Како што рече министерот Арјанит Хоџа, со Колективниот договор воедно прв пат системски ќе се регулираат правата и обврските за личен доход на овластените службени лица во Шумската полиција што треба да е мотив повеќе во бескомпромисната борба против незаконската сеча.

– Прв пат се регулира и правото за добивање 30 отсто додаток за компонента, ниво за овластени службени лица поради видот, природата и сложеноста на работите, тежината и посебните услови во кои тие се извршуваат – подвлече Хоџа.

Со Колективниот договор за сите вработени во Министерството се регулира правото за надомест за дополнителни овластувања и се регулира надоместот за работа во комисии надвор од описот на работното место.

– Колективниот договор ќе ги подобри правата на вработените, но во исто време ќе овозможи поголема ефикасност и мотивираност во извршување на нивните секојдневни работни обврски. МЗШВ и Владата и во услови на глобална пандемија прават максимални напори да ги подобрат условите за работа во Министерството – рече Хоџа.

Според претседателот на Синдикатот на работниците од управата, правосудните органи и здруженија на граѓани (УПОЗ), Пецо Грујовски, со Договорот конечно финишира неколкугодишната акивност на колективното договарање, а најбитно од се е дека со него се регулираат платите.

Грујовски напомена дека ова е прво Министерство кое потпишува Колективен договор на ниво на работодавач.

– Со Договорот се регулираат сите отворени прашања. Се надевам дека министерот, како работодавач, доследно ќе ги почитува и како што веќе нагласи, ова е дополнителен стимул за извршување на задачите на сите вработени, посебно на Шумската полиција. Со Договорот се унапредени многу права, особено во делот на платите – подвлече Грујовски.

Независниот синдикат на Шумската полиција изрази огромна благодарност до Хоџа, зашто тој, како што беше речено, е првиот министерот кој по 22 години направил ваков, многу голем чекор за правата и за повисоки плати на припадниците на Шумската полиција.

The post По 22 години се регулираат правата на Шумската полиција со новиот Колективен договор appeared first on plusinfo.mk.

Министерот за земјоделство, шумарство и водостопанство Арјанит Хоџа информира дека завршена е јавната набавка со која треба да се обезбедат нови униформи за вработените во Шумската полиција.  Освен тоа преземени се повеќе конкретни мерки на Министерството за подобрување на условите за работа на шумската полиција во насока на спречување на дивата сеча.

–Јавната набавка е завршена за униформите, не знам кој е исходот, но овие денови ќе има јавно објавување. После толку години Шумската полиција ќе добие нови униформи. Пред одредено време доби нова опрема и чевли што ги немаа досега. Така да се работи конкретно на подобрување на нивните услови. Веќе имаме барање и кон организации за опремување на подрачните единици и верувам дека и овој проблем ќе се стави под контрола и ќе може да ја работат непречено нивната работа-  изјави министерот Арјанит Хоџа од тетовско Желино каде учествуваше на акцијата за пошумување „Здив за иднината“.

Во насока на дејствувањето на Шумската полиција на терен, Хоџа истакна дека продолжува бескомпромисна борба против дивата сеча и дека има координација со сите институции што се вклучени во проблематиката. 

The post По чевли и опрема, шумската полиција конечно ќе добие и нови униформи appeared first on plusinfo.mk.