Педесетгодишната актерка Шарлиз Терон се појави во „Шоуто на Дру Баримор“ за да го промовира својот нов филм на Нетфликс „Апекс“ и отворено зборуваше за тоа што мисли за живеењето со партнер.

Таа вели дека не е сигурна дали некогаш повторно ќе сака да го стори тоа.

Живеење во одвоени куќи

– Навистина го мислам тоа, иако луѓето мислат дека се шегувам – не мислам дека некогаш повторно би можела да живеам со некого. Не сум сигурна дека би можела – сподели актерката.

Сепак, таа не би имала ништо против нејзиниот партнер да живее во близина.

– Би сакала таа личност да биде блиску. На пример, ако купи куќа на истата улица – објасни Терон.

Можна промена на мислењето

Таа исто така призна дека нејзините чувства би можеле да се променат еден ден.

– Можеби е така затоа што моите ќерки се уште се дома, па тоа ќе се промени кога ќе бидат постари и ќе си заминат. Но, јас барам нешто многу специфично – продолжи ѕвездата.

Промоција на нов филм

Претходно оваа недела, Терон изведе смел трик искачувајќи се на врвот на карпа со поглед на Тајмс Сквер, додека го промовираше својот нов филм. Нејзиниот нов филм, „Апекс“, сега е достапен на Нетфликс.

The post 🎥 ШАРЛИЗ ТЕРОН ОТВОРЕНО ЗБОРУВА ЗА ЗАЕДНИЧКОТО ЖИВЕЕЊЕ СО ПАРТНЕР „Никогаш повеќе не би можела да живеам со некого“ appeared first on plusinfo.mk.

– Никогаш не сум имала интервју како ова со Шарлиз Терон. Дојдов да зборувам за нејзината богата актерска кариера, која започна откако се пресели сама во Њујорк за да биде балетска танчерка, се откажа поради повреда и беше откриена во своите тинејџерски години во банка во Лос Анџелес.

До доцните 20-ти години таа го продуцираше, глумеше и освои Оскар за филмот „Monster“ (Чудовиште), во кој целосно се трансформираше за да ја игра Ајлин Вурнос, жената- сериски убиец.

Оттогаш, таа глумеше во темни комедии како „Tully“ и фантазии со голем буџет како „Snow White and the Huntsman“, но најмногу ме интересираше нејзиниот последен настап како акциона ѕвезда во филмови како „Лудиот Макс: Патот на бесот“, франшизата „Стара гарда“ и нејзиниот најнов филм „Апекс“, во кој, на 50-годишна возраст, повторно се забавува, овој пат додека ја бркаат низ австралиската дивина.

Но, иако зборувавме за нејзините минати и сегашни улоги, нашиот разговор речиси веднаш доби откривачки пресврт – вели американската новинарка Лулу Гарсија-Наваро за интервјуто со 50-годишната оскаровка Шарлиз Терон.

Од интервју за нејзината богата актерска кариера, тоа брзо се претворило во емотивен разговор за минатото.

– Терон јавно проговори за фактот дека нејзината мајка го убила нејзиниот татко во самоодбрана кога била тинејџерка. Но, кога зборувавме за тоа и за последиците со кои живее оттогаш, сеќавањата на нејзиното детство ја преплавија со живост што нè изненади и двете – вели новинарката.

Во интервјуто кое можете да го видите подолу, актерката вели:

– Свесна сум дека времето брзо поминува. Пораснав со татко алкохоличар, чиј живот мојата мајка го прекина во самоодбрана. Тоа искуство ме турка напред. Свесна сум дека сè може да заврши штом излезам од оваа зграда. Ако еден ден останам во кревет, чувствувам како да сум пропуштила ден од својот живот.

Станувајќи емотивна Терон рече дека е смешно тоа што луѓето секогаш мислат дека е ладнокрвна.

– Луѓето секогаш мислат дека сум опасна кучка. Мислат дека сум ладна и дека можам сама да се грижам за себе. Понекогаш сум малку остра на јазикот, па тоа го сфаќаат како доказ дека сум цврста, но вистината е спротивна – призна славната актерка додавајќи дека нејзините деца често се срамат од неа бидејќи може да се расплаче во секунда за која било ситница.

