Општина Карпош набави нови противпожарни апарати за основните училишта и за градинките на својата територија за што издвои 1.440.000 денари, или околу 55.000 евра.

– Шест месеци пред трагедијата во Кочани, Дирекцијата за заштита и спасување ја алармираше нашата институција дека фирмата којашто ги одржува противпожарните апарати во Карпош, односно во училиштата и во градинките, практично прави груба злоупотреба со тоа што истите противпожарни апарати не ги проверува туку ги зема и ги враќа назад, при што само ги менува контролните картончиња на уредите. Дирекцијата нѐ потсети дека законска обврска е да немаме противпожарен апарат во објектите, којшто е постар од пет години. Кога направивме комплетна анализа, за жал констатиравме дека овде имаме противпожарни апарати од 1955 година – рече градоначалникот Стевчо Јакимовски, кој денеска го посети ООУ „Христијан Тодоровски Карпош“.

Тој изрази голема благодарност до Кинеската амбасада, која донираше 98 противпожарни апарати за градинките и за училиштата во Карпош.

– Со ова го заокружуваме целиот систем од околу 550 противпожарни апарати кои се распоредени во сите предучилишни и училишни установи. Издвоивме уште 1.700.000 денари за проверка и реконструкција на хидрантската мрежа во сите училишта и градинки, затоа што во некои од нив не е соодветна инсталацијата од цевководи, поточно не се постигнува стандардниот притисок од минимум 2,5 бари. Од тие причини летово ќе ги извршиме потребните реконструкции и некаде во септември, сите училишта и градинки ќе бидат комплетно опремени со соодветна опрема за заштита од пожар – додаде Јакимовски.

The post НАМЕСТО ДА ГИ ПРОВЕРУВА ПП АПАРАТИТЕ, ФИРМАТА САМО ГИ МЕНУВАЛА КАРТОНЧИЊАТА Општина Карпош ги опреми школите и градинките со нови апарати appeared first on plusinfo.mk.

Викендов во Радовиш со дводневен забавно-спортски настан беше одбележан почетокот на новата сезона на проектот „Растеме во шампиони 2.0“ кој НЛБ Банка втора година по ред го реализира во соработка со организацијата „Отворени забавни фудбалски школи Македонија“.

Проектот е дел од иницијативата на НЛБ Групацијата за развој на младински спорт, кој има за цел да ги поддржи локалните спортски клубови, да го промовира спортот меѓу децата, да ја поттикне нивната љубов кон физичката активност, спортскиот дух, но и да ги здружи и зближи без разлика на пол, етничка припадност, религија или статус.

Настанот во Радовиш го отворија претставници од НЛБ Банка и градоначалникот на општина Радовиш, Ацо Ристов, а свое учество земаа и истакнати спортисти од регионот – членовите на ФК „Детонит Плачковица“ и РК „Радовиш“, спортски работници, директори и наставници од основните училишта и голем број граѓани кои со задоволство го проследија ова спортско дефиле.

„Младинскиот спорт е од особено значење за НЛБ Групацијата, навистина сме горди на овој проект, кој поради големиот успех минатата година, го продолжуваме и надградуваме годинава. Веруваме ќе успееме да го прoмовираме спортот и да поддржиме што повеќе спортски клубови ширум земјата, особено оние локалните кои најчесто работат со голема љубов и посветеност, а со минимални ресурси. Како општествено одговорна компанија наша должност е да ги истакнеме придобивките на спортот и воопшто физичката активност кај децата и младите, затоа што веруваме дека здравите животни навики се основен предуслов за создавање здрави генерации“, истакнуваат од НЛБ Банка и додаваат дека годинава е предвидено опремата која ќе се користи за реализација на настаните комплетно да се донира на локални спортски клубови.

„Растеме во шампиони 2.0“ до крајот на годината ќе се реализира во повеќе градови низ државата. На секој настан ќе бидат вклучени деца на возраст од 6 до12 години, со кои ќе работат тренери-наставници, млади асистенти, а во својство на амбасадори, и наши познати спортисти.

На настаните ќе се реализираат забавни спортски игри: штафета, разни игри со топка, скокање на јаже, хулахоп, вежби за координација и др.

