Жителите на Општина Карпош кои претрпеа штети од неодамнешното невреме во Скопје можат да ги пријават штетите во Општината, од каде денеска известија дека е во тек приемот на барања.

Оттаму информираат дека постапката за проценка и надомест на штетата ќе се спроведува во соработка со Владата и со Град Скопје.

Образецот за пријавување на штета може да се подигне во архивата на Општина Карпош, а достапен е за преземање и на официјалната веб-страница.

Како што објаснуваат од Карпош, пополнетиот образец, заедно со потребната документација, се поднесува во архивата на Општината секој работен ден од 7:30 до 15:00 часот, најдоцна во рок од 30 дена од денот на настанувањето на штетата.

Кон барањето треба да се приложат и фотокопија од важечка лична карта или патна исправа, фотокопија од имотен лист, како доказ за сопственост, фотографии од локацијата на кои е видлива настанатата штета, како и записник од Министерството за внатрешни работи за настанатата штета.

Граѓаните кои веќе поднеле барање за надомест на материјална штета од невремето, во наредниот период ќе бидат контактирани од страна на општинските служби, со цел усогласување и дополнување на доставената документација.

The post ОПШТИНА КАРПОШ ПРИМА БАРАЊА ЗА ОТШТЕТА ОД НЕВРЕМЕТО Кои документи се потребни и колкав е рокот appeared first on plusinfo.mk.

Граѓаните чии домови и имот беа оштетени во силното невреме што го погоди Скопје ќе можат да ги пријават штетите пред комисии што ќе ги формираат скопските општини, најави градоначалникот на Град Скопје, Орце Ѓорѓиевски, по координативниот состанок со градоначалниците од скопските општини.

Според него, во координација со Град Скопје ќе се изврши стручна процена на сите пријавени штети, по што, согласно законските процедури и расположливите средства, ќе започне постапка за поддршка на граѓаните при санацијата на оштетените станбени објекти.

– Сите расположливи капацитети се ставени во функција и заеднички ќе се справиме со последиците од оваа сериозна природна непогода. Градот Скопје располага и со солидарен фонд во кој се обезбедени средства за обештетување на граѓаните во вакви ситуации – изјави Ѓорѓиевски.

На состанокот било договорено општинските градежни инспектори, инспекторите за домување и другите надлежни служби да започнат засилени контроли на објектите каде што има оштетени кровни конструкции, со цел да се утврдат причините за оштетувањата и дали биле исполнети законските обврски за нивно одржување.

Ѓорѓиевски им се заблагодари на екипите на јавните претпријатија, Противпожарната бригада и на сите служби кои, како што истакна, веднаш по невремето ги расчистиле главните сообраќајници и продолжиле со отстранување на паднатите дрвја, гранки и други пречки во текот на целата ноќ.

Тој потсети дека орканскиот ветер, со удари до 130 километри на час, предизвика големи материјални штети низ главниот град – паднати дрвја, оштетени покриви, фасади, возила, електрични водови и урбана опрема.

– Работата продолжува сè додека не бидат санирани последиците и не се обезбеди целосна безбедност за граѓаните – порача градоначалникот.

The post СКОПЈАНИ ЌЕ МОЖАТ ДА ПРИЈАВАТ ШТЕТИ ОД НЕВРЕМЕТО Ќе се формираат комисии, најавена е и финансиска поддршка appeared first on plusinfo.mk.

Сите лица кои биле повредени во синоќешното невреме навремено добиле медицинска помош и се згрижени, информира министерот за здравство Сашо Клековски, посочувајќи дека здравствените установи низ државата функционирале непречено и покрај последиците од невремето.

Во Градската општа болница „Св. Наум Охридски“ во Скопје лекарска помош побарале 22 лица, при што двајца пациенти биле задржани на болничко лекување. Во Клиничкиот центар „Мајка Тереза“, на Одделот за трауматологија, биле примени 11 лица, од кои тројца се здобиле со скршеници. Според Клековски, сите повредени се во стабилна состојба.

Невремето предизвикало и материјална штета на неколку здравствени установи. Во ГОБ „8 Септември“ е оштетен дел од старата кровна конструкција, но нема повредени и болницата продолжува да работи нормално, додека се врши процена на штетата.

