Израелски припадник на граничната полиција е суспендиран од должност откако беше објавена снимка на која се гледа како фрла шок-бомба во паркиран автомобил во бегалскиот камп Каландија на окупираниот Западен Брег.

Според израелскиот портал „Ynet“, на снимката од безбедносните камери се гледа како полицаецот се приближува до возилото, по кратка вербална расправија фрла шок-бомба во автомобилот, која веднаш експлодира. По експлозијата, двајца патници од задното седиште излегуваат и бегаат, додека полицаецот му го блокира излезот на возачот.

Неколку моменти подоцна, полицаецот се оддалечува, вперува оружје кон лицата кои побегнале и испукува истрели во нивна насока, иако тие со кренати раце барале засолниште зад автомобилот. Во инцидентот, според достапните информации, нема повредени лица.

Израелската полиција соопшти дека е отворена истрага против полицаецот, кој е отстранет од должност до завршување на постапката. Од полицијата наведуваат дека неговото постапување не било во согласност со службените процедури, поради што случајот е предаден на Одделот за внатрешни полициски истраги.

מח״ש פתחה בחקירת התיעוד החריג הזה של לוחם מג״ב אתמול במחנה הפליטים קלנדיה כשהוא משליך רימון הלם לרכב ומונע מהנהג לצאת. במג״ב הגיבו: האירוע לא עומד בקנה אחד עם הנהלים@GLZRadio pic.twitter.com/diFfc660R9

— נועם נקש || Noam Nakash (@nakash_noam) July 6, 2026

The post 🎥 ИЗРАЕЛСКИ ПОЛИЦАЕЦ ФРЛИ ШОК-БОМБА ВО АВТОМОБИЛ ПОЛН СО ПАЛЕСТИНЦИ По објавување на видеото е суспендиран appeared first on plusinfo.mk.