The post 🎥 КАКО ШАРЛИЗ ТЕРОН ГО НАДМИНАЛА МРАЧНОТО СЕМЕЈНО МИНАТО „Сите мислат дека сум ладнокрвна, опасна кучка“ appeared first on plusinfo.mk.

Минувачите во срцето на Њујорк, поточно, на Тајмс Сквер, беа изненадени од глетка што не се гледа секој ден – познатата актерка Шарлиз Терон буквално се искачи на огромен билборд над Тајмс Сквер.

Во моментот кога се појави најгоре, многумина застанаа и гледаа со неверица, обидувајќи се да сфатат дали станува збор за снимање или вистинска ситуација. Некои дури коментираа дека им требале неколку секунди за да сфатат дека гледаат во позната добитничка на Оскар.

I can’t believe I saw Charlize Theron climbing a Times Square billboard

The lucky people who happened to be there stopped in their tracks as everyone looked up while she scaled a massive billboard towering over the streets. The woman is an absolute icon… because who else is… pic.twitter.com/9F8deDyepx

— New York Mickey (@MickmickNYC) April 24, 2026

Шарлиз Терон, опремена со безбедносна опрема, се искачи на вештачка карпа поставена покрај голем рекламен билборд, а кога стигна до врвот, ѝ мавна на толпата и предизвика воодушевување кај публиката што се собра долу. Сепак, иако сцената изгледаше како спонтан адреналински потфат, наскоро стана јасно дека зад сето тоа стои филмска промоција.

Имено, станува збор за кампања за новиот акционен трилер на Нетфликс „Apex“, во кој Терон игра алпинистка која се наоѓа во смртоносна игра на преживување во дивината.

За оваа улога, актерката поминала сериозна физичка подготовка и за првпат интензивно се сретнала со искачувањето, тренирајќи со професионални инструктори со цел да ги изведе тешките сцени што е можно поубедливо.

Затоа оваа необична сцена во Њујорк не беше само маркетиншки трик – Терон навистина ги демонстрираше вештините што ги научила за време на снимањето.

Филмот „Apex“, во кој глумат и Тарон Еџертон и Ерик Бана, беше објавен на Нетфликс на 24 април, а оваа необична промоција беше начин дополнително да го привлече вниманието на публиката. И се чини дека успеа – бидејќи малкумина можат да останат рамнодушни кога ќе видат холивудска ѕвезда како виси високо над една од најпрометните локации во светот.

The post 🎥 ОСКАРОВКАТА ГИ ШОКИРАШЕ МИНУВАЧИТЕ Позната актерка се качуваше по билборд среде Тајмс Сквер! appeared first on plusinfo.mk.

Тинејџерство – фаза во која сè е „глупаво“, родителите се „напорни“, а погледот што зборува погласно од зборовите честопати прави да изгледа како светот да е најлошото место на планетата. Превртување на очите, кратки одговори и таа неизбежна реченица: „Ништо не разбираш“.

И додека многумина мислат дека ова е „резервирано“ за обични смртници, вистината е всушност многу позабавна, дури и најголемите светски ѕвезди не се поштедени од тинејџерските испади. Бидејќи без оглед на славата, црвените теписи и Оскарите, дома важат сосема различни правила. А колку брутално може да биде, откри и Шарлиз Терон за време на нејзиното гостување во „The Tonight Show Starring Jimmy Fallon“ со Џими Фалон.

Холивудската ѕвезда сподели урнебесна, но и брутално искрена анегдота од нејзиниот приватен живот – онаа за нејзината 14-годишна ќерка. И ако мислевте дека животот на добитничката на Оскар е полн со почит и восхит дома… размислете повторно.

– Мојата 14-годишна ќерка се врати дома од училиште пред некој ден и имаше таков израз на лицето како постојано нешто да ѝ смрди, започна Терон со смеа, опишувајќи типична тинејџерска фаза. – Знаете, она – „сè ѝ оди на нерви“.

