Омикрон варијантата на коронавирусот веројатно е чекор во добра насока. Големи се шансите ова да е крај на короната, изјави српскиот вирусолог Миланко Шеклер.

Тој оцени дека стравот кој ескалирал со појавата на омикрон бил претеран.

– Откажувањето на летовите, според мене, беше погрешно. Не треба да се штитите од вирус кој е повеќе пренослив, но помалку патоген. Во исто време имате вирус во вашата земја кој е многу попатоген. Тоа беше избрзано – изјави Шеклер за телевизијата Нова С.

– Новите соеви се повеќе и повеќе наликуваат еден на друг и заштитата подобро се совпаѓа – продолжува со оптимизам д-р Шеклер. Според него, хоспитализацијата на пациентите со делта варијантата била пет проценти, а со омикрон е околу еден процент.

– Првиот сој од Вухан е најразличен од омикрон. Па, оној што се заразил во март/април 2020 година има големи шанси повторно да се зарази. Оние кои ја поминале варијантата делта имаат 30-40 проценти шанси да се заразат со омикрон. Ако сте го прележале јужноафриканскиот сој, имате шанси од околу 50 проценти. Оние кои биле заразени со алфа сојот имаат 60 проценти шанси. Оној кој бил заразен со оној првиот, сојот од Вухан, има дури 75 проценти шанси да се зарази – објасни Шеклер.

Како добра вест, тој наведува мала студија спроведена меѓу околу 50 семејства кои имале некои од четирите хумани коронавируси, при што се обиделе да ги заразат со омикрон. Сепак, заштитата што ја имале се покажала како ефикасна и ја спречила инфекцијата со омикрон.

The post ОПТИМИСТИЧКИ ПРОГНОЗИ НА СРПСКИ ВИРУСОЛОГ Омикрон веројатно води до крај на коронавирусот appeared first on plusinfo.mk.