„Нè радува фактот што втората сезона на „Растеме во шамиони 2.0“ ја започнуваме постолимписки, додека сè уште сме под силни импресии на олимписките игри во Париз. Токму духот на олимпизмот и големината на спортот сакаме да им ја пренесеме на децата, да им ја всадиме љубовта кон проефисоналниот и рекреативниот спорт и што е најважно, да ги оттргнеме од виртуелниот свет и да ги вратиме во спортските сали и на спортските терени. Ние сме уверени дека вклучувањето во спортот не само што го подобрува физичкото здравје, туку и учи на вредни животни вештини – тимска работа, дисциплина и издржливост, решителност и извонредност. Поттикнувањето на децата да вежбаат го поттикнува холистичкиот развој и ги поставува на пат кон успех и на теренот и надвор од него“, истакнаа од Отворени забавни фудбалски школи Македонија.

За потсетување, со првата сезона на „Растеме во шампиони“ минатата година беа опфатени 10 града ширум земјата, 42 основни училишта, повеќе од 1000 деца – момчиња и девојчиња со кои работеа над 40 тренери и едукатори.

The post ЗАПОЧНУВА ВТОРАТА СЕЗОНА „РАСТЕМЕ ВО ШАМПИОНИ 2.0“ Продолжува инцијативата на НЛБ Банка и „Отворени забавни фудбалски школи“ appeared first on plusinfo.mk.

Општина Тетово од вторник 18 јуни дворовите на пет училишта ќе ги пренамени како паркиралишта, а образложението е дека се прави со цел да се намали сообраќајниот метеж поради доаѓањето на иселеници и зголемувањето на бројот на возила. Паркирањето таму ќе биде бесплатно.

– Ова ќе го олесни сообраќајот во текот на летото кога нашите иселеници доаѓаат на одмор и имаме поголема посетеност. Исто така, сакаме да апелираме до возачите да ги почитуваат сообраќајните правила, да не ги блокираат постројките на јавниот превоз и да го користат градскиот автобус за да се намали аерозагадувањето и да не се предизвикува сообраќаен хаос – информираат од Општина Тетово.

Како паркинг места ќе служат дворовите на основните училишта „Истикбал“, „Лирија“, „Гоце Делчев“, како и двата објекта на Гимназијата „Кирил Пејчиновиќ“.

The post ГАСТАРБАЈТЕРИТЕ ЌЕ СЕ ПАРКИРААТ ВО ШКОЛСКИ ДВОРОВИ Тетово се досети каде да ги смести вишокот возила appeared first on plusinfo.mk.

– Ова е еден интензивен хибриден напад што ни се случува низ целата територија на земјата, при што беа зафатени околу 120 објекти, не само училиштата. Безбедносните служби активно работеа, безбедноста не беше загрозена, но мораше да се постапува според упатствата, вели министерот Спасовски.

Тој рече дека интензивно се работи на откривање на сторителите, посочувајќи дека од 19 октомври па се до денеска со опфатени повеќе од 520 објекти со лажните дојави.

– Неколку случаи беа разрешени. Сега имаме една изолирана група и се работи на случајот. Не станува збор за закани кои се случуваат само во нашата земја туку со истото се соочуваат и земјите од регионот. Во последните денови мејловите се испратени од адреси во Иран и Русија, а уплатите на ВПН услугите се со криптовалути што го отежнува пронаоѓањето – рече Спасовски.

Тој додава дека новото упатство прави проценка на ризик, па оттука и отсега па натаму ќе се преземаат мерки, но без да се нарушува образовниот процес во училиштата.

Спасовски посочи дека е направен оперативен тим од различни институции кои учествуваат со свои експерти и бараат соодветни решенија за да се најде поинаков пристап кон електронските закани, исто така, нагласувајќи дека е донесено ново успатство за постапување и од петокот училиштата функционираат според тоа упатство.

The post ПОСЛЕДНИТЕ ЛАЖНИ ДОЈАВИ ЗА БОМБИ ДОШЛЕ ОД РУСИЈА И ОД ИРАН! Спасовски за истрагата за заканувачките мејлови appeared first on plusinfo.mk.

Учениците од вторите смена од четири основни училиште биле ослободени од часови и наставата ќе ја продолжат он-лајн. Учениците и наставниците биле евакуирани, а родителите биле повикани да си ги земат децата од школите. Полициски екипи ги проверуваат зградите – пишуваат софиските медиуми.

Поради дојави за бомби изутринава биле затворени и евакуирани зградата на Регионалниот софиски суд, како и Судската палата. И таму полицијата извршила проверки и открила дека дојавите се лажни.

Дојавите за бомби почнаа најпрво во Србиија, постојано ги има во Македонија, имаше неколку дојави во Црна Гора и во БиХ, а стануваат сè почеста појава и во Бугарија.

