЕШЕН Вистински партнер на работниците останува ВМРО-ДПМНЕ appeared first on plusinfo.mk.

ССМ е координирано и управувано од СДС. Целата логистика за таканаречените протести на ССМ е обезбедена од СДС, изјави денеска пратеникот на ВМРО-ДПМНЕ, Бране Петрушевски.

– До нас пристигнаа документи од свиркачи кои покажуваат кои се лицата одговорни за организирање на логистиката за протестите. Ова е тој документ. Одговорен за организирање на луѓе и превоз од Струмица и струмичкиот регион е Бранко Георгиев. Ова е Бранко Георгиев, поранешен раководител во ЈПКД Комуналец Струмица во време на СДС. Бранко Георгиев како главен теренаш на СДС сега е главен теренаш на ССМ. Целата партиска логистика на СДС за Струмица и струмичкиот регион – сега е ССМ. ССМ не постои, тоа е само СДС во синдикални маички – рече Петрушевски.

Тој најави дека во наредните денови ќе продолжи да ги објавува сите лица од СДС кои го имаат преземено ССМ.

The post ССМ Е СДС ВО СИНДИКАЛНИ МАИЧКИ Петрушевски тврди дека логистиката на СДСМ во Струмица е во служба на синдикатот appeared first on plusinfo.mk.

ССМ за една година од Владата бара исполнување на барањата кои во изминатите седум години, за време на владеењето на СДСМ не биле испорачани – рече пратеникот од редовите на ВМРО-ДПМНЕ, Бране Петрушевски, во гостување на телевизија Канал 5 во емисијата „Само Вистина”

– За една година се бара нешто коешто не било испорачано изминатите 7 години, имале доволно време СДС да ги зголемуваат платите, да ја зголемуваат минималната плата, за да сега синдикатите бидат помалку незадоволни. Кога СДСМ беше на власт и кога ја зголеми минималната платата на 18.000, со законска измена во договор помеѓу работниците и работодавачите, ја зголеми само минималната, плата но не и другите плати, тогаш ССМ на нивно барање иницираше амандман којшто ние го поднесовме за зголемување на сите плати, тогаш ние од ССМ добивме пофални зборови – рече Петрушевски.

Петрушевски објасни дека со доаѓањето на власт, Владата ги исполнила барањата на ССМ, со зголемувањето на платите во јавниот сектор, на здравствените работници, полициските службеници, социјалните работници, како и зголемувањето на платите за 11.000 вработени во администрацијата.

– Таа обврска којашто сме ја презеле ние како тогашна опозиција за разлика од другите опозициски партии, ние штом дојдовме на власт ги испорачавме тие барања на ССМ. Линеарното зголемување на вработените во јавниот сектор го направивме секаде, ги зголемивме платите во образованието со колективен договор каде што зголемувањето ќе биде од 40 до 60% во рок од 4 години, ги зголемивме платите во високото образование за 14%, здравствените работници исто така ќе добијат од 40 до 50% повисоки плати, полициските службеници добија 10% зголемување, социјалните работници добија 20% поголеми плати, вработените во СОЗР 30%, последниот договор со УПОЗ и САДУ околу 11 илјади вработени во администрација добиваат 40% поголеми плати – објасни Петрушевски.

– Испочитувани се сите колективни договори коишто претходната власт ги потпиша на заминување и не ги почитуваше, во одбраната, во културата и сите други институции. Ние ги зголемуваме платите многу повеќе од она коешто тогаш беше барање на Трендафилов кога беше СДСМ на власт, сега одеднаш бара 12 илјади и прави протести и блокади каде што претходно не ги правеше. Дијалог се води на институционално ниво, затоа постои социо-економскиот совет каде што треба да седнат работниците и работодавачите, да се усогласат, да ги истакнат аргументите синдикатите кои се нивните барања – рече Петрушевски.

The post СИНДИКАТОТ БАРА НЕШТО ШТО СДСМ 7 ГОДИНИ НЕ МУ ГО ИСПОЛНИЛ Оваа влада ги испочитува сите колективни договори appeared first on plusinfo.mk.

Штрајкот на пилотите и на кабинскиот персонал на „Луфтханза“ денеска доведе до масовни нарушувања во авиосообраќајот во Германија, поради што стотици летови на најголемата германска авиокомпанија се откажани низ целата земја.

