Градоначалникот на Општина Штип, Иван Јорданов, денеска изјави дека новото и прво шеталиште во градот Штип се уредува и се поплочува, а претходно екипите на ЈП „Исар“ работеа на промена на водоводната и канализациона мрежа. Изградбата на шеталиштето во централното градско подрачје е забрзана бидејќи на 20 и на 21 септември се планира одржување на манифестацијата „Пастрмалијада“ на оваа локација.

– Се надевам дека во најбрз можен рок ќе биде пуштена во употреба со соодветната планирана содржина, урбана опрема, целосно осветлување и со можност истата да биде користена за одржување на настани во иднина. Некаде околу 200.000 евра се издвоени за оваа улица – изјави Јорданов.

Јорданов денеска најави дека по завршување на првата фаза, предвидена е и втора фаза, со која ќе се обноват и фасадите на зградите.

Инаку, на манифестацијата „Пастрмалијада“ предвидено е на новото шеталиште да се постават унифицирани куќарки, во кои угостителите ќе можат да го продаваат познатиот штипски кулинарски бренд. Цената на пастрмалиите ќе изнесува 200 денари, а во една пастрмалија треба да има 200 грама месо и 250 грама тесто. Угостителите нема да плаќаат закуп за куќарките, туку, како што вели Јорданов, и организаторите треба да им понудат квалитет на гостите, за да се вратат повторно наредната година.

ЏИНОВСКА ПАСТРМАЛИЈА, НАТПРЕВАР ВО БРЗО ЈАДЕЊЕ И ДОБРА МУЗИКА Се крчка 16. издание на „Пастрмалијада“ на нова локација

The post 200.000 ЕВРА СЕ ПОТРОШИЈА ЗА УЛИЦАТА, А ЕДНА ПАСТРМАЛИЈА ЌЕ ЧИНИ 200 ДЕНАРИ Забрзано се гради првото шеталиште во Штип, на него ќе се одржи „Пастрмалијадата“ appeared first on plusinfo.mk.

Тој пристигна во Белград попладнето, а на фотографиите се гледа како со српскиот претседател Вучиќ и со премиерката Брнабиќ се шетаат на кејот на реката Сава.

– Драго ми е што вечерва сум гостин на претседателот на Србија Александар Вучиќ и на премиерката Ана Брнабиќ. Мојата посета ја започнувам со пријатна заедничка прошетка низ убавото шеталиште покрај Сава во Белград. Споделивме размислувања за цврстото пријателство, соработката, партнeрството меѓу нашите две земји како и визијата за иднината на Западен Балкан – вели Ковачевски.

Претседателот на Србија, Александар Вучиќ исто така сподели фотографии од прошетката со премиерот Димитар Ковачевски и претседателката на српската влада Ана Брнабиќ при што напиша дека при добра прошетка се прават најдобри планови и се водат најпријатните разговори.

– Додека со гордост му покажувам на мојот пријател Димитар Ковачевски колку изградил Белград, разменуваме мислења за проширувањето на иницијативата Отворен Балкан, Европската Унија, патот на нашиот регион, позицијата и перспективата на Западен Балкан на геополитичката карта на Европа. и светот, но и за плановите за претстојните состаноци и нови проекти за поврзување – пишува Вучиќ.

 

View this post on Instagram

 

A post shared by Aleksandar Vučić (@buducnostsrbijeav)

The post (ФОТО) ВЕЛАТ ДЕКА ПРИ ДОБРА ПРОШЕТКА СЕ ПРАВАТ НАЈДОБРИТЕ ПЛАНОВИ Ковачевски заедно со Вучиќ и Брнабиќ прошетаа покрај „Белград на вода“ appeared first on plusinfo.mk.

На прес-конференцијата по повод отворањето на реконструираното шеталиште се обрати градоначалникот Петре Шилегов.

