The post ХАРИ И МЕГАН МАРКЛ ПРОШЕТАА ПО ПЛАЖАТА БОНДИ Сите сјатени околу славните гости, само една жена не мрдна ни милиметар appeared first on plusinfo.mk.

Принцот Хари и Меган Маркл следниот месец доаѓаат на нова турнеја во Австралија, за време на која војвотката од Сасекс ќе биде специјален гостин на луксузен тридневен настан за жени во Сиднеј.

Меган ќе одржи говор на гала вечерата, а обожавателите кои ќе купат поскапи билети ќе имаат можност да се фотографираат со неа, што веќе предизвика бројни реакции поради високите цени, пишува Мирор.

Билетите за овој ексклузивен викенд почнуваат од 1439 фунти (1665 евра) и вклучуваат сместување во хотел на плажа, учество во разни активности како јога и медитација, гала вечера и вечерна забава. За оние кои сакаат уште поблиска средба со Меган, достапни се ВИП билети за 1705 фунти (1973 евра).

Вип билетот обезбедува место во првиот ред на гала вечерата, како и групна фотографија на масата со војвотката. Во пракса, ова значи дека за дополнителни 266 фунти (308 евра), обожавателите можат да добијат сувенир фотографија со Меган за време на нејзиниот редок престој во Сиднеј.

Најавата за настанот гласи: „Викенд за жени каков што никогаш порано не сте доживеале! Незаборавен викенд за жени подготвени повторно да се наполнат со енергија и да се забавуваат. Придружете ни се на интимен и луксузен викенд покрај океанот, дизајниран да ги собере жените за стимулативни разговори, релаксација, смеа и незаборавно искуство.“

Меган последен пат ја посети Австралија во 2018 година, кога таа и принцот Хари поминаа 16 дена на турнеја низ Австралија, Фиџи, Тонга и Нов Зеланд за време на нивната прва кралска турнеја како брачна двојка. Во тој период, тие извршија 76 официјални ангажмани, и каде и да се појавија, беа пречекани од толпи луѓе.

Во книгата „Салите: Скриената моќ зад круната“, поранешниот кралски дописник за „Тајмс“, Валентин Лоу, вели дека Меган уживала во големото внимание од јавноста во тоа време, но дека не ја разбирала целосно целта на традиционалните кралски средби со граѓаните.

– Иако уживала во вниманието, Меган не успеала да ја разбере целта на сите тие прошетки, ракувајќи се со безброј странци. Според анонимни членови на персоналот, војвотката наводно во тоа време рекла: „Не можам да верувам дека не сум платена за ова“ – се вели во книгата.

За време на патувањето во Австралија, принцот Хари ќе се обрати и до јавноста, присуствувајќи на самитот InterEdge во Мелбурн. Ова е конференција посветена на професионалниот развој и менталното здравје на работното место.

Влезниците за настанот почнуваат од 1.054 фунти (1.219 евра), а приходите одат во добротворната организација Lifeline.

The post КОЛКУ ЧИНИ ДРУЖЕЊЕТО СО МЕГАН МАРКЛ? Војвотката од Сасекс ќе биде гостинка на луксузен женски викенд во Сиднеј appeared first on plusinfo.mk.

По енергичниот фестивалски настап во Сиднеј во рамки на својата турнеја насловена како Титс аут (Градите надвор), американската поп-пејачка и текстописец, Кеша (Роуз Шеберт), судејќи по фотографиите кои ги објавија сите светски медиуми, одлучила да ја заврши вечерта далеку од сцената и рефлекторите – во брановите, на позната австралиска плажа. Наводно, сите биле изненадени поради тоа што таа била топлес.

Наводно, американската поп-ѕвезда Кеша ги изненадила своите обожаватели по нејзиниот настап во Австралија, затоа што наместо да се опушти во својата хотелска соба,  ја завршила вечерта со полноќно пливање на познатата плажа Бонди во Сиднеј.

