Фински специјализирани нуркачи денеска успеаја да ги извлечат телата на двајца италијански државјани кои настрадаа длабоко во подводна пештера на еден од атолите на Малдивите, потврдија официјални претставници на оваа островска држава во Индискиот Океан.

Спасувачките тимови претходниот ден ги лоцираа телата на четворица од вкупно петмина италијански нуркачи, кои исчезнаа минатиот четврток во внатрешноста на подводниот пештерски систем. Телото на петтиот Италијанец, кој работел како инструктор по нуркање, беше пронајдено уште на самиот почеток на потрагата пред влезот на пештерата. Акцијата беше привремено прекината во саботата откако загина воен нуркач од Малдивите, по што продолжи со поддршка на странски експерти. Според планот на спасувачите, преостанатите две тела од подводната пештера треба да бидат извлечени во текот на утрешниот ден.

Портпаролот на владата на Малдивите, Ахмед Шам, претходно информираше дека тројца искусни фински нуркачи работат на извлекување на настраданите кои се наоѓаат на длабочина од околу 60 метри. Инаку, дозволениот лимит за аматерско нуркање на Малдивите изнесува 30 метри, додека за секое спуштање на длабочина поголема од 40 метри е неопходна специјалистичка обука и професионална опрема.

Владата соопшти дека финските експерти, поддржани од локалната полиција и војска, ги откриле телата во најоддалечениот и најпростран дел од подводниот комплекс.

– Како што се претпоставуваше, четирите тела беа пронајдени заедно, длабоко во третиот сегмент на пештерата, кој е воедно и нејзин најголем дел – изјави владиниот портпарол.

Џорџа Сомакал, Миника Монтефалконе и Џанлука Бенедети (Фото: Универзитет на Џенова)

Според информациите од италијанското Министерство за надворешни работи, петтемина Италијанци ја истражувале пештерата на длабочина од околу 50 метри во атолот Вааву. Четири од жртвите биле дел од научен тим од Универзитетот во Џенова, и тоа професорката Моника Монтефалконе, нејзината ќерка Џорџа Сомакал, како и истражувачите Муриел Оденино и Федерико Гуалтиери. Петтиот настрадан е Џанлука Бенедети, кој бил управител на бродот и нивни нуркачки инструктор.

ПРОФЕСОРКА, НЕЈЗИНАТА ЌЕРКА И УШТЕ ТРОЈЦА ЗАГИНАА ПРИ НУРКАЊЕ ВО МАЛДИВИ Отворена истрага

The post ИЗВЛЕЧЕНИ ТЕЛАТА НА ДВАЈЦА ОД ПЕТТЕМИНА ИТАЛИЈАНЦИ ШТО СЕ УДАВИЈА НА МАЛДИВИТЕ Пронајдени се во подводна пештера длабока 50 метри appeared first on plusinfo.mk.

Азија е погодена од катастрофални поплави кои однесоа стотици животи и загрозија милиони луѓе. Во Индонезија, спасувачките екипи се тркаат со времето за да пронајдат најмалку 400 исчезнати лица, за кои се стравува дека се закопани во лизгање на земјиштето откако циклонските дождови го опустошија регионот пред речиси една недела.

Властите потврдија дека бројот на жртви надмина 440 само на островот Суматра, додека повеќе од 900 луѓе ги загубија животите во налетот на бури и обилни дождови низ Тајланд, Малезија, Филипините и Шри Ланка овој месец.

Terrible scenes coming out of West Sumatra in Indonesia today due to flooding

Saniangbaka, Solok Regency pic.twitter.com/xG4ixcQTVc

— Volcaholic (@volcaholic1) November 27, 2025

Индонезија беше погодена од исклучително реткиот тропски циклон Сењар, кој предизвика катастрофални лизгања на земјиштето, однесе домови и поплави илјадници згради. Според Националната агенција за управување со катастрофи, луѓе се водат како исчезнати во провинциите Ацех, Северна Суматра и Западна Суматра. Помошта се испраќа по воздушен и морски пат, но некои села се уште се отсечени, а има и извештаи за кражба на храна и вода.

Devastating footage aftermath of terrible floods in Huta Godang, South Tapanuli, North Sumatra, Indonesia pic.twitter.com/efDxr5lQlW

— Disaster News (@Top_Disaster) November 30, 2025

Доставата на помош е особено бавна во најтешко погодениот град Сиболга и округот Централен Тапанули во Северна Суматра. Портпаролот на полицијата, Фери Валинтукан, ги потврди извештаите за кражба во продавници во саботата навечер, што ја натера регионалната полиција да биде распоредена за воспоставување ред.