Поголеми оштетувања има на кровната конструкција на Клиничката болница во Штип, каде што се зафатени Одделот за ортопедија и ортопедската операциона сала. До целосната санација, пациентите со скршеници од Источниот регион привремено ќе бидат упатувани во други здравствени центри, а хоспитализираните пациенти се преместени во безбедниот дел од болницата. Останатите медицински услуги се одвиваат без прекин.

Паднати дрвја се регистрирани и во кругот на Клиничкиот центар „Мајка Тереза“, како и во Психијатриската болница во Бардовци, но во двата случаи нема повредени лица. Во Бардовци бил евидентиран и краткотраен прекин на електричната енергија, кој во меѓувреме е отстранет.

Министерот Клековски информира дека оштетените објекти се осигурени и дека осигурителните компании веќе вршат процена на штетата, по што ќе започне обновата на оштетените кровни конструкции.

Тој упати благодарност до лекарите, медицинските сестри, техничарите и останатиот здравствен персонал за нивната посветеност и професионалност за време на невремето, како и до градоначалникот на Штип, Иван Јорданов, и директорите на здравствените установи за брзата реакција.

The post СИТЕ ПОВРЕДЕНИ ВО НЕВРЕМЕТО СЕ ЗГРИЖЕНИ И ВО СТАБИЛНА СОСТОЈБА Се санираат штетите во здравствените установи appeared first on plusinfo.mk.

Премиерот Христијан Мицкоски рече дека надлежните интитуции ќе ги надоместат штетите кои ги предизвика вчерашното невреме во земјата.

– Никогаш оваа Влада не ги оставила граѓаните сами да се снаоѓаат. Јас им благодарам на институциите и на градоначалниците што во текот на вечерта и веднаш после епското невреме кое што вчера го зафати Скопје излегоа на терен и ги санираа штетите заедно со институциите кои што се во нивна надлежност. И денеска ќе продолжат. Навистина подготовката од нивна страна и мотивацијата беше голема, штетите ќе се констатираат и согласно закон, искуство и пракса од минатото ќе биде од страна на надлежните институциите сето тоа рефундирано.

На прашањето дали Владата има механизми за помош во овој случај, Мицкоски рече:

– Апсолутно, како и во секоја елементарна непогода.

По вчерашното невреме во Скопје лекарска помош побарале 33 лица на Ургентниот клинички центар и на Универзитетска Клиника за хируршки болести „Св. Наум Охридски“. Оштетени се и објекти на државни институции.

The post ШТЕТИТЕ ЌЕ СЕ НАДОМЕСТАТ Мицкоски порача дека граѓаните не се оставени сами на себе appeared first on plusinfo.mk.

Силното невреме што попладнево го зафати Скопје предизвика огромен број пријави од граѓани, а службите на Центарот за управување со кризи (ЦУК) одговорија на повеќе од 8.300 повици за само четири часа.

Од 17 до 21 часот, на Единствениот број за итни случаи 112 биле регистрирани илјадници повици поврзани со последиците од силниот ветер, дождот и материјалните штети низ главниот град.

Директорот на ЦУК, Мухамед Али, информира дека операторите работат со полн капацитет, а по зголемениот број повици веднаш биле активирани дополнителни смени.

– Операторите на 112 работат во полн капацитет, а уште во првиот час беа ангажирани и дополнителни смени со цел да се одговори на зголемениот број повици. И во моментов сè уште има зголемен интензитет на повици од граѓаните, а сите примени пријави континуирано се процесуираат и се проследуваат до надлежните институции и служби – изјави Али.

Тој апелираше до граѓаните за трпение, поради исклучително големиот број пријави, и посочи дека доколку не успеат веднаш да воспостават контакт со 112, пријавите за материјални штети можат да бидат доставени и во текот на утрешниот ден.

– Пријавите за материјални штети ќе бидат навремено евидентирани и проследени до надлежните служби – информира директорот на ЦУК.

Силното невреме што го зафати Скопје попладнево остави зад себе паднати дрвја, оштетени возила, откорнати кровни конструкции, прекини на електрична енергија и поплавени објекти, а екипите на надлежните институции остануваат на терен за отстранување на последиците.

The post НАД 8.300 ПОВИЦИ НА 112 ПО НЕВРЕМЕТО ВО СКОПЈЕ Операторите работат со полн капацитет, велат од ЦУК appeared first on plusinfo.mk.