Во опуштено издание и видливо расположена, 38-годишната пејачка скокнала во брановите, но се чини дека во брзањето не го понела горниот дел од костим за капење со себе. Папараците ја снимиле додека излегувала од водата, завиткана само во пешкир, а фотографиите брзо ги обиколија светските медиуми.

Пејачката, позната по својата неконвенционалност и слободен дух, воопшто не изгледа загрижена за ситуацијата. Покрај тоа, таа ја задржала насмевка на лицето додека одела боса по брегот во друштво на пријатели и соработници.

Кеша и претходно покажа дека ги сака спонтаните собири и опуштената атмосфера по концертите, а нејзиното вечерно излегување на плажата е само уште еден доказ дека живее според свои правила. Овој потег го потврди нејзиниот имиџ на ѕвезда на која не ѝ е премногу грижа за строгите правила – и остава впечаток каде и да се појави.

 

View this post on Instagram

 

A post shared by Kesha (@kesha)

The post ПО КОНЦЕРТ, ПЕЈАЧКАТА НА ПОЛНОЌНО БАЊАЊЕ ВО СИДНЕЈ Топлес фотографиите на Кеша го обиколија светот appeared first on plusinfo.mk.

Неодамна, австралиското списание „Good Food Australia“ објави статија за „скриените дијаманти“ на австралиската кулинарска сцена, поточно, за бурекот на браќата Никола и Јован Радевски како едно од најпознатите јадења во градот.

Приказната за двајцата браќа кои ги напуштиле своите перспективни кариери за да ја продолжат семејната традиција на својот прадедо, стана вистински хит и покажа дека за македонската храна нема граници.

 

View this post on Instagram

 

A post shared by Good Food (@goodfoodau)

Повеќе за ова прочитајте на „Арт кујна“.

The post ДУРИ И ВО СИДНЕЈ СЕ ЈАДЕ МАКЕДОНСКИ БУРЕК Браќата Радевски вртат тесто во далечната Австралија appeared first on plusinfo.mk.

Неверојатно изненадување се случи во Сиднеј, каде што аматерот Џордан Смит освои дури еден милион австралиски долари и нов автомобил, триумфирајќи на егзибицискиот тениски турнир „One Point Slam“, кој традиционално се игра во пресрет на Австралија опен.

Смит до победата стигна на начин каков што ретко се гледа во светот на тенисот – со вкупно само шест освоени поени. Причината лежи во уникатниот и речиси бизарен формат на турнирот, каде што секој натпревар се решава со еден единствен поен. Нема сетови, нема гемови и нема простор за грешка – еден лош удар значи елиминација.

Турнирот ги спојува професионалните тенисери со аматери, а за да се намали разликата во квалитет, професионалците имаат право на само еден сервис, додека аматерите можат да сервираат двапати. Токму ваквиот формат го претвори „One Point Slam“ во вистинска спортска лотарија.

Во конкуренција од 48 учесници, на ист терен настапија некои од најголемите светски тениски ѕвезди – Карлос Алкарас, Јаник Синер, Александар Зверев, Данил Медведев, Андреј Рубљов, како и Ига Швјонтек, Коко Гоф, Марија Сакари, Џејсмин Паолини и Аманда Анисимова – заедно со аматери, локални играчи и јавни личности од Австралија.

Смит ја започна својата неверојатна приказна со сензационална победа над двократниот освојувач на Австралија опен, Јаник Синер, кој направи сервис-грешка и ја погоди мрежата – без право на втор обид. Потоа следуваше уште еден шок, откако аматерот ја елиминираше и Аманда Анисимова.

THE CHAMPION HAS FALLEN!

Four-time Grand Slam champion Jannik Sinner is eliminated against amateur Jordan Smith in the 1 Point Slam pic.twitter.com/9ZKaTg1815

— TNT Sports (@tntsports) January 14, 2026

Во финалето, Смит се соочи со Џоана Гарланд, која претходно ги „нокаутираше“ Александар Зверев, Ник Киргиос, Марија Сакари и Дона Векиќ. И покрај серијата големи победи на Гарланд, решавачкиот поен му припадна на Смит, кој со вкупно само шест освоени поени го освои турнирот.

