Во серија успешни акции, Царинската управа на Република Македонија открила и спречила неколку обиди за криумчарење различни видови на стока преку аеродроми и гранични премини во земјата.

На Меѓународниот аеродром Скопје, државјанин на Обединетите Арапски Емирати, родум од Индија, се обидел да внесе 76 непријавени парфеми со потекло од Дубаи. Патникот се определил за т.н. „зелен канал“, наменет за оние кои немаат ништо да пријават, но бил селектиран за дополнителна царинска контрола. При преглед на неговите два куфера, царинските службеници ја откриле недозволената стока.

Во друг случај, патник кој требало да патува за Лондон бил фатен со 260 пакувања тутун, секое од по 50 грама. Тутунот бил откриен при редовна контрола на аеродромот.

Царинската служба спречила и шверц на соларен инвертер на граничниот премин Табановце, кога при скенирање на камион биле забележани неправилности во кабината на возилото. При дополнителен физички преглед, скриениот инвертер бил пронајден.

На истиот премин, кај патник во автобус кој сообраќал на релација Скопје – Белград, биле откриени 129 парчиња суплементи „Zeo Medic“, додатоци во исхраната, скриени во куфери. Царинската служба ја заплени стоката, а против патникот ќе се поведат соодветни постапки.

Покрај ова, спречен е и обид за криумчарење 3.150 ќесички маџун со додатоци, откриени во три куфери во автомобил на патник кој патувал преку преминот Богородица. Лицето тврдеше дека нема ништо за пријавување, но деталниот преглед го откри спротивното.

Во уште една акција, мобилен тим на Царинската испостава Табановце заплени 463 парчиња облека со потпис на познати модни брендови како Ралф Лаурен, Диор и Бос, поради основано сомневање за фалсификати и повреда на права од интелектуална сопственост.

Дополнително, на граничниот премин Ново Село, цариниците откриле обид за шверц на разна стока: ножеви, рибарски прибор, слушалки, клучеви и електрични уреди, сокриени меѓу седиштата и во багажникот на возило управувано од патник кој не ја пријавил стоката.

The post ВЕЛАТ ДЕКА НЕМААТ НИШТО, НО ЦАРИНИЦИТЕ ГИ ФАЌААТ Откриени неверојатни работи скриени во куфери и автомобили appeared first on plusinfo.mk.

Во само пет месеци, Царинската управа поднела вкупно 102 кривични пријави, што е повеќе отколку за целиот период од 2020 до 2023 година, кога биле поднесени вкупно 85. Според директорот Бобан Николовски, ова е историски максимум на месечно ниво од 2016 година наваму.

Овие резултати беа презентирани денеска по повод 14 Април – Денот на Царинската управа, на настан на кој присуствуваа министерката за финансии Гордана Димитриеска Кочоска, министерот за внатрешни работи Панче Тошковски и други претставници од безбедносните и финансиски институции.

– Царинскиот систем е еден од клучните столбови на економијата, обезбедува наплата на буџетски приходи и штити од нелегален увоз. Не случајно ја нарекуваме чувар на финнсиските интереси на државата – истакна министерката Димитриеска Кочоска.

Директорот Николовски истакна дека тенденцијата на пораст на наплатата на приходи продолжи и годинава при што во првото тримесечје е остварена наплата од речиси 480 милиони евра или 13,6 милиони евра повеќе од истиот период минатата година. Притоа приходите од Царина се повисоки за 15,6 проценти, од акциза за 5,7 проценти, а од данок на моторни возила за 16,2 проценти.

– По основ на извршени проверки и контроли од Секторот за контрола и истраги наплатени се 20 милиони денари, а донесени се и решенија за дополнителна наплата на износ од 5,7 милиони денари. Овие средства значат повеќе инвестиции за капитални проекти, за училишта, градинки, болници, патишта, повисоки плати и пензии, за поконкурентна економија. Ваквите резултати се должат на зголемени контроли и зголемена тимска работа и делување на ниво на институција, а не на поединци – рече директорот Николовски.

