Некогашната германска канцеларка Ангела Меркел би можела да се врати на политичката сцена како кандидатка за сојузна претседателка во 2027 година, пишуваат германските портали „Билд“ и „Фокус“. Според написите, оваа гласина предизвикала силни реакции во јавноста и вознемиреност во редовите на владејачката Христијанско-демократска унија (ЦДУ).

Иако засега нема официјална потврда ниту од ЦДУ, ниту од други партии, шпекулациите добиле тежина бидејќи некои кругови – особено од редовите на Зелените и делумно од социјалдемократите (СПД) – ја гледаат Меркел како можно обединително лице во време на сѐ подлабоки политички поларизации.

Меркел е во пензија од 2021 година, но нејзиното политичко влијание и симболична тежина остануваат силни. Односите меѓу Меркел и актуелниот канцелар Фридрих Мерц (ЦДУ) се одамна нарушени – Меркел го маргинализираше Мерц во почетокот на 2000-тите, а откако тој ја презеде партијата, ја помести десно од центристичките позиции по кои таа беше препознатлива.

Идејата Меркел да стане претседателка доаѓа во овој контекст – како можно балансирање на десниот курс на Мерц и сигнал за стабилност. Иако функцијата на сојузниот претседател е претежно церемонијална, таа има силно морално и политичко влијание.

Германскиот сојузен претседател не се избира директно од граѓаните, туку од специјално тело наречено Бундесферамлунг, составено од пратениците во Бундестагот и ист број претставници именувани од покраинските парламенти. За избор е потребно апсолутно мнозинство во првите два круга, а потоа доволно е и релативно мнозинство.

Меркел би можела да добие поддршка од опозициските Зелени и СПД, доколку тие решат да поддржат кандидат надвор од актуелната парламентарна коалиција. Од ЦДУ, пак, се размислува и за други имиња, меѓу кои се споменуваат Јулија Клекнер (претседателка на Бундестагот) и министерката за образование Карин Прин – блиски до Мерц.

Од мигрантската криза во 2015 година до справувањето со должничката криза во еврозоната, Меркел остави длабока трага во германската и европската политика. Нејзиниот центристички стил доби силна поддршка кај либералните кругови, но и предизвика реакции кои придонесоа за подемот на десничарската Алтернатива за Германија (АФД).

Иако се работи за шпекулација, можноста Ангела Меркел повторно да се појави на политичката сцена, дури и во симболична улога, покажува колку нејзиното влијание сè уште е присутно – и колку актуелните политички односи во Берлин и натаму се дефинираат преку нејзиното политичко наследство.

Тековен сојузен претседател е социјалдемократот Франк-Валтер Штајнмаер, кој ја извршува функцијата од 2017 година. Неговиот мандат завршува во 20027 година.

The post АНГЕЛА МЕРКЕЛ СЕ ВРАЌА ВО ГЕРМАНСКАТА ПОЛИТИКА? Можно е да се кандидира за сојузен претседател appeared first on plusinfo.mk.

– Новата американска администрација има сосема поинаков поглед на светот од нашиот, кој не ги почитува воспоставените правила, партнерството и зголемената доверба. Мораме да го прифатиме ова и можеме да се справиме со ова. Убеден сум дека не е во интерес на меѓународната заедница овој поглед на светот да стане доминантна парадигма – рече Штајнмаер, говорејќи на Минхенската безбедносна конференција.

The post СВЕТОТ МОРА ДА ПРИФАТИ ДЕКА САД НЕМА ДА ГИ ПОЧИТУВА ПРАВИЛАТА Германскиот претседател уверен дека ќе се справат со тоа appeared first on plusinfo.mk.

Тој ги закажа предвремените парламентарни избори на 23 февруари, откако минатиот месец се распадна трипартиската владејачка коалиција, предводена од канцеларот Олаф Шолц.

Шолц го загуби гласањето за доверба во парламентот претходно овој месец, по повлекувањето на Слободната демократска партија (ФДП) од владејачката коалиција, чиј лидер е министерот за финансии Кристијан Линднер. Со тоа, владата остана без поддршка на парламентарното мнозинство.

Губењето на довербата го означи почетокот на изборната трка за нова влада и нов канцелар на Германија. Според досегашните анкети, фаворит за наследник на Шолц е лидерот на конзервативната коалиција Христијанско-демократска/Христијанско-социјална унија (ЦДУ/ЦСУ), Фридрих Мерц.

Мерц ја обвини владата за преголеми регулации кои го задушиле економскиот раст.

Социјалдемократската партија на Германија (СПД) на Шолц во повеќето анкети заостанува зад ЦДУ/ЦСУ за повеќе од 10 процентни поени.

Крајнодесничарската партија „Алтернатива за Германија“, исто така, ја надминува СПД во анкетите, иако со мала предност. На четврто место засега се наоѓаат „Зелените“.

The post ГЕРМАНСКИОТ ПРЕТСЕДАТЕЛ ГО РАСПУШТИ БУНДЕСТАГОТ Предвремените избори во Германија ќе се одржат на 23 февруари appeared first on plusinfo.mk.

Претседателот на Бундестагот, Бербел Бас го отвори специјалниот настан, на кој присуствуваше и претседателот Франк-Валтер Штајнмаер. Овогодишната комеморација се фокусира на луѓето прогонувани од нацистите поради нивната сексуална ориентација или идентитет. Преживеаната од холокаустот Розет Кац денеска одржа говор во германскиот Парламент. Пред пратениците се обрати и Клаус Шидерван, претставник на ЛГБТ заедницата. Меѓународниот комитет на Аушвиц направи паралела со руската војна во Украина и ужасот на новата војна во Европа.

Датумот се одбележува во Германија од 1996 година како Ден на сеќавање на холокаустот, а венци се положуваат во знак на почит на многу локации низ земјата.