Размерот на уништувањето е предизвикан од исклучително голем и долготраен систем на грмотевици, изјави Ерма Јулихастин, експерт за клима во Националната агенција за истражување и иновации на Индонезија. Таа истакна дека просечните месечни врнежи од дожд за погодените области се околу 150 милиметри, додека некои области ја виделе таа количина само за еден ден.

– Ако наврнат повеќе од 100 милиметри за еден ден, тоа е екстремно, особено ако достигне 200 илиметри – рече Јулихастин.

Според неа, на 23 ноември, на западниот брег на Суматра наврнале 160 мм дожд, а еден ден подоцна, на 24 ноември, дури 226 мм.

Југоисточна Азија се соочува со едни од најлошите поплави во историјата. Покрај Индонезија, циклонот Сењар донесе обилни дождови и лизгање на земјиштето во Тајланд и во Малезија, каде што загинаа околу 170 лица. Уште три лица загинаа во Виетнам додека се приближуваше тропската бура Кото, додека претходно минатиот месец дождовите во таа земја веќе одзедоа најмалку 90 животи.

Тајфунот Калмаеги, кој ги погоди Филипините на почетокот на ноември, одзеде речиси 300 животи. Во Јужна Азија, циклонот Дитва ја опустоши Шри Ланка, каде што поплавите и лизгањето на земјиштето однесоа повеќе од 330 жртви. Претседателот на земјата, Анура Кумара Дисанајаке, ја нарече „најпредизвикувачката природна катастрофа“ што Шри Ланка некогаш ја видела.

Една од најтешко погодените области е покраината Ачех на Суматра, каде што бројот на жртви достигна 96, а 75 лица сè уште се водат како исчезнати. Кампови за евакуација се поставени во 20 области, а продавниците се со недостиг на залихи. Некои жители пријавиле дека децата пиеле дождовница собрана од нивните домови.

Heart-breaking devastation in North Sumatra, Indonesia . At least 442 dead after floods and landslides hit Huta Garoga. The aftermath looks like a tsunami, leaving communities in shock.#ClimateImpact #EmergencyAidpic.twitter.com/L7nxvq601g

— Naji Ali (@naji1_ali) December 1, 2025

Новинарите од терен известуваат за големи тешкотии во достигнувањето до погодените области. Патувањето од Џакарта до Букитинги, најблискиот голем град до погодените области во Западна Суматра, сега е значително потешко.

A massive landslide hit Pasia Laweh, Lubuk Alung District, West Sumatra in Indonesia today

It’s unclear if there are any victims. pic.twitter.com/ifpHQNBfio

— Volcaholic (@volcaholic1) November 28, 2025

The post 🎥ПОГЛЕДНЕТЕ КАКОВ ПУСТОШ НАПРАВИ РЕДОК ЦИКЛОН ВО ИНДОНЕЗИЈА Над 440 мртви во Суматра, 400 исчезнати appeared first on plusinfo.mk.

Поплавите што ја зафатија Индонезија, Шри Ланка и Тајланд однеле повеќе од 900 животи и избришале цели населби. Спасувачите сè уште бараат стотици исчезнати, додека илјадници луѓе останале без засолниште, без вода и без надеж, јави Гардијан.

На една од снимките можат да се видат слонови како се дават во надојдената вода.

Heartbreaking scenes from Sri Lanka’s flood-hit areas
Wild elephants are facing immense distress as raging floods force them from their habitats, leaving them struggling to find food and safe ground.
These gentle giants need our help now more than ever.#SriLankaFloods pic.twitter.com/DvVZDvJHg8

— Nibraz Ramzan (@nibraz88cricket) November 28, 2025

Индонезија трага по уште 400 исчезнати лица. На островот Суматра, каде што загинале најмалку 442 луѓе, локалните жители го опишуваат ужасот на изненадната поплава. Африанти од Паданг сведочи:

– Водата навлезе во куќата за неколку минути. Кога се вративме, немаше ништо, сè беше избришано.

Само еден ѕид останал исправен во морето од кал и урнатини во Паданг. До него, Африанти и нејзиното семејство од девет души спијат под тенда, таму каде што некогаш билe нивната куќа и продавница.

Снимките на социјалните мрежи покажуваат жители кои со раце расчистуваат кал и бараат вода и храна.

It is time to support Sri Lanka !

Horrible floods hit Sri Lanka. Death toll passes 200. Government declares emergency.

