Во организирана акција на албанската полиција разбиена е 10-члена криминална група, која се товари за шверц на кокаин, меѓу кои една од клучните фигури е Сокол Бибај (43), кој се споменуваше и во аферата „Двојник“, во која беша откриено дека македонските власти издавале македонски пасоши на познати криминалци од регионот и пошироко.

Сокол Бибај во Македонија е баран поради поседување лажен македонски пасош издаден во рамки на аферата „Двојник“. Тој користел македонски пасош на име „Андон Папи“, но со украден идентитет на реален македонски државјанин. Исто така, уште еден од уапсените во акцијата во Албанија, по име Флоријан Мусај, имал македонски пасош со позајмен идентитет – Наум Фило.

Освен за овие двајца „македонски државјани“, издадени се налози за апсење на уште осум лица. Групата се бавела со шверц на кокаин од Еквадор и Колумбија и негова дистрибуција кон европските пазари, главно преку пристаништата во Белгија и Холандија. Групата дејствувала во периодот 2019–2021 година. Обвинителството тврди дека мрежата успеала да организира транспорт на најмалку 50 тони кокаин, што случајот го прави еден од најголемите во регионот.

Истрагата открива дека криминалната организација се занимавала и со перење пари преку легални инвестиции. Албанските власти замрзнаа и конфискуваа 491 имот и финансиски средства, проценети на околу 150 милиони евра. Запленети се луксузни вили, хотели, деловни објекти, земјиште на крајбрежјето и стотици банкарски сметки.

Операцијата е резултат на долгогодишна меѓународна соработка меѓу албанските институции и партнери од Европол, Еуроџаст, британската National Crime Agency, како и безбедносните служби на Колумбија и Еквадор.

Аферата „Двојник“ откри дека од 2017 до 2021 година во системот на МВР биле издадени 215 вистински македонски пасоши со лажни идентитети, главно на странски државјани и лица од криминалното подземје. Во 2022 година Бибај беше задржан на граничниот премин Блаце, но успеал да избега и покрај потерницата. По овој настан МВР поднесе кривична пријава против двајца полициски службеници на ГП Блаце поради сомневање дека намерно го пуштиле да побегне. Тие се товартат за „злоупотреба на службена положба и овластување“.

The post ФАМОЗНИОТ СОКОЛ БИБАЈ „ПАДНА“ ВО АЛБАНИЈА ЗА ШВЕРЦ НА КОКАИН Бибај е еден од странските криминалци што добија македонски пасоши со аферата „Двојник“ appeared first on plusinfo.mk.

Обвинителството го обвини Гогиќ за прекршување на три федерални закони, а за секое обвинение е предвидена задолжителна казна од најмалку десет години до доживотен затвор.

Поранешниот боксер е обвинет за шверц на 22 тони кокаин на три брода во 2019 година, а најголем дел од дрогата, 19,8 тони била запленета на бродот „МСЦ Гајан“ на поморскиот терминал во Филаделфија.

Според обвинението, членовите на бандата во која бил Гогиќ превезувале кокаин од Колумбија во Европа преку американските пристаништа. Тие со кранови и мрежи ноќно време ја подигнувале дрогата од товарните бродови, кога тие се проближувале до пристаништата.

– Оваа сложена операција барала познавање на екипажот на секој брод, податоци за маршутата и локацијата на бродот, како и дали има простор за складирање на дрога во контејнерите што веќе биле на бродовите – се вели во соопштението на федералното обвинителство.

Според судските документи, Гогиќ ги надгледувал операциите на преземање на дрогата, се координирал со членовите на екипажот на бродовите, со колумбиските шверцери и со европските пристаништа за да има корист за себе и за балканските картели.

Најмалку осум членови на екипажот на Гвајана веќе се изјасниле за виновни по обвиненијата. Гогиќ бил боксер од 2001 до 2012 година, победил на 21 меч, а четири загубил и има два нерешени бокс меча.

The post КАКО ВО ФИЛМ Црногорски боксер прошверцувал 22 тони кокаин вреден милијарда долари!? appeared first on plusinfo.mk.