Не, вистинското „изненадување“ допрва доаѓа.

Нејзината ќерка ја прашала, „мртва – ладна“: „Што правеше ти цел ден?“

– Ѝ реков: „Работев“, раскажува Терон, на што ќерка ѝ, како што самата вели, одговорило: „Која е твојата работа воопшто?“. Шарлиз ѝ рекла: „Снимам филмови“, а таа, раскажува Шарлиз: „Но, беше дома цел ден?“

Актерката се обидела да ѝ објасни дека работата не е само снимање пред камерите:

– Бев на телефон, имав состаноци преку Зум, одам во продукциската канцеларија… – набројала таа, но, без успех.

– Потоа ми вели, продолжи познатата актерка, „Јас цел ден бев на училиште“, на што публиката гласно се насмеа, а Терон додаде: – Демек, „направив нешто конкретно“. Во тој момент, Фалон исто така се вмеша со насмевка:

– Значи, тие сè уште не разбираат?

– Тие немаат поим, признала Терон, и објаснила: Мислат дека лежам во кревет цел ден. И покрај тоа што еедна од најпознатите актерки во светот и добитничка на Оскар, дома – нема попуст.

– Таа 14-годишна девојка буквално „ме растура“, а потоа доаѓам тука и сите сте толку фини, се пошегува таа.

Фалон веднаш се обиде да ја „спаси“:

– Луѓето освојуваат Оскари, не ги делат само така!

Но, се чини дека тинејџерската логика не препознава награди, слава или Холивуд.

The post 🎥 „ШТО ПРАВЕШЕ ПА ТИ ЦЕЛ ДЕН ДОМА?!“ Шарлиз Терон раскажа анегдота поврзана со нејзината ќерка-тинејџерка appeared first on plusinfo.mk.

Актерката Шарлиз Терон јавно проговори за убиството на нејзиниот татко Чарлс Јакобус Терон во 1991 година, кој бил застрелан од нејзината мајка Герда во самоодбрана.

„Њујорк Тајмс“ направи интервју со актерката од „The Old Guard“, каде таа изјави дека за ваквите потресни инциденти „треба да се зборува“.

За оние кои не знаат, мајката на познатата јужноафриканско-американска актерка и продуцентка, Герда Терон, го убила алкохоличарот Чарлс во самоодбрана во 1991 година. Герда испукала куршум кој поминал низ вратата и го погодил Чарлс, додека таа и 15-годишната Шарлиз се криеле од него.

 

View this post on Instagram

 

A post shared by The Interview (@theinterview_nyt)

– Мислам дека за овие нешта треба да се зборува бидејќи тоа прави другите луѓе да не се чувствуваат осамени. Никогаш не знаев за таква приказна. Кога ова ни се случи нам, мислев дека сме единствените луѓе на кои им се случило. Овие работи веќе не ме прогонуваат –  изјави таа со искрено признание.

Давајќи го целосниот приказ на настаните што доведоа до трагичната смрт на нејзиниот татко, Шарлиз сподели дека таа и нејзината мајка отишле во кино, а потоа кај нејзиниот чичко. Сè се одвивало како што треба, но ситуацијата добила мрачен пресврт кога таа не го поздравила својот пијан татко по пристигнувањето кај чичко ѝ со нејзината мајка Герда.

Споделувајќи ја причината зошто избегнала да го поздрави татко си, 50-годишната актерка рече:

– Морав итно да одам во тоалет. Затоа, влетав во куќата за да стигнам до тоалетот, а тоа тој го сфати како безобразлук од моја страна, бидејќи не застанав да ги поздравам сите. Тоа е голема работа во Јужна Африка, видот на почит што треба да ја имате кон постарите. А тој беше во состојба каде што едноставно излезе од контрола. Си рекол: „Зошто не застана? Која мислиш дека си ти?“ – истакна ѕвездата на „Snow White and the Huntsman“.

Шарлиз била свесна за гневот на нејзиниот татко и за да се заштити од неговиот бес, отишла кај мајка си и ѝ рекла: „Кога тој конечно ќе реши да си дојде дома, те молам кажи му дека спијам“.