– Станува збор за еден од најфреквентните делови од кејот на Вардар, каде што имаме еден од наубавите дрвореди во Скопје, но, за жал, имавме и еден од најруинираните плочници. Истото го реконструиравме на потег во должина од 140 метри и со ширина од 10 метри, а шеталиштето помеѓу тројниот дрворед на скопските липи доби целосно нова и реконструирана патека од лиен бетон, која е нова технологија што започнавме да ја применуваме – кажа Шилегов.

Покрај реконструкција на шеталиштето, на овој потег е поставена и нова урбана опрема, клупи и канти за џебен отпад со што овој дел од кејот доби целосно нов изглед.

Ова не е прва активност на Град Скопје кога станува збор за реконструкција на јавните простори во градот, поточно кејот на Вардар и Градскиот парк. Покрај целосно исчистеното корито на Вардар од хотелот „Александар Палас“ до Аеродром, Град Скопје е во завршна фаза и со реконструкцијата на шеталиштето на кејот „13 Ноември“, а во тек е и реконструкцијата на пешачките патеки во вториот дел од Градски парк, каде што веќе се обновени и сите пешачки мостови.

– Како што многупати досега имам кажано, идејата е чистењето и уредувањето на кејот да не се прави кампањски преку периодично спроведување на големи акции за чистење, туку напротив одржувањето на кејот во добра кондиција да премине во редовна секојдневна активност на јавните градски претпријатија – додаде Шилегов.

На пуштањето во употреба на реконструираното шеталиште присуствуваа и претседателката на Советот на град Скопје, Љубица Јанчева, и градоначалникот на Општина Центар, Саша Богдановиќ.

The post Шеталиштето „Кај Жабарот“ доби нов лик appeared first on plusinfo.mk.

– Во должина од 140 метри и со ширина од 10 метри, шеталиштето помеѓу тројниот дрворед на скопските липи ќе добие целосно нова и реконструирана патека од лиен бетон, а ќе бидат поставени и нови клупи и канти за џебен отпад. Овој потег иако е еден од најфреквентните делови од кејот на Вардар, веќе подолго време беше руиниран и преставуваше критично место при шетање или движење со велосипед – информираат од Град Скопје.

Ова, велат оттаму, не е прва активност на Град Скопје кога станува збор за реконструкција на јавните простори во градот, поточно Кејот на Вардар и Градскиот парк.

„Покрај целосно исчистеното корито на Вардар од хотелот Александар Палас до Аеродром што преставува големо задоволство за скопјани, Град Скопје е во завршна фаза и со реконструкцијата на шеталиштето на кејот 13-ти Ноември, а во тек е и реконструкцијата на пешачките патеки во вториот дел од Градски Парк, каде веќе се обновени и сите пешачки мостови“, се вели во соопштението од Град Скопје.

The post Град Скопје: Почна реконструкцијата на едно од најубавите шеталишта (ФОТО) appeared first on plusinfo.mk.

Граѓаните кои спортувале во тие моменти на шеталиштето, со нивните мобилни телефони го снимиле овој, не толку вообичаен и чест момент во нивниот град, а видеата ги споделија на социјалните мрежи, јави дописничката на МИА од Атина.

The post Делфини во морето во близина на шеталиштето во Солун ВИДЕО appeared first on plusinfo.mk.

Одлуката стапува во сила денеска и ќе важи 14 дена, а доаѓа откако веќе неколку дена, шеталиштето е полно и покрај забраната за движење на граѓаните во Грција.

Градоначалникот на Солун, Константинос Зервас, говорејќи за грчките медиуми вчера рече дека доколку не биде донесена одлука од владата, тој лично ќе го затвори, по што следеше соопштение од Генералниот секретаријат за цивилна заштита.

Заменик министерот за цивилна заштита на Грција вели дека одлуката е донесена со согласност и на градоначалникот на Солун и на префектот на областа.

– И покрај нашите континуирани препораки за ограничено движење и само од витална потреба, за жал нашиот повик беше разбран. Должни сме да го заштитиме јавното здравство без отстапки. Непочитувањето на мерките и правилата за движење, носи нови, за жал, построги мерки – вели Хардаљас.

The post Шеталиштето во Солун оди во самоизолација appeared first on plusinfo.mk.