Во истиот период, реализирани се 143 заплени – зголемување од 77% споредено со лани. Мобилните тимови постигнале извонреден резултат со повеќе од 100 заплени, бројка што е на ниво на целогодишни резултати од 2017 до 2023 година, кога просечно имало меѓу 52 и 110 заплени годишно.

Како доказ за посветеноста се и случаите во кои беа запленети 188,6 килограми марихуана, уникатен златен накит со тежина од 1,7 килограми и вредност пола милион евра, околу 600 килограми анаболични стероиди, 6,4 килограми сребро.

Дополнително, поднесени се 12 кривични пријави поврзани со шема за злоупотреба при увоз на користени возила, при што се гони 36 лица, од кои дел за повеќекратни кривични дела.

Преку засилени контроли и истраги, наплатени се 20 милиони денари, а донесени се решенија за дополнителна наплата од 5,7 милиони денари.

– Овие пари се враќаат во буџетот и се вложуваат во училишта, градинки, болници, патишта, плати и пензии – истакна Николовски.

Во моментов, се реализираат проекти во вредност од 24,4 милиони евра, со поддршка од Светска банка, ЕУ, Република Кореја и националниот буџет, со цел модернизација и зголемување на ефикасноста на Царината.

The post ЦАРИНА СО РЕКОРДНИ БРОЈКИ Поднесени 102 кривични пријави за 5 месеци, запленети злато, дрога и анаболици appeared first on plusinfo.mk.

Директорот на Управата за извршување на санкции, Александар Пандов, денеска на прес конференција откри дека во Казнено-поправната установа Штип затвореници без никакви потешкотии добивале наркотични средства, а во целата ситуација биле инволвирани и затворски полицајци.

Настанот бил целосно регистриран од надзорните камери во установата, а како што потврдија директорот на КПД Штип, Дејан Здравев, и неговиот заменик Ѓорѓи Хубев, видеоматеријалот јасно ја покажува целата постапка.

Според Пандов, на 22 март, во 21.40 часот, во затворот пристигнало возило кое не било евидентирано од затворскиот службеник М.Т., кој и покрај забраната, дозволил автомобилот да влезе до последната капија, што претставува директен пристап до внатрешноста на затворот.

Од возилото излегло едно лице кое фрлило топка преку ѕидот. Веднаш потоа во дворот пристигнале затворениците Ж.Ж., познат на македонската јавност, и Р.К. На снимката се гледа како Ж.Ж. зборува на мобилен телефон додека со другиот затвореник бара нешто во тревникот. Се појавува и затворски полицаец кој им вели дека не смеат да бидат надвор во тој период – изјави Пандов.

Според него, командирот Т.И. веднаш повикал уште петмина затворски полицајци: З.Г., Т.С., С.Ј., М.Т. и С.М. Но наместо да спречат или контролираат што се случува, тие се приклучиле на потрагата.

– Затвореникот Ж.Ж. продолжил да зборува на телефон, иако тоа е строго забрането. Се поздравил со полицајците, кои заедно со него и со светилки почнале да бараат низ тревникот. Тоа што најмногу загрижува е што наместо да го прекинат, му помагаат во потрагата – рече Пандов.

И покрај заедничката акција, „топката“ не била пронајдена веднаш. Следниот ден директорот на затворот издал наредба за детална проверка, при што конечно било откриено дека во топката имало 35 грама кокаин и околу 50 грама марихуана.

– Кога ги прашал полицајците и затворениците што барале, објаснувањето било апсурдно. Тврделе дека затвореникот Ж.Ж. си играл со кучката Цеца, а таа му го зела скапиот часовник што не го пријавил при влез во затворот. Кучката побегнала со него во тревата и тие само му помогнале да го најде – раскажува Пандов.

Формирана е Дисциплинска комисија, која и покрај доказите, донела одлука дека тројца од полицајците не се виновни. Тројца членови на комисијата гласале против санкционирање, верувајќи дека навистина барале часовник.