Please support Sri Lanka in any way you can – with emergency help or otherwise!

pic.twitter.com/xSxj63Ghss

— Erik Solheim (@ErikSolheim) November 30, 2025

Метеоролозите ја опишуваат оваа трагедија како најсилен удар на климатската криза во последната деценија. Монсунските дождови, засилени од тропскиот циклон Дитвах, предизвикале урнување на домови, уништување на инфраструктура и пресекување на патишта.

Во Шри Ланка, бројот на жртвите достигнал 334. Повеќе од 148.000 лица се раселени и засолништа станале училишта и храмови. Претседателот Анура Кумара Дисанајаке прогласил вонредна состојба и изјавил:

– Се соочуваме со најголемиот и најтешка природна катастрофа во нашата историја. Ќе изградиме подобра земја од онаа што ја имавме порано.

Сцените од Паданг и Северна Тапанули се како од филм. Во некои делови сè уште не може да се пристапи, а армијата користи бродови и хеликоптери за дотур на храна и лекови.

Во Тајланд, пак, 162 луѓе ги загубиле животите, а власта се соочува со критики за доцнење на реакцијата. Две локални власти биле суспендирани поради неефикасност.

Полициски портпарол изјавил дека имало инциденти со провали во продавници пред пристигнување на хуманитарната помош, додека спасувачите не можеле да си ја вршат работата поради поплавените патишта и лошото време.

Климатолозите предупредуваат дека ова е само почеток на новиот екстремен циклус на азиските монсуни, чија сила расте со секој степен на глобално затоплување.

Во градот Манампитија во Шри Ланка, жителите откопуваат автомобили и мебел од калта. Старецот Сиванандан изјавил дека во животот не видел толку вода и уништување.

The post ШРИ ЛАНКА ПОД ВОДА, БРОЈОТ НА ЗАГИНАТИ НАДМИНА 900 Монсуните и циклонот збришаа цели населби appeared first on plusinfo.mk.

– Ми рече дека нема да ме испратат на фронтот, туку дека ќе работам како асистент – вели младиот човек.

Тој го потпиша договорот во февруари и веднаш ја доби првата плата вредна 2.000 американски долари. Му ветиле плата од 2.300 долари месечно плус можни бонуси.

Момчето од Валасмула во Шри Ланка потоа бил испратен на фронтот, каде што бил ранет и заробен оваа пролет. Тој лежеше во една украинска болница и се согласи, под услов да остане анонимен, да ја раскаже својата приказна.

Тој разговараше со новинарот на ДВ во Синхала. На разговорот присуствувале украински војници кои очигледно малку зборувале англиски и не се мешале во разговорот.

Поради сиромаштијата и лошата економска состојба во Шри Ланка, овој млад човек решил преку Агенцијата за вработување да добие работна виза за Русија. Кризата во неговата татковина дополнително се влоши поради војната што ја води Русија, бидејќи блокадата на извозот на украинско жито и други стоки преку Црното Море ги зголеми цените на храната и горивото. Работел една година во месарница во Русија, а кога му истекла визата, уште една година живеел на црно во Москва, каде работел во ресторан за брза храна. На крајот се приклучил на руската армија.

По само два месеци поминати во внатрешноста, тој беше префрлен во предградијата на окупираниот украински град Доњецк.

– Му кажав на командантот дека сакам да се вратам во Шри Ланка, но тој рече дека тоа е невозможно и дека според договорот ќе се соочам со 15 години затвор во Русија доколку избегам – вели младиот човек.

Тој додава дека во неговата единица имало државјани на Непал, Индија, Киргистан и Таџикистан. На фронтот бил само еднаш – пет дена. Потоа бил ранет и заробен.

Како што објави Блумберг во јуни, цитирајќи европски претставници, Русија принудила илјадници странски работници и студенти да и се придружат на нејзината војска во војната против Украина. На странците им се заканувале дека нема да им бидат продолжени визите за Русија доколку одбијат.

– Ние сме многу, многу сиромашни – вели 35-годишен Непалец во затворски логор во западна Украина. Тој уште во јули ја раскажа својата приказна за ДВ, но сакаше и да остане анонимен. На разговорот присуствувал чувар кој не разбирал англиски и не се мешал во разговорот.

Работел како таксист за 400 долари

Во Непал работел како таксист за околу 400 долари месечно. Тоа не било доволно да ги прехрани сопругата, двете деца и родителите. Тој слушнал од еден пријател во Индија дека има „многу пари“ што може да се заработат во руската армија.

