Претседателот на Украина, Володимир Зеленски, изјави дека ако се сретне со рускиот претседател Владимир Путин, нема да води историски дебати, туку ќе разговара за брзо завршување на војната.

– Постои безбедносен проблем. Против нас се води голема војна. Тоа се нашите животи. Единственото за што сакам да разговарам со него, според моето мислење, е дека мораме успешно да го решиме ова. Мислам дека бргу ќе ја завршиме оваа војна. Затоа сакам да разговарам само за такви работи – наведе Зеленски во интервју со британскиот новинар Пирс Морган.

Зеленски нагласи дека не се потребни „сите тие историски приказни за да заврши војната и да се премине на дипломатија“.

– Не сум прочитал помалку историски книги од Путин. И научив многу. Знам повеќе за неговата земја отколку тој за Украина. Едноставно, затоа што сум бил во многу градови во Русија. И познавам многу луѓе таму. Тој никогаш не бил толку многу пати во Украина. Тој бил само во големи градови. Јас бев во мали градови. Од север до југ. Насекаде. Го знам нивниот менталитет. Затоа не сакам да губам време на сите овие работи – наведе Зеленски.

The post ПОВЕЌЕ СУМ ШЕТАЛ ВО РУСИЈА ОТКОЛКУ ПУТИН ВО УКРАИНА Зеленски нема да дебатира за историја ако се сретне со колегата appeared first on plusinfo.mk.

Гол маж прошета пред скопската гимназија „Јосип Броз Тито“ во строгиот центар на градот, предизвикувајќи шок и вознемиреност кај присутните, пренесува порталот Република.

Настанот се случил во близина на училиштето, во период кога во околината имало поголем број средношколци и граѓани. Очевидци велат дека сцената била вознемирувачка и дека не знаеле дали станува збор за лице во психичка криза или провокација.

Од Министерството за внатрешни работи информираат дека полициски службеници веднаш излегле на терен, реагирале брзо и лицето било приведено и спроведено во полициската станица Центар.

Во моментов полицијата работи на утврдување на идентитетот, како и на причините за ваквото однесување.

The post 📷 ГОЛ МАЖ ШЕТАШЕ ВО ЦЕНТАРОТ НА СКОПЈЕ Средношколци сведоци на несекојдневна сцена пред гимназија „Јосип Броз“ appeared first on plusinfo.mk.

„Целосната забрана за движење во шумите и шумското земјиште се воведува на територијата со која стопанисува ЈП „Национални шуми“, и истата започнува од 15.07.2024 година и ќе трае се до денот на нејзиното отповикување, во терминот од 06:00 до 20:00 часот. Целосната забрана за движење во шумите ќе трае се до проценката дека ризикот од шумски пожари е намален. Движењето во шумите ќе биде дозволено единствено со писмено одобрување издадено од страна на подружниците на ЈП „Национални шуми“, за подрачјето со кое управуваат“, информираат од министерството.

За непочитување на оваа целосна забрана за движење во шумите и шумското земјиште, на физички лица кои ќе се затекнати да се движат во шума и шумско земјиште, согласно член 106 од Законот за шумите, ќе им се изрече глоба од 1.500 до 2.000 евра во денарска противредност.

The post СЕДЕТЕ ДОМА, ШУМКАРИ, ДА НЕ ПЛАЌАТЕ ГЛОБИ ДО 2.000 ЕВРА! Нема шетање во шума поради високите температури и пожарите appeared first on plusinfo.mk.

Во 10.44 часот вчера, имало пријава за видени змии во дворот на ЈЗУ „Црниче“. Се барало итна реакција од соодветната институција за отстранување на проблемот. Во 17.02 часот имало уште една пријава за змија, забележана во дворот на Центарот за обука при Факултетот за безбедност – Скопје.

„Граѓаните да внимаваат на појавата на змии во овој потопол период од годината. Завчера имаше пријави за појава на змии во објекти во општините Гази Баба и Прилеп. За вакви случаи на појава на змии во објекти во населени места, бидејќи не постојат специјализирани институции за нивно отстранување, има физички лица, а и граѓански асоцијации за заштита на животните, што можат да им помогнат на граѓаните, во рамки на нивните можности. Сѐ со цел за безбедно отстранување на змии, други влекачи и слично, секако, по непосреден контакт и договор со нив“, потсетуваат од ЦУК.

Во денешното соопштение се апелира до граѓаните при прошетките во природа да бидат внимателни, бидејќи може да наидат на змии.

