Нутриционистката Симона Коруновска за маслиновото масно вели дека е безбедна опција за готвење на повисока температура, благодарение на отпорноста на високи температури и на мононезаситените киселини кои ги содржи. Од друга страна, нерафинираните масла добиени од семиња најдобро е да ги употребуваме во оброци на кои не им е потребно термичко загревање, за да не ги уништиме нивните високи нутритивни вредности.

Не повеќе од пет минути се потребни за да се подготви интересен оброк по препорака на Симона и dm. Вегански, посен, со избалансирано количество јаглехидрати, протеини и здрави масти, овој оброк е вкусен и практичен дури и за на работа. Станува збор за готов ориз и мали вегански колбаси кои може да се искомбинираат со вкусна салата со лимонов сок.

Целиот рецепт може да го погледнете на Youtube-каналот на dm

Овој оброк се базира на див ориз, кој е целосно природен, не е многу калоричен, има поголемо количество протеин и изобилува со манган. Станува збор за готова комбинација на ориз која е особено здрава. Дополнително, малите колбаси, кои се вегански и навистина вкусни, се протеинскиот дел од оброкот. Изобилуваат со ароми затоа што не содржат никакви конзерванси. Се работи за брз и едноставен рецепт кој со насмевка ќе го подготвите, а со уште поголемо задоволство ќе уживате додека го конзумирате.

На веб-сајтот на dm можете да пронајдете уште повеќе нутритивни факти за различни состојки и брзи и едноставни рецепти со нив!

The post НЕ СИТЕ МАСЛА СЕ СООДВЕТНИ ЗА ГОТВЕЊЕ Еве кои се најдобри appeared first on plusinfo.mk.

Најпрво, секогаш треба да внимаваме каков е составот на храната што ја консумираме. Тоа значи внимателно избрани масти кои се незаситени, односно здрави; потоа голем дел од секој оброк да заземаат свежото овошје и зеленчукот; внесување доволно протеин во форма на јајца, месо, риба, наут, леќа, јогурт, грав и слично; замена на рафинираните јаглехидрати со леб и тестенини направени од интегрално брашно, како и житарки од цело зрно и снегулки. Причината е едноставна – интегралните житарки изобилуваат со растителни влакна кои ни помагаат подолго време да се чувствуваме сити. Многу важно е и да пиеме доволно вода. Чувството на жед телото некогаш може да го препознае како глад и, дури и да не сме гладни, туку жедни, може да се случи да седнеме и повторно да јадеме.

Во сето ова најважно е да бидеме доследни во одлуките, но тоа не значи и целосна забрана за одредена храна. Сосема е разбирливо и посакувано повремено да изедеме и парче торта или пица и притоа да не чувствуваме грижа на совест.

Набројуваме неколку производи од dm за да се инспирирате да подготвите оброк кој ќе направи да се чувствувате сити и исполнети: интегрални житарки, леќа, макарони од леќа, наут, макарони од наут, тофу, цејлонски цимет, вегански колбаси, киноа, снегулки, маслиново масло, путери од јатки, јатки, протеински микс на семиња и интегрален леб.

Уште повеќе корисни и интересни совети на оваа тема погледнете во видеото: Како правилно да се намалат килограмите?

На сите ни е јасно дека во ова „дигитално време“, кога секој може да напише и објави што и да посака, преовладуваат безброј штетни трендови и совети за слабеење. Голем дел од тие диети не функционираат бидејќи не содржат доволно нутриенти потребни за организмот, а дел од нив имаат „јојо-ефект“, односно по завршувањето на диетата ја враќаат истата телесна тежина. Притоа ваквиот тип диети може да ве натераат да јадете храна што не ви е омилена, а со самото тоа и одвај да чекате целиот тој процес да заврши.

Симона посочува дел од најлошите совети за исхрана и диети кои треба да ги избегнувате:

– Не треба да се јадат јаглехидрати.

– Овошјето има премногу шеќер и треба да се избегнува.

– Оброкот да се замени со кафе.

– Џвакај мастика кога си гладен.

– Не вечерај.

Сакате да дознаете повеќе за штетните трендови за слабеење? Погледнете го видеото: Штетни трендови за слабеење: Зошто диетите не функционираат?

Тоа се само дел од советите кои, иако изгледаат добро, можат секого да го однесат во сосема спротивна насока од зацртаната цел. Всушност, крајната цел на здравата исхарана е да изградите здрава врска со храната, а на неа да гледате како на гориво за вашето тело.

The post ЗОШТО ДИЕТИТЕ НЕ ФУНКЦИОНИРААТ? Како правилно да се намалат килограмите appeared first on plusinfo.mk.

Оттука, добро познато е дека човек без храна може да издржи дури 20 дена, но без вода максимум три дена. Водата е таа што ја регулира телесната температура, го разнесува кислородот низ телото, помага при апсорбирањето на хранливите материи и им ја олеснува работата на бубрезите и на црниот дроб.

Количеството вода што го внесуваме во нашиот организам ни помага да имаме повеќе енергија и помалку главоболки, потоа, поубава кожа и полесно исфрлање на токсините, а воедно придонесува и при полесно намалување на телесната тежина. Доволно количество вода во комбинација со здрава исхрана има значителна улога при нашите обиди за водење поздрав и поубав живот.