Таа се присети:

– Отидов во мојата соба, ги изгаснав светлата и бев исплашена. Мојот прозорец гледаше кон патеката за автомобили и можев да го проценам нивото на лутина, фрустрација или несреќа по начинот на кој влегуваше со колата. Начинот на кој тој влезе во имотот таа ноќ, не можам да ви го објаснам. Едноставно знаев дека нешто лошо ќе се случи.

Шарлиз раскажа како со пукање ја отворил влезната врата, мајка ѝ брзо го зела пиштолот и влегла кај неа во собата. Со телата ја држеле вратата затворена, зашто немало клуч. Татко ѝ пукал во вратата, со намера да ги убие, вели актерката. Но, тогаш мајка ѝ испукала и го убила.

The post 🎥 УБИСТВОТО НА ТАТКО Ѝ ВЕЌЕ НЕ ЈА ПРОГОНУВА ШАРЛИЗ ТЕРОН Шокантно признание на актерката appeared first on plusinfo.mk.

Шарлиз Терон, една од највлијателните ѕвезди на современата филмска сцена, на 7 август го прослави својот 50-ти роденден. Наместо гламурозна забава, актерката одлучила јубилејот да го помине во тишина, со блиските, грижејќи се за себе и за она што, како што вели, најмногу ѝ недостигнало со години – мир.

Најважен ѝ е мирот

– Ова е првпат по многу долго време да имам роденден каде што ништо не се случува. Нема брод, нема мистерија, нема костими… Само една долга религиозна нега на кожа – се пошегува Терон во разговор за едно списание.

Нејзиниот пристап кон прославата е далеку од она што јавноста обично го очекува од холивудските ѕвезди. Таа сѐ почесто ги избегнува црвените теписи и вниманието, посветувајќи се на семејството и на активната грижа за менталното и физичкото здравје.

– Најголемиот подарок што можеш да си го дадеш себеси е да не мораш никому ништо да докажуваш – изјави Терон.

Симболичен момент и за нејзината кариера

Оваа годишнина е симболичен момент и за нејзината кариера. Од освојувањето на Оскарот во 2004 година за улогата во филмот „Monster“, Терон изгради респектабилна биографија со улоги во хитови како „Mad Max: Fury Road“, „Atomic Blonde“, „Bombshell“ и многу други. Покрај актерството, таа е и продуцентка, активистка и мајка.

Трагедија, болка и предизвици од детството

Терон е родена во Јужна Африка, а во Америка се преселила во младоста, по трагичниот настан кога нејзината мајка, во самоодбрана, го усмртила нејзиниот татко – алкохоличар. Детството ѝ било обележано со болка и предизвици, но и со голема решителност да успее.

Нејзината животна приказна не престанува да инспирира. Како самохрана мајка на две посвоени деца, таа отворено зборува за предизвиците на родителството. Во 2019 година објави дека нејзиниот син Џексон се идентификува како трансродова девојка, со поддршка и љубов што предизвикаа позитивни реакции низ светот.

Блесна на концертот на Дуа Липа во Лондон

Прославата на роденденот не помина без музика – Терон беше забележана на концерт на Дуа Липа во Лондон, каде блесна со својот препознатлив стил. Фановите со задоволство ги поздравија и нејзината енергија и изглед, а некои дури и коментираа дека „времето не може да ја допре“.

Во време кога Холивуд сѐ уште се обидува да ги прифати жените над 40 години, Терон е пример за жена која не само што останува релевантна, туку и ги крши стереотипите со секој нов проект.

Убавина без филтри и без трикови

– Не се облекувам за другите. Ова сум јас, без филтри – порача таа.

Со 50 години зад себе и со многу планови пред себе, Шарлиз Терон не покажува знаци на забавување. И ако нејзиниот најголем роденденски подарок е тишината – светот внимателно го слуша секој нејзин нареден чекор.

The post ШАРЛИЗ ТЕРОН НАПОЛНИ 50 ГОДИНИ И ПОУБАВА Е ОД КОГА И ДА Е Интимен јубилеј, далеку од холивудската врева appeared first on plusinfo.mk.

