Повеќе од 70 експерти, претставници на лаборатории, институции, регулаторни тела и компании од повеќе земји од регионот се дел од 10. Регионален симпозиум на лаборатории за нафта и нафтени деривати што се одржува во Охрид, со поддршка на ОКТА АД – Скопје. Јубилејното издание на Симпозиумот ја потврдува неговата растечка улога како значајна регионална платформа за професионална размена на искуства, знаења, современи практики и нови технологии во областа на контролата на квалитетот, лабораториските анализи, регулативата и безбедноста во нафтената индустрија.

На настанот учествуваат претставници од Северна Македонија, Грција, Бугарија, Хрватска, Словенија, Србија, Босна и Херцеговина и други земји од регионот, кои преку стручни презентации и дискусии ќе разменуваат искуства за најновите стандарди, технологии и предизвици во секторот.

Во своето поздравно обраќање, главниот извршен директор на ОКТА, Димитриос Пасхос, истакна дека поддршката на вакви професионални и регионални иницијативи е целосно усогласена со долгорочната стратегија на компанијата.

– За ОКТА, поддршката на платформи како овој Симпозиум претставува инвестиција во знаење, соработка и регионално поврзување. Размената на искуства и добри практики помеѓу експертите и институциите од регионот е од исклучително значење за понатамошниот развој на секторот и за обезбедување највисоки стандарди за квалитет и безбедност, во интерес на потрошувачите и економијата. Како компанија ОКТА веќе одамна ја надминува улогата на најголем снабдувач на домашниот пазар и се развива во регионален енергетски центар, а токму нашата поддршка во развојот на ваквите партнерства и професионални мрежи се важен дел од таа визија – изјави Пасхос.

Од Организацискиот комитет на Симпозиумот беше истакнато дека јубилејното десетто издание претставува потврда за растечкото значење на овој стручен собир во регионот.

– Во изминатите десет години Симпозиумот прерасна во препознатлива регионална платформа за професионална комуникација и соработка помеѓу лабораториите, институциите и компаниите од нафтениот сектор. Во време на сè построги стандарди, технолошки промени и потреба од поголема усогласеност со европските регулативи, ваквите настани имаат особено значење за унапредување на квалитетот, сигурноста и довербата во целиот синџир на снабдување со горива – истакна Данијела Јовиќ, претставник на организацискиот комитет на Симпозиумот.

Симпозиумот го отвори градоначалникот на Охрид, Кирил Пецаков, а преку видео обраќање го поздрави и министерката за енергетика, рударство и минерални суровини, Соња Божиновска, која ја нагласи важноста на лабораториите и контролата на квалитетот во енергетскиот сектор, како и потребата од континуирана модернизација, регионална соработка и усогласување со европските стандарди.

Присуството на претставници од Министерството за енергетика, како и видео обраќањето на министерката, претставуваат силна институционална поддршка за улогата на лабораториите во системот за контрола на квалитетот на горивата, но и признание за достигнувањата на Симпозиумот и неговиот потенцијал да прерасне во уште поширока регионална и меѓународна платформа за размена на искуства и експертиза.

Во рамки на Симпозиумот беше потенцирана и важноста на модернизацијата и дигитализацијата на лабораториските капацитети, како предуслов за поголема точност, доверливост и усогласеност со највисоките европски и меѓународни стандарди. Во тој контекст беше истакнат примерот на ОКТА, која во изминатиот период изврши модернизација и дигитализација на опремата за тестирање во својата лабораторија за контрола на квалитетот на горивата, со што таа го задржа својот статус на една од најсовремените капацитети од ваков тип во регионот. Лабораторијата на ОКТА е прва акредитирана лабораторија од ваков тип во земјата и функционира согласно највисоките европски и американски стандарди, обезбедувајќи контрола и анализи не само за потребите на компанијата, туку и за други увозници, институции и компании од земјата и регионот.

Учесниците на Симпозиумот нагласија дека иднината на секторот ќе зависи од уште поголема регионална соработка, размена на знаење, воведување нови технологии и постојано унапредување на системите за контрола и мониторинг на квалитетот на горивата, во интерес на потрошувачите, индустријата и животната средина.

The post РЕГИОНАЛЕН СИМПОЗИУМ НА ЛАБОРАТОРИИ ЗА НАФТА Компанијата ОКТА се потврди како регионален енергетски партнер appeared first on plusinfo.mk.

Глобалните трансформации и трендови во медицината, поттикнати од улогата на вештачката интелигенција, како и најновите препораки за третман на болестите и идните предизвици во здравството, ќе бидат главен фокус на Симпозиумот на млади лекари што во петок и сабота (5 и 6 декември) ќе се одржува во Скопје во организација на Здружението на лекари специјализанти (ЗЛС Скопје).