Сакате повеќе информации за тоа зошто велиме дека водата е најдобриот детокс-пијалак? Погледнете го видеото: Колку е важно консумирањето вода?

Нутриционистката Симона нè потсетува и за тоа колку храната може да влијае врз нашето расположение и колку животот може да биде поубав кога оптимално се исхрануваме.

Знаете ли дека гастроинтестиналниот тракт го нарекуваат втор мозок? Тоа е така бидејќи може да влијае врз начинот на кој се чувствуваме и размислуваме. Емоциите се поврзани со цревата, а чист пример за тоа е дека при силен стрес може да нè боли желудникот. Од друга страна, пак, кога сме вљубени, не ни се јаде, а често кога сме нервозни грицкаме без потреба.

Токму затоа оваа двонасочна комуникација можеме да ја подобриме со правилна исхрана, при што ќе успееме да влијаеме врз емоциите. Многу е полесно да влијаеме врз цревата, отколку врз мозокот, нели?

Погледнете во видеото уште неколку корисни информации на оваа тема: Како исхраната влијае врз расположението?

Доколку се прашувате кои корисни производи од dm може да ви помогнат да влијаете врз расположението, тоа се: ѓумбир, куркума, црно чоколадо, зелен чај, маслиново масло, грав, леќа, киноа.

The post ЧЕСТО ЈА ЗАБОРАВАМЕ, НО ВОДАТА ИМА ОГРОМНО ВЛИЈАНИЕ ВРЗ НАШИОТ ОРГАНИЗАМ Најдобриот детокс-пијалак appeared first on plusinfo.mk.

Никаде нема да пронајдеме упатство кое ќе ни даде идеално решение како правилно да се храниме. Потребно е сами да испробаме различни стилови на исхрана и разновидни продукти за да видиме што ни одговара нам, но и на нашето тело. За оваа година да ја почнете со здрави навики, dm drogerie markt со нутриционистката Симона Коруновска во следниот период ќе сподели интересни искуства, предлог-рецепти со органски dmBio состојки, како и забавни и корисни нутритивни факти!

Почнуваме со еден магичен зачин – цимет. Се работи за еден од најстарите зачини во светот што се добива со мелење на кафената кора од циметовото дрво (cinnamonum verum). Постојат повеќе видови цимет и, како што вели Симона, не секој од нив е добар за секојдневна употреба! Доколку го користиме секојдневно Симона го препорачува цејлонскиот цимет. Циметот содржи бета-каротен, антиоксиданси, манган, а има и антиинфламаторни својства, со што може да го намали интензитетот на симптомите при инфекции, да го спушти нивото на лош холестерол, како и да придонесе за намалување на ризикот од дијабетес.

Ве интересираат уште повеќе информации за циметот? Погледнете го целото видео на YouTube каналот на dm!

Покрај наведените позитивни својства, циметот е одличен и како зачин. Затоа споделуваме како да направите извонредно вкусни овесни палачинки со јаворов сируп. Ова е оброк за зближување, затоа што за кратко време може да му стане омилен на секој член од семејството. На почеток, може и да изгледа и да звучи комплицирано, но оваа варијанта на здрави палачинки е супер брза и лесна за подготовка. И најважно од сѐ, поради овој оброк подолго време ќе се чувствувате сити, а бонус е што изобилува со растителни влакна и здрави масти. Погледнете тука кои состојки ви се потребни за овој рецепт и како да го подготвите.

ВИДЕО: Овесни палачинки – YouTube

Совет плус за уште повеќе да уживате во вкусовите? Препорачуваме да ги комбинирате палачинките со dmBio сокот од црна рибизла со кој ќе добиете максимална апсорпција на железото и ќе го збогатите оброкот со антиоксиданси.

Интересни нутритивни факти за состојките во овој рецепт:

– Лененото семе содржи многу здрави масти и помага за редовна столица. Се препорачува да биде сомелено за да биде полесно за дигестија и да се комбинира со течности заради богатството на растителни влакна.

– Цејлонскиот цимет изобилува со антиоксиданси кои имаат антиинфламаторен ефект. Богат е со витамини и минерали, а помага и при регулирање на шеќерот во крвта.

– Тука е и путерот од бадем кој иако е калоричен, не треба да биде исклучен од исхраната бидејќи содржи масни киселини кои се важни за срцевото здравје, витамин Е кој е многу важен за имунитетот, како и трите неопходни масти за правилна функција на телото.

– Црната рибизла и нејзниот сок го намалуваат оксидативниот стрес. Таа ја има највисоката антиоксидантна вредност во споредба со сите останати овошја. Помага во борбата со вируси, го намалува ризикот од одредени типови рак и може да го намали крвниот притисок.

Доколку сакате да пронајдете уште повеќе вакви рецепти и корисни факти, посетете ја веб-страницата на dm.

The post ЗОШТО Е МАГИЧЕН ЦИМЕТОТ? Симона Коруновска и dm ни даваат интересен одговор! appeared first on plusinfo.mk.