– Очекувам адекватна санкција за сите инволвирани. Сѐ е документирано, а идентификувани се и лицата кои ја префрлиле топката со дрогата преку затворскиот ѕид – рече директорот Пандов.

The post СКАНДАЛ ВО ШТИПСКИОТ ЗАТВОР Затвореници барале „топка“ со кокаин и со марихуана, а полицајците им светеле со батерии appeared first on plusinfo.mk.

Царинската управа преку Секторот за контрола и истраги откри и спречи организирана мрежа во која увозници, шпедитери, возачи вработени во превозни компании и царински службеници организирано вршеле кривични дела со употребувани возила. Возилата на нелегален начин биле ставани во промет и завршувале на авто-плацеви во земјава без да се платат увозни давачки.

Како што соопшти денеска директорот на Царинска управа Бобан Николовски, запленети се 35 автомобили со вкупна вредност од 20 милиони денари, при што врз Буџетот на државата преку избегнување плаќање увозни давачки е нанесена директна штета од девет милиони денари.

Постои сомневање, рече Николовски на прес-конференција, дека избегнатите давачки и штетата нанесена на Буџетот на државата е многу поголема, зашто е голема веројатноста изминатите години овие дела да се случувале повеќекратно.

– Досега, до Основно јавно обвинителство за гонење на организиран криминал и корупција се поднесени кривични пријави за 24 лица, 19 физички и пет правни лица, за сторени кривични дела: царинска измама, прикривање стока од сторено кривично дело царинска измама, фалсификување и злоупотреба на службена должност и овластување. Со целосно завршување на предистражните и истражните дејствија, кривични пријави ќе следат за други лица, при што некои од нив ќе се теретат за повеќекратно извршување на исти или слични дела. Во однос на царинските службеници кои извршиле злоупотреба на службена положба и овластување, во тек се дисциплински постапки, по што ќе следат соодветни казнени мерки – потенцира Николовски.

Во овие случаи, информира директорот, Секторот за контрола и истраги при Царинската управа утврдил грубо кршење на законските прописи.

– Сторителите на кривичните дела кои биле учесници во добро организирана и разработена шема, изработувале фалсификувани придружни документи кои се потребни за завршување на царинската постапка и фиктивно гo раздолжувале транзитот без притоа да спроведат царинска постапка. Така, без да бидат платени царината и другите увозни давачки, возилата биле пуштани во слободен промет и истите завршувале на различни авто – плацеви во државата – напомена Николовски.

Тој порача дека се става крај на организираниот криминал и корупцијата.

– Откривањето на овие случаи е само почеток на она што следи. Ќе продолжи со засилено темпо откривањето и спречувањето на сите криминални појави – подвлече директорот на Царинската управа.

Дополнителните приходи од царината при увоз на патнички моторни возила во изминатите шест месеци се поголеми за близу 119 милиони денари во однос на истиот период во 2023-та, а наплатата на приходите од ДДВ при увоз на патнички возила е поголема за над 482 милиона денари, рече денеска директорот на Царинската управа Бобан Николовски.

Како што истакна Николовски на прес-конференција, реалната наплата на данокот на моторни возила во јули 2024 е повисока за 46,5 отсто во однос на јули 2023, во август за 21,7 проценти, во септември за 24,2 отсто, во октомври за 10,3, во ноември за 27,4 проценти, додека во декември е на речиси исто како во декември 2023 година.

Во однос на увозните давачки, Царината, според директорот, бележи одлични резултати, 2024 година ја заврши со 6,3 отсто поголема вкупна наплата во споредба со 2023-та или со над 120 милиони евра.

Како што соопшти денеска директорот на Царинска управа Бобан Николовски, запленети се 35 автомобили со вкупна вредност од 20 милиони денари, при што врз Буџетот на државата преку избегнување

– Еден факт е непобитен, Царината со новото раководство од 1 јули 2024, прави резултати кои никој не може да ги побие. Ќе продолжиме уште посилно, нашите засилени контроли даваат добри резултати и се надеваме дека годинава ќе биде уште поуспешна од втората половина на 2024-та. Бележиме добри резултати во однос на полнење на државниот буџет, влегуваме во 2025-та уште помотивирани зашто за релативно краток период постигнавме добри резултати од сите аспекти – истакна Николовски, одговорајќи на новинарски прашања.