Еднодневниот спектакл беше преполн со изненадувања – Ига Свјонтек го елиминираше Флавио Коболи, публиката со смеа реагираше на незгодите на професионалците, а Тејлор Фриц низ шега изјави дека настанот изгледал како „чиста забава“.

A local amateur WINS the 1 Point Slam!

Jordan Smith defeats world No.117 Joanna Garland and pockets a MILLION dollars, driven by @kiaaustralia pic.twitter.com/7AAX8YFl8A

— #AusOpen (@AustralianOpen) January 14, 2026

По победата, Смит изјави дека наградата ѝ го променила животот токму пред почетокот на главната ждрепка на Австралија опен, додавајќи дека размислува дали парите да ги вложи во купување куќа или во долгорочни инвестиции.

The post 📽️ АМАТЕР ГО ШОКИРАШЕ ТЕНИСКИОТ СВЕТ Џордан Смит победи ѕвезди како Синер и Алкарас и стана милионер appeared first on plusinfo.mk.

Новата 2026 година први ја прославија жителите на островот Кирибати, а огномети осамнаа во повеќе градови во Азија и во Сиднеј во Австралија. Новата година во Кирибати настапи во 11 часот по македонско време, со што официјално започна глобалниот влез во 2026 година.

Сиднеј ја дочека 2026 година со традиционален огномет, одржан со засилено присуство на полицијата, неколку недели откако вооружени лица убија 15 лица за време на еврејски настан на плажата Бонди.

Околу 40.000 пиротехнички ефекти беа употребени на простор со должина од околу седум километри. Во градот се одржа помен за жртвите од нападот во 23 часот по локално време, а Сиднејскиот пристанишен мост беше осветлен во бела боја, додека на неговите столбови беше прикажана менора, симболот на јудаизмот.

– По трагичниот крај на годината за нашиот град, се надеваме дека дочекот на Новата година ќе обезбеди можност да се собереме и со надеж да погледнеме кон мирната и среќна 2026 година – рече градоначалничката на Сиднеј, Кловер Мур, во пресрет на настанот.

Así reciben el Año Nuevo 2026 en Sídney, Australia. pic.twitter.com/tNnvXCkMVZ

— Corta (@somoscorta) December 31, 2025

На социјалните мрежи може да се види и како изгледаше огнометот во Токио.

Happy New Year 2026 Tokyo, Japan pic.twitter.com/0FesFpBfcZ

— VIEW (@viewsoff_) December 31, 2025

Спектакуларни огномети имаше и во Куала Лумпур, главниот град на Малезија.

Kuala Lumpur welcomes 2026 with a colorful fireworks display

Was it supposed to look Cthulhuesque? https://t.co/3JVrNIjXv6 pic.twitter.com/s6nweHcY18

— RT (@RT_com) December 31, 2025

Во Пекинг, шоуто го „украдоа“ анимираните коњи кои галопираа во небото.

Beijing KICKS OFF 2026 with spectacular show

Drum-filled stage accompanies herd of FIRE HORSES galloping above pic.twitter.com/2u6UNqeqFY

— RT (@RT_com) December 31, 2025

Главниот град на Тајланд, Бангкок, приреди величествено светлосно шоу неколку моменти пред полноќ – со дронови користени за создавање на различни разнобојни слики. Потоа следеше огромен огномет додека часовниците отчукуваа во новата година.

HAPPY NEW YEAR BANGKOK!!! 2026 pic.twitter.com/hc0CfGAI9U

— Gen (@Gen777777) December 31, 2025

Сингапур влезе во новата година со маестрални огномети.

𝗦𝗜𝗡𝗚𝗔𝗣𝗢𝗥𝗘 𝗪𝗘𝗟𝗖𝗢𝗠𝗘𝗦 𝗧𝗛𝗘 𝗡𝗘𝗪 𝗬𝗘𝗔𝗥 𝟮𝟬𝟮𝟲!

