Кандидатката за Градоначалничка на Град Скопје, Каја Шукова, синоќа на митинг во општина Центар соопшти дека таа и кандидатите за советници одлучиле да се откажат од градски изборен штаб и тие пари да ги насочат во хуманитарни цели.

– Јас како кандидат за градоначалник и кандидатите за советници во Град Скопје се откажавме од градски штаб. Сите средства за работа на штабот ќе бидат уплатени за Домот за деца без родители на Град Скопје. Нашиот штаб е целиот град. Секоја улица, секое маало ќе ни биде штаб. Не ни треба градски штаб. Средствата се за тие на кои им се најпотребни – изјави Шукова.

Таа потсети на борбениот дух на Центар, како симбол на отпорот и граѓанската храброст.

– Во 2013 година, кога Македонија беше заробена во канџите на режимот, вие бевте симбол на пркосот и непокорот. Симбол на слободарскиот дух и борбата за слобода. Тука почна борбата за нашиот дом. И борбата ќе почне од тука, и за Скопје и за Македонија – рече Шукова.

Таа истакна дека оваа борба денес продолжува, не само за победа на изборите, туку за враќање на достоинството, за создавање модерно, зелено и хумано Скопје, град што ќе биде дом за сите.

The post ПАРИТЕ ЌЕ ГИ ДОНИРАМЕ ЗА ДЕЦАТА БЕЗ РОДИТЕЛИ Шукова се откажа од градски изборен штаб appeared first on plusinfo.mk.

Вечерва, во извонредна атмосфера со присуство на стотици посветени граѓани, на плоштадот „Скендербег” се одржа официјалното отворање на Централниот штаб на Вреди, момент што го означува почетокот на патувањето кон големата победа во октомври, информираше коалицијата преку соопштение.

„Овој штаб ќе биде повеќе од организациски центар, тој ќе биде јадро на политичка енергија, место каде што се раѓаат промените, каде што се зајакнува надежта и каде што се гради иднината. Беким Ќоку, еден од лидерите на Вреди, нагласи дека овој штаб ќе биде ‘местото за производство на енергија што ќе служи за победата на октомври’, истакнувајќи ги конкретните проекти на актуелната влада, како што се патот Тетово-Призрен и посветеноста на регионалната соработка со Албанија и Косово. Тој рече: Не можеме да ја игнорираме политиката на оние што изградија 35 милиони трговски центри, додека ние инвестиравме во Универзитетот Мајка Тереза. Тие ги избркаа половина милион Албанци, ние работиме за нивно враќање. Ќоку го заврши својот говор со моќна порака: Минатата година имав слоган: Дојде денот Али опозицијата. Денес знам дека доаѓа денот на нон грата на ДУИ!”, соопшти Вреди.

Вицепремиерот Изет Меџити со убедување изјави дека Вреди постигнала повеќе за една година отколку ДУИ за 22 години.

– Нека ни ја покажат својата најдобра година за вработување, не може да го победи она што го правиме сега. Затвораме казина, создаваме работни места и ја регулираме правдата – рече тој.

Меџити ја нагласи јасната цел на Вреди: „Тие се собраа за Соравија, за лотаријата, но не и за граѓанинот. Ние правиме разлика секој ден!”

Вицепремиерот Арбен Фетаи нагласи дека октомвриските избори се битка за иднината:

– Албанците обединети против криминалот и корупцијата. Вреди е антитеза на оние што тргуваат со општини како на чаршија.

Размислувајќи за политичките предавства и непринципиелното пазарење, Фетаи додаде:

– Двете Aлијанси се рака под рака во скутот на Али, ние сме тука да ставиме крај на овој анти-вредносен систем.

Билал Касами, градоначалник на Тетово, рече дека оваа масовна излезност не е само отворање на штабови, туку запечатување на победата.

Тој потсети на успесите на општината што ја води:

– Тетово имаше дупки и загадена вода, денес зборуваме за млади, фестивали и развој. Чаир денес е модел за целата земја. Ни требаат способни менаџери, а не партиски марионети – рече Касами, додавајќи дека победата на Вреди не е за политичарите, туку за граѓаните.

Зеќирија Ибрахими побара поддршка за промената од централно ниво да се пренесе и на општините.

Тој рече дека албанското семејство заслужува повеќе:

– Ако немате причина да гласате за Вреди, имајте едно на ум, ние сме единствените што ќе го заштитиме традиционалното албанско семејство, неговото достоинство, иднината на нашите деца”, рече Ибрахими, додавајќи дека изборите се референдум и прашањето е: „Дали сте за управување со општините од страна на Вреди, или за враќање на криминалот на Соравија? Во октомври, ние не гласаме, само ја запечатуваме нашата судбина”.