Оскаровката Шарлиз Терон предизвика вистинска лавина коментари во Холивуд по само една кратка изјава.

Познатата актерка Шарлиз Терон остро ја критикува филмската индустрија за тоа што не поддржува акциони филмови со женски главни ликови, објави „Фокс њуз“.

Шарлиз е позната по своите изјави, кои привлекуваат големо внимание.Таа неодамна откри дека имала секс со 26-годишник, а проговори и за деталите.

Како што таа сега изјави, Холивуд ги смета проектите во кои жените ги играат главните улоги за ризични, особено кога станува збор за акциони филмови.

„Тоа е општо познат факт. Акционите филмови со женски главни улоги не добиваат зелено светло толку често како оние со машки главни улоги. Она што секогаш ме фрустрира е фактот дека мажите добиваат бесплатна пропусница“, рече Шарлиз.

Таа исто така истакна дека мажите добиваат втора шанса, на пример ако еден од нивните филмови не успее во кината, а жените не.

„Кога нешто слично им се случува на жените и филмот не помине добро, тие не добиваат втора шанса“, додаде Шарлиз.

Патем, Шарлиз зборуваше за ова за време на промоцијата на новиот филм на Нетфликс – „Старата гарда 2“ (The Old Guard 2), во кој глуми заедно со Ума Турман.

The post СО ИЗЈАВАТА ЗА СЕКСОТ СО 26-ГОДИШНИК ГИ ШОКИРАШЕ СИТЕ, А СЕГА ЗАДАДЕ НОВ УДАР Шарлиз Терон без влакна на јазикот: „На жените не им се простува“ appeared first on plusinfo.mk.

Холивудската ѕвезда Шарлиз Терон ретко зборува јавно за својот приватен живот, но направи исклучок во нејзиното најново гостување во поткастот „Call Her Daddy”.

Додека го промовираше новото продолжение на филмот „Старата гарда 2″ (The Old Guard 2), актерката откри дека неодамна имала интимно искуство со 26-годишен маж.

– Навистина беше неверојатно. Никогаш порано не сум направила такво нешто. Си реков: „Ова е одлично, вака треба!“ – сподели 49-годишната Терон.

Оскаровката додаде дека во животот имала само неколку авантури за една ноќ, но дека оваа ѝ оставила силен впечаток.

Водителката Алекс Купер, која ја водеше емисијата, и со доза на хумор прокоментира:

– Тој 26-годишник е најсреќниот човек на светот.

На тоа Терон со смеа одговори:

–Не мислам така, но благодарам.

Терон, која е самохрана мајка на ќерките Џексон (12) и Огуст (9), веќе подолго време не е во јавна љубовна врска. Во минатото беше поврзувана со актери како Шон Пен, Стјуарт Таунсенд и пејачот Стефан Џенкинс. Актерката отсекогаш била отворена дека нема желба за брак, но изјави дека е подготвена за повремени авантури.

– Сега кога сум во четириесеттите, чувствувам слобода. Имав чувство: ‘Зошто ова не го правев кога бев во дваесеттите?’. Поголемиот дел од времето бев во долги врски. Потоа станав мајка. Ајде да бидеме реални – кој има време за состаноци, бричење, средување? Имам две деца што треба да ги носам на училиште – рече Терон.

Таа се осврна и на темата сексуална самодоверба кај жените.

– Жените што изгледаат самоуверено, гласно и јасно, често се оние кои сакаат да го задоволат партнерот, а не себе. Тоа треба да се смени. Треба да си кажеме: „Сакам задоволство. И тоа е во ред“ – изјави актерката.

На крајот додаде:

– Мој совет е да не се откажувате од вашето задоволство. Ќе имате подобро сексуално искуство, а и партнерот ќе биде посреќен. Секако, сè тоа треба да се прави безбедно и со почит.

Филмот „Стара гарда 2″ веќе е достапен за гледање на филмските платформи.

The post 🎥 ШАРЛИЗ ТЕРОН ШОКИРАШЕ СО ИЗЈАВАТА „Имав секс за една вечер со 26-годишно момче, беше предобро!” appeared first on plusinfo.mk.