Singapore never failed to deliver a spectacular fireworks for #NewYear2026 with performances led by no other than Korea’s Super Juniors!

Though they align geographically with mainland Southeast Asia, they are… pic.twitter.com/mBCljWf8N0

— ScienceKonek (@sciencekonek) December 31, 2025

Огномет во боја на виножито го означи почетокот на 2026 година над Сеул, главниот град на Јужна Кореја.

Happy New Year 2026
Seoul, South Korea pic.twitter.com/2BcTPWZHRh

— Wildscape Wonders (@WildscapeWonder) December 31, 2025

Во Тајпеј, главниот град на Тајван, огнометите беа испалени од 508 метри. „Тајпеј 101“ е највисоката зграда во земјата.

Goodbye 2025. Hello, 2026!

A fireworks show at Taipei 101 hyped up the crowd to mark the arrival of 2026. pic.twitter.com/I8Pv2SRIXj

— Focus Taiwan (CNA English News) (@Focus_Taiwan) December 31, 2025

The post 📽️ ОГНОМЕТ ВО СИДНЕЈ И СЕЌАВАЊЕ НА ЖРТВИТЕ ОД БОНДИ Еве како метрополите во Азија ја дочекаа новата 2026 appeared first on plusinfo.mk.

Додека светот се подготвува да ја дочека 2026 година, неколку познати градови одлучија да ги откажат или значително да ги изменат своите традиционални прослави за Нова Година. Причините се движат од безбедносни закани и ризик од пренатрупаност до оддавање почит на жртвите од неодамнешните трагедии.

Иако Нова Година е синоним за големи забави и огномет, властите се свесни и за зголемениот ризик од криминал. На пример, ФБИ неодамна спречи планиран бомбашки напад во Лос Анџелес, додека турските власти уапсија 115 лица осомничени за планирање терористички напади поврзани со Исламската држава за време на празникот.

Њузвик го даде целосниот список на градови кои нема да одбројуваат јавно на своите плоштади на 31 декември.

Бали

Градската влада на Денпасар, Бали, ги откажа своите новогодишни огномет и концерт за 2026 година. Одлуката е донесена од почит кон жртвите од неодамнешните природни катастрофи што ја погодија земјата. Сепак, најавени се голем број културни настани за да се одбележи почетокот на новата година.

Белград

Некои новогодишни прослави во Белград се откажани, како и српската Нова Година на 14 јануари. Градоначалникот Александар Шапиќ изјави дека не сака да ги изложи децата на ризик за време на музичките концерти, истакнувајќи дека претходните години имало обиди за пробивање на безбедносните бариери и судири со посетителите, од кои повеќето биле девојчиња на возраст од 13 до 15 години.

Хонг Конг

Владата на Хонг Конг го откажа традиционалниот новогодишен огномет. Наместо тоа, ќе се одржи алтернативен настан со одбројување кој има за цел да „пренесе позитивна енергија, грижа и благослови на мирот и на локалното население и на посетителите“. Иако не беше наведена официјална причина, локалните медиуми шпекулираа дека одлуката е поврзана со неодамнешниот катастрофален пожар во Таи По, во кој загинаа најмалку 160 лица.

Џакарта

Властите во Џакарта го потврдија откажувањето на новогодишниот огномет. Гувернерот Прамоно Анунг Вибово изјави дека одлуката е донесена за да се покаже емпатија кон „нашите браќа и сестри на Суматра“, остров кој неодамна беше погоден од земјотрес со јачина од 6,6 степени. Тој рече дека некои прослави сепак ќе се одржат, но тие ќе бидат скромни од почит.

Монако

Монако воведе строги мерки во врска со употребата на огномет. Од пладне на 31 декември 2025 година до пладне на 11 јануари 2026 година, постои целосна забрана за носење, поседување, транспорт и употреба на огномет и пиротехнички средства. Одлуката е донесена поради загриженост за јавната безбедност и ризикот од пожар. Сепак, огнометите што се посебно одобрени од владата сепак би можеле да се одржат.