И конечно, шефот на овој штаб, Аднан Азизи, рече дека се чувствува опкружен со многу пријатели. Азизи пренесе организациски план во акција, нагласувајќи дека ќе продрат во секоја населба каде што има Албанци за да ја обезбедат победата на октомври.

– Големите битки почнуваат од плоштадот, исто како што почнуваме вечерва на овој плоштад, ова е почетокот што ќе следи со отворање на други центри во секој град и населба каде што има Албанци. Добро знаете дека изборите што нè очекуваат се избори за локална самоуправа. Нашите противници се плашат од казната за лошо владеење со општините што ги управувале, тие бараат гласови за да преживеат политички, да избегаат од правдата – рече тој.

„Вреди не е само коалиција, тоа е движење. Јадро на вредности, камен-темелник за државата на иднината. Енергијата што експлодираше вечерва во Скопјe не е случајна, тоа е јасен сигнал дека промената се случила, иднината се гради и победата доаѓа. Во октомври, Вреди претставува достоинствои развој. Вреди, затоа што Албанците заслужуваат повеќе“, наведено е во соопштението.

The post ВРЕДИ ГО ОТВОРИ ЦЕНТРАЛНИОТ ШТАБ „Започна патот кон големата победа“ appeared first on plusinfo.mk.

Штабовите на СДСМ се како археолошки напуштени музеи, изјави потпретседателката на Движењето ЗНАМ – За наша Македонија, Весна Бендевска. Таа побара од СДСМ да стави редари пред нивните општински штабови.

– Итно поставете редари пред вашите општински штабови. Не заради безбедност, туку за да може некако да се среди „хаосот“ од гужвите кои настанале откако, наводно, членство на ЗНАМ масовно се враќало кај вас, според ваше тврдење. Разбираме дека СДСМ влегува во фаза на политичко самозалажување – позната и како фаза на „предизборна фантазија“ – ама барем синхронизирајте го политичкиот маркетинг со реалноста на терен. Ако тврдите дека членовите на ЗНАМ се враќаат кај вас, тогаш зошто сите ваши штабови низ државата изгледаат како музеи на политичка археоплогија – затворени, запрашени, заборавени? – праша Бендевска.

Таа покажа фотографии од штабови на СДСМ во повеќе градови на државата каде, како што рече, се забележува дека со месеци нема активност, обраснато во трева, нечисто.

– Членството на ЗНАМ е стабилно, мотивирано и решено да изградиме нов политички субјект, кој за разлика од СДСМ ќе функционира чесно и ефикасно. Со почит кон секого и одговорност за секого. Движењето ЗНАМ е тука – со луѓе со идеи, со визија. Се бориме за промени, а не за фотељи. За систем кој работи исклучиво во корист на граѓаните. Се бориме за нов политички модел, за нова култура на одговорност и резултати. Враќањето назад во системот на СДСМ, кој го девалвираше достоинството на граѓанинот и тргуваше со националните интереси, со што ја потроши довербата на народот за членството на Движењето ЗНАМ, не е опција – рече таа.

На прашањето како ја оценува владината коалиција, откако премиерот Мицкоски најави дека Таравари си заминува од Владата, потпреседателката на Движењето ЗНАМ – За наша Македонија, рече:

– Премиерот Мицкоски вчера го соопшти својот став, но Движење ЗНАМ – За наша Македонија во неколку наврати го кажуваше својот став. За нас е неприфатливо да седиме во иста Влада со субјект кој се договара со ова нереформирана ДУИ. Движењето ЗНАМ и во својата предизборна програма говореше за итна потреба од дедуизација на општеството. Под ДУИ-зација подрабираме не албанофобија, туку напротив, ДУИ-зацијата значеше систем на коруптивно и криминално владеење. Систем кој го разори институционалниот систем.

Запрашана каква е комуникацијата со пратениците од Алијансата на Таравари, и дали има најави дека можеби некои ќе останат со мнозинството, Бендевска одговори:

– Не присуствуваа на координацијата членовите на Алијанса за Албанците и навистина ќе е неодговорно да тврдам што ќе се случи со тие пратеници.

The post 📷 ПРАЗНИ, ОБРАСНАТИ СО ТРЕВА, НЕЧИСТИ Штабовите на СДСМ се како археолошки напуштени музеи appeared first on plusinfo.mk.

