Милица Гутовиќ работи како актерка, балерина и учителка, а на својот Фејсбук профил неодамна објави видео во кое тврди дека пред смртта на нејзiниот татко кој беше на интензивна нега во времето на пандемијата со ковид-19 во просторијата влегле двајца непознати мажи кои ги претставила медицинската сестра. Taa вели дека тие не биле во роднинска врска со неа.

Според Милица, двајцата мажи заедно со медицинската сестра биле сведоци на наводен тестамент кој нејзиниот татко усно го искажал, а во кој таа и нејзината сестра Невена биле лишени од наследството на татко им.

Милица понатаму тврди дека нејзиниот татко, на денот кога бил составен тестаментот, бил под маска и шлем за кислород бидејќи без неа не можел да дише, а во прилог на тоа споделила фотографија од нејзиниот татко од тој ден во видеото.

– Сакам да истакнам дека на 16 август од телефонот на татко ми е испратена оваа шокантна фотографија на која јасно се гледа дека е под маска за кислород, шлем, бидејќи без неа не можел сам да дише. Ви го прикачувам тоа. Истиот ден, 18 август, кога наводно бил направен усниот тестамент, тато бил префрлен на вентилатор, а тој починал на 25 август – изјави Милица Гутовиќ.

Во Законот за наследување на Србија стои дека оставителот може усно да ја изрази својата последна волја пред тројца присутни сведоци во исто време, доколку поради исклучителни околности не може да направи писмен тестамент. Усна оставина престанува да важи по триесет дена од денот на престанокот на околностите во кои е направен.

Сведоците пред кои оставителот усно ја изразил својата последна волја се должни без одлагање да ја напишат изјавата на оставителот и да ја достават до судот во најкраток можен рок или усно да ја повторат пред судот наведувајќи кога, каде и во какви прилики оставителот ја дал својата последна волја. Извршувањето на таа должност не е услов за правосилност на усната оставина.

Србите ја знаат Милица како успешна актерка од сериите „Мешан брак“, „Ургентен центар“, „Хотел со седум ѕвезди“, како и во филмовите „Ивкова Слава“, „Отфрлена“, „Бели лавови“ .

The post ЌЕРКАТА НА ПОЗНАТИОТ СРПСКИ АКТЕР МОЖЕ ДА ОСТАНЕ БЕЗ НАСЛЕДСТВО? „Двајца лажни сведоци влегоа во собата и тогаш…“ appeared first on plusinfo.mk.

Лане Гутовиќ во петокот итно беше примен во болница, каде што му бил направен ПЦР тест што покажал дека актерот не е заразен со корона вирус и е задржан на лекување.

Гутовиќ бил сместен на интензивна нега и добивал кислород преку респиратор. Имал промени во белите дробови, за кои лекарите претпоставувале дека можат да бидат последица на претходно прележаниот ковид-19, пренесува Курир, повикувајќи се на Бета, од каде што веста ја потврдил синот на Гутовиќ.

Гутовиќ е роден на 11 август 1946 година во белградската населба Умка, а потоа живеел во Кумодраж. Во последниве години, тој често кампувал и ловел риби.

Родителите на Лане биле наставници. Имал постара сестра, Бојана, за која еднаш рече дека секогаш ја штител. Сакал да се запише на Природно -математичкиот факултет, но се обидел на Академијата за театар, филм, радио и телевизија, каде веднаш бил примен. Тој бил оженет и има ќерка Милица. Тргнала по патеките на нејзиниот татко, а покрај актерството се занимава и со балет. На крајот на 2016 година, Милица се породила, па актерот станал дедо. Повеќе од една деценија, тој беше во вонбрачна врска со Билјана Кнежевиќ, балерина во театарот Теразија. Со неа ги има синовите Јанко и Спасоје. Серии и филмови како „Тесна кожа“, „Метли без рачки“, „Отворени врати“, „Бели чамци“ се само дел од неговите достигнувања и проекти во кои го даде својот личен печат.

The post ШОЈИЌ СЕ ОДЈАВИ Актерот Милан Лане Гутовиќ замина во вечноста appeared first on plusinfo.mk.

– Не е добро. Тој е префрлен на одделот за интензивна нега и неговата состојба е многу сериозна. Зборував со него во петокот кога штотуку беше примен на Воено-медицинската академија и звучеше добро. Дишеше малку потешко, но можевме да разговараме, изјавил анонимен извор за порталот Новости и додал дека пред два дена сè тргнало наопаку.

Короната веројатно ќе ги одложи плановите на Гутовиќ да снима нова серија од септември, за која веќе потпишал договор. Тој сепак е оптимист. Кога го примиле во болницата, тој одговарал на телефонски повици, но од понеделникот попладне неговата состојба почнала да се влошува.

– Не ми се јавувајте, јас сум во болница, тестиран сум за коронавирус. Гледаш, ти зборувам, значи дека сум добро – рече Гутовиќ пред неколку дена.

Истиот анонимен извор открива дека ова се случува затоа што Гутовиќ не закрепнал целосно од короната пред два месеци.

– Имаше посветла форма на корона, но не закрепна целосно. Кашлицата не му стивнуваше, па мораше да ги откаже сите настапи. Имаше настинка два месеци, а не сакаше да оди на лекар. Тој живее како осаменик во последните неколку години, така што не им кажува на луѓето многу за здравствените проблеми – вели изворот.

The post И „ШОЈИЌ“ ЗАБОЛЕ ОД КОРОНА Капетанот на „Белата лаѓа“ дише на респиратор appeared first on plusinfo.mk.

На повеќе локации на територијата на градот Скопје, граѓаните на јавни површини одложиле над 150 стари кревети, триесетина електрични шпорети, околу 100 собни врати, повеќе од 50 тоалетни школки, лавабоа и кади, градежен шут, но и органски отпад – мрши од кучиња, мачки, кокошки итн.

– Во последниот период сме соочени со многу зачестено непрописно одлагање кабаст, градежен, па дури и органски отпад во речиси сите скопски општини. Уште еднаш би сакале да ги потсетиме граѓаните дека исфрлањето отпад на јавни површини претставува прекршување на Законот за јавна чистота и подлежи на санкции, а ваквото несовесно однесување може да резултира со исклучително штетни последици за животната околина и јавното здравје. Непрописно одложениот отпад е потенцијално контаминиран и опасен за секој што ќе дојде во контакт со него, без разлика дали станува збор за наши работници на терен, случајни минувачи или деца. Ги повикуваме надлежните инспекциски служби да започнат со строго санкционирање на сторителите на овие прекршоци, а до граѓаните апелираме да ја искористат можноста својот кабаст отпад бесплатно да го депонираат во центрите за селекција во Карпош и во Вардариште – изјави директорот на ЈП Комунална хигиена-Скопје, Абдусамед Шабани.

Центрите за селекција на ЈП Комунална хигиена-Скопје коишто се лоцирани во Карпош и во Вардариште, секој ден во неделата од 7 до 19 часот се отворени за граѓаните што имаат потреба да се ослободат од својот кабаст отпад (застарен мебел, неупотребливи електронски и електрични апарати). Доколку граѓаните имаат потреба нивниот кабаст отпад да се транспортира со специјалните возила на ЈП Комунална хигиена-Скопје, таа услуга може да ја нарачаат на бесплатниот телефонски број 0800 222 33.

The post 150 стари кревети, 30 шпорети, 50 тоалетни школки, скопјани фрлаат каде ќе стасаат appeared first on plusinfo.mk.