Париз

Новогодишниот концерт на Шанзелизе во Париз е откажан. Париската полиција побара од градоначалникот да го откаже од безбедносни причини, првенствено за да се намали ризикот од стампедо и немири поради огромните толпи што традиционално се собираат.

Сепак, огнометот ќе се одржи според планот.

Сиднеј

Новогодишниот огномет на познатата плажа Бонди во Сиднеј е откажан по неодамнешното масовно пукање. Се очекуваше настанот да привлече околу 15.000 луѓе. Советот на Вејверли го потврди откажувањето со соопштение:

„Поради моменталната ситуација на терен, Советот на Вејверли донесе одлука да го откаже настанот за Нова Година на плажата Бонди“.

Организаторката на настанот додаде дека одлуката е донесена за да се задржи фокусот на покажување „сочувство и грижа за еврејската заедница во Сиднеј“.

Токио

Традиционалното одбројување пред станицата Шибуја во Токио е откажано оваа година. Градоначалникот Кен Хасебе изрази загриженост за безбедноста поради големите толпи што се собираат во областа, како и можните последици од консумирањето алкохол на јавни места.

The post ЕВЕ КОИ СВЕТСКИ МЕТРОПОЛИ ЈА ОТКАЖАА ЖУРКАТА ЗА НОВА ГОДИНА Париз се плаши од стампедо, Хонг Конг жали за пожарот appeared first on plusinfo.mk.

Човекот што со голи раце ги разоружа напаѓачите на плажата Бонди и стана симбол на човечноста, проговори за медиумите. Ахмед ал Ахмед, сирискиот мигрант и татко на две деца од Сиднеј, се опорави откако прележа 3 операции во болница.

Ахмед не размислувал долго кога го здогледал вооружениот Саџид Акрам како пука кон луѓето што ја славеле Ханука на плажата.

– Го држев со десната рака и му велев да го фрли оружјето, да престане – изјави тој за „Си-Би-Ес њуз“.

Неколку секунди подоцна му ја одзел пушката и му го спречил понатамошното убивање.

Крв на песокот, човечност во воздухот

Нападот што австралиската полиција го оцени како терористички чин против еврејската заедница заврши со 15 мртви и 40 повредени. Тоа е најсмртоносното масовно пукање во Австралија по 1996 година.

Напаѓачот Акрам бил убиен на лице место, а неговиот син Навид обвинет за 59 прекршоци, меѓу кои и 15 за убиство.

Bondi hero Ahmed al Ahmed has described for the first time, the frightening moment he tackled the older terrorist and wrestled the gun from him.

In his first TV interview, the 44-year-old says his heart and soul compelled him to do it to end the killing. pic.twitter.com/Nt9hykodO4

— 7NEWS Sydney (@7NewsSydney) December 29, 2025

„Не сакам да гледам луѓе како врескаат“

Ахмед зборуваше со треперлив глас за моментот кога, како што вели, „душата му заповедала“ да делува.

– Не можев да стојам. Не сакам да гледам крв, не сакам да слушам пиштол. Сакав само да спречам убивање невини луѓе – рече тој.

„Најдобриот од нашата земја“

Додека се борел со напаѓачот, другиот терорист го застрелал неколку пати во рамото. Помина низ 3 операции, а граѓаните за него доброболно собраа 2,5 милиони австралиски долари додека лежел во болница.

Премиерот Ентони Албанезе го нарече „најдобриот од нашата земја“, а премиерот на Нов Јужен Велс, Крис Минс, го опиша како „херој од вистинскиот живот“.

Неговите родители за Би-Би-Си изјавиле дека „совеста и човечноста на нивниот син го победиле стравот“.

The post 📽️ „НЕ САКАВ ДА ГЛЕДАМ ЛУЃЕ КАКО ВРЕСКААТ“ Проговори Ахмед од Сиднеј кој ги спаси Евреите во Бонди appeared first on plusinfo.mk.