Така, во октомври 2023 година, тој пристигнал во Москва, каде што бил регрутиран и бил однесен во центарот за обука „Авангарда“ во предградието на руската престолнина, заедно со уште 60 странци. Тој центар, според извештајот на Си-Ен-Ен, служи исклучиво за обука на странски платеници. Таму Непалецот потпишал едногодишен договор со руската армија за плата од 2.000 долари месечно.

Вели дека прво бил распореден зад фронтот заедно со еден Кинез – како помошник во кујна. Во неговата единица имало 23 лица од Непал и тројца од Индија, додека останатите единаесет биле Руси. Сите комуницирале користејќи аудио преведувач. По еден месец, тој бил префрлен на позиции во близина на Доњецк. Таму побарал од командирот да се врати дома, но му било кажано дека не е можно да се раскине договорот. Неколку недели подоцна, во април, тој бил ранет и заробен од украинските војници.

– Го извадив шлемот, панцирниот елек и пушката, побарав помош и реков дека доаѓам од Непал – рече тој.

Во моментов, десетина странски платеници се во украинско заробеништво, вели Петро Јазенко, портпарол на Координативниот штаб за воени затвореници при украинската воена разузнавачка служба ХУР.

– Уште неколку од нив се заробени, но сѐ уште не се вклучени во статистиката – вели Јазенко во интервју за ДВ.

Според него, меѓу затворениците има државјани на африкански земји, како Сиера Леоне и Сомалија, Шри Ланка, Непал и Куба…

– Тоа се главно луѓе од глобалниот југ, од сиромашните земји – вели Јазенко и додава дека Кубанец му рекол дека дома заработува само седум долари месечно.

– ХУР не знае колку странци се борат на руската страна. Русија им се обраќа на странците преку реклами на социјалните мрежи, како и директно – преку агитатори – вели Јазенко.

– Често се ветуваат вработувања во компаниите, а кога станува збор за армијата, се вели дека тие ќе бидат распоредени само во внатрешноста – вели тој.

Наместо на градежни работи, тој беше испратен во војна

Тоа го потврдија и осум странски затвореници, кои во март ги донесе украинската воена разузнавачка служба на прес-конференција во Киев – пет непалски државјани и по еден државјанин од Куба, Сиера Леоне и Сомалија. Тие, како што рекоа, доброволно разговарале со новинарите. Така, еден човек од Сиера Леоне рекол дека тој веќе учествувал во војна во својата земја, бил ранет и немал намера да учествува во друга војна. Дошол во Русија бидејќи му ветиле работа во градежништвото.

Петро Јазенко од ХУР забележува дека меѓу странците има и професионалци кои се борат за Русија.

– Тие имаат воено искуство и многу добро знаат каде одат – вели Јазенко, додавајќи дека не се сите жртви на измама.

– Додека не се покрене судска постапка против нив, ќе ги држиме како заробени руски војници – вели Јазенко за статусот на овие странци. Никој од нив сѐ уште не е ослободен.

– Некои земји, особено Шри Ланка и Непал, се заинтересирани за враќање на нивните граѓани. Ова ни овозможува да преговараме – рече портпаролот на ХУР.

На почетокот на годината, Си-Ен-Ен објави, повикувајќи се на извори, дека Русија регрутирала околу 15.000 непалски државјани. Во главниот град Катманду, новинарите присуствуваа на состанокот на семејствата на непалските платеници, кои побараа од властите враќање на нивните најблиски. Непалската влада спомена само 200 свои граѓани во руската армија, од кои 13 загинаа. Сепак, тие им забранија на своите граѓани да одат на работа во Русија. На ова му претходеше повик до Русија да престане да регрутира непалски граѓани. Полицијата во Катманду уапси 18 лица осомничени дека се вмешани во регрутирање.

Избегале од руската војска

Познати се и случаите на странски војници кои ги напуштиле руските позиции. Во мај, ХУР објави, без да ги прецизира точните бројки, дека имало масовно бегство на непалски платеници распоредени во окупираниот регион Луганск. Во јуни, Франс 24 објави дека 22 платеници од Шри Ланка избегале од руската армија.

Активистите на руската организација за човекови права „Оди низ шумата“ помагаат да избегаат од руската армија – пред се Русите и Украинците, кои беа насилно регрутирани на окупираните територии. Тие им помагаат и на граѓаните од други земји.

