Португалскиот тренер Жозе Мурињо стапил во контакт со челниците на Бенфика за да ги увери дека не стои зад видеото во кое е прикажан во дрес на Реал Мадрид. Португалските медиуми објавија дека искусниот тренер смета оти снимката е изработена со помош на вештачка интелигенција.

Контроверзната снимка пре дизвика бура откако беше објавено на веб-страницата на Флорентино Перез, претседателот на „тимот од Сантијаго Бернабеу“.

Видеото се појави на интернет во момент кога се засилија шпекулациите за можно враќање на Мурињо ка Кралевите. Во кратката снимка Португалецот е прикажан во дрес на Реал Мадрид и го изговара само зборот „да“.

Покрај видеото беше објавена и пораката:

„Има уште многу историја што треба да се напише“.

Над написот со големи букви стои „Гласај“ (Vota).

MOUcha historia por hacer. pic.twitter.com/7wLmDk8r2M

— Florentino 2026 (@Florentino2026_) June 3, 2026

Загреана клупа во Реал

Актуелниот прв човек на Реал Мадрид распиша предвремени избори по турбулентната сезона, а противкандидат му е Енрике Рикелме.

Во дел од шпанските медиуми се појавија информации дека Перез е подготвен повторно да му ја довери клупата на Мурињо доколку добие нов мандат.

Покрај тренерското прашање, се споменуваат и неколку можни засилувања за тимот. Меѓу нив се Дензел Дамфрис и Ибрахим Конате.

15 милиони евра на чекање

Противкандидатот Енрике Рикелме најави поинаква визија за иднината на клубот. Тој порача дека сака да го донесе Родри на „Сантијаго Бернабеу“, како и еден од најпознатите тренери во светот.

Сепак, нагласи дека тоа не е Жозе Мурињо.

Во меѓувреме, португалскиот весник „Рекорд“ објави дека Реал Мадрид ја известил Бенфика за намерата да ја активира откупната клаузула од 15 милиони евра следната недела.

Според истиот извор, португалскиот клуб размислува за Марко Силва како можна замена доколку Мурињо замине.

The post 📽️ СНИМКАТА ОД МУРИЊО Е ВЕШТАЧКА ИНТЕЛИГЕНЦИЈА? Португалецот негира дека се договорил со Кралевите appeared first on plusinfo.mk.

Тектонска промена во Реал Мадрид. Помалку од едно деноноќие по триумфот на Барселона во Џеда, Флорентино Перез ја пресече ерата на Чаби Алонсо. Она што требаше да стане династија, се распадна за само шест месеци. Формално – спогодбен раскин. Неофицијално – класична победа на „ѕвездите“ над стратегот.

Инцидентот што го запечати крајот

Наводно, по поразот во финалето, Алонсо побарал неговите играчи да направат шпалир за Барселона. Но Килијан Мбапе, прв пат видливо револтиран, одбил – и целата екипа го послушала него, не тренерот.

На видеото од доделувањето на медалите, Алонсо стои сам додека играчите минуваат крај него без поздрав. Симболична сцена на крајот на авторитетот.

XABI ALONSO le pidió a los futbolistas que se queden durante la premiación del #Barcelona pero Kylian MBAPPÉ ordenó que NO.

Los jugadores se FUERON al VESTUARIO.pic.twitter.com/p8yEW0b4nD

— Deportes Al Taco (@DeportesAlTacok) January 12, 2026

Мбапе и Винисиус, двојниот фронт против тренерот

„Атлетик“ објави дека Винисиус веќе му порачал на клубот дека нема да потпише нов договор додека Алонсо седи на клупата. Неговиот тврд стил и дисциплински казни не им одговарале на ѕвездите навикнати на попустливост.

Наместо тим, Реал станал збир на индивидуалци со различни интереси – и слаба хиерархија.

Арбелоа, човекот за ред, не за револуција

Новиот тренер е Алваро Арбелоа, досегашен стратег на Кастиља. Блискоста со Флорентино Перез и неговата репутација на „војник на клубот“ му ја отворија вратата.

– Ќе воведе ред и дисциплина – велат изворите блиски до управата.

The post ГАЛАКТИКОСИТЕ ЈА ПРОГОЛТАА СВОЈАТА ИДЕОЛОГИЈА Алонсо падна под тежината на егото во Реал Мадрид appeared first on plusinfo.mk.

Ламин Јамал, најмладото чудо на Барселона, реши да наплаќа за автограми. Потегот, што го направил преку специјализирана платформа за спортски сувенири, ја подели фудбалската публика. Додека дел го бранат со зборови дека „секој труд има своја цена“, други го обвинуваат дека славата прерано му ја замаглила љубовта кон играта, јави Марка.

Меѓутоа, шпанските медиуми наведуваат дека 18-годишниот ас не е првиот што го комерцијализирал својот потпис. Слични модели одамна применуваат англиски и италијански ѕвезди, чии автограми се дел од колекционерски пазари со строга контрола.

The post ЈАМАЛ ГО НАПЛАЌА СВОЈОТ ПОТПИС, ФАНОВИТЕ ВО ШОК „Секој труд има своја цена“ appeared first on plusinfo.mk.

Реал контактирал со претставници на напаѓачот на Манчестер сити, Ерлинг Халанд, за да ја процени можноста за негов трансфер во шпанскиот клуб, објави „Caught Offside“.

Според изворот, „Лос Бланкос“ би можеле да го продадат напаѓачот Винисиус на неименуван клуб од Саудиска Арабија за 250 милиони евра ова лето.

Реал Мадрид има намера да ги искористи приходите од овој договор за да го купи Халанд. Во исто време, се забележува дека Манчестер сити нема планови да го продаде 25-годишниот Норвежанец.

И покрај ова, Реал Мадрид не се откажува од идејата за негов трансфер. Халанд е во Манчестер сити од летото 2022 година. Неговиот договор со клубот важи до летото 2034 година.

The post „КРАЛЕВИТЕ“ ГО ПЛАНИРААТ ТРАНСФЕРОТ НА ВЕКОТ Винисиус заминува, Халанд доаѓа во Мадрид? appeared first on plusinfo.mk.