Судските документи за масакрот на плажата Бонди во Синеј откриваат ладнокрвна подготовка, фанатична идеологија и импровизирани експлозиви, меѓу кои и „бомба со тениско топче“, што можела да избрише десетици животи, пишува Би-Би-Си во ново ажурирање на приказната која ги потресе Австралија и светската јавност.

Навид Акрам (24) и неговиот татко Саџид внимателно го режирале хоророт неколку месеци однапред, снимале видеа со симболи на Исламска држава и вежбале пукање во рурална област пред да ја изведат најсмртоносната акција на австралиско тло во последната деценија.

Дошле да ја повторат трасата

Полицијата објави дека видеа од октомври прикажуваат татко и син како седат пред црно знаме на ИСИС, додека Навид рецитира стихови од Куранот и говори против „ционистите“.

Неколку други снимки ги прикажуваат како пукаат со пушки, се движат во формација и изведуваат тактички маневри, сè во подготовка за нападот.

Истражителите велат дека две дена пред пукањето, Акрамови повторно дошле на Бонди за извидување. Камерите ги снимиле како шетаат по истата траса каде подоцна ќе фрлаат експлозиви и ќе пукаат кон толпата.

Фрлале рачни бомби, но ниту една експлодирала?

На денот на нападот, 14 декември, во 18:50 часот, Акрамови пристигнале на плажата со автомобил во кој имале четири импровизирани експлозивни направи, меѓу нив и онаа што полицијата ја нарекува „бомба со тениско топче“.

Снимките покажуваат како од автомобилот вадат долги пакети завиткани во ќебиња, во кои биле скриени пушки, цевни бомби и црни знамиња на Исламската држава.

Од мостот што гледа кон прославата на Ханука, фрлиле неколку бомби кон толпата – но ниту една не експлодирала. Потоа отвориле оган со пушки, убивајќи четиринаесет лица на самото место, додека уште едно лице починало подоцна во болница.

Бомбата во багажникот, доказ за фанатизмот

Во престрелката што следела, Саџид Акрам бил убиен, а Навид сериозно повреден од полициски оган.
Полицијата пронашла рачно изработена бомба во багажникот – доказ дека терористичкиот чин бил подготвуван со воена дисциплина и религиозна фанатичност.

Синот обвинет за 59 дела

Навид Акрам се соочува со 59 обвиненија, меѓу кои 15 за убиство и едно за тероризам. Обвинителството тврди дека нападот бил „прецизно режиран терористички чин со јасна идеолошка мотивација“.

Сведоци опишуваат сцени од хаос и страв, а локалната заедница ја нарече трагедијата „пеколот под светилките на Ханука“.

„Изговор да се затегнат законските слободи“

Премиерот на Нов Јужен Велс, Крис Минс, најави нов пакет закони за оружје и протести, на што реагираа организации за граѓански права, предупредувајќи дека „безбедноста не смее да стане изговор за стегање на слободите“.

Минс одговори дека безбедноста на граѓаните мора да биде пред сè, дури и ако дел од јавноста смета дека мерките се престроги.

The post НЕЕКСПЛОДИРАНАТА БОМБА ГО ОТКРИ ПЕКОЛОТ ШТО БИЛ ПЛАНИРАН ВО БОНДИ Нападот бил вежбан со месеци appeared first on plusinfo.mk.

Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди Бич“, беше злокобен вовед на терористичкиот напад што го потресе Сиднеј. Смртоносниот симбол првпат го забележа храбар средовечен пар, кој се обиде да го запре напаѓачот пред да биде испукан еден истрел, и плати за својот херојски чин со своите животи, пишува австралискиот „The Age“.

Средовечниот пар се нафрлил врз напаѓачите штом излегле од својот автомобил. Неидентификуваниот пар шетал во неделата попладне кога Саџид Акрам излегол вооружен со пушка, со намера да убие невини Евреи кои ја славеле Ханука. Човекот во виолетовата кошула се фрлил врз Акрам без двоумење, го соборил на улица и му го грабнал пиштолот. Неговата партнерка му се придружила во обид да го совлада.

