Претседателката Гордана Сиљановска Давкова вечерва во објава на Фејсбук насловена како „Ненаучена лекција“ реагираше на синоќешните националистички скандирања на навивачите на Шкендија за време на натпреварот со Карабах на Националната арена.

Во објавата, претседателката посочува дека само со заедничка доследна и бескомпромисна битка со шовинистичките изблици, без оглед чии се, ќе градиме здраво општество.

„Сеопштата осуда на навивачкиот примитивизам на сите ни влеа надеж за цврста решеност за справување со овој неспортски феномен. Просветителски звучеа апелите за ставање крај на националистичките и шовинистички повици од трибините. Но, вчерашните сцени од меѓународниот натпревар Шкендија – Карабах беа реприза на кумановската трагична приказна. Хипокризија и цинизам е селективното реагирање на неспортскиот вандализам. Само со заедничка доследна и бескомпромисна битка со шовинистичките изблици, без оглед чии се, ќе градиме здраво општество“, пишува Сиљановска Давкова.

Претходно, претседателката реагираше и на скандирањата на кошаркарскиот натпревар меѓу Македонија и Романија во Куманово во саботата, посочувајќи дека е неспортски да се злоупотребува спортскиот терен за „вежбање“ говор на омраза и навредување.

Навивачите на Шкендија синоќа во повеќе наврати за време на натпреварот со Карабах на Националната арена скандираа „Илирида“ и „Голема Албанија“.

Министерството за внатрешни работи претходно соопшти дека ќе ги санкционира евентуалните националистички испади, по несоодветното навивање на кошаркарскиот натпревар меѓу Македонија и Романија во Куманово во саботата.

The post СИЉАНОВСКА РЕАГИРАШЕ ЗА ВТОРАТА „НЕНАУЧЕНА ЛЕКЦИЈА“ Сцените од натпреварот Шкендија – Карабах се реприза на кумановската трагична приказна appeared first on plusinfo.mk.

Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во Крушево.

Таа ја истакна вековната македонска борба за самостојна и суверена држава чии темелни вредности и принципи се запишани во Крушевскиот Манифест како Magna Carta Libertatum.

За неа, легалноста и легитимноста на самостојната и независна Република Македонија од 1991 година, како израз на правото на самоопределување, е неспорна.

Претседателката ја реафирмираше решеноста до 2030 година да стигнеме до целта, европеизирани по словото на Копенхагенските критериуми.

– На овој празник над празниците се потсетуваме на вековната македонска борба за самостојна и суверена држава. Нејзините темелни вредности и принципи, со крв се запишани во возвишената Magna Carta Libertatum ̶ Крушевскиот манифест: слобода или смрт, правда, еднаквост и соживот. Тука, на Мечкин Камен, за нив се жртвувале Питу Гули и неговите соборци, задолжувајќи ги сите следни македонски генерации на вечна благодарност, овековечена во химната пред којашто со почит стоиме и денес! Веројатно, нема човек кој не се запрашал: Како безвременските републикански идеали се нашле во нашиот манифест? Каде се корените на Илинденското востание и на нашата Крушевска Република – нагласи Сиљановска.

Говорејќи за историските аспекти на борбата за ослободување и создавање на независна држава, претседателката ја нагласи важноста од создавањето на Крушевската република.

– Крушевската република била демократска, инклузивна кон различните, но и краткотрајна државна творба. Сепак, не смее да се превиди дека таа е вистинскиот предвесник на македонската нова република: Асномска Македонија! Да ве потсетам: не случајно, на ден Илинден 1944-тата, Панко Брашнаров го отворил првото, државотворно заседание на АСНОМ сеќавајќи се на „оазисот на слободна Македонија – Крушовската Република“. Не случајно, Манифестот на АСНОМ се повикува на континуитетот со илинденската епопеја и Крушевската Република. Не случајно, републиканските и демократски идеали на Крушевскиот манифест се вградени во асномските документи, а преку нив и во темелите на народната македонска држава никната во Народноослободителната борба!, нагласи претседателката на Мечкин Камен и додаде дека Републиката е синоним за слобода, за право, за правда и за рамноправност.

– Републиката постои заради општото добро, заради сите граѓани, без оглед на каква било припадност, за да ни овозможи да напредуваме врз знаење, способност и труд, а не врз основа на статусни привилегии и врски – истакна претседателката.

Зборувајќи за создавањето на самостојна и независна Република Македонија во 1991-та година, таа ги нагласи и проблемите со кои речиси оттогаш се соочува државата и кои се постојано потенцирани од мешународниот фактор како пречка за развој и интеграција во европското семејство.