Холивудската актерка Шарлиз Терон, се чини, воопшто не била импресионирана од прескапата венчавка на Џеф Безос и Лорен Санчез, вредна десетици милиони долари во Венеција. На забавата што ја организираше како дел од својата фондација „Шарлиз Терон Африка аутрејч проџект“, таа се пошегувала за „свадбата на векот“.

„Мислам дека можеби сме единствените луѓе коишто не добивме покана за свадбата на Безос“, ѝ рекла актерката на публиката на настанот во Лос Анџелес.

„Но, тоа е во ред затоа што тие се за никаде, а ние сме супер“, рекла Терон на шега, пишува „Холивуд репортер“.

Добитничката на Оскар им се заблагодарила на своите гости што „одвоиле време да бидат дел од настанот, особено кога се чини дека светот гори“.

„Имиграциската политика ги уништи животите на семејствата, а не на криминалците, правата на жените стануваат сè помали и помали секој ден, животите на квир и трансродовите лица се бришат сè повеќе и повеќе, а насилството врз основа на пол е во пораст. Ова не е само политика, ова е лично“, рече таа.

Џеф Безос и Лорен Санчез се венчаа во петокот вечерта на островот Сан Џорџо Маџоре.

Иако Терон не беше на списокот на гости за тридневната свадбена екстраваганција на Безос и Санчез, многу познати личности се собраа во Венеција за да го прослават парот. Ким и Клое Кардашијан, Крис Џенер, Том Брејди, Орландо Блум, Иванка Трамп, Леонардо Дикаприо, Опра Винфри, Ашер, Сидни Свини, Кендал Џенер, Кајли Џенер, принцезата Ранија и други познати личности присуствуваа на свеченостите.

The post ШАРЛИЗ ТЕРОН „УДРИ“ ПО БЕЗОС И САНЧЕЗ „Не бев поканета на свадбата, тие се за никаде“ appeared first on plusinfo.mk.

Србинот ги посети студентите и тренираше на Универзитетот УКЛА, го следеше натпреварот на ЛА Галакси, како и на ЛА Лејкерс и на Денвер, а најде време да помине време со Линдзи Вон, но и со една од најубавите актерки во светот, Шарлиз Терон. Со неа и со пејачот Гевин Росдејл заедно се најдоа на тенискиот терен, а причината е годишниот настан на кој учествуваат светски ѕвезди, а на кој се собраа големи имиња од тенисот и Холивуд за да се соберат средства за добротворни цели

Wow @DjokerNole (Novak Djokovic) is here to step in for Francis Tiafoe as Charlize Theron’s doubles teammate. @DesertSmash

Cc: @topspin2k #TopSpin2K25 pic.twitter.com/En0MQXwqdP

— B E A N Z (Miss U Mom) (@BeanzGotGamez) March 6, 2024

Ѓоковиќ играше со преубавата Терон, која е оскаровка, амбасадор на ОН и јужноафриканска актерка, која во еден момент на шега му подвикна.

„Ајде мрзливо ко*иле“, се пошегува Терон со Ѓоковиќ кој трчаше во обид да освои поен.

Charlize Theron and Novak Djokovic strategize while playing doubles together at #DesertSmash pic.twitter.com/EJBAQW4yyB

— The Hollywood Reporter (@THR) March 6, 2024

Новак веднаш ѝ возврати.

„Шарлиз ме натера да работам напорно денеска, но претпоставувам дека тоа беше дел од тактиката. Беше чест да се биде дел од овој настан“, изјави Ноле.

Терон со години важи за една од најубавите и најатрактивни актерки, а зад себе има повеќе од 300 одлични филмови.

 

View this post on Instagram

 

A post shared by Desert Smash (@desertsmash)

The post НОВАК И ШАРЛИЗ НАПРАВИЈА ШОУ НА ТРЕНИНГ Оскаровката Терон му рече на Ѓоковиќ: „Ајде ти мрзеливо копиле“! Еве што ѝ одговори Србинот! appeared first on plusinfo.mk.