Шест лица повредени во силното невреме што попладнево го зафати Скопје биле примени на Универзитетската клиника за хируршки болести „Св. Наум Охридски“, информира директорот на установата, д-р Небојша Настов.

Повредените се здобиле со посекотини и набиеници и сите биле третирани амбулантски.

– Тројца од повредените по прегледот се пуштени на домашно лекување, додека тројца се во фаза на дополнителни испитувања. Сите се во стабилна состојба и првично не оддаваат впечаток дека ќе биде потребна хоспитализација – изјави д-р Настов.

Според него, еден од пациентите бил повреден откако врз него паднале гранки од дрво, друг се здобил со повреди од лим кој бил откорнат од покрив, додека третото лице било повредено од паднати керамиди.

Надлежните и понатаму апелираат граѓаните да бидат внимателни, да избегнуваат движење покрај оштетени објекти и дрвја и да ги следат препораките на институциите додека трае расчистувањето на последиците од невремето.

The post ШЕСТ ЛИЦА ПРИМЕНИ ВО БОЛНИЦА ПО НЕВРЕМЕТО, ТРОЈЦА ПУШТЕНИ ДОМА Паднатите дрвја, лим и ќерамиди повредуваа луѓе appeared first on plusinfo.mk.

Градоначалникот на Скопје, Орце Ѓорѓиевски, информира дека Кризниот штаб на Град Скопје, заедно со надлежните служби и екипите на јавните претпријатија, е целосно мобилизиран по силното невреме што попладнево го зафати главниот град.

Ѓорѓиевски посочи дека службите се на терен и дека се во постојана координација со Центарот за управување со кризи, Министерството за внатрешни работи, ЕВН, Противпожарната бригада на Град Скопје и останатите надлежни институции.

– Сите расположливи капацитети се ставени во функција за заштита на граѓаните и спречување на поголеми штети и последици – информира Ѓорѓиевски.

Тој додаде дека екипите на Град Скопје ќе останат на терен и во текот на ноќта и ќе интервенираат на сите локации каде што ќе има потреба.

– Апелирам до сите граѓани да бидат внимателни и смирени, да ги следат препораките на надлежните институции и да соработуваат со службите на терен. Службите се мобилизирани, екипите се на терен, граѓаните не се сами – порача градоначалникот.

Граѓаните на кои им е потребна помош или имаат итна потреба од интервенција можат да се јават на телефонскиот број 078 207 687.

The post СИЛНИОТ ВЕТЕР НАПРАВИ ШТЕТИ, СЛУЖБИТЕ ВО АКЦИЈА Град Скопје ги стави сите капацитети во функција appeared first on plusinfo.mk.

Над 1.000 повици од граѓани се евидентирани преку Единствениот број за итни повици 112 по силното невреме проследено со ветер кое попладнево го зафати Скопје, информира директорот на Центарот за управување со кризи (ЦУК), Мухамед Али.

Според првичните информации, во главниот град се пријавени повеќе случаи на паднати дрвја, оштетени возила и кровни конструкции кои не издржале на силните налети на ветерот.

– Во Скопје е пријавена падната кровна конструкција од зграда на улица Женевска број 10, при што се оштетени повеќе патнички возила. Регистрирано е и паднато дрво врз моторно возило на улица Методија Митевски, како и паднати дрвја на улица Никола Тримпаре – информира Али.

Тој додава дека пријавена е и падната кровна конструкција на улица Трифун Бузев, како и оштетување на дел од кровната конструкција на Основното училиште Владо Тасевски поради силниот ветер.

На улица Хелсинки број 5 се регистрирани две паднати дрвја, додека на улица Скупи број 89 паднатите дрвја оштетиле електрични кабли, патничко возило и дел од куќа.

Последици од невремето има и во Куманово, каде е пријавена падната кровна конструкција на булевар Октомвриска револуција.

Од ЦУК информираат дека сите пријавени случаи се проследени до надлежните служби, кои се на терен и работат на расчистување и отстранување на последиците од невремето.

БЛОКИРАНИ УЛИЦИ, ОТКОРНАТИ ПОКРИВИ, ПАДНАТИ ДРВЈА… Силната бура направи хаос во Скопје

15 МИНУТИ БУРА, ГОЛЕМИ ПОСЛЕДИЦИ Скопје осамна со паднати дрвја, штети и хаос по улиците

The post НАД 1.000 ПОВИЦИ НА 112 ПО НЕВРЕМЕТО ВО СКОПЈЕ Во ЦУК се регистрирани паднати дрвја, кровови и оштетувања appeared first on plusinfo.mk.