-Длабинскиот поглед на државата, разоткрива во изминатите години и децении: ендемска корупција и организиран криминал, слаби институции, силни партии и моќни поединци, вонинституционално одлучување, партократија, како закана за парламентарната демократија, партизирана и политизирана администрација. Несанкционираната одговорност и неказнивоста го руинираа судството, ја деградираа животната средина, ги нарушија меѓуетничките и меѓучовечките односи, продуцираа катастрофи и трагедии, стимулираа неединство околу прашањата од национален интерес, за кои единството мора да биде императив! Најперспективните млади луѓе, Македонци, Албанци, Турци, Срби, Роми, Власи, Бошњаци и други, масовно се иселуваа во потрага по пристојно место за живеење. Меѓу нив, заради нашата вештачка одделеност од ЕУ, од економски причини, има и наши сограѓани коишто посегаат по државјанства на нашите соседи, членки на Европската Унија, што буди националистички апетити кон нас, рече Сиљановска – Давкова.

Таа нагласи дека „ние не сме стебло без корен“ и дека државата е вкоренета во демократските и хумани визии на Гоце Делчев и на неговите соборци. Сиљановска потсети на максимата на Делчев „за светот како поле за културен натпревар на народите“ во контекст на актуелните предизвици во интеграцискиот пат кон ЕУ.

– Колку и да ни е тешко, не треба да се обесхрабруваме од пречките и препреките. Сме опстоиле и сме надминале и потешки проблеми. Не сме сами. Имаме пријатели – демократи кои го почитуваат нашето право на национален и културен идентитет, на граѓански дигнитет и интегритет зашто и самите го сакаат и уживаат. Верувам во нивната поддршка и помош. Тие не се плашат да укажат и да се спротивстават на двојните стандарди и на анахроните обиди за ревизија на историјата. Ние не се откажуваме од природниот пат кон членството во ЕУ, оти отсекогаш сме дел на Европа: географски, историски и културно, зошто да не и политички. Едноставно, ние балканските народи и нации сме биле, сме и ќе останеме Европејци. Цврсто сме решени како што беше европски зацртано да стигнеме до целта до 2030 година, европеизирани по словото на Копенхагенските критериуми – порача Сиљановска од Мечкин Камен.

The post МАКЕДОНИЈА НЕ Е СТЕБЛО БЕЗ КОРЕН Вкоренета е во демократските и хумани визии на Делчев и соборците, рече претседателката од Мечкин Камен appeared first on plusinfo.mk.

Претседателката на Македонија, Гордана Сиљановска-Давкова упати честитка по повод 2 Август, Илинден – Денот на Републиката.

„Илинден е сржта на македонската историја,

Илинден е срцето на македонската република,

Илинден е душата на македонската државност,

Илинден е тежок и прекрасен ден, ден на неизмерна тага и радост, но и ден на болка и гордост!

2 Август е денот на двата Илиндена: Крушевскиот којшто ја роди идејата за Републиката и асномскиот којшто ја оживотвори.

Првиот беше искра, вториот пламен, првиот беше ослободителен крик и херојска епопеја, вториот беше државна конституција по победа.

Првиот посеа републиканско семе, вториот ја собра жетвата на Народноослободителната борба.

Илинден е приказна што тече, се пишува и допишува со крв и солзи, порази и победи.

Илинден нѐ учи дека Републиката не се наследува, туку се изборува и се заслужува.

Илинден нѐ обврзува да направиме од државата пристојно место за живеење за сите, место од кое нема да се бега, туку во кое ќе се доаѓа.

Илинден е пример за обединување заради заедничка цел и општо добро.

Илинден е ден на тивка заклетва пред Никола, Питу, Даме, Гоце… и пред мноштвото знајни и незнајни борци, дека она што го сториле за нас, несебично вградувајќи се во темелите на македонската државност, никогаш нема да го заборавиме и засрамиме.

Драги потомци на славните илинденци, наследници на нивната визија, храброст и неизмерна љубов кон татковината, од срце ви го честитам Илинден, празникот над празниците.

Нека е вековита македонската република!

Нека ни е вечен Илинден!“, стои е наведува во честитката на претседателката Сиљановска-Давкова.

The post „ИЛИНДЕН Е СРЖТА НА МАКЕДОНСКАТА ИСТОРИЈА“ Претседателката Сиљановска упати честитка за празникот appeared first on plusinfo.mk.

Претседателката Гордана Сиљановска Давкова, согласно Законот за управување со кризи, потпиша одлука за учество на дел од Армијата во гаснењето на пожарите.

Ангажманот на припадниците на Армијата следи по прогласувањето кризна состојба од  Владата.