На денешната панел дискусија на темата „Реформи во судството, чекор кон ЕУ” присуствуваше пратеникот и член на ИК на ВМРО-ДПМНЕ, Миле Лефков кој дискутираше за недовербата во правосудството. Тој вели дека штаб на СДСМ бил сместен во куќата на судијката Алексовска Стојановска, и потенцираше дека судиите коишто се дрзнуваат да кокетираат со политиката се оние коишто ги поткупуваат човековите права во државата.

– Оние судии кои коишто се дрзнуваат така да кокетираат со политиката како што видовме примерот со судијката, се оние коишто ги поткупуваат човековите права во државата и коишто го поткупуваат реформскиот пат на Македонија и токму заради тоа ги обелоденуваме таквите случаи. Иако имавме безброј повикувања овде од говорница да излезат, да се охрабрат и да кажат дали политичката партија ја финансира судијата со тоа што ѝ плаќа закуп или од друга страна пак судијката преку своето семејство се појавува како донатор на таа политичка партија, не добивме одговор. Затоа Судскиот совет треба да биде чувар на интегритетот на судиите, наместо чувари тие се луѓе коишто со тек на годините сведочеа фрапантен пад во довербата во судството кој што дојде на 2% – рече Лефков.

Лефков истакна дека не станува збор за притисок доколку се бараат реформи и почитување на законите.

– Не станува збор за притисок кога се бара да се почитуваат законите, не е форма на притисок кога вие сакате да направите реформи, затоа што во сите извештаи на Европската комисија е нотирана таа нефункционалност на Судскиот совет и оваа судска мафија – дециден е Лефков.

Пратеникот посочи дека треба да се преземат мерки и чекори со цел намалување на криминалот и корупцијата кои се длабоко вкоренети во судството.

– Станува збор многу сложен сет на мерки којшто треба да биде преземен, самата Европска мисија формираше една оценска мисија којашто даде 50 препораки а 17 од нив можеа да бидат имплементирани без законски измени, меѓутоа сето она што го гледаме деновите, имавме јавната расправа за законите коишто се однесуваат на безбедноста на сообраќајот, имаме одредени јавни расправи или дебати, она што можеме да го заклучиме е дека во Македонија немаме вооедначена судска пракса, односно кога зборуваме за оние казни со коишто запретува Кривичниот законик понекогаш можеби се добро одредени, меѓутоа од друга страна го имате јавниот обвинител којшто ќе се договори со оној којшто земал поткуп и за тоа ќе добие условна казна, ни недостасува вооедначена судска пракса, јавност на судските пресуди и нивна споредливост, понатаму тргање на политиката од правосудството, треба да престане принципот во којшто оние коишто се блиску помеѓу себе ќе најдат начин да ги одложат судските процеси, да имаат неразумно долго судење – објасни Лефков.

Toj посочи дека министерството за правда треба да го следи трендот на меѓународни препораки, барањата на граѓаните за она што бара ЕУ од нас за да имаме функционален систем каде ќе владее правото.

The post ШТАБ ВО КУЌАТА НА СУДИЈКА, ЕТЕ ТОЛКУ БЕШЕ НЕЗАВИСНО СУДСТВОТО Лефков потсети дека и ЕУ бара да се справиме со корумпираниот систем appeared first on plusinfo.mk.

СДСМ го окупираше и го зароби правосудниот систем. Во судството се потребни итни и неодложни реформи, реагираше ВМРО-ДПМНЕ преку соопштение.

„Седум години власт наместо да работи на реформи и професионализација на правосудните органи, СДСМ во нив ставаше негови послушници, кои место по закон работеа по партиски директиви. Тоа може да се види и од долгогодишниот прогон на ВМРО-ДПМНЕ, каде што послушните судии партиските соопштенија на СДСМ ги преточуваа во судски одлуки, носејќи драконски казни за политички монтирани случаи. Таков е и примерот со судијката Даниела Алексовска Стојановска која за монтиран случај против ВМРО-ДПМНЕ пресуди драконски казни, а од затвор спасила лице кај кое било пронајдено значително количество дрога, кој по нецела година одзеде млад живот на скопските улици. Дека судијката Алексовска Стојановска е кадар на СДСМ, освен по прогонот и драконските казни за ВМРО-ДПМНЕ, може да се заклучи и од тоа што во нејзина куќа сместиле партиски штаб. Односно, во куќа во сопственост на таткото на судијката Даниела Алексовска Стојановска е сместен општинскиот штаб на СДСМ во Ранковце. Таа е судијка која требала да биде непристрасна и да работи согласно закон, без политички влијанија, но наместо тоа, не само што во нејзиното работење била пристрасна и судела по партиски директиви, туку во нејзиниот дом во Ранковце го сместила општинскиот штаб на СДСМ“, се вели во соопштението.