Оценка на директорот е дека официјалниот влез на Бугарија и Романија во шенген зоната ќе се рефлектира врз македонските транспортери од аспект на процедурите и тековното работење.

– Ова нема да им оди во прилог на нашите транспортери зашто, колку што сум информиран, во првите шест месеци од годината, 90 дена имаат право да бидат внатре. Сигурнио ќе прави одредени пречки, ќе има пречки, но нашите транспортери ќе се снаоѓаат – рече Николовски.

The post СПРЕЧЕН ОРГАНИЗИРАН КРИМИНАЛ СО АВТОМОБИЛИ Запленети 35 возила, поднесени 24 кривични пријави appeared first on plusinfo.mk.

Кушовски додава дека ЈСП има обврски, но и свои побарувања од институции и од приватни компании, кои треба да се плаќаат редовно за да може претпријатието да функционира.

– ЈСП има обврски, но има и побарувања и од институции и од приватни компании. Треба нашите побарувања да бидат наплатени, да почнат да се плаќаат редовно за да можеме ние самите да функционираме. Голем дел во сервисирањето на нашите обврски имаат приходите од самото претпријатие, кои што мора да ги зголемиме и работиме на тоа да бидат зголемени – рече Кушовски.

Тој апелира до граѓаните да плаќаат билет при употреба на јавниот превоз, додека оние кои веќе имаат да ги валидираат своите билети.

– Апелирам до граѓаните за нивната свесност дека мора да ги плаќаат своите билети во автобусите при возењето, а оние кои што имаат билети да ги валидираат. Дали се бесплатни или платени мора да прават валидации, а оние кои што немаат да си купуваат билет – рече Кушовски.

The post ПЛАТЕТЕ СИ БИЛЕТ КОГА СЕ ВОЗИТЕ ВО ЈСП Дали директорот открива дека граѓаните често се шверцуваат?! appeared first on plusinfo.mk.

„На даден знак за запирање од полициските службеници, Ќ.Ш. не го запрел возилото и продолжил со движење, по што изгубил контрола и удрил во канделабра, во близина на бензинска станица“, информираат од МВР.

Оттаму додаваат дека во возилото се пронајдени шест лица од Кина, а двајца од нив биле пренесени во болницата во Гевгелија за укажување лекарска помош.

„Поради постоење на основи на сомневање дека Ќ.Ш. сторил кривично дело „криумчарење на мигранти“ по чл.418-б ст.2 од КЗ, тој е лишен од слобода, известен е јавен обвинител од ОЈО за ГОКК Скопје, по чии насоки ќе биде поднесена кривична пријава“, велат од МВР.

The post ЛУКСУЗЕН ШВЕРЦ НА МИГРАНТИ СО „ПОРШЕ“ Скопјанец возел 6 лица од Кина, бегајќи од полицијата удрил во канделабра appeared first on plusinfo.mk.

Како што јави дописникот на МИА од Белград, Унгарецот и Украинецот се осомничени за перење пари и задржани во притвор до 48 часа.

Прекршокот бил откриен кога на редот за контрола на излез од Србија пристигнало возилото „туарег” со странска регистрација, во кое кон Македонија патувале двајца странски државјани.

И покрај тоа што кажале дека немаат што да пријават и дека ги носат дозволените суми на пари, автомобилот бил издвоен на темелна проверка.

Во таа прилика, во фабричката подна шуплина, пред совозачкото седиште, најнапред била пронајдена кеса со снопови девизи.

Потоа во преградата за акумулатор биле пронајдени уште три кеси со скриени пари, а на крајот дел од скриените пари во различни апоени биле пронајдени и во тапацирот под клупата на задното седиште. Со пребројување било утврдено дека се работи за вкупно 268.000 шверцувани евра.

Откриените пари заедно со 37-годишниот возач и автомобилот чија вредност се проценува на околу 70.000 евра ги презеде во понатамошна надлежност полицијата и обвинителството.