Како што соопшти синдикалната организација „Уфо“ (Ufo), најавениот целодневен штрајк почна во текот на ноќта. Компанијата засега не наведе точен број на откажани летови, но предупреди на значителни откажувања и на редуциран ред на летање.

На аеродромите како тие во Франкфурт и Берлин, според достапните полетувања, „Луфтханза“ задржа само мал број летови. Авиокомпанијата ги советува патниците да се информираат преку дигиталните канали и да не доаѓаат на аеродромите без претходна потврда на летот, а враќање на редовната состојба се очекува утре.

Во штрајкот учествуваат околу 4.800 пилоти на „Луфтханза“ и на „Луфтханза карго“, кои бараат поголеми придонеси од работодавачот за пензиските фондови. Покрај тоа, во штрајк со предупредување стапија и околу 20.000 претставници на кабинскиот персонал за да извршат притисок во преговорите за колективните договори, да поддржат социјален план за вработените во „Луфтханза“ и во регионалниот „Ситилајн“ (CityLine) и да заштитат околу 800 загрозени работни места.

Управата на „Луфтханза“ го оцени штрајкот како „целосно непотребна ескалација“. Членот на управата задолжен за човечки ресурси, Михаел Нигеман, во Берлин изјави дека синдикалните барања би довеле до натамошни значителни зголемувања на трошоците, за што, според него, нема доволно средства.

The post ОТКАЖАНИ СТОТИЦИ ЛЕТОВИ НА „ЛУФТХАНЗА“ Штрајкуваат 4.800 пилоти и 20.000 кабински персонал appeared first on plusinfo.mk.

Неодговорно е однесувањето на претседателот на ССМ, Слободан Трендафилов, кој вчера објави пост на социјалните мрежи со фотографија, на која вели дека чека претставник на Владата да дојде во просториите на ССМ за да се потпише зголемувањето на платите, а истовремено веќе бил закажан состанокот на Владата со гранковиот синдикат УПОЗ за истата намена, реагира Валентин Манасиевски, член на ЦК на ВМРО-ДПМНЕ.

– Со ова се потврдуваат сите наши тези дека барањата на Трендафилов имаат политичка позадина и дека зад неговото раководење со ССМ, стојат СДС и Левица. Ова не е ништо повеќе од обичен театар наменет за јавноста, во која жртвата е Слободан Трендафилов а виновникот власта предводена од ВМРО-ДПМНЕ. На Трендафилов никогаш не му ни било до зголемување на платите, туку до наштетување на моменталната Влада предводена од ВМРО-ДПМНЕ и водење политика иста со онаа која ја води СДС и Левица. Се поставува прашањето, дали барањата на Трендафилов и ССМ, ги пишуваат СДС и Левица – вели Манасиевски.

Тој додава дека Трендафилов ниту еднаш не кажал ништо за зголемувањето на платите и новите колективни договори во образованието, здравството, полицијата, одбраната, социјалата и другите сектори. Но, не кажал ништо и кога инфлацијата била двоцифрена во времето на СДСМ и на ДУИ, не кажал ништо за ценовните шокови, не кажал ништо за зголемувањето на сметките за струја за над 50% и молчел кога платите во неколку институции во државата доцнеле со месеци.

– Да потсетиме и дека се потпишувале разни колективни договори во разни државни институции и сектори, без одобрение од Министерството за финансии. Или во превод, СДСМ и ССМ си потпишувале договори, без да имаат претходно одобрено средства, што е спротивно на условите за потпишување на колективен договор. Ова лицемерие на Трендафилов и ССМ покажува дека соработуваат со СДС и Левица против власта предводена од ВМРО-ДПМНЕ. За среќа, Владата предводена од ВМРО-ДПМНЕ не бега од дијалог, туку инсистира истиот да биде сериозен, суштински и насочен кон резултати – додаде Манасиевски.

Претхосно , ВМРО-ДПМНЕ испрати соопштение во кое наведе дека ако Трендафилов не терал политика, туку синдикална борба работниците веќе ќе имаа 40 отсто зголемена плата.

