Српскиот претседател Александар Вучиќ за првпат навести што би можел да работи кога ќе ја напушти власта.

– Кога наскоро ќе ја напуштам власта – рече Вучиќ во обраќањето до српските новинари во Кина, а кога мојата ќерка ќе се врати од магистерските студии, се занимаваше со статистика, ако отвори своја компанија, ќе работам за неа.

Пред таа изјава, Вучиќ ги коментираше најновите наоди на агенцијата Ипсос, нагласувајќи дека резултатите од истражувањето претставуваат само слика од она што сте го правеле и дека тие не се причина ниту за посебна радост ниту за посебна загриженост.

Сепак, тој истакна дека гледајќи ги резултатите од најновите истражувања, за првпат е задоволен по една година и повеќе месеци.

Тој ги отфрли критиките за наодите, истакнувајќи дека сите знаат дека Ипсос не ги манипулира наодите.

Вучиќ спомена дека граѓаните сакаат разговор и дијалог и дека оној што повикува на дијалог никогаш не е слаб, туку оној што го отфрла, алудирајќи на неговата покана за јавна дебата, која веднаш беше одбиена од студентите во блокада.

Претседателот на Србија им се обрати на новинарите по средбите со рускиот претседател Владимир Путин, на маргините на одбележувањето на победата на Кина над Јапонија во Втората светска војна.

Во анкетата на Ипсос, Српската напредна странка има поддршка од 48,2 проценти од гласачите, додека студентската листа има поддршка од 8,1 процент од испитаниците. СНС го подобри својот рејтинг за 1,6 проценти во споредба со претходниот месец и сега е блиску до апсолутно мнозинство.

Ова го покажува најновото редовно месечно истражување на агенцијата Ипсос, кое ги анализирало политичките рејтинзи на партиите и движењата, но само на оние кои се целосно формирани и чиј состав и лидери се познати. Анкетата е спроведена минатиот викенд на репрезентативен примерок од 1.220 испитаници од Србија.

Резултати од анкетата:
– СНС – 48,2 отсто
– Студентска листа 8,1
– Движење Крени-промени – Саво Манојловиќ 6,2
– СПС – Социјалистичка партија на Србија – Ивица Дачиќ 5,3
– Партија на слободата и правдата – Драган Ѓилас 5
– Национално движење на Србија – Мирослав Алексиќ 3,3

The post ВУЧИЌ ОТКРИ ШТО ЌЕ РАБОТИ КОГА ЌЕ ЈА НАПУШТИ ВЛАСТА Сѐ зависи од неговата ќерка appeared first on plusinfo.mk.