Агустин Ескобар, директорот на познатата компанија „Сименс“ и неговото семејство загинаа во страшната хеликоптерска несреќа над замагелниот брег на Менхетен, дознава Си-Ен-Ен. На социјалните мрежи се појави и последната фотографија од семејството додека било во леталото пред неговото уривање во реката Хадсон.

Уште не е познато зошто се урна хеликоптерот. Семејството било во посета од Шпанија, рече градоначалникот на Њујорк Ерик Адамс на прес-конференција во четвртокот. Спасувачите направија сè што можеа за да им помогнат на настраданите.

Во несреќата загина и пилотот на хеликоптерот.

Family from Helicopter crash in New York picture taken just before flight. Arrived in New York from Spain earlier same day. Poor little ones, so sad. Lord have mercy on their souls. RIP. pic.twitter.com/rpfe4c9Ffc

— Link Van Stinkle (@linkvanstinkle) April 11, 2025

Хеликоптерот што се урна во реката Хадсон е изграден во 2004 година и имал сертификат за пловидбеност издаден во 2016 година кој важел до 2029 година. Компанијата што управува со хеликоптерот претходно била вклучена во два безбедносни инциденти кои ги истражувале федералните воздухопловни власти.

Со директива од мај 2023 година било побарано тестирање и можна замена на погонските осовини на роторот на опашката на осум различни модели Bell 206L, вклучувајќи го и 206L-4. „Таа директива беше поттикната од инцидент во кој хеликоптер Bell 206L доживеа губење на погонот на роторот на опашката поради дефект на зглобот“, се вели во текстот на Си-Ен-Ен.

Американската Федерална администрација за авијација, исто така, во 2022 година издаде указ за моделите Bell 206L со специфични делови, барајќи проверка и можна замена на главните ножеви на роторот на хеликоптерите.

Тоа се однесува на слоевите во сечилото што се одвојуваат поради замор на материјалот, оштетување (од удари на птици, на пример) или производствени грешки, што потенцијално доведува до откажување на сечилото на роторот.

The post 📽 ПОСЛЕДНАТА ФОТКА ОД ДИРЕКТОРОТ НА СИМЕНС ПРЕД НЕСРЕЌАТА Компанијата што управува со хеликоптерот била вклучена во два инциденти? appeared first on plusinfo.mk.

Германската фирма има за цел да инсталира офшор генератор на ветер способен да произведува околу 21 мегават енергија, надминувајќи ги најголемите слични механизми понудени од кинеските конкуренти, пишува Блумберг.

Планираната единица би била околу 40% помоќна од сега најголемата турбина на компанијата, која има ротор перки долги 115 метри. Овој потег би можел повторно да ја запали трката меѓу западните компании, паузирана бидејќи индустријата се соочи со големи загуби во последниве години.

Бизнисот со ветерници на „Сименс енерџи“ имаше проблем со тесните грла во синџирот на снабдување, зголемените трошоци и проблеми со квалитетот. И покрај загубите, „Сименс Енерџи“ ја задржа својата улога како најголем снабдувач на турбини за офшор ветерни електрани.

Минатата година, Европската унија додели 30 милиони евра на „Siemens Gamesa“ за да го тестира, како што рече, „најмоќниот прототип на турбина на ветер во светот“ во објект во Остерилд, Данска.

The post ПОЧНА ТРКАТА ЗА ПРОИЗВОДСТВО НА НАЈГОЛЕМА ВЕТЕРНА ТУРБИНА ПОСТАВЕНА НА ВОДА „Сименс“ ќе инсталира генератор кој ќе произведува 21 мегавати енергија appeared first on plusinfo.mk.

Возот треба „да ги замени дизел-возовите (шинобусите) во меѓуградскиот превоз“, соопшти „Дојче бан“.

Новиот модел на воз наречен „Мирео плус X“ работи на „зелен водород“, произведен со чиста енергија, а по согорувањето испушта само водена пареа. Употребата на гасот водород како гориво без загадувачки влијанија, е дел од проектот на германската Влада, којашто исто така сака „да електрифицира 75 отсто од железничката мрежа до 2030 година“, како што рече Михаел Теурер, државен секретар во Министерството за дигитални технологии и транспорт.

– Секој испорачан воз ќе значи до 45.000 тони јаглерод-диоксид помалку во текот на 30-годишниот животен век во споредба со соодветните патувања со автомобил – изјави Мајкл Петер, извршен директор на „Сименс мобилити“.