Иван Чувиљајев, претставник на оваа организација, во интервју за ДВ потврдува дека нивни активисти, меѓу другото, им помогнале на државјаните на африканските земји и Авганистан да избегаат. Според него, начинот на кој Русија регрутира странци за својата војска не се разликува од нивниот пристап во регрутирањето на сопствените граѓани.

– Го користат тоа што луѓето не ги знаат законите и се во тешка финансиска состојба – заклучува овој активист за човекови права.

The post ЦЕЛОСНО НОВА ВОЈСКА ДОАЃА НА ФРОНТ ВО УКРАИНА Деталите се застрашувачки бидејќи тие не се Руси! appeared first on plusinfo.mk.

Тркало се откачи од приватен автобус со број 78 во Белград во понеделникот, а удри две жени, од кои едната им подлегна на повредите. Бизарниот случај остави многу прашалници за граѓаните во Србија, а сега еден возач од српското Градско сообраќајно претпријатие тврди дека возачот на автобусот бил странец од Шри Ланка и дека бил неискусен во работата.

– Со оглед на тоа дека се работи за странец од Шри Ланка (возачот), претпоставувам дека до тоа довело неговото неискуство. Имам информации дека луѓе (со возачка) од Б категорија дошле во Белград, па истиот ден можеле да добијат и (возачки од) други категории – вели возачот Зоран Стефановиќ.

Kako to mislite otkačio se točak i povredio prolaznika…?!
GSP Beograd pic.twitter.com/L3Monqcgad

— BABY®001 (@SIMONA546352574) March 18, 2024

Тој рече и дека „возачот мора да почувствувал дека нешто не е во ред“ и дека „процесот за одвојување на тркалото од возилото е во тек, а тоа мора да се види“.

Стефановиќ информира и дека државните автобуси на ГСП во Србија се сервисираат секојдневно, на шест месеци и на една година, но дека за приватните автобуси нема информација.

На прашањето дали механичарот е одговорен тој вели дека мајсторот најверојатно визуелно го проверил автобусот, „можноста да се случи такво нешто е 50:50“.

Во меѓувреме српското Основно јавно обвинителство вчера соопшти дека е приведен механичарот И.Р. во времетраење од 48 часа. Тој ќе биде сослушан поради сомнение дека сторил кривично дело против безбедноста на јавниот сообраќај.

Автобусот број 78 бил сопственот на приватната автобуска компанија Банбус доо.

The post ОТКАЧЕНО ТРКАЛО ОД АВТОБУС УБИ ЖЕНА ВО БЕЛГРАД Неискусниот возач бил од Шри Ланка? appeared first on plusinfo.mk.

– Снабдувањето со електрична енергија е прекинато низ целата земја поради системска грешка – изјави владин претставник на Шри Ланка.

Компанијата ЦЕБ, која управува со електричната мрежа, работи на обновување на редовното снабдување, изјави портпаролот на компанијата.

Локалните медиуми јавуваат дека одредени делови од земјата добиле струја.

The post СЕ ВРАТИЈА НА СВЕЌИ Шри Ланка е во тотален мрак, поради системска грешка appeared first on plusinfo.mk.

Парламентот на Шри Ланка денеска изгласа продолжување на вонредната состојба и покрај силните протести од главните опозициски партии, јави ДПА.

За продолжување за еден месец на вонредната состојба гласаа 120 пратеници, 63 беа „против“, а отсутни 41 пратеник. Спикерот, кој е еден од 225-те членови на Парламентот, нема право на глас.

Вонредната состојба беше прогласена од претседателот Ранил Викремесинге на 17 јули, откако беше назначен за вршител на должноста четири дена откако поранешниот претседател Готабаја Раџапакса ја напушти земјата поради протестите.

Согласно Уставот, вонредната состојба треба да помине во Собранието во рок од две недели од претседателската декларација за да биде продолжена.

Вонредна состојба беше потребна заради распоредување безбедносни сили за контрола на ситуацијата, откако бранот протести против Раџапакса повторно се фокусираше на Викремесинге откако беше назначен за претседател.

Викемесинге, откако беше избран со гласање во Парламентот на 20 јули, ја искористи вонредната состојба за да ги разбие демонстрантите кои окупираа дел од кабинетот и комплексот на претседателот.

The post СЀ УШТЕ ТЕНЗИЧНО ВО ШРИ ЛАНКА Парламентот изгласа продолжување на вонредната состојба за уште еден месец appeared first on plusinfo.mk.

Раџапакса ја напушти земјата во средата, откако демонстрантите упаднаа во претседателската резиденција и други јавни згради и државни институции.