Heroes of Australia – the unknown heroes of Bondi

00:02 the purple shirted man grabs the gun from the terrorist and they both fall to the road

00:03 the woman runs in to help

00:10 the couple confront the terrorist, the man weilds the gun as a club and chases him#osint pic.twitter.com/8n1IMuOVBE

— Jonti Allegra (@JontiAllegra) December 16, 2025

Но 50-годишниот Акрам не се откажал. Тој се стрчал кон човекот и зграпчил втор пиштол. Снимката од надзорната камера прекинува, но подоцна открива дека напаѓачот го погубил парот од блиску, и тие починале во прегратка. Се верува дека тие се првите жртви на смртоносниот поход, при што загинаа уште 13 лица, вклучувајќи жени, мажи и 10-годишната Матилда. Подоцнежните снимки од дрон ги прикажуваат телата на двојката како лежат едно до друго покрај автомобилот со знамето на Исламската држава.

Полицијата на Нов Јужен Велс потврди дека во „хондата“ на терористите биле пронајдени две импровизирани експлозивни направи и уште едно знаме на Исламската држава.

Бројот на жртви ќе беше поголем да не беше херојскиот одговор на овој пар, како и на други граѓани, како што се Ахмед ал-Ахмед и Реувен Морисон. Реувен Морисон (62) бил убиен додека се обидувал сам и невооружен да ја заштити својата заедница. Тој се нафрлил врз напаѓачите и фрлал тули кон нив.

„Тој викаше кон терористот и беше убиен заштитувајќи ја својата заедница. Умре борејќи се и штитејќи ги луѓето што ги сакаше најмногу“, изјави ќерката на Морисон, Шејна Гутник.

‘He went down fighting’: The father who died a hero after hurling a brick at Bondi gunman.

Live coverage: https://t.co/WMj0xdvIHx pic.twitter.com/YbMXPVvi2Y

— The Age (@theage) December 16, 2025

Ахмед ал-Ахмед се спротивставил на Саџид Акрам и го соборил. Тој се прикрал на помалку од 100 метри од местото на кое бил убиен првиот пар, го искористил моментот додека терористот пукал кон посетителите, се нафрлил врз него, му го грабнал оружјето и го принудил да избега. Ахмед бил застрелан пет пати во левата рака и се опоравува од операција.

This is the footage of the bystander named Ahmed al Ahmed –a 43-year-old Sydney local who is Muslim and owns a fruit shop in Sutherland. He was shot twice himself. He is being praised on Australia media as saving lives of Jewish Australians during the terrorist attack: pic.twitter.com/RJf7mripp3

— (((DeanObeidallah))) (@DeanObeidallah) December 14, 2025

– Нашиот херој се бори токму сега – изјави неговиот адвокат Сем Иса. Премиерот Ентони Албанез го нарече Ахмед „вистински австралиски херој“.

Двајца полицајци, Скот Дајсон и Џек Хиберт, исто така биле сериозно повредени во пукањето и се во болница. Фотографиите од местото на настанот ја покажуваат шофершајбната изрешетана од куршуми на нивното полициско возило.

 

View this post on Instagram

 

A post shared by NSW Police Force (@nswpolice)

Видео објавено денеска го прикажува моментот кога детектив смртоносно го ранил Саџид Акрам, само неколку минути откако Ахмед го разоружал. Акрам се вратил на пешачкиот мост, зел уште еден пиштол од својот син и повторно пукал. Неговиот син Навид, кој е тешко повреден, останува во болница под полициска заштита.

The post 📽️ СРЕДОВЕЧЕН ПАР СЕ ОБИДЕЛ ДА ГИ ЗАПРЕ НАПАЃАЧИТЕ, НО ПЛАТИЛ СО ЖИВОТ Храбри маж и жена биле првите жртви во масакрот на плажата Бонди appeared first on plusinfo.mk.