Во зависност од конфигурацијата, возот ќе може да мине од 800 до 1.000 километри, со максимална брзина до 160 километри на час, се наведува во соопштението.

„Мирео плус Х“ ќе се тестира на линиите Баден-Виртемберг во 2023 година, а во редовен сообраќај ќе биде пуштен во 2024 година, меѓу градовите Тибинген, Хорб и Форчајм. Со оваа програма, „Сименс“ се обидува да го достигне својот француски конкурент „Алстом“, којшто веќе продава патнички возови на водород – 41 воз беа нарачани од две германски провинции, а тестови беа спроведени во Австрија, Холандија, Полска, Шведска и Франција.

„Алстом“ и компаниијата „Енџи“ развиваат силни товарни локомотиви напојувани од горивни водородни ќелии.

The post „СИМЕНС“ ПРОИЗВЕДЕ ВОЗ НА ВОДОРОДЕН ПОГОН „Мирео плус X“ ќе ги замени дизел-возовите appeared first on plusinfo.mk.

На средбата, на која присуствуваше и заменик-претседателот на Владата задолжен за економски прашања, координација на економските ресори и инвестиции Фатмир Битиќи, претставниците на „Сименс“, како компанија која има респектабилно меѓународно искуство и стручност, покажаа интерес за поголемо и непосредно присуство во Северна Македонија со цел да учествуваат во конкуренцијата во енергетскиот сектор во делот на обновливите извори на енергија, гасификацијата, како и во проектите за заштита на животната средина во капиталните проекти за управување со хидросистемите за снабдување и во системите за менаџирање со отпадните води.

Премиерот Заев и заменик-претседателот Битиќи ги запознаа претставниците на „Сименс“ со стратешките проекти на Владата во енергетиката со посебен акцент на развојот на капацитетите со обновливи извори на енергија, и со крупните проекти за управување со води и ги охрабрија да учествуваат на јавните повици за конкурентно учество за нивна реализација.

На средбата гостите од „Сименс“ беа запознаени и со предностите на Законот за стратешки инвестиции кој овозможува поголеми инвестициски циклуси на државно и на локално ниво со опција за државна помош за поттик на економскиот раст, вработувањето, примената на нови технологии и иновации, и за зголемување на конкурентноста и на извозот.

The post Компанијата „Сименс“ покажала интерес за непосредно присуство во Македонија appeared first on plusinfo.mk.

Анкетирале 160.000 работници од 58 земји кои работат во интернационални компании, со цел резултатите да бидат веродостојни. Анкетите биле спроведени од јуни до јули, а од учесниците било побарано да ја оценат својата подготвеност кога станува збор за давање препораки за компанијата – на пријателите или семејството.

Освен тоа, требало да оценат колку се задоволни со одговорот на компанијата во која работат на пандемијата, и да го оценат својот работодавец врз основа на имиџот, економското влијание на корпоративните активности, развојот на таленти, родовата еднаквост и општествената одговорност.

Конкуренцијата била голема: предвид биле земени дури 750 гиганти корпорации кои работат ширум светот, со седишта во 45 земји. Од нив се истакнале 10, а ова е редоследот:

1. Самсунг електроникс

2. Амазон

3. ИБМ

4. Мајкрософт

5. ЛГ

6. Епл

7. Адоб

8. Алфабет (Гугл)

9. Сименс

10. Бош

The post „Форбс“ состави листа на најдобрите работодавци во 2020 година: Еве кој влезе во топ 10 appeared first on plusinfo.mk.

Компанијата соопшти дека кризата предизвикана од коронавирусот покажала дека работата што не зависи од фиксната локација нуди многу предности и дека е можна во многу поголем обем, отколку што се претпоставувало.

Во соопштението се вели дека истражувањата спроведени меѓу вработените во „Сименс“ ширум светот покажале желба за поголема флексибилност. Планот се однесува на повеќе од 140.000 вработени на над 125 локации во 43 земји и стапува на сила веднаш.

Компанијата изјави дека концептот за „работа со мобилни телефони“ не мора да значи работа од дома, но дека вработените во консултација со претпоставените ќе ги изберат локациите за работа каде што се најпродуктивни. Ова, на пример, може да биде и простор каде што повеќе од нив ќе работат заедно.Сименс рече дека нивниот нов пристап ќе биде во согласност со локалните законски и специфични барања за работа, како и индивидуалните желби.

The post „Сименс“ им нуди на вработените трајно да работат од дома appeared first on plusinfo.mk.