Само десетина минути беа доволни силниот ветер и поројниот дожд да предизвикаат хаос низ Скопје. Невремето донесе паднати дрвја, оштетени објекти, прекини на струја и блокирани улици во повеќе населби.

Граѓаните на социјалните мрежи споделуваа фотографии и видеа од последиците, а екипите на надлежните служби веднаш излегоа на терен за расчистување и интервенции.

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

 

View this post on Instagram

 

A post shared by Plusinfo.mk (@plusinfo.mk)

The post 📽️ 📷 15 МИНУТИ БУРА, ГОЛЕМИ ПОСЛЕДИЦИ Скопје осамна со паднати дрвја, штети и хаос по улиците appeared first on plusinfo.mk.

Силниот ветер кој попладнево го зафати Скопје продолжува да предизвикува проблеми низ повеќе делови од градот. Граѓани пријавуваат паднати дрвја, блокирани улици, оштетувања и прекини во снабдувањето со електрична енергија.

Според пријавите од жители, без струја останале делови од Волково, Матка, Сарај и Геге, а екипите се очекува да излезат на терен за отстранување на дефектите.

Низ улиците на Скопје се слушаат сирени на пожарникарни возила, додека службите интервенираат на повеќе локации каде има паднати дрвја и други опасности предизвикани од силниот ветер.

 

View this post on Instagram

 

A post shared by Plusinfo.mk (@plusinfo.mk)

Граѓани пријавуваат паднати дрвја кај Зоолошката градина, пред Капитол, кај Соборниот храм, на улицата Димитар Благоев во Лисиче, како и на повеќе други сообраќајници.

Проблеми има и на Рузвелтова улица, каде според пријавите паднато дрво блокирало дел од коловозните ленти, како и кај Министерството за земјоделство, каде дел од улицата Ленинова била отежнато проодна поради паднато дрво.

 

View this post on Instagram

 

A post shared by Plusinfo.mk (@plusinfo.mk)

Во населбите Аеродром и Ченто граѓани известуваат за превртени и оштетени мотори поради силните налети на ветерот, а паднати дрвја се пријавени и на улиците Гологанов и Илинденска.

На патниот правец кај Белви – Макпетрол, според сведоштва на граѓани, има паднато дрво на автопатот, што претставува опасност за возачите.

 

View this post on Instagram

 

A post shared by Plusinfo.mk (@plusinfo.mk)

На социјалните мрежи се појави и видео на кое се гледа како силниот ветер откорнува дел од покрив на зграда на булеварот Партизански одреди. Засега нема официјални информации дали има повредени лица.

 

View this post on Instagram

 

A post shared by Plusinfo.mk (@plusinfo.mk)

И покрај невремето, во делови од Скопје во моментов истовремено има и дожд и сончеви периоди, но ветерот останува силен и се препорачува внимателност.

Надлежните служби апелираат граѓаните да избегнуваат движење во близина на оштетени дрвја, електрични кабли и други потенцијално опасни места, а сите проблеми да ги пријавуваат на надлежните институции.

Костовски: Кризниот штаб на Бутел е подготвен, екипите се на терен

Општинскиот кризен штаб на Бутел е во постојана координација со надлежните институции и подготвен за реакција доколку невремето предизвика проблеми во општината, информира градоначалникот Дарко Костовски.

– Општинскиот кризен штаб е во постојана комуникација со Министерството за внатрешни работи, Град Скопје, јавните претпријатија, ЕВН и Центарот за управување со кризи. Екипите на Општина Бутел се целосно подготвени да се справат со евентуалните последици од невремето – соопшти Костовски.

Тој информира дека дежурни општински екипи се на терен и се достапни за граѓаните кои имаат потреба од интервенција или сакаат да пријават последици од невремето.

Граѓаните на Општина Бутел можат да пријават проблеми на телефонскиот број 078 517 344.

Костовски апелираше до жителите да останат смирени и внимателни додека траат неповолните временски услови.

The post 📽️ БЛОКИРАНИ УЛИЦИ, ОТКОРНАТИ ПОКРИВИ, ПАДНАТИ ДРВЈА… Силната бура направи хаос во Скопје appeared first on plusinfo.mk.