„Општо е познато дека змијата најчесто бега при средба со луѓе и ако не е загорозена и уплашена – не напаѓа. Но, може да се случи, на пример, ако случајно се нагази, наседне или кога се поминува брзо веднаш до неа, змијата да го касне човекот. Покрај тоа што е препорачливо да се носат соодветни обувки, облека и стапчиња за одење во природа, корисно е граѓаните да се потсетат и да се информираат за пружање прва самопомош, поточно за начинот како се реагира, како да се имобилизира и да се третира каснато место од змија. Се разбира, секако е препорачливо да се јават на 112 во ЦУК, без разлика дали си самопомогнале или не“, нагласуваат од ЦУК.

Изминатото деноноќие биле евидентирани и четири пожари на отворено. Пожарникари интервенирале во општините Центар, Битола, Карбинци.

Во општина Неготино се гаснеле запалена ниска вегетација на 0,3 хектари и на 0,1, се интервенирало на запалени жито, два напуштени објекта и на 12 пчелни семејства.

The post ПАЗЕТЕ ЗМИЈА ДА НЕ ВЕ АПНЕ Скопјани бараат помош, влечугите се шетаат низ град appeared first on plusinfo.mk.

Наместо укинување, во последните денови од власта организациски директори кои наместо да бидат разрешени се на наводни обуки-екскурзии низ светот и прашуваме:

Колку организациски директори во моментов се на патување во Барселона?

Зошто наместо да се укинат економските директори, одродената власт до последен момент и предизборно назначуваше организациски директори дури и таму каде што претходно немаше?

Колку средства од буџетот чинат овие екскурзии?

Зошто овие средства не се искористија за поцелисходни цели и во интерес на пациентите и здравствениот систем?

„Додека наши граѓани се лечат со смс пораки, а системот наместо да им помогне да дојдат во неопходната здравствена услуга, дополнително и со бирократските лавиринти им го комплицира користењето на здравствена услуга, овие директори без срам ги користат до последен момент функциите ни помалку ни повеќе туку за екскурзии“, реагираат од ВМРО-ДПМНЕ.

Оттаму додаваат дека Владата на ВМРО-ДПМНЕ ќе се обврзе дека ќе ги укине организациските директори, а средствата од нивните лични примања ќе останат во здравствениот систем и на располагање на пациентите.

The post ОРГАНИЗАЦИСКИТЕ ДИРЕКТОРИ НА НАВОДНИ ОБУКИ ВО БАРСЕЛОНА Опозицијата прашува со чии пари е платена екскуризјата и зошто овие функции не се укинати? appeared first on plusinfo.mk.

Да се ​​живее здраво и да се остане витален не е лесно бидејќи има различни фактори кои влијаат на тоа, а не станува збор само за исхраната.

Докажано е дека некои навики не само што не се препорачуваат после самиот оброк, туку треба да се избегнуваат. Во продолжение прочитајте што не треба да правите после јадење.

Повеќе за ова на порталот „Арт кујна“.

The post ДАЛИ ПОСЛЕ ЈАДЕЊЕ СПИЕТЕ, ПУШИТЕ, ШЕТАТЕ? Не е добро да се прави ништо од тоа appeared first on plusinfo.mk.

Имено, новите рестриктивни мерки се објавени со фотографии на македонски и на албански јазик, каде што на македонски на фотографијата пишува дека сопствениците на домашни миленици може да ги прошетаат од 22 до 23 часот во радиус од 100 метри од местото на живеење, а пак на албански за оваа мерка пишува дека милениците може да се шетаат од 20 до 05 часот, исто така во радиус од 100 метри.

Претпоставуваме дека станува збор за нов гаф на владината пи-ар служба, кој предизвика потсмев на социјалните мрежи. Тешко е да се поверува дека третманот на кучињата за време на полицискиот час зависи од националноста на нивните газди.

Ваквата информација од страна на Владата може да предизвика проблем кај оние кои навистина ќе ги прочитаат овие мерки и за време на полицискиот час го шетаат својот миленик, а не е во времето определено според новите правила.

The post НОВ ГАФ НА ВЛАДАТА Она кога албанското куче има поголеми потреби од македонското куче appeared first on plusinfo.mk.

Поради зголемувањето на бројот на заразени лица, главниот град на сојузната германска покраина Баварија, Минхен, повторно воведува строги епидемиолошки мерки, вклучително и обврска за носење маски на одредени јавни места.

Како што заклучи кризниот штаб на градот Минхен на состанокот одржан денеска, од четврток ќе се воведе забрана за собирање повеќе од пет лица на јавни места и обврска за носење маски на јавни места каде обично се собираат многу луѓе, како што е главниот плоштад – Мариенплац

Премиерот на Баварија, Маркус Содер сака да воведе обврска за носење маски на јавни места во сите баварски места кои припаѓаат на т.н. жаришта, т.е. места каде што се евидентираат повеќе од 50 новоинфицирани лица на 100.000 жители во период од седум дена.