Од ваквата постапка на отстапување на простор од семејната куќа за партиски штаб, наведено е таму, очигледна е блискоста и поврзаноста на судијката Алексовска Стојановска со СДСМ.

„И токму поради ваквите судии длабоко поврзани со политиката и партиите, потребна е итна реформа и ресетирање на правосудниот систем“, соопшти ВМРО-ДПМНЕ.

The post „ДАЛИ СУДИЈКАТА АЛЕКСОВСКА СТОЈАНОВСКА Е КАДАР НА СДСМ?“ Партискиот штаб сместен во нејзината таткова куќа создава прашалници, реагира ВМРО-ДПМНЕ appeared first on plusinfo.mk.

Според него, целиот настан е евидентиран преку камера која служи за видеонадзор.

– Ми се јави член на партија што го држи клубот, дека е фрлена бомба во нашиот клуб. Му реков да повика полиција, да дојдат на местото на настанот. Стаклото беше скршено, а бомба ако се активира, се знае дека ќе има поголема штета. За среќа и на мојот сопартиец, бомбата не беше активирана, беше тука пред врата. Не чепкавме ништо, дојде полицијата почна да истражува, работи на случајот – истакна Ибраимовски.

• БОМБА ЕКСПЛОДИРАШЕ ВО ШТАБОТ НА САМКА ИБРАИМОВСКИ ВО ТЕТОВО Сите прозорци се искршени

Тој смета дека ќе се најде сторителот бидејќи бил снимен преку камера за видеонадзор.

– Веќе постојат видеоснимки и ќе се најде лицето. Во 4:23 часот дошол тука, го скршил стаклото, ја фрлил бомбата. Имал храброст да се врати назад да види дали ја активирал или не. А нашиот активист зел метла, среќа негова што не почнал да мете. Тоа би било страшна експлозија, се работи за бомба кашикара од постарите што има огромно разорно дејство. Полицијата работи на случајот. Мислам дека ќе се види кое е лицето, како е и зошто е направено ова. Ние како политичка партија, имаме наш став, си тераме наша политика, немам никакви забелешки, ниту сме се замериле со некого. Единствено тоа што го кажував со извршителите, дали е тоа причината или нешто друго, тоа не можам да кажам, меѓутоа во скоро време ми ветија дека ќе го дознаеме – истакна Ибраимовски.

Екипа на СВР Тетово извршила увид, а фрлената неексплодирана бомба е подигната.

The post ЈА ФРЛИЛ БОМБАТА, ПА СЕ ВРАТИЛ ДА ВИДИ ЗОШТО НЕ ЕКСПЛОДИРАЛА Сторителот е снимен на камера appeared first on plusinfo.mk.

Во соопштението на ПЦЕР нема информации за повредени луѓе, а се вели дека има голема материјална штета.

„Би сакале да ја информираме јавноста дека на 21.10.2024 година беше фрлена експлозивна направа во клубот на ПЦЕР. Искршени се сите прозорци и е направена значителна штета од сето ова. Најостро го осудуваме овој чин на нетолеранција и непочит кон нас и кон Ромите од овој град и од целата држава. Ги повикуваме надлежните институции од Република Северна Македонија да го истражат случајот и навремено да постапат“, пишува Ибраимовски во соопштение до медиумите.

Клубот на ПЦЕР се наоѓа на улицата Иво Лола Рибар во Тетово.

The post БОМБА ЕКСПЛОДИРАШЕ ВО ШТАБОТ НА САМКА ИБРАИМОВСКИ ВО ТЕТОВО Сите прозорци се искршени appeared first on plusinfo.mk.

Војникот, кој бил пилот на беспилотно летало во неидентификувана јуришна единица „Бура З“, бил идентификуван само со повикот „Силевер“. Тој во своето сведочење рече дека се разочарал од таканаречената „специјална воена операција“ на Русија откако бил сведок на, како што рече, „систематска војна и злосторства како што се егзекуции без судење, тепање и изнуда“ врз цивили и војници.

Тој рече дека контактирал со Руската Легија на слободата, паравоена група со седиште во Украина, формирана од руски граѓани кои се противат на режимот на Владимир Путин и неговата инвазија на Украина, на почетокот од оваа година. Планот се смислувал неколку месеци, а кога се било усовршено, „Силвер“ ја искористил можноста да избега. Тој тврди дека гранатата ја фрлил во отворот за вентилација на подрумот што го користела руската единица како штаб, каде што спиеле командантот и другите руски офицери.