На 27 јануари 1945 година, војниците на Црвената армија ги ослободија преживеаните од концентрациониот логор Аушвиц во Полска, окупирана од нацистите. Во Аушвиц беа убиени повеќе од милион луѓе, од кои најголемиот број Евреи.

The post УБИЕНИТЕ ШЕСТ МИЛИОНИ ЕВРЕИ НЕ СЕ ЗАБОРАВЕНИ Германија се соочува со своето мрачно минато appeared first on plusinfo.mk.

„Денеска Штајнмаер имаше телефонски разговор со својот кинески колега Си Џинпинг. Германскиот претседател го подвлече заедничкиот интерес на Кина и на Европа за ставање крај на војната. Тој побара од Си Џинпинг да го искористи своето влијание врз Русија и да му ја пренесе таа позиција на Путин”, соопшти германското претседателство.

Во разговорот што траел околу еден час Штајнмаер и Си разговарале за билатералните односи и актуелната ситуација во врска со коронавирусот во Кина.

Германскиот претседател му се заблагодарил на Си за неговиот став за отфрлање на нуклеарната закана од Русија. И покрај заладените односи со Пекинг, Европската унија бара поддршка од кинеските власти за окончување на војната во Украина.

The post ШТАЈНМАЕР БАРАЛ ОД СИ ДА ГО ВРАЗУМИ ПУТИН Германецот и Кинезот имале телефонски разговор appeared first on plusinfo.mk.

Зборувајќи за пристапниот процес на Македонија кон ЕУ, Штајнмаер, меѓу другото, денеска изјави:

– Кога зборуваме за пристап кон ЕУ всушност зборуваме за прашања од сегашноста и заедничката иднина во Европа, така што би сакал само да советувам акцентот да биде поставен во тој правец, не кон минатото и да се бараат нови пречки.

The post ШТАЈНМАЕР ЈА РАЗБИРА ЕУ КАКО ПОЛЕ БЕЗ ПРЕЧКИ ОД МИНАТОТО Германскиот претседател на гробот на Гоце Делчев (ГАЛЕРИЈА) appeared first on plusinfo.mk.

Посетата на Штајнмајер, како што се наведува на официјалната веб страна на германскиот претседател, треба да се фокусира на ситуацијата во регионот, влијанието на руската агресивна војна во Украина и тековната поддршка на Германија за перспективите на земјата за пристапување во ЕУ.

Ова е прва посета на федералниот претседател Штајнмаер на Република Северна Македонија.

Во Скопје, како што е најавено, се планирани политички разговори на 29 и 30 ноември, меѓу другото, со претседателот Стево Пендаровски и премиерот Димитар Ковачевски, а Штајнмајер треба да се обрати и во Парламентот, да се сретне со млади луѓе во Претседателскиот центар за политичко образование, да разговара со филмската екипа на филмот „Медена земја” и да го посети првиот ветерен парк во земјата во Богданци.

The post ВИСОК ФУНКЦИОНЕР ДОАЃА ВО МАКЕДОНИЈА Германскиот претседател Штајнмаер идната недела три дена ќе биде наш гостин appeared first on plusinfo.mk.

Спорот меѓу украинскиот и германскиот претседател беше решен на почетокот на мај. Претходно, Украина ѝсе лутеше на Германија поради тоа што наводно не ѝ испраќа доволно оружје.

Минатата недела Штајнмаер го одложи планираното патување во Украина на краток рок, поради безбедносни причини.

Одлуката на Киев дојде во време на постојани критики за врските на Штајнмаер со Русија и неговиот неуспех додека беше министер за надворешни работи да ги послуша предупредувањата од источноевропските соседи на Германија за заканата од руска агресија, потсетува ДПА.

The post ОТКАКО МУ БЕШЕ РЕЧЕНО ДА НЕ ДОАЃА Германскиот претседател конечно во посета на Киев appeared first on plusinfo.mk.

Германскиот претседател требаше да се појави на доделувањето на наградите на Саемот на книгата во Франкфурт, но неговата посета на овој настан беше откажана.

Во Германија во претходните 24 часа се регистрирани рекордни 7.830 новозаразени и 33 починати лица, објави Институтот „Роберт Кох“.

Од почетокот на пандемијата, во Германија има вкупно 348.557 случаи на Ковид-19, од кои досега починале 9.767 лица

The post Германскиот претседател е во карантин, чека резултати од тест за ковид-19 appeared first on plusinfo.mk.

– Не сакаме да бидеме плашливо и недоверливо општество. Можеме да станеме посигурно, грижливо и оптимистичко општество – можеме да растеме од оваа ситуација. Или ќе биде секој човек сам за себе, да се турка, да паничи со купување и погледне себеси и своите, или ние ќе ја искористиме оваа ситуација да се посветиме на другите и на општеството – рече германскиот шеф на државата, кој обично и се обраќа на нацијата само на Божиќ.

Корона-кризата е „тест на нашата човечност“, смета германскиот претседател.

Штајнмаер исто така се осврна на рестриктивните мерки што Владата ги спроведува во последните неколку недели, велејќи дека нивниот успех зависи „не од политичарите и експертите, туку од сите нас – нашата трпеливост и нашата дисциплина, особено сега што се чини дека е најтешко“.

Германија е една од најтешко погодените земји во Европа. Над 120.000 луѓе се позитивни на коронавирусот, а вкупно 2.736 луѓе починаа од Ковид-19.

Во говорот, Штајнмаер повика на солидарност во Европа, велејќи дека „Германија не може да излезе од криза силна и здрава ако нејзините соседи не се силни и здрави“.

The post Штајнмаер: Германското општество треба да одбере ќе стане плашливо или оптимистично appeared first on plusinfo.mk.