„Доколку Слободан Трендафилов, татиниот син кој стана претседател на гранков синдикат, исто како неговиот татко, за подоцна по еден неуспешен избор го преземе ССМ, не тераше инает, овој месец работниците ќе добиеја зголемени плати и за три години ќе имаа 40 отсто зголемена плата. Наместо синдикална борба, татиното синче Слободан реши да тера политика и на ССМ гледа како на политичка партија. Бидејќи Слободан е мераклија на политички битки, моментално најлесно е тоа да се направи преку нему блиската СДС, каде Зоран Заев, Венко Филипче го постави за в.д. стечаен управник. Барем политичкиот брак кој не се крие, ќе се официјализира“, се наведува во реакцијата на ВМРО-ДПМНЕ која се однесува на изјави на Трендафилов.

The post ТРЕНДАФИЛОВ ВО ГЛАВНА УЛОГА НА ТЕАТАРОТ НАРАЧАН ОД СДСМ И ОД ЛЕВИЦА Да не тераше инает, овој месец работниците ќе добиеја зголемени плати за 40% appeared first on plusinfo.mk.

Очекувам во четврток оние 7.700 вработени и нивните претставници да дојдат во Владата, да разговараат и на крај да го прифатат покачувањето од 40%“ – изјави Љупчо Пренџов пратеник од редовите на ВМРО-ДПМНЕ на гостување на ТВ 24 во емисијата „Анализа“.

Истовремено, ВМРО-ДПМНЕ со соопштение упати повик до Самостојниот синдикат на Македонија и до неговиот претседател Слободан Трендафилов, како што вели, „барем еднаш да го стави во предност интересот на граѓаните и работниците, да ја остави политиката на страна и да го прифати предлогот на Владата за работниците да добијат повисоки плати“.

„За да нема негативни ефекти, како економска криза, зголемување на инфлацијата, дупки во буџетите, единствено решение што моментно може да се примени е зголемување на минималната и на другите плати во април годинава за речиси 14%, кое до 2028 година ќе стигне до 40%. Во денари тоа претставува зголемување од над 10 илјади денари на платите во администрацијата за само две години“ се вели во соопштението на ВМРО-ДПМНЕ.

Пратеникот Пренџов во настапот на ТВ 24 нагласи дека инфлацијата сега, за разлика од изминатите години, е драстично намалена и дека преку дијалог со Владата, работниците во јавните сектори ќе го добијат покачувањето од 40%.

„Во поглед на државните вработувања коишто ги имаме, ние имаме политика на многу чесен однос кон секој еден синдикат којшто беше во Владата овие две години. Прво дојдоа преговори од образование добија кумулативно до крајот на нашиот мандат за 4 години околу 48%, потоа беа социјалните работници околу 20% покачување, исто околу 40% добија од здравството покачување на платите, 10% добија во МВР вработените, целосно се исплатени сите пари во рамките на одбрана и на Армијата“, рече Пренџов.

The post В ЧЕТВРТОК ИЗБОРОТ Е МЕЃУ „ВРАБЕЦ ВО РАКА“ И „ГУЛАБ НА ГРАНКА“ Власта ги повикува синдикалците да ги прифатат понудените 40% appeared first on plusinfo.mk.

Премиерот Христијан Мицкоси денеска повторно порача дека Владата ќе поддржи и примени договор за повисока плата помеѓу работниците и работодавачите, истакнувајќи дека за минималната плата мора да постапува по закон.

– Понудивме зголемување на платите на административните службеници за околу 40 проценти, ССМ го одби покачувањето. А во делот на минималната плата, согласно закон, ние мораме да постапуваме според закон. Ќе има зголемување и нивелирање. Првиот момент кога работниците и работодавачите ќе се договорат, ние како странка тоа ќе го поддржиме и ќе го примениме, напиша Мицкоски во објава на Фејсбук, споделувајќи го неговото вчерашно излагање во Парламентот на оваа тема.

Мицкоски вчера на пратеничко прашање посочи дека понудената опција сè уште стои на маса до сите административни службеници и оти кога тоа ќе се реши, 99 проценти од администрацијата ќе имаат регуларан однос со Владата како работодавач.

На административните служби потсети дека уште мината година им понудиле зголемување на платите од март 2026 година до истиот период 2028 година за речиси 40 отсто под услов изнаоѓање формулација на еден заеднички колективен договор, што, наведе, било одбиено од ССМ.

The post ЌЕ ИМА ЗАКОНСКО НИВЕЛИРАЊЕ НА МИНИМАЛНАТА ПЛАТА Мицкоски вели дека Владата не може да делува надвор од законот appeared first on plusinfo.mk.