Писмото е поврзано со подготвеноста на Грција да придонесе во напорите за итно де-ескалирање на кризата, соопштуваат од Министерството за надворешни работи на Грција и додаваат дека целта на грчката иницијатива е одржување разговори со учество на двете инволвирани страни, разгледување на секој можен начин за де-ескалација на кризата и одново отпочнување на преговорите во рамките на Минск групата за мирно решавање на разликите.

Паралелно велат дека ескалацијата на тензиите има сериозни последици врз регионалната стабилност, „став што беше потенциран од министерот за надворешни работи за време на средбата со американскиот државен секретар Помпео“.

Грција е убедена дека решавањето на кризата е можно само со мирни средства, преку преговори, а не со оружје. Грција не одобрува било каква интервенција на трети што поттикнува тензија. Во овој контекст, Турција мора да се воздржи од активности и изјави што се движат во оваа насока, соопштуваат од грчкото МНР.

Додаваат дека подготвеноста на Грција да придонесе во смирување на тензиите, ја изразил Дендиас и за време на неодамнешниот телефонски разговор со неговиот ерменски колега Зохраб Мнатсаканијан, утре двајцата министри одново ќе разговараат преку видеоконференција, а наскоро е планирана посета на Ерменија на шефот на грчката дипломатија.

The post Дендиас бара свикување на Постојаниот совет на ОБСЕ за тензиите во Нагорно-Карабах appeared first on plusinfo.mk.