The post И ВО БУГАРИЈА ЗАЧЕСТИЈА ДОЈАВИTE ЗА БОМБИ Евакуирани 4 училишта и два судови appeared first on plusinfo.mk.

Во објава на својата официјална страна на фејсбук градоначалникот на општина Гази Баба информира за дојави за поставени бомби во општински основни училишта.

– Утрово директорите на основните училишта ме информираа дека во училиштата Григор Прличев, Наум Наумовски Борче, Крсте Мисирков, Кирил и Методиј, Крум Тошев, 25 Мај, Дане Крапчев и Наум Охридски има пристигнато дојави за поставени бомби. Апелирам на смиреност и почитување на пропишаните правила и протоколи за постапување во вакви случаеви. До сега сите дечиња се на безбедно, евакуирани од просториите на училиштата и се во придружба на наставниот кадар. Веднаш по информациите разговарав со надлежните во полициската станица од општа надлежност Гази Баба со цел веднаш да се превземат сите неопходни мерки за проверка на пристигнатите информации. Излезен сум на терен заедно со вработени од општинската администрација со цел увид на спроведувањето на протоколите за евакуација. Се ставаме целосно на располагање за безбедно згрижување на сите дечиња – напиша Стефковски.

The post ДЕЧИЊАТА БЕЗБЕДНО СЕ ЗГРИЖУВААТ 8 училишта во Гази Баба добиле дојави за бомби, Стефковски на терен appeared first on plusinfo.mk.

Претходно денеска, околу 14:00 часот во СВР Скопје беше пријавено дека на меил адреси на девет училишта во Скопје е упатена закана за поставена бомба.

Веднаш по добиената пријава, од полициски службеници презедоа мерки за безбедно евакуирање на училиштата.

Во тек се антитерористички проверки и се преземаат мерки за расчистување на случајот.

Вчера, исто така, по меил осум скопски среди училишта добија закани за подметнати бомби. По направените проверки утврдено беше дека станува збор за лажни пријави.

Министерот за внатрешни работи Оливер Спасовски претходно денеска изјави дека истрагата за вчерашните дојави за поставени бомби во осумте скопски средни училишта е тек.

– Ги знаеме првите податоци за тоа од каде се испратени тие мејлови и најважно е да успееме да ги откриеме сите ИП адреси од каде доаѓа овој монструозен чин, без разлика дали станува збор за хибриден напад врз Северна Македонија или политички игри, како една од претпоставките – изјави Спасовски.

Тој додаде дека без разлика на што се однесува, никој не смее да дозволи да си игра со судбините на децата и на сите нас.

– Ова е сензитивна тема и сметам дека без разлика кој го нарачува сето ова треба да има на ум дека не може да се игра со системот и со граѓаните на Република Северна Македонија – порача министерот Спасовски.

The post ЛАЖНИ СЕ ПРИЈАВИТЕ ЗА БОМБИ ВО ТРИ УЧИЛИШТА Во останатите шест објекти сѐ уште се врши проверка appeared first on plusinfo.mk.

Д-р Злате Мехмедовиќ од Здравствениот дом Скопје бара од здравствените власти да воведат онлајн настава за учениците поради ширењето на сојот омикрон.

– Има сериозна студија којашто ја објави „Дискавери“, според којашто додека хоспитализацијата кај повозрасните е намалена за 30%, кога е во прашање омикрон, кај децата под 18-годишна возраст е зголемена за 20%. Тоа е сериозна бројка којашто ни иницира дека треба сериозно да разгледаме за тоа да ги заштитиме младите и да не ги препуштаме толку лесно на вирусот и болеста и да сметаме дека лесно ќе поминат низ таа фаза на создавање имунитет. Онлајн настава е соодветно решение – вели Мехмедовиќ во својот апел, преку изјава за ТВ Сител.

Од Министерството за здравство велат дека на последниот состанок одржан минатата недела Комисијата за заразни болести не препорачала нови мерки.

Нема предвремен зимски распуст, ниту онлајн настава, категорична е министерката за образование. Според Царовска стабилна е епидемиолошката состојба со Ковид во образовните установи, иако се зголемува бројот на отсутни деца и наставен кадар поради сезонскиот грип, други вирози и настинки.

– Се почитуваат протоколите, се штити јавното здравје, а учениците имаат соодветни услови за учење во училиштата. Скринингот направен од Министетството за здравство покажа дека состојбата е стабилна – вели министерката.

The post Д-Р МЕХМЕДОВИЌ СО АПЕЛ ДО ВЛАСТИТЕ Затворете ги школите и преминете на онлајн настава appeared first on plusinfo.mk.