Симеон Михаилов, осуден во Македонија и баран за издржување затворска казна од 12 години и шест месеци, се појавил на бугарска телевизија каде зборувал за случајот со неговата ќерка Ива Михаилова на која во Кочани ѝ се суди за сообраќајна несреќа со смртни последици. Таа на првото рочиште се изјасни дека не е виновна.

Министерството за внатрешни работи потврди дека Меѓународната потерница по Симеон Михаилов сè уште е активна.

Михаилов бил дел од случајот „Детонатор“ и бил осуден за дела поврзани со обид за убиство, злосторничко здружување и насилство. Првично му била изречена доживотна казна затвор, која во понатамошната судска постапка била намалена.

Во текот на постапката тој ја напуштил Македонија, а во 2014 година бил екстрадиран од Италија, каде претходно бил уапсен по меѓународна потерница. Подоцна повторно станал недостапен за македонските органи.

The post ТАТКОТО ОСУДЕН НА 12 ГОДИНИ ЗАТВОР ВО МАКЕДОНИЈА ЈА БРАНИ ЌЕРКА СИ ПРЕКУ БУГАРСКИ ТЕЛЕВИЗИИ Симеон се бара со потерница, а на ќерка му Ива ѝ се суди за сообраќајка со смртни последици appeared first on plusinfo.mk.