– Готабаја официјално поднесе оставка – изјави пред новинарите претседателката на Парламентот Махинда Јапа Абејвардана.

Раџапакса ја испратил оставката по електронска пошта. Тој во саботата побегна од својата резиденција во која упаднаа демонстранти, обвинувајќи го за лошо управување со земјата што се наоѓа во најтешката економска криза во својата историја.

Претседателот во средата успеа да ја напушти Шри Ланка и да отпатува на Малдиви, за вчера со авион да замине за Сингапур, од каде испрати го испратил писмото со оставката.

Раџапакса е првиот шеф на држава што поднесе оставка откако Шри Ланка го воведе претседателскиот систем во 1979 година.

Во главниот град Коломбо каде беше воведен полициски час, мала група луѓе се собраа пред претседателскиот секретаријат за да ја прослават оставката со песни и развиорени државни знамиња.

Според Уставот на земјата, премиерот Ранил Викремесинг од кого демонстрантите исто така бараат оставка, автоматски станува вршител на должноста додека Парламентот не назначи нов претседател.

Во меѓувреме, демонстрантите се повлекоа од службените згради што ги окупираа.

– Мирно се повлекуваме од претседателската палата, од секретаријатот на претседателот, од кабинетот на премиерот. Таа одлука стапува на сила веднаш, но ние ја продолжуваме борбата – изјави претходно портпаролот на демонстрантите.

Неколку часа пред најавата за повлекување, полицијата ги одби обидите на демонстранти да упаднат во парламентот.

Толпата ги окупираше кабинетите на премиерот во средата, откако во саботата упадна во претседателската палата.

Во судирите беа повредени околу 85 лица, а еден маж почина од задушување предизвикано од солзавец.

Стотици илјади луѓе ја посетија претседателската палата што беше отворена за јавноста по бегството на претседателот Раџапакса во саботата. Вчера влезовите во зградата беа затворени и чувани од вооружени лица.

Армијата и полицијата вчера добија нови наредби за решително дејствување и сузбивање на секое насилство, со предупредување до демонстрантите дека се овластени да употребат сила.

Сингапур не е крајната дестинација на Раџапакса. Извори блиски до безбедносните служби на Шри Ланка наведуваат дека тој ќе остане таму некое време, од каде би требало да замине за Обединетите Арапски Емирати.

The post КРАЈ НА ПОЛИТИЧКАТА ДИНАСТИЈА ВО ШРИ ЛАНКА Раџапакса поднесе оставка appeared first on plusinfo.mk.

Претседателот на Шри Ланка, Готабаја Раџапакса му испрати меил на Парламентот, каде поднесува оставка од претседателската функција.

Тој и неговата сопруга вчера побегнаа на Малдивите со авион на воздухопловните сили.

Сега, Раџапакса слетал во Сингапур, каде бил во „приватна посета“, според тамошните власти, а ниту побарал, ниту му е одобрен азил.

За време на викендот, демонстранти упаднаа во неговата претседателска вила, а вчера ја зазедоа и канцеларијата на премиерот Ранил Викрамасинге, кој брзо ја презеде функцијата вршител на должноста претседател.

Незадоволни граѓани на Шри Ланка сега бараат оставка од премиерот.

Земјата има недостиг од храна, лекови, гориво и се наоѓа во најлошата економска криза од стекнувањето на својата независност во 1948 година.

The post ПИСМО ОД МАЛДИВИТЕ Претседателот на Шри Ланка поднесе оставка преку меил appeared first on plusinfo.mk.

– Ги напуштаме претседателската палата, претседателскиот секретаријат и кабинетот на премиерот, но ќе продолжиме со нашата борба – изјави претставник на демонстрантите.

Претседателот на Шри Ланка, Готабаја Рајапакса, ги напушти Малдивите и со лет на саудиска авиокомпанија заминал за Сингапур.  Не е јасно дали г-дин Рајапакса ќе остане во Сингапур или дали ќе го користи како дестинација за одмор, јавува Би-Би-Си.

Тој претходно вети дека ќе поднесе оставка до среда, но досега не поднесе официјална оставка.

На територијата на западната провинција, каде што се наоѓа главниот град на државата Коломбо, полицискиот час, кој беше воведен ден претходно, исто така е укинат, се наведува во извештајот на телевизијата.

The post ДЕМОНСТРАНТИТЕ ЈА НАПУШТААТ ПАЛАТАТА Раџапакса е на „одмор“ во Сингапур, борбата продолжува appeared first on plusinfo.mk.