The post УАПСЕНИ УНГАРЕЦ И УКРАИНЕЦ Српската полиција ги спречи да влезат во Македонија со скриени 268.000 евра appeared first on plusinfo.mk.

Министерството за надворешни работи излезе со соопштение за наводите што ги објавија дел од медиумите, според кои во пратка означена како дипломатска пошта на Министерството, во камиони се носеле и шверцувале цигари и пијалоци.

Во продолжение го пренесуваме соопштението на МНР во целост:

– Изминативе неколку дена во јавноста се појавија информации од повеќе места за наводна злоупотреба на дипломатска пратка. Дозволете да информираме дека во рамките на Министерството за надворешни работи дадена е насока на нашите служби да ја прегледаат целата документација, да се проверат сите информации од страна на дипломатско конзуларните претставништва, со цел проверка на ваквите наводи.

Според првичните информации добиени во изминативе два дена, не е најдена никаква трага во Министерството, за евентуална пратка која би можела да биде основа за злоупотреба.

Дополнително, дадена е насока и во рамките на нашите дипломатско конзуларните претставништва за проверка на сите добиени информации за евентуални случаи со приведени наши граѓани, кои би можеле да бидат слични со пласираните наводи. Засега и од нашите претставништва не е добиена информација за евентуален сличен случај, кој би можел да соодветствува со наводите.

Иако нема потврда за постоење на ваков случај, Министерството има политика на нулта толеранција за злоупотреба или евентуално фалсификување на дипломатски документи или документи на институцијата, и оттука, Министерството за надворешни работи во следниот период ќе продолжи со темелни проверки на појавените наводи и за тоа соодветно ќе ја информира јавноста“.

The post МНР ЗА ДИПЛОМАТСКИОТ СКАНДАЛ Не е најдена никаква трага за злоупотреба на дипломатска пратка appeared first on plusinfo.mk.

Имено, Ким ја купила статуата позната како „Фрагмент од Сајонска Атина на Мирон“ од „Галеријата Аксел Верворд“ во Белгија во 2016 година, пишуваат странските медиуми.

Античкото уметничко дело – кое датира од I или II век – било запленето кога пристигнало во Лос Анџелес во мај 2016 година, откако американските власти биле предупредени дека можеби станува збор за заштитено културно богатство, се наведува во извештајот.

Документите покажале дека увозникот на статуата е наведен како „Ким Кардашијан, Даел Ноел Робертс Труст“.

Понатамошното испитување на документите поврзани со статуата имало одредени отстапувања, поради што службените лица се посомневале од каде, всушност, потекнува ова уметничко дело.

Италијанското Министерство за културно наследство во 2018 година испрати археолог да го испита делото. Експертот потоа заклучил дека оваа статуа е украдена, шверцувана и нелегално извезена од Италија, наведувајќи дека државата Италија ја бара назад.

ФБИ ѝ наредил на Ким Кардашијан да се одрече од делото, а поднеле и тужба за конфискација на имот во петокот, во Калифорнија. Нема индикации дека Ким била свесна за потеклото на статуата.

Статуата била дел од пратката што содржела околу 40 антиквитети и парчиња мебел, заедно во вредност од 745.882 долари, наменети за Ким Кардашијан.

– Ким никогаш не го купила ова парче и првпат дознава за неговото постоење. Веруваме дека делото е можеби неовластено купено со помош на нејзиното име, и со оглед на тоа дека никогаш не пристигнало на нејзината адреса, таа не била ниту свесна за каква било трансакција. Ја поттикнуваме понатамошната истрага и се надеваме дека статуата ќе им биде вратена на вистинските сопственици – рекол претставникот на Ким Кардашијан на оваа тема.

ФОТО: Твитер

The post ФБИ бара од Ким Кардашијан да ја врати украдената статуа, таа вели дека нема поим за тоа ФОТО appeared first on plusinfo.mk.

The post Мажот и жената шверцувале животни преку граница appeared first on plusinfo.mk.