– Во подрумот имаше околу 15 луѓе. Цевката во собата беше директно над креветот каде што спиеше командирот. Тој излезе на улицата до влезот, а ние фрливме граната или две во таа цевка – тој рече.

Тој ја искористил конфузијата што настанала за да избега по однапред договорена рута што го водела низ линијата на фронтот до територијата контролирана од Украина, пишува Киев пост.

Russian drone operator ‘Silver’ fragged his commanders by throwing a grenade into the bunker vent because of the executions, beatings, and extortions.
He made contact with the Russian Freedom Legion, was safely evacuated to Ukraine, and will now fight against Russian fascists. pic.twitter.com/31DRqHabgy

— Igor Sushko (@igorsushko) August 20, 2024

The post 📽️ РУСИН ГО РАЗНЕЛ ШТАБОТ, ПА ИЗБЕГАЛ ВО КИЕВ! Објавени снимки од акцијата, фрлил бомба под креветот на комнадирот appeared first on plusinfo.mk.

Јанушев го повика МВР да влезе во Генералниот секретаријат и да се увиди што сè се правело таму изминативе години.

– Еве еден повик да се влезе во Генералниот секретаријат на Владата и да се провери каков се криминал е правено. Речиси две години не функционирал главниот влез во Владата. Знаете зошто? Затоа што ги оставиле скенерите неисправни и не им било гајле. Но, тоа е најмалиот проблем – појасни Јанушев.

Јанушев приложи документ како претходната власт поправала документи.

– На пример документ Јавен повик за доделување на финансисика поддршка е креиран на 01.04.2022, а де факто е направено како да е направен 21.05.2021, цела година и повеќе порано. Ова е кривично дело и за тоа треба некој да одговара. Владата се користела како штаб на СДСМ – нагласи тој и додаде дека за тоа има и докази.

Во депото на Владата се чувале промо материјали на СДСМ од кампањи и конгреси, посочи Јанушев.

The post ЈА КОРИСТЕЛЕ ЗГРАДАТА НА ВЛАДАТА КАКО ШТАБ, ТАМУ ЧУВАЛЕ ПРОМО МАТЕРИЈАЛИ Јанушев го повика МВР да влезе во Генералниот секретаријат appeared first on plusinfo.mk.

Досегашниот претседател на партијата Димитар Ковачевски по изборниот пораз седница на партискиот Извршен одбор што се одржа на 22 мај официјално го потврди повлекувањето од функцијата претседател на СДСМ и побара свикување конгрес и организирање внатрепартиски избори.

„Ковачевски го потврди повлекувањето на седница на партискиот Извршен одбор на СДСМ која ја најави на 8 мај, како високо морален чин и согласно Статутот на партија иницираше свикување конгрес заради анализа на изборните резултати и изјаснување за довербата на органите на партијата, избрани од Конгресот, со оглед на изборните резултати“, информираше тогаш СДСМ.

Во меѓувреме, на 6 јуни заврши рокот за кандидирање за претседател на СДСМ. Во периодот од 31 мај до 6 јуни, рок определен за кандидирање, кандидатури за претседател на партијата поднесоа поранешната министерка за одбрана Славјанка Петровска, поранешниот министер за здравство Венко Филипче, директорот на ТИРЗ Јован Деспотовски и актуелниот заменик-министер за информатичко општество и администрација во техничката влада, Александар Бајдевски.

Ве известуваме дека утре, 25.10.2020 година (недела), со почеток во 13:00 часот, СДСМ ќе одржи 25. Конгрес, коj за прв пат во земјава ќе биде дигитален, користејќи современи дигитални платформи.

Вонредните внатрепартиски избори за нов претседател на СДСМ ќе се одржат на 30 јуни. Изборите ќе ги спроведе Централна изборна комисија заедно со 80 општински изборни комисии и Одбори на избирачки места на локално ниво. Можност за гласање ќе имаат сите членови на СДСМ кои активно ќе се регистрираат.

Периодот за активната регистрација e зголемен и изнесува 20 дена. Членовите ќе можат да се регистрираат преку две опции, преку онлајн алатката за активна регистрација што ќе биде достапна на интернет страницата на СДСМ во понеделник (03.06.2024) или втората опција преку општинските организации на СДСМ.

Централниот одбор на партијата предложил и измени на Статутот на партијата за мандатот на претседателот избран на вонредни внатрепартиски избори да биде четири години.

The post ОТЧЕТЕН КОНГРЕС НА СДСМ Партијата ќе ги анализира изборните резултати appeared first on plusinfo.mk.