Со попуст од 15 отсто на апсолутно сѐ, подароци и забавна атмосфера, „dm drogerie markt“ денеска, 28 мај, ја отвори својата нова продавница во „Mega Shopping Park“, на улица Васил Главинов бр. 9 во Гевгелија.

На денот на отворањето, купувачите беа пречекани во весела атмосфера со диџеј и забава за најмалите, а dm и овој пат својот нов деловен успех го одбележа на општествено одговорен начин. Во периодот од 16 до 17 часот, купувачите имаа можност да бидат услужени од познатиот инфлуенсер Александар Динев, кој со своето присуство даде придонес кон донацијата на „dm“, наменета за ООУ „Владо Кантарџиев“, училиште со ученици од социјално загрозени семејства

Сите купувачи на денот на отворањето уживаа и во дополнителни изненадувања. Со секоја сметка над 499 денари следуваше подарок „Balea“ гел за туширање, со секоја сметка над 699 денари подарок торба за пазарување, додека со сметка над 1.999 денари следуваше подарок пешкир. Подароците беа достапни само денеска, до истек на залихите.
Освен наведените поволности, купувачите во оваа „dm“ продавница ќе можат да пазаруваат со попуст од 15 отсто на апсолутно сѐ, до 31 мај.

Во новата продавница, купувачите можат да најдат речиси 13.500 производи од богатата понуда на „dm“, во која има сѐ на едно место – производи за нега и убавина, нега за мажи и бебиња, природна козметика, органска храна и додатоци во исхрана, како и производи за хигиена во домот и нега на алишта. Внимателно креираната и разновидна понуда овозможува практично, брзо и пријатно пазарување, додека повеќе од 3.000 производи се дел од сопствените трговски марки на „dm“, препознатливи по германски квалитет и секогаш поволни цени. Меѓу нив се „Balea“, „alverde“, „dmBio“, „babylove“, „Denkmit“ и многу други брендови што се важен дел од препознатливата „dm“ понуда.

Новиот продажен објект на „dm“ во Гевгелија е со вкупна површина од 542 квадратни метри, од кои 450 квадратни метри продажен простор, додека магацинскиот и помошниот простор изнесуваат 83,78 квадратни метри.

Од „dm“ велат дека се особено среќни што со секоја нова локација се сѐ поблиску до своите купувачи. Со богатата понуда и препознатливиот концепт на практично пазарување, dm продолжува да одговара на секојдневните желби и потреби на потрошувачите, проширувајќи го своето присуство на македонскиот пазар.

The post DM ЈА ОТВОРИ НОВАТА ПРОДАВНИЦА ВО ГЕВГЕЛИЈА Попуст од 15% и подароци за сите купувачи appeared first on plusinfo.mk.

Во празнична атмосфера и со голема посетеност, овој викенд официјално започна со работа новиот, најсовремен ЏАМБО (JUMBO) маркет во „Gevgelija Mall“. Популарниот бренд со оваа капитална инвестиција ја зацврсти својата позиција во јужниот регион, носејќи светско шопинг искуство на локалното население.

Првиот ден од отворањето беше исполнет со забавна програма за семејства и најмладите. Посетителите уживаа во музика, дружење со маскоти, цртање на лице и игри со сапунени меури, што го претвори маркетот во вистински центар на забава и забава за целото семејство.

Новиот објект се протега на површина од 3.000 метри квадратни и нуди повеќе од 20.000 производи – од артикли за домот, играчки, декорации до сезонски изненадувања. Посебен интерес предизвикува интеграцијата на асортиманот на ВЕРО, што им овозможува на купувачите на едно место да ги задоволат сите потреби за домаќинството.

Генералниот директор на ЏАМБО и ВЕРО, Петар Денковски, истакна дека ова отворање е многу повеќе од проширување на продажната мрежа.

– Горди сме што со оваа инвестиција директно влијаеме на економскиот пулс на Гевгелија. Отворивме нови работни места и создадовме регионален магнет кој ќе привлекува купувачи не само од градот, туку и од околните места – изјави Денковски.

Менаџментот на компанијата најави дека експанзијата продолжува и следната година со отворање на нов маркет во Струмица, со што ЏАМБО и ВЕРО ќе го заокружат своето присуство во југoисточниот дел на Македонија.

Маркетот во Гевгелија веќе работи со полн капацитет, нудејќи иновативни решенија и широк асортиман на производи, под препознатливиот слоган: „За сѐ што ви треба и не сте знаеле дека ви треба“.

The post ЏАМБО И ВЕРО ЈА „ОКУПИРАА“ ГЕВГЕЛИЈА Маркетите станаа новата омилена дестинација во „Gevgelija Mall“ appeared first on plusinfo.mk.