Темата на симпозиумот е „Иднината на медицината – прозорец кон утрешнината“, а настанот ќе се одвива паралелно во повеќе сали каде што ќе има воведен дел, предавања, панел дискусии и практични работилници. Ќе присуствуваат околу 150 млади лекари од земјава и гости од странство, кои ќе ги слушнат најновите искуства, сознанија и техники од реномирани стручни лица од различни медицински области. Во официјалната програма се вклучени повеќе од 50 лекари, предавачи, модератори и ментори од различни области од Македонија и од странство. Меѓу нив се проф. д-р Сашко Кедев, проф. д-р Миодраг Остојиќ, вон. проф. Владимир Чадиковски, проф. д-р Лидија Попоска, научниот советник Јане Талески, проф. д-р Скендер Саиди, проф. д-р Оливер Станков, проф. Един Бегиќ и многу други реномирани стручни лица од областа на хирургијата, интерната медицина, кардиологијата, урологијата, радиологијата и други специјалности.

Учесниците на симпозиумот ќе имаат можност поблиску да се запознаат и со проектот на ЗЛС, „Стоп за лоши навики“, насочен кон подигнување на свесноста за значењето на примарната превенција на незаразните заболувања како водечка причина за сериозни болести и смртност во Македонија. Во рамки на овој проект, ЗЛС неодамна го издаде практичниот прирачник „Како до здрави навики“ на македонски, албански и англиски јазик со корисни упатства за превенција и подобрување на здравјето на граѓаните, кој ќе биде претставен пред учесниците.

Организаторите на симпозиумот истакнуваат дека темата на годинешниот настан е поврзана со современите трендови во медицината и иднината на здравствениот систем, со посебен акцент на улогата на вештачката интелигенција, како тема која произлегува од глобалните трансформации во медицината што веќе се случуваат и кај нас.

– Вештачката интелигенција постепено ја менува дијагностиката, третманот, брзината и прецизноста на медицинската проценка и во иднина ќе ја редефинира медицината онаква каква што ја познаваме. Првите значајни примери ги гледаме во радиологијата, но трендот многу брзо се проширува во сите медицински области. Затоа е важно младите лекари да бидат подготвени за следниот чекор – да учат, да дискутираат и да се адаптираат на новото време што веќе пристигна во медицината – вели д-р Александра Георгиева, претседател на ЗЛС.

Главната цел на симпозиумот е на младите лекари да им овозможи современа образовна платформа преку која тие ќе добијат глас, ќе бидат во центарот на вниманието и ќе добијат вистинско практично знаење, не само теоретско. Организаторите ги препознаваат реалните потреби на младите лекари и според тоа ги дизајнираа работилниците кои ќе бидат дел од настанот: развивање на клиничко размислување, практични вештини, споделување искуства, работа со пациенти и градење професионална самостојност.

– Станува збор за национален медицински симпозиум кој е комбинација од научно-едукативен формат и практична обука. Насочен е кон младите лекари – специјализанти, млади специјалисти, клиничари и сите кои се во процес на професионален развој. Овој настан е посебен бидејќи е создаден од младите за младите, со цел да им овозможи поддршка таму каде што најмногу им треба – вели д-р Георгиева.

Ова ќе биде второ издание на Симпозиумот на млади лекари, откако првпат се организираше во 2023 година. Огромниот интерес за овој настан, како и позитивните искуства на учесниците од првото издание, придонесоа тој годинава да биде уште поголем и посеопфатен, поради што ќе почне да прераснува во традиција во наредниот период.

The post СИМПОЗИУМ НА МЛАДИ ЛЕКАРИ ВО СКОПЈЕ Фокусот е на глобалните трендови во медицината поттикнати од вештачката интелигенција appeared first on plusinfo.mk.

– Во земјава се вратив неколку дена пред завршувањето на конференцијата во Дубровник која се одржа од 8 до 14 март. Тогаш Хрватска не беше земја со среден ризик кога станува збор за епидемијата од коронавирусот, а и во Македонија тогаш не беа пропишани мерки за задолжителна самоизолација. Јас ги почитувам мерките за заштита и самата не би си дозволила да избегнам самоизолација доколку навистина постоел ризик да бидам заразена – изјави Фетаи.

За нејзиното патување во Дубровник просведочија и фотографиите што на Фејсбук ги објави Правниот факултет од битолскиот Универзитет „Св. Климент Охридски“, но од друга страна, пак, интересно е тоа што истите тие фотографии по неколку дена беа избришани од социјалната мрежа. Па така, доколку сега го отворите Фејсбук профилот на Правниот факултет од Битола, таму ќе ги пронајдете фотографиите од другите македонски учесници на симпозиумот во Дубровник, но не и оние на кои се гледа обвинителката Фатиме Фетаи.

The post Фатиме Фетаи за Плусинфо: Кога се вратив од Дубровник, мерки за задолжителна самоизолација немаше! appeared first on plusinfo.mk.