Во моментов во Баварија, Минхен и Аугсбург спаѓаат во таа категорија. Во споредба со другите германски метрополи, Минхен е град со најбрз раст на новоинфицирани.

Во други градови, како Келн, Хамбург и Берлин, бројот на нови инфекции на 100.000 жители во рок од една недела е многу помал. Во Берлин има 21.

Баварската влада треба да донесе одлука за натамошните мерки во вторник, а се разгледува забрана за алкохол на јавни места и пократко работно време за кафеаните.

Градоначалникот на Минхен, Дитер Рајтер објасни дека ситуацијата во овој град е комплицирана бидејќи се уште не е можно да се дефинираат изворите на ширење на заразата.

Октоберфест требаше да се одржи во Минхен минатиот викенд, но беше откажан поради пандемијата. Октоберфест во променета форма сега се одржува во некои пабови.

Германската канцеларка Ангела Меркел и премиерите на сојузните држави се состануваат следната недела за да разгледаат какви мерки за борба против ширењето на инфекцијата треба да бидат воведени со доаѓањето на есента и зимата.

The post Нема повеќе шетање без маска низ Минхен appeared first on plusinfo.mk.

На такво тело би и позавиделе, но мајката природа била предарежлива кога е нејзиниот физички изглед во прашање. Кога пак ќе ја видите заедно со децата, како ја турка количката на Кира, а Вања до држи за рака, да ти е мерак да се свртиш и да ја погледнеш.

Тело и лик кој не се заборава, па затоа не случајно им стана чест избор на големите имиња во реномираните светски модни брендови за кои снимаше кампањи и чекореше по писта.

Деновиве со тоа тело вретено, стегнато во боди на тенки рамчиња кои ги оцртаа нејзините гради на кои немаше градник, во спој со тексас панталончиња, секси мама се прошета во градскиот парк.

Објави неколку фотки на „стори“, а изгледот беше навидум едноставен, но ултра секси.

Инаку, очигледно на нашата убавица Катарина и недостасуваат модните ангажмани и патувањето низ светот, па се почесто објавува фотографии од она што досега го сработила.

The post Познатата манекенка како на модна писта без градник се прошета низ парк (ФОТО) appeared first on plusinfo.mk.

Министерот за здравство Салвадор Ила треба да го претстави планот што ќе им овозможи на жителите да излезат еден час во сабота. Се очекува да се утврди според возраста колку може некој да биде на улица.

– Сега ќе биде потребна одговорност, одржување на хигиена и оддалеченост од други лица – рече министерот за здравство Салвадор Ила на конференцијата за медиуми најавувајќи ублажување на мерките.

Во местата со повеќе од 5.000 жители ќе биде воведен распоред кој на улиците ќе го контролира полицијата. Распоредот е поделен за луѓе од три генерации.

Жителите на возраст меѓу 14 и 70 години смеат да излегуваат од 6 до 10 часот наутро. Кога тие ќе се вратат дома, ќе излезат лицата постари од 70 години од 10 часот наутро до пладне.

Од пладне се до 19 часот смеат да излегуваат деца до 14 години.

После тоа повторно можат да излезат пензионерите до 20 часот. По нивната прошетка повторно ќе виде дозволено излегување на поголем дела од жителите на возраст од 14 до 70 години, се до 23 часот.

– Дозволено е излегување само еднаш во денот – предупреди министерот Ила.

Околу 47 милиони луѓе се во своите домови од 14 март, одејќи само во продавници за храна, аптеки, болници, киосци, банки, бензински пумпи и на кратка прошетка на миленците. Децата се затворени 42 дена, а од неделата излегуваат по еден час во придружба на нивните родители.

– Мораме да се чуваме од еуфорија. Таа би можела да биде опасна. Владата затоа воведе распоред за да не излегуваат сите наеднаш на улица. Ќе биде дозволено да се оддалечуваат најмногу километар од своите згради и куќи – рече шефот на лекарската служба Фернандо Симон на конференцијата за медиуми.

Во земјата инфицирани се 213.435 лица, така што Шпанија сè уште има најголем број пациенти во Европа.

Денеска починаа 268 лица, најмалку во последниот месец. Шпанија со вкупно 24.543 смртни случаи има најголем број жртви на светот по САД, Италија и Велика Британија.

Лекарите и медицинските сестри излекувале 112.050 жители, повеќе од половина од заболените.

The post Шпанија воведува распоред кој и кога може да излезе надвор според возраста appeared first on plusinfo.mk.