„Генералштабот на Армијата ќе го одреди начинот на нејзиниот ангажман. Претседателката е во тек со состојбата со пожарите и изразува загриженост и сочувство со засегнатите сограѓани“, соопшти нејзиниот кабинет.

Армијата, со ангажман на вкупно 63 припадници, активно учествува во гаснењето на повеќе позиции.

„Приоритет е пожарот кај касарната Ѓорче Петров, каде што се ангажирани 60 припадници. Во село Николиќ се распоредени 60 припадници, во Крива Паланка дејствуваат 30 припадници, а една екипа од АБХО е ангажирана на пожарот во Визбегово“, информира Центарот за управување со кризи.

Од Општина Ѓорче Петров претходно соопштија дека на терен се ангажирани екипи на Противпожарната служба, Министерството за внатрешни работи (вклучително и специјалните единици ЕБР и Интервентна полиција), припадници на Армијата, како и претставници на локалното население.

Од ЦУК додаваат дека Ер тракторот на Дирекцијата за заштита и спасување дејствува во Крива Паланка, додека хеликоптерот на Министерството за внатрешни работи е упатен кон селото Орман, општина Ѓорче Петров.

The post СИЉАНОВСКА ЈА ВКЛУЧИ АРМИЈАТА ВО СПРАВУВАЊЕ СО ПОЖАРИТЕ Со огнот се борат стотици припадници на АРМ appeared first on plusinfo.mk.

Бугарскиот премиер Росен Жељазков, за време на самитот на НАТО во Хаг, остварил средба со претседателката на Република Македонија, Гордана Сиљановска-Давкова, информира Владата на Бугарија во објава на социјалните мрежи.

– Ја побарав претседателката на Република Македонија бидејќи ставот на Бугарија е дека РСМ треба да биде дел од ЕУ врз основа на сопствените заслуги – истакнал Жељазков.

Тој потсетил дека Бугарија останува доследна на декларацијата од мај 2022 година, нагласувајќи дека заштитата на правата на Бугарите во РСМ е од клучно значење за Софија.

Жељазков оценил дека разговорот со Сиљановска бил „многу добар“ и дека бил фокусиран на теми како што се човековите права и европските вредности.

– Разговаравме за фактот дека јазикот што го користат функционерите во двете земји треба да всадува пријателство, а не омраза. Ќе си дозволам една аналогија – целта на нашите пријатели од РСМ не е да го преземат Вавилон, туку да влезат во ЕУ, што се базира на критериумите за членство – истакна бугарскиот премиер.

The post „ЦЕЛТА НА СКОПЈЕ НЕ Е ВАВИЛОН, ТУКУ БРИСЕЛ“ Жељазков сподели што разговарал со Сиљановска Давкова appeared first on plusinfo.mk.

Претседателката Гордана Сиљановска-Давкова по повод 122-годишнината од смртта на великанот на македонското револуционерно дело Гоце Делчев, положи свежо цвеќе на неговото вечно почивалиште во дворот на црквата „Свети Спас” во Скопје.

– Со длабока почит, по повод 122-годишнината од смртта на великанот Гоце Делчев, положив свежо цвеќе на неговиот вечен дом во дворот на црквата „Св. Спас“. Денот на смртта на најмаркантната и најсветлата фигура на македонското револуционерно национално дело, втемелувачот на македонскиот републиканизам, апостолот на ВМРО, учителот Гоце Делчев, нè потсетува на жртвата којашто нашите предци ја дале за македонскиот народ да живее во сопствена држава за да може културно да се натпреварува со другите народи. Тој не случајно почива тука, во дворот на прекрасната црква „Св. Спас“, на македонска почва и под македонското небо, туку по сопствен аманет да биде закопан во независната македонска држава. Гоце Делчев беше и ќе биде дел од нас, од нашата историја, сегашност и иднина – порача претседателката.

Одбележувањето започна со Панихида, отслужена од страна на Поглаварот на Македонската православна црква – Охридска архиепископија г.г. Стефан, во сослужение со свештениците од Скопската епархија.

Свежо цвеќе положија и делегации на Владата, на Собранието, претставниците на дипломатскиот кор, на политичките партии, на граѓански здруженија и бројни други почитувачи на ликот и делото на Делчев.

The post СИЉАНОВСКА ПОЛОЖИ ЦВЕЌЕ НА ВЕЧНОТО ПОЧИВАЛИШТЕ НА ДЕЛЧЕВ Панахида служеше г.г. Стефан appeared first on plusinfo.mk.

Претседателката Гордана Сиљановска-Давкова, на маргините на состанокот на шефови на држави и влади „Акаба Процес Балканот III” во Софија, оствари средба со кралот на Хашемитското Кралство Јордан, Абдула Втори.

„Сиљановска-Давкова ја реафирмираше заложбата за унапредување на вредностите на дијалогот, почитувањето на културната разноликост и регионалната соработка како неопходни предуслови за стабилна и просперитетна Европа.

Во разговорот, беше потврдена блискоста меѓу двете земји, токму во година кога се одбележуваат 25 години од воспоставувањето на дипломатските односи. Претседателката нагласувајќи ја симболиката и значењето на оваа годишнина како поттик за натамошно продлабочување на билатералната соработка, упати покана до кралот Абдула Втори за посета на нашата држава.

Обајцата се согласија за важноста од продлабочување на културната и образовната размена, како и за интензивирање на соработката во областа на стабилизацијата на регионот на Блискиот Исток“, се наведува во соопштението.

Претседателката изразила длабоко почитување за дипломатските напори на Јордан во постигнувањето на мировниот договор меѓу Израел и Хамас, притоа потенцирајќи ја улогата на Хашемитското Кралство како столб на стабилност и разум.

Таа ја нагласила потребата од темелна реформа на Обединетите Нации, организација којашто, според неа, мора да ја врати својата првична мисија и да има примарна улога во изнаоѓањето мировни решенија.

The post СИЉАНОВСКА СЕ СРЕТНА СО КРАЛОТ НА ЈОРДАН На средбата беа во друштво на Радев appeared first on plusinfo.mk.

„Овој дијалог е од особена важност и за изградба на цврста основа за развој на билатералните односи и за решавање на регионалните и глобалните предизвици поврзани со обезбедувањето на безбедноста, борбата против тероризмот и справувањето со нелегалната миграција“, се наведува во информацијата од Кабинетот на бугарскиот претседател Радев.

The post СИЉАНОВСКА И РАДЕВ ИМАЛЕ ТЕЛЕФОНСКИ РАЗГОВОР Темата била важноста од контруктивен дијалог на највисоко ниво appeared first on plusinfo.mk.

Комисијата за одликувања и признанија денеска ја одржа конститутивната седница, на којашто присуствуваше и претседателката Гордана Сиљановска-Давкова.

На седницата, како што информираат од Кабинетот на Сиљановска-Давкова, членовите на Комисијата изразиле благодарност за честа и довербата да учествуваат во вреднувањето и изборот на личности и институции што оставиле длабок печат и неизбришливи траги во македонското општество.

„Претседателката Сиљановска-Давкова изрази задоволство за прифатеното членство, потенцирајќи дека во номинацијата се раководела од нивното врвно знаење, работа и дострели во различни области. Таа им посака плодна и успешна работа во препознавањето и наградувањето на најдобрите. Во разговорот, претседателката изрази цврста увереност дека докажани и афирмирани личности како нив умеат да ги препознаат носителите на вистинските достигнувања и соодветно да ги наградат“, се наведува во соопштението од Кабинетот на Сиљановска-Давкова.

Со одлука на претседателката Сиљановска-Давкова, за претседател на Комисијата е именуван проф. д-р Валентин Мирчески, а за членови на комисијата се именувани проф. д-р Гзиме Старова, д-р Самуел Садикарио, д-р Андријана Јаневска, м-р Ана Дурловски, м-р Решат Амети, м-р Гена Теодосиевска, Дејан Георгиевски, Жарко Башески, Оливера Наковска-Бикова и Весна Петрушевска. 

The post СИЉАНОВСКА ВЕРУВА ДЕКА ЌЕ ГИ НАГРАДУВААТ НАЈДОБРИТЕ Се одржа конститутивна седница на Комисијата за одликувања и признанија appeared first on plusinfo.mk.

„Како Влада информираме дека законот ќе се доработи и истиот ќе се најде пред пратениците согласно законодавните процедури“, се наведува во информацијата од Владата.

Пратениците го изгласаа овој закон на 24 декември, со обично и со Бадинтерово мнозинство. Со непотпишувањето на указот, сега законските измени се враќаат во Собранието, а доколку повторно бидат изгласани, претседателката ќе биде должна да го потпише указот.

Од Собранието за МИА потврдиле дека образложението на претседателката Сиљановска-Давкова е доставено на 31 декември.

„Одребите од Законот за заштита на деца кои се однесуваат на воведувањето на двојазичните лиценци се спорни и истите треба да се пресипитаат низ призма на аманданот 5 од Уставот и на Законот за употреба на јазиците“, наведува претседателката во образложението за одлуката да не го потпише указот за законот.

The post СИЉАНОВСКА НЕ СТАВИ ПОТПИС, СЕ ОГЛАСИ ВЛАДАТА Законот за заштита на децата ќе